الدنياااا
New member
- إنضم
- 5 أبريل 2009
- المشاركات
- 715
ههههههههههه والله الرجال ما لهم آمان
انا زوجي بكدب علي بس بشغلة وحدة ( الفلوس ) ههههههههههه
اول يوم خطبني فيه قال لي : انا شوي وبوصل المليون دولار ( كدب أكيد يا دوب ساترين حالنا ههههه )
انا رح ألبسك الدهب من أساسك لراسك ( كدب طبعا )
يا بنات أحلى كدبة بحياتي السيارة ....
لما خطبني قال عنده سيارة سبور (بابين ) هوندا لون أسود وشكلها كتييييييييييييييير حلو
انا لما كنت مخطوبة كنت هبلة وأصدق كل شي ، ولما نزل اجازته من امريكا جاب لي كاتلوج سيارات وقال لي : حبيبتي جبت لك كاتلوج سيارات عشان تختاري السيارة اللي نفسك فيها ، ووعد أول ما تحطي رجلك بأمريكا حتكون السيارة بتستناك
والله تزوجت وجيت امريكا وكان الجو حر موت ورطوبة وانا مش متعودة على هدا الجو
ريحنا وقالي امشي خلينا نروح نتغدى بمطعم صيني
المهم طلعت من الشقة بدي اركب سيارتي اللي على اساس اشترالي اياها ( كان نفسي بفولكس واجن باسات ،قال لي : لا حبيبتي بس تحصلي على الرخصة باخدك على المعرض واختاري السيارة اللي بدك اياها ، اطلعي هلأ بسيارتي
وافقت وقلت مو مشكلة ان الله مع الصابرين بلاش استعجل على رزقي ههههههههه
المهم بستنى اشوف السيارة الهوندا السودا السبور الحلوة ، فتحلي بابها !!!
قلت له : هادي سيارتك ؟؟؟ !!!
قال : ايه ( انا مت من الضحك لما شفتها )او بالاحرى انصدمت
قلت له : ليش هيك ؟؟ يعني بدك ترد العين عن المليون اللي معك ؟؟؟ وانا طبعا ميتة من الضحك
قال لي وهو مبتسم : أكيد هالسيارة بترد العين عنا مش عن المليون انا ما عندي مليون ولا ربع مليون حتى ، بس الحمد لله مستورة
اغميت من الضحك لما قالي كمان عن كدبته بالمليون
المهم طلعت بالسيارة الفخمة موديل 1995 ههههههههه ، بقول له : شغل التكييف مش شايفني كيف سحت وصرت متل دودة القز ههههههههههه
قال لي : حبيبتي ما فيها تكييف بتسرب غاز
قال لي : شدي حيلك وخدي الرخصة عشان نشتري سيارة جديدة
ضليت ادرس ليل نهار عشان انجح بالفحص النظري ، وكوني ما بعرف كتير لغة انجليزية انجحت بالاختبار بعد 11 مرة
وكل ما بدي اروح اختبر العملي أخاف وما استرجي
لحد ما هو قال لي جهزي حالك بوكرا بدي آخدك تقدمي العملي عشان ازا نجحت وعد غير اشتريلك السيارة اللي نفسك فيها ( الباسات )
والله صحيت من الصبح وفطرت بنتي ولبستها ورحنا على نادي السيارات اقدم الاختبار ، برضوه كان حر وصيف عالآخر ، قالت لي البنت الامريكية اللي بدها تختبرني بالسواقة :بليز ممكن تشغلي التكييف ؟
انا انحرجت واتأسفتلها وقلت لها انه السيارة ما فيها تكييف
ابتسمت البنت وقالت لي : it's okey وابتسمت
وقعدت أسولف معها واقولها انا زوجي واعدني ازا انجحت هلأ بالاختبار بده يشتري سيارة جديدة وهيك نوعها
ولما قالتلي لفي وارجعي للموقع صفيت السيارة غلط ، قلت خلص برسب
بعد شوي بتقول لي : مبروك نحجت
مسكينة حزنت علي ، قالت خليني اكسب فيها أجر وانجحها بلكي زوجها اشترالها سيارة بتكييف ههههههههههه
زوجي بس بكدب علي بهالشغلات للأسف
بعملي البحر الطحينة .......
ولو بدي اقول لكم عن كدباته بتموتوا ضحك
بس بكتفي بهالموقف
وشكر كبيييير بصاحبة الموضوع
والله يسعدكم يا بنات ويهديلنا أزواجنا ويمشوا على السراط المستقيم
ههههههههههههه الله يسعد قلبك دمك عسل
اتحفينا بالمزيد
