ماحب زوجي ولاني قادره ساعدوني ماابيه

[نعومه كول]

اختي معليش....


بس انتي مو صغيرة... انتي كبيرة

والفرق بينك وبين زوجك ماهو كثير؟؟؟؟

تتوقعين وانتي عمرك 27 سنه بيجي واحد عمره 29 يخطبك؟؟؟

اكيد لا يبي وحده صغيره...


خليك راضيه باللي رزقك الله فيه ...

ولاتزعلين

معاها حق انتي مو صغيره
انا عمري 21
وزوجي 32
يعني الفرق كبير
واحسه مناسب لعمري
ماعمري حسيت ننفسي صغيره عليه
هذا وانا توني باول ال20
وانتي باخرها
بتدخلين الثلاثين
لاترفسي النعمه برجولك
وهو لقطه بالنسبه لك لعمرك ولوضعك
انتي شنو تبين بالضبط

 

[حلا دسم]

تقولين طرت فيه يوم الخطبه والحين ماني بالعته ليييييييييييييييييييييييييش علشانه دفش اسكتي لايسمعونج الناس انتي حااااسه بالملل000انا اقول انشغلي عنه علشان تشتاقين له واحمدي ربج انه يحبج ومومقصر معاج وبعدين زوجج شباب باجر لاتطلقتو راح ياخذ بنوته ام 17 وتطير فيه وادلعه حيييل وانتي اطيحين بجد اهلج ومايجيج الاشايب ولاعايب اقول احمدي ربج وركزي على اذكار الصباح والمساء00يمكن فيج عين ولا حسد000

 

[جنينة امها]

تدرين ليش انتي كذا عشانه يحبتس حيل وشفتي نفستس عليه ودوريله الزله ولوانه موريتس

العين الحمراء وثاقل عليتس دورتي رضاه وهذا خن الحريم ندور على خناقنا

اعرف مثلتس كثير شافت نفسها على زوجها عشانه يحبها ومسويها يدهينه لاتنكتين

بعدها يوم شاف الصد منها عطاها ركبه وكلت اصابعها ندم

اختي تبين رايي تنعمي بدلع زوجتس وحبه تشرطي وتدللي ترى الايام هذا تروح

 

[كويتيه28]

جزاكم الله خير يابنات ماقصرتوا وان شالله احبه ياارب

 

[ثقتي عاليه]

يمكن هو مو خفيف بس هو جنوبي غربي .. تحسنه خبل وهبل ويضحك ويونس .. مو اسمها خفيف شخصيته عبثي وفوضوي.. ويمكن انتي جنوبيه شرقيه ما تعجبج هالامور والله اعلم
اوكي بتطلقين وبعدين بتردين بيت امج وشنو بتسوين .. على الاقل سوي شي في حياتج .. اجتهدي عشان تحبينه
هل انتي ظامنه انج تحصلين ريال تحبينه ؟؟ يمكن هذا نصيبج من الدنيا .. يمكن انتي تقولين ماحبه لان هو طيوب ويحبج وعلى نياته .. ويبي رضاج فانتي تكبرتي عليه شوي

بس صدقيني راح تتحسفين هالزمن الرجل الطيب نادر

وانتي بكيفج
وبالتوفيق

 

[كويتيه28]

رفففففففففففففففففففففففففففففع

 

[نبع الحياة]

والله حراااام عليك انتي مطلقه مرتين ؟؟؟؟؟

وعمرك 27 ؟؟؟؟؟؟؟

لا وتبين واحد مقارب لعمرك ؟؟؟؟؟؟


الي تطلق مره وحده اتخااااف على عمرها ونوم ما تنااااام من كثر ما تفكر محد بياخذني وما بيون لي الا المتزوجين ولمطلقين وانتي تتبطرين على النعمه قال شنو مو بالعته .......


سامحيني بس اذا ما تبينه ترى الف وحده تبيه وبتقدر قيمته اكثر منك وبكره لين صاار مو في يدك بتعظين اصابع اصابعك....

وسامحيني انتي اذا تميتي اب هذي الطريقه عزت الله بتمين عند امك

لانك بصيرين مطلقه للمرة ال3

انا احس انك على عمرك تفكيرك بال 21

سامحيني على الي قلته واكيد كلامي جرحاش بس انتي تبين كاس ما ي باااااااااااااااااااااااارد عشان توتعين لروحك شوي

 

[عذبهم غروري]

حرام عليك اش ذنبه هوه
طالما ماتبغينه ليش تزوجتيه من الاساس وطالما مو مصر تحمد ربك وخليك دايم مو مقصره زصدقين راح تحبينه مع الوقت وانت مو صغيره
وبكره لاقدر الله يجيك واحد يضربك او يهينك حافظي على زوجك هذا الزمن مافيه رجال الا بلاسم فقط
فكري وادعي الله انه يصبرك ويشرح صدرك ويحببك فيه يارب لاتظلمين الرجال

انا مع كلام الاخت نور الدنيا احمدي ربك على إللي عطاك وانت اقري مشاكل خواتنا بالمنتدى وراح تحسين انك بنعمه والحب يجي شوي شوي مع العشره الحسنه ....
والله حزنتيني على زوجك طيب معاك وتقولي كذا:icon1366:
اللله يحنن قلبك عليه ويحببك فيه...

 

[اشراقات]

اي والله خواتي صادقات احمدي ربك ولاتستعجلي مع الوقت بتحبينه

 

[نبع الحياة]

انا ابيش اتحاولين وصدقيني بتحبينه

وابيش مثل ما قلتي مو بالعته تردين لنا وتقولين

اموووووووووووت فيه وترى تصرفاته بالعكس حلوة تصغرش ما تكبرك

انتي بس فرديها شوي

 

[لمسة حنين]

الاخوات ردن عليك وردودهن كافيه نفسي اعرف انتي شوه تريدي بضبط احمدي ربك ولا ترفسي النعمه فيه بنات عدن الثلاثين والاربعين وينتظرن المعرس وانتي المعرس معاج وتريدي شوه تريدي صغير انتي وين عايشه تتحري عمرج صغيره الحمد والشكره لك يارب علي كل نعمه عطيتنا اياها

 

[كويتيه28]

ادعوولي احبه بنات احس انا مو مالت زوااج ومسؤليه مدري يمكن الحياه جديده علي

 

[nooaar]

أختي الله يفرج همك وييسر أمرك صدقيني هدا كله شور طبيعي وهدا كله إكتشافات ... وإنتي مالك إلى شهرين يعني لس ما تعرفون بعض.. وقولي الحمد لله إنه أكبر منك بعشر سنين تقريبا، لإنه لو اصغر كان حط عقله بعلك وما ريحك وكان مسوي فيها ثقيل وممل على الفاظي، وصدقيني ما بتعرفين قيمته إلى بعد فترة... لإن الكبير ما يتصرف عبث وأغلب تصرفاته مدروسه مو زي الصغير.. وأخيرا أدعي الله يجعل ما بينك وبينه من الموده والرحمه والمحبه أفضلها.. ولا تستعجلين على نفسك بأفكار مالها داعي.. أقلك هدا الكلام لأني مجربه ومقدرة شعورك في هدي الفترة***

 

[نبع الحياة]

اذا تبين اتحبينه

في كل صلاة ادعي وحتى وقت السجود وقولي (( اللهم حبب الي زوجي وحببني اليه ))

والله يوفقك وعشان ترتاحين طالعي كله ايجابياته ولا تفكرين في سلبياته

 

[عنقود عنب]

عزيزتي

انت مو صغيرة ...ولا هو كبير ..بالعكس

انتوا الاثنين مناسبين لبعض جدا جدا

انت قلتي انك مطلقة ....صح

يعني انتبهي لنفسك ...المفروض انك تكوني حريصة جدا على انجاح حياتك الزوجية

احمدي الله واشكريه

اقرائي سورة البقرة يوميا بنية ان ربي يحنن قلوبكم على بعض ويسخركم لبعض

 

[شرشف]

ما اقول غير الله يهديك انتي ما تقراين عن بلاوي الرجاجيل بمنتدانا واتحمدين لربك وترظين ترا هم ارحم من هم وعسى ان تكرهو شئ ويجعل الله فيه خيرا كثيرا

 

[كويتيه28]

جزاكم الله خير

 

[غدير الكويت]

انت لازم اتغيرين نظرتج لزوجج وتتقربين منه مدام اهو شاريج ومو مقصر معاج

 

[الامومه]

احمدي الله والدعاء والله الهادي

 

[امج العود]

مااا فهمت المشكله في ايش؟؟؟


الرجال من كلامك حليو ومدلعك وشااريك



والله يوم قريت عنوان الموضوووع قلت حراام ذي شسوالها زوجها عشان ماااتبيه


فكري بعقلك مش بعاطفتك


بتلقيين انك في نعمه تحسدك عليها ملااااييين النساء


والله يسعدك دنيا واااخره