ماني واثقه من نفسي والمتزوجه تحتاج الثقه الكبيره بحالها

[ريشه ورديه]

السلام عليكم ورحمة الله وبركاته

كيف الحال ؟؟

مشكلتي اني ما ادري وش ابي من الحياة أكـره الجلوس في المنزل احب اطلع مع ناس واستانس بــس مو أي ناس تعجبني ابي ناس بمواصفات محدده :1: لأني في منطقه بعيده
عن اهلي ما عندي الا اهل زوجي وبعض الاقارب من ناحية زوجي بس ما أحب أجلس وياهم
لأني سمعتهم يتكلمون عني وينتقدوني وانا حساسه ولا عندي ثقه بنفسي وانا عارفه
المشكله مو بالناس المشكله فيني لو رحت عندهم اتكلم في مواضيع محدوده واستحي
من أبو زوجي إذا جاء يكلمني اتلبك ويتغير لوني وما اقدر اتكلم عشان كذا اقول ما بروح لهم
كثير والمشكله ماعندي غيرهم وهو يمزح معاي بس انا انحررررج وهالشي مأثر على نفسيتي اتحطم احس اني مو واثقه من نفسي برضوه ما اتحمل خوات زوجي وهم
وزوجي دايم يقولي حاولي تتعودين على اهلي بس عجزت لي سنتين واكثر ما تعودت عليهم واطفش لو رحت عندهم مع انو فيه بيننا سوالف بس انا متقلبه مرات انزل لهم رسميه ومرات انزل اضحك معهم واسولف واساعد البنات لو عندهم شي ومره اصير استحي منهم كأني ما أعرفهم بس الغالب
الطفشششششش عندهم وإذا رحنا نتمشى لازم معاهم أحس اني صرت مخنوقه
هم مو سيئين وانا أحب ام زوجي مـــره بس أشك اني عندي اكتئاب وتوتر ورهاب اجتماعي
مو انو مرره انبسط لو جاء عندهم ناس عشان انزل لهم ونغير جو بس زي ماقلت لكم اكون رسميه معهم لان طبعهم غير عن طبعي وانا كذا مع اغلب الناس إذا ما كان طبعهم مثل طبعي ودي اغير طبعي وأصير واثقه بنفسي حتى لما اطبخ طبخه اخاف ماتعجبهم حتى لو كانت زينه اكبر همي لاينتقدوني فصرت ابعد عنهم ما اروح لهم بس الحياة ملل وش الحل​

 

[امول 66]

الله يكون بعونك اختى حاولى ماتهتمين في موضوع الثقه كثير وبعدين انزلي لاهل زوجك اذ مزحو امزحي عايدي واذ قالو لك كلام مو حلو او ازعجك طنشي وكانك ماسمعتيهم على كذا ماراح تعيشين براحها طنشي طنشي

 

[ريشه ورديه]

تسلمين امول ع الرد ودي اطنش بس وسواس مايروح

وين باقي البنات ليش ما تردون علي

 

[hadifa]

شيلي كل هذه الأفكار السيئة من رأسك وخليك واقعية وخالطي الناس وأحسني الظن بهم

عودي نفسك أن تكوني اجتماعية ​

 

[طماطه خضراء]

انتي حبيبتي تحتاجين دكتوره نفسيه تعلمك كيف تتخلصين من عدم الثقه والرهاب وعدم الخوف من المجتمع اللي حولك

 

[دفاانثى]

اولا:ثقي بنفسك لان الناس اجناس,,,فعندما لاتعجبهم تصرفاتك او اكلك فهذا لايعني انك سيئه بل الناس اذواق...ورضا الناس غاية لاتدرك,,
ثانيا,,اتوقع انك تعانين من مشكلة من صغرك....فكوني قوية وتغلبي على ضعفك بطريقتك..
ثالثا..اثبتي على اسلوب واحد في تعاملك مع الناس ...فالناس ياحلوتي مقامات ,,,ولكل مقام مايناسبه..
رابعا,,ليش عندك رهاب الناس مثلك,,,,مافيهم زود عنك...يعني وش بيسوووون لككك بيذبحونك!!!!​

 

[حديث قلب]

الحياء هو تاج المرة وهو من شعب الأيمان . ولكن (أي شيء يزيد عن حده ينقلب ضده ) هذا المثل لم يأتي من فراغ إنما هو نتاج خبرات وتجارب في الحياة نصيحت لك أن عملتي ستعدين في حياتك أن شاء الله .أنت شخصية متردة ويمكنك التخلص من هذا العيب بتمرين لايوجد شيئ يأتي صدفة أو أننا نتظر مارد المصباح كي نحقق مانصبوا اليه أنما عليك بمخالطتهم قدر ماتسطيعين وأطبخي لهم قدر ماتسطتيعين دون أنتظري للعواقب .خذي أي مجلة لديك وأقرئيها ولحدك أمام المرايا وكرري ذلك يوميا لمدة ثلاثة أسابيع على الأقل وبصوت عال .حولي أن تقرئي كتب في علم النفس وأن تقرئي أداب الرسول محمد صلى الله عليه وسلم قبل كل شيئ فأن خلقه القران وكما قال الرسول الكريم فيما معنى الحديث(أدبني ربي فأحسن تأديبي).​

الطفل الذي يتعلم المشي أنطري اليه وأعتبريه مثل لك فهو لايستسلم أبدا رغم سقوطه على مدار الأيام وفي النهاية يمشي


التوقيع : حديث قلب

 

[sugar8]

الله يكون بعونك

 

[تؤام روحي وقلبي]

الله يشفيك

 

[البينك]

والله كنك قاعده تتكلمين عني أنا كنت نفس شخصيتك كنت يوم أتكلم ارتبك واستحي من اهل زوجي بس الحين والله الحمد قلت ليش أنا كذا الحمدالله بنت متعلمة ومحد احسن من حد وبديت اسوي الي يريحني ومحد له حق على حد ولا استحي من حد خليج ثابته :31:**

 

[-موج-]

نفس معاناتي...وبالاخير استنتجت ان الابتعاد اجدر...المكان الي ما ارتاح فيه ليش اروحله..ناس غير عن اطباعي وميولي ليش اضيع وقتي هنااك..اشوف حل ثاني...وان كان لابد ان اروح واغير جو...ساعه اكثر شئ اقعد وياهم وبعدين ارجع للبيت...منها غيرت جو ومنها ما طفشت...لاني كنت لما نروح لهم نبقى عدة ساعات عدهم وهذا يخليني امللللللل...

 

[ورووووووووود]

الله يريح بالك ... ماني شايفه مشكله اذا علاقتهم بهم رسميه خليها رسميه اريح .. و لا تضعي تعليقاتهم من اهتماماتك خلك واثقه من نفسك ... الناس بتعلق على كل شيء .. *_^

 

[الفتاة الحالم]

اختي نصيحه عشريم لاتخسريهم لانه الحين يجملونك بعدين

راح يعاتبونك وبتصيرين بنظرهم ماتبين مجلسهم


وبتبتدي المشكلة المعهوده

 

[اشرف قبايل]

تقبلي الانتقاااد ,, لا انتي كامله ولا هم كااملين ولا احنا كاملين

كلنا فينا نقص

لازم نتقبل الارا ,, وناخذ كل شي بروح حلوووة ..

داايما شوفي الاشياء الحلوة في شكلك وفي شخصيتك ونميها .. وتذكريها
وتأكدي انك فيك اشياء غيرك يتمناها في نفسه .. عشان تعرفين وقتها انك زينه وتكبر ثقتك في نفسك​

 

[ريشه ورديه]

الله يعيننا على انفسنا شكرا خواتي عل مشاركاتكم باخذها بعين الاعتبار

 

[هلا الرياض]

الله يعا فيك ويهديك

 

[أم تولين!!!]

السلام عليكم ورحمة الله وبركاااااااااااااته صباااااااااااااااااااااااح الورد

 

[أم تولين!!!]

هلا الريااااااااااااااااض انا عضو جديد مرحبااااااااااااااااااااااا

 

[ساحرة البقر]

حبيبتي انا لمن كنت بمرحلة المراهقة كانت تسيطر علي نفس افكارك تقريباً وضلت فيني المواصيل اني ماقدر احط عيني بعيوون الناس تخيلي

ماقدر اطالع بعيونهم حالة غريبة وكأني مسوية شي كبير

وانا ياحراام كنت مرره كنت احزن وشخصيتي موووحلووه

بس طورت نفسي بنفسي صرت اقرأ كثير لكتب علم النفس كان نفسي اروح عند طبيب نفسي بس محد كان معبرني ومحد كان فاهمني اقول لمين واشكي لمين قلت بس مافي حل الا هالككتب

وياااي ما احلاها كله بفضل ربي ثم هالكتب لاتهتم بصغائر الامور اروووع كتيبات قرأتها فادتني كثييييييير

بس تصدقين مابطول عليك انتي بحاجة لايحاء ايجابي عن نفسك

اقرأي موضوعي بقسم الزوج والزواج

واقعدي اوحي لنفسك انك قووية وواثقة من نفسك وان محد يهمك ردديها دايم وتلاحظظي الفرق اطردي افكارك السلبيه ذي ترى محد بيقتل نفسك غيرك غيري طريقة تفكيرك كلها جذرياً وبعدها بتضحككككي على نفسك صدقيني

اقرأي موضوع الايحاء الايجابي مع زوجك

وان شالله تستفيدي كثير

تحياتي لك ياعسوولة
​

 

[أم غدونة]

خليك قوية واشغلي نفسك بالطاعة والاستغفار ليييييييش الحياة ملل انتي بيدك تغيرين حياتك مو احد ثاني والزمي الاستغفار وتشوفين الراااااااااااااااااااحة والله انا مجربة إا ضاق صدري استغفر استغفر .....بعدين اروووق
الله يفرج عليك