لو خيروج تسكنين مع زوجك أو تسكنين مع أهله في ملحق شو تختارين!!!

[ذبحني هواااه]

والله انك تكونين في بيت لوحدك ولك نظامك وحياتك الخاصه افضل بكثير انك تكوني معهم يعني حتى لو كانوا كويسين معك بس مع الوقت الا بتصير حساسيه من بعض المواضيع ,,انا في شقه من ضمن بيت حمولتي لكن مع ذلك فيه قيود وفيه مشاكل حتى على الطلعه لو رحتي الطبيب مثلا وبعدها طلعتي مكان ثاني يوووووه هذي ماتجلس بس طالعه واللي تجيبيه معك الدنيا كلها بتعرف عنه ,,مع التهويل وحركات الاكشن والتشويق,,انك تكوني في سكن مستقل افضل بمليون مره من شقه ضمن البيت,,هذي رأيي من تجربه مو مجرد رأي والسلام.

 

[النرجسيه4]

لا طبعا في بيت اللحالي

 

[سحـــاب]

يااااليت الزمن يرجع ورى

وارجع أسكن معاهم .. واطلع معاهم .. واسهر معاهم زي أول

كانت أيام ولا أروع .. الله يجزاهم عني كل خير​

 

[عهود_م]

انا ساكنه مع اهله,بس اتمنى نطلع وهو موراضي يقول ليش ناجر بيت وبيت هلي موجود,اهله ماشاء الله عليهم عسل معاي بس المشكله اني ماخد راحتي في اللبس الا في غرفتي دايما جلابيه واسعه او جلال صلاه ,والمطبخ مقسمينه يوم انا اطبخ ويوم زوجة اخوه الثاني,وفي مشكله الي هي زوجة اخوه الكبير هي معانا في الملحق بس مسوين مطبخ بروحهم يعني ماتاخد معانا دور تغار مني من يوم تزوجت لان اهل زوجي يموتون علي الحمدلله بس هي مايدانونها لانها مشكلجيه,المهم سلفتي هدي تحاول تلفت انتباه زوجي وتطلع بدون ماتلبس شيله واحيانا تدخل البيت عند هله وهي مو لابسه ولاشافت زوجي ولا حد من اخوانه انخشت كانها ماتدري يعني انه في رجاجيل داخل ودايما تنعم صوتها بوجود زوجي ولادشت البيت تكشخ مع اني دايم اشوفها في ملحقها دايما بجلابيه بيت عاديه و شعر مرفوع,وتنشر ملابسها الداخليه قدام شباكنا الله المستعان ادري طلعت عن الموضوع بس من حرتي والله,بعكس زوجة اخوه الثاني عسل ماعمري تمشكلت معاها الحمدلله,الزبده بيت لحالي احسن واريح لي ولزوجي

 

[mero22]

لحااالنا احسن بعيد عن اهله واهلي الاستقلالية والخصوصية

 

[ام لمار 87]

عن نفسي احب السكنة في بيت مستقل لاني اعمل واجع تعبانة يا دوب وقتي لزوجي واولادي ما ابي ارتبط بأحد ثاني بس نزورهم بشكل يومي لان ام ريلي تبي تشوف اولادي

 

[السحابه الثلجيه]

بصراحه الاستقلاليه حلوه
الوحده تلبس وتطلع وتدخل براحتها مافيه مراقبات
وكمان اولادها تربيهم براحتها ماحد يتدخل بشؤون احد
والله ام زوجي تنحط على الجرح ويبرى وامهاكمان تجيب العافيه
ويحبون اولادي واولادي يحبونهم لويطلبون عيونهم مايقولون لا
ودايم احب اخرج معاهم
بس الخصوصيه شئ فطري في الانسان لحديث النبي صلى الله عليه وسلم اعينو على قضاء حوائجكم بالكتمان
وتسلمين ياصاحبة الموضوع

 

[أم سيرين وسعود]

ياااارب متى يخلص بيتنا وننقل فيه
وربي مافيه زي الاستقلالية
سبحان الله حتى لو كانوا اهل زوجك طيبين الا ماتلقين شي يضايقك او يضايقهم منك!!
وعند اهل زوجك مستحيييل يخلوك تستقلين 100٪ الا مايكون فيه شي تنحرمين منه..

 

[الاميرة سنفورة]

شخصياً .. أحب أسكن مع زوجي بروحي لأني نظامية و أحب يكون لي قوانيني الخاصة في بيتي​

:37:

والحمد لله ذا الواقع لي شقه لحالي مملكه لحدي انا الملكه فيها لان شخصيتي مستقله واذا ع الاطفال يترتب حالهم ويتنظم يعتمد عليا انا وطريقتي ما احتاج احد يساعدني

في اطفالي الحمد لله وبفضل الله قدها وقدو وكول طفل مايجي الا لاخذ اللي قبله حقه بحول الله وقوته

ما اتنازل عن بيت يكون لي ولوحدي > والحمدلله هوا نفس حالتي مستقل فديته

 

[ليت الزمان يعود]

أكيد بيت خآص فيني لأني أحب الخصوصيه ولا أحب أحد يتدخل في تربية العيال أبد حتى لو يخدموني ويطبخوون ولايتدخلون فيني بعد أبي بيت مستقل