لماذا يخجل الزوج لمس زوجته امام الناس؟؟

[شهد البحراني]

مره تناقشت مع ريلي بهالموضوع....وقلت له انا اشتهي انك تمسك ايدي لمن نطلع برع ...واغار لمن اشوف وحده ريلها ماسك ايديها ويتمشون
رد علي ...في البلد اهني انسي هالموضوع بس في السفر عادي امسك ايديج
سالته ليش قال اخجل احد من اصدقائي او الاهل يشوفني....!!!!!!!
بعدين شنو يقولون....عموما نحنا بعمان نادرا ما نشوف زوج ماسك ايد زوجته ....يعني بالمختصر مو حلوه وعيب...
بس كلمة الحق تنقال بالسفر كل شي يسويه ...يمسك ايدي و يلفني ...
وحتى اذا رحنا دبي ...بس العين لا ...​

 

[هند بنت عتبة]

لاتعلليييييييييييييييييييييييق

 

[طيبتي غيرهم]

بعض معاملات الزوج مصدرها الغيره ومو اي غيره غيره مشعلله يعني اظهارها احيانا لزوجه شي حلو بتعرف ان زوجها يحبها وممكن تستغل هاذي النقطه:7:

 

[عذراء المشاعر]

انا الحمدالله ما يعاملني كذا
بالعكس يتلزق فيني أكثر لمن نطلع ومايخلي يدي تفلت من يده ...
انا اللي استحي وافشل هو العكس يستانس
وبالذات لو اروح للملابس الداخليه يحب هو اللي يشتريها ويسأل البائع ....
وهيك
وتحياتي لك

مي 2 نفس الحالة:20:

 

[الدلع طبعىH]

انا الى يشوفنى بالسوق مع زوجى على باله كل واحد لحال لان انا امشي من جهه وهو من جهه يده انساه لما اطلع معه لسوق او اي مكان عام واذا كان عند اصدقاه يرسلي( تبون شي) المشكله انى ماعندى عيال كان فيه احد بيقراء الرساله غيره

غريب امر الشمالى ...

 

[شئ اخر]

شريحه كبيره من الرجااال يتعاملون مع الزوجه بهالشكل
فهي من باب الرجوله00
انا زوجي يكلمني عند اصحابه على اني رجااال00
ولا يطول معاي بالسوالف00
يقهرني 0000بس اتعودت00
يقول كلنا الرجال كذا00
طبعا اصحابه
وعيب يبين انه معطي الحرمه وجه000
قممممممممممه التخلف000
بس اهم شئ بالبيت افكاره تتبدل00
وبرا البيت كيفه0000

البيئه كمان لها دور كبير00

 

[أم عزوز2005]

الله يعيننا عليهم
أنا زوجي كان يخجل يجلس جمبي أول ما اتزوجنا عند اهله او اهلي
دحين صار عادي بس من غير مسك أيادي ولا وشوشة ولا همس
وفي السوق هو قدام وانا وراه أو جمبه بس من غير احتكاك
واستحالة يمسك يدي ... يقول كل الناس تطالع فينا
أنا اتعودت خلاص وصرت اعتبره عادي هو قصده انه مايحب يوضح لناس
علاقتنا كيف ... لأنه علاقتنا شيء خاص فنا وببيتنا
مع اني أحياناً أفتقد هذي الحركات لمن أشوف غيرنا يسووها عادي
والمكالمات يكلمني كأني رجال اذا معاه أصحابه
بس ما أزعل لأنه اكيد يغار على علاقتنا مو بس عليا
لكن اللي يقهرني لمن يكلمني قدام أمه أو اخوه في التلفون بسرعة ومن غير مودة
يعني يطلب الطلب بسرعة من غير سلام و لا كلمة حلوة او حتى اسمي أحياناً يقوله بالقوة
واذا سألته عن احواله يجاوب بكل رسمية وينهي المكالمة بسرعة حتى من غير وداع أحياناً
مدري ليه؟؟ أحياناً أقول عادي وأحسن عشان امه لا تغار وأحياناً انقهر
لأنه مايخلي لي قيمة واحترام قدام اهله

(((ااااااااااااااااه من الشمالي الشرقي))

 

[الصبوره]

موضوع جميل جزاك الله خيرا
هذا كله يحصل معي أعتقد حسب تفكير زوجي يحس إنه يتركني على راحتي أشتري وأختار أما إذا قصدك محل ألبسة داخلية فما دخلت مع زوجي ولا مرة فما اعرف كيف بيتصرف ودائما تكون البائعة أنثى وليس رجل
أما بالنسبة لما نخرج أنا شخصيا ما احب مسكة اليد أحسها ما لها داعي إلا أحيانا لثواني بسيطة أما نقطة إنه يكون جدامي وأنا وراه فهذا يحصل لما نخرج مع عيالنا تشوفينه هو وبنتي جداااام وأنا وراء وكأني لست معهم وما يكلف نفسه يطالع ورا إلا لما يكون المزاج رايق مبرره إني بطيئة (جنوبية)وهم أسرع عني لذا تعودت لكني ما أحب المسألة.
أما التلفون فهو يقول لي دائما ما احب أكلمك لما يكون أحد معاي أحسه يراقب أسلوبي مع زوجتي لذا أفضلي أكون رسمي ، قد يكون على حق بس المضحك إن زوجي مب رومانسي أصلا!!

 

[غلاهم انا]

مره اختي مسكت يد زوجها في السوق تبي تشوف رده فعله
الله لايوريكم الوجه صار احمر والرجال عرق وحالته حاله

 

[دلوعة مدلعها]

انا زوجي بالسوق مره يمسك ايدي ومره من ظهري انا احس عادي لومامسكها بس احيانا لمايشوف احد من اصحابه يجي يعلق عليه ويقول تعال سلم ع المدام ويجي يمسك يدي وهذاك ينحرج ويروح وهذا الموقف دايم يسويه مع اصحابه
اقلكم ليش
مره قبل زواجنا يقول كانوا شباب في المول من اخووياه وفجاه لقيوا خويهم اللي توه عريس ماله اسبوعين ولماشافهم جا يسحب زوجته وهي وشنطتها وعبايتها ولابسه كعب وهي تطيح بالاسنصير وهما استغربوا وجوا يلحقونه اش في الرجال وكان هو خايف يعلقون عليه
فوجي الحين عكس الحركه عليهم وكل ماشاف احد قال تعال هذي زوجتي هذي المدام ...هذي ام ..تعال سلم عليها والله انك خيخه
الحين صاروا يخافون ويهربون
معليش طولت عليكم


وعن المكالمات احيانا يتكلم برسميه لما يكون بمجلس فيه رجال شيوخ
ولما اتصل عليه احيانا وهو يلعب بلوت مره يكون سرحان ومره يكون يتكلم ويدلعني

ومره يكون مقفله معاه
بس انااحتقر خوي زوجي اشوف اسلوبه جاف مره مع زوجته اللي تشكي من برود زوجها حتى مايعلمها فين يروح ووين معزوم وطول الوقت بشقة الشباب

يعني حياتها صمت بصمت
وماتحب تغير جو بيتها
​

 

[دلوعة مدلعها]

طبعا دايم اخت زوجي المطلقه تقول اني اكره هالحركات اللي يمسك ايد زوجته كانها بتطير مع ان ازواجها اللي قبل كانو مدلعينها مررررررررررررررره ويحبونها كماااان بس انا مااحب اسوي اي حركه قدامها لاني انا وزوجي رسميين شوي
اشرايكم

 

[نونه*]

في رجال يموتون على حريمهم بس مايعرفون وشلون يعبرون لهم يعني اصبرو على رجالكم وانشاءالله يتغيرون للافضل

 

[حلاوة وشقاوة]

وانا اول ايام زواجي كنت احس انه يخجل بس مع مرور الوقت ومن كثر ماسرت اخرج معاه وسار يشوف الرجال كيف يمسكوا حريمهم سار يسوي زيهم ويمسكني الحمدلله تغير...

 

[ورردهـ بلا شووك]

انا زوجي شمالي وحنا برا مايفكر بأحد وعلى طول ماسك يدي ويمشي ملزق فيني الا اذا انا فكيته ,,,اما هو وربي عادي عنده الامر وبالعكس يضحك ويسولف معي والكل يناظر موشرط كل الرجال مثل بعض وعلى فكره رجالنا من التقاليد والعادات الي تربوا عليها وان الرجال لازم يكون قدام الناس مثل ألألف مؤدب خخخخخخخ
مشكوووره على الموضوع وتقبلي مروري.....

 

[Strawberry Hot]

بصراحه الشمالي يتعب يبي يتدلع نفس الاطفال
:11:

بس ما انكر انه حنووووووون وطيب

ويدلع مرات على الخفيف:31:
​

 

[lgmax94]

انا جوزي في الشارع الى نواحي البيت بمسكش ايدي بخاف حد يشوفوا من اصحابوا لما نبعد عن البيت سعتها بمسك :33:ايدي هههههههههههههه

 

[روحي ذهب]

انا زوجي شمالي شرقي اول لما كنا نروح نتمشى عادي يمسك يدي وهو مبسوط والحين انا الاحقه وامسك يده ولا صاير لما يروح معايا السوق مايمشي جنبي خير كانا اغرااااااااب والله زمن لا وعيونه يمين ويسار وصرت اعانده وامشي وراه وفي كمان شي انه يستحي يلاقينا احد يعرفه في السوق الرجال اول سنه زواج يازينه وثاني سنه بين كذا وكذا وثالث سنه يبدى عاد خلصي شغلك بنفسك انا بعطيك فلوس والسواق عندك ياربي لسا داخله على السنه الرابعه بس انا مارضى اروح الا معه بس الرجال هم كذا وخاص الشرقين هذا طبعهم

 

[ساحرة العيوون]

ههههههههه ضحكتوني بصراحة

كل وحده تسطح معاناتها حليلكم

ردي نفس رد ام فييصل ودانه بالصفحة الاولى خخخخخخ

 

[يوجعني قلبي]

يوووه معاكي حق

انا مرات يصير لي كذا
بس ابغى افهم ايش المشكله لو واحد من اصحابه او قرايبه شافوه ماسكني !؟
والله لو اني خويته استغفر الله

الحمدلله هو كثير يمسك يدي
وبدون ما أقوله امسكني
بس بما انو شمالي يحب المدح ف ابين له شكثر احس بالامان لما يمسكني

اما المكالمات نفسسس المعاناه
رسمييييييييييييييي خصوصاً قدام اهله


يعطيكم العافيه

 

[beautiful]

انا من اول ماتزوجت الين جبت بنتي واحنا لما نطلع نمسك يد بعض
لكن بعد كذا للاسف نادرا ما نسويها لانه بصراحة ماجات فرصة لما نطلع برا اكون شايله البنت فوقي او ادفها بعربية فما فيه مجال نمسك بعض
وبعد ما جبت بنتي الثانية صار كل واحد فينا يمسك وحده
او لما ندخل سوق ونحطهم في عربية تابعة لاي محل في السوق يكون واحد فينا يدف العربية فكيف نمسك يد بعض؟