إستشارة
السلام عليكم
كيف الحال؟
انا يا دكتورة ....واخواتي اعاني من رجل لا اعرف كيف ابدء...شخص لا يعرف الواجبات والاصووول ....ولايراعي حد اناني بشكل...انا متزوجة من تسعة سنوات وعندي 5 اطفال ... زوجي ببدايةارتباطنا كان يحس بالاسرة وكنت مااتعب وايدوياااه...وعقب يوم سرت الجامعة تغيربشكل كبير وخلصت الجامعة الحين من سنتين وحالة غير .. يسهر ويشرب وطبعاهوما يبين انه شارب.. يرقد اوينام بغرفة غير وعقبها طبعا كشف المستور وقام يطعني بشرفي كحجة ليش انه شرب....بدأيسافر من دون علمي.. الرمضان الي فات سافر من اخر عشر ايام رمضان الى بانكوك وتعرفون الي يسافرهناك شويسوي ورجع بعدالعيد بثلاث ايام.. ولاترك لنا شئ بس طرش ملابسنا مع ربيعه..؟؟ ولاسلم ولا شئ.. والحين هالرمضاااان من يوم السبت اخريوم رمضان لين يومكم هذا الجمعة ماردمن التخيييم ولااتصل اوشئ .. انامااعرف ليش جي يسوي..يمكن بتقولوا اسلوبي بالعكس بالبدايةكنت اكلمه عادي وبطيبة بس اكتشفت انه يطنش ويستغل طيبتي واسلوبي انه يطنش اويسهرومايحسب حساب حد.... ومليت وعقب بديت اعصب وفعلا قمت اخذ حقي بالاعصاااااب وهذي الطبيعةفي اهله امه جي اتسوي ويا ابوه .ز بس انا انثى خاطري يومارمسه بطيبة انه يتجاوبمبلازمبالقوة اخذ حقي ولعيالي ..... وانا ماابدء بالاعصااب اكلمه بهدوءومبتسبة ...يقول اوكي ويطنش ...حتى مرة اقوله بهدوءووناسةيلاطلعنا تراملينا وعيالك ملوا ومن هالكلام...قال اوكي..اتصدقوون انه طلع من الساعة 6 لين 12 بليل وطنش اتصالاتنا .... وعيالي متىبنسير حرام ع ابوي يسوي كذا... ورجع 12وخليتهم نايمين بالصالة وبجواتيهم وانا بعباتي وواجهته وقلت له الحين بتطلعنا وعصبت وهوبارد انزين انشغلت عادي باجر..ماعنده احساس مشاعره متبلدة .. خاني .. ويرمس منوراي وكلشئ واخذته بالعقل ونصحته دخلت الاهل يوم يومين ويرد.. اناما اقول لازم يكون مثالي بس ليش مايحس؟ ليش مايعرف انه له واجبات وحقوق علينا..انا لعمري ما اقدراشتري لانه ما يبي ولااروح. الصالوون لانه مب متواجد حتى لوتعدلت بيرجع ويه الفجر ما احس اني انثى وعندي زوج ... يهتم فيني.. تخيل وامرة كانت عندي بيزات ويترجى انه يبى وانا اعاند حتى من باب اغايضه قلت له بوس رجلي عادي قام وباسها انصعقت وعصبت ...حسيت فعلا انه ما يستحي ومن نوع الي ينقال عنهم ناس تخاف ما تختشيش.. ويوم رفضت اعطيه البيزات لانها حقي ضربني وبهدلني ... احس بقلبي كره ...الناس تسلم الناس تساعدتقول كلمةطيبة تقدر زوجاتهم لو يسووون مشاكل برا بس هذا غير وانا الحمدالله ماسويت غلط فيحقه بسهو غيررررررررهوبس يقعد جدام التلفزيون ولاحياة لمن تنادي وانااعاني لروحي ماعندي شغالة بسبته طبعا... خذت بيزات الخاصة بالخدامة من وراي وقال بنخليهم للعيد ......وهذا اناوحظي فشواسوي بهالانسااان؟مايحس ....ابدا ... كل عيد تحس كآبة اوعندنا عزاء بسبة كل يقول شو يبون وليش؟ ولايستانس شرات الناس يوم تفرح بفرحة عيالهم بس يهتم بنفسه ويستانس ع حسابنا تعودت اعيييش من دوونه لانه يختفي دائماولا يحسب حساب لنا فليش اكمل ويااه؟
واسمحوني مااقدراكمل فيني غصة ..... وعيالي يهموني اكثرقمت اعصب وايدعليهم..
ساعدوني
الجواب):
نحن نعيش في زمن أنقلبت فيه الموازين، وأصبحت المرأة في هذا الوقت تداس تحت وطأة عجلات المسؤولية بلا رحمة، وزوجك سكير، وهذه في حد ذاتها معضلة أخرى، فالسكر له عواقب وخيمة على كيان الرجل ونفسيته وطريقة تفكيره ، فالسكر إدمان والمدمن تقريبا فاقد الوعي لهذا لا تجوز صلاته في وقت سكره،
تقولين أنه قبل قدميك من اجل المال، وفي الحقيقة قبلهما من اجل السكر، ومستعد لبيع قطعة من لحمه ودمه من أجل كأس شراب واحد.
أنت مبتلاه، والسكير هم في كل بيت، ............... كيف تتصرفين معه، إنه فقير جدا فكل سكير فقير لأنه يفني أمواله في سكره،
ربما استطعت مساعدتك، لكني لا أعدك فبعض الحالات للأسف الشديد تكون خارج نطاق السيطرة،
إن كنت تعملين فهذا سيسهل علينا العلاج أكثر، .. يبقى انك ذكرت دخولك الجامعة ثم قلت أنه يشك بك، هذه علامات تحتاج إلى إعادة نظر،
في حكايتك بعض الغموض، وقد يكون علينا الحديث معا إن كان بإمكانك دفع تكاليف الإستشارة فأهلا بك، وإن لم يمكنك فأنصحك بقراءة بعض الكتب الخاصة بفن التعامل مع السكير، وكيفية الإقلاع عن الكحول لعلها تفيدك، كما أنصحك بعقد جلسات يومية للمصارحة الذاتية وتصرفي بهدوء وتعقل ولا تتسرعي وتذكري أنه كان جيدا معك في السابق.
....................
إستشارة):
الكاتب : غدير الحب
السلام عليكم
سؤال دائما يحيرني
انه لو الزوج غلظ بحق زوجته وجرحها ايا كان السبب وادى ان الزوجة تزعل والزوج من النوع الي مايعتذر بس يسكت ولا يتكلم ولو كملوا ايام ما يحاول جهده انه يكلمها (عيل كيف بيعرف قيمتها يوم عادي عنده ما يكلمها)
فهل تبداالزوجة تكلمه؟
مثلا هذا موقف يمر علي احيانا
يكون هوالغلطان ويوم ازعل لو تمر ايام ما يكلمني اويحاول يعتذر بس ينتظراناارمسه او ابتسم (لاني اغلب الوقت مكشرة يوم اتضايق)
بس شوالصح ؟تبداالزوجة تتكلم والا تطنش لين ماحضرت سي السيد يعتذر لها؟
الجواب):
عزيزتي
مشكلة الاعتذار من قبل الرجل قائمة في كل البيوت تقريبا
وهذا لان الرجل يرفض الاعتذار ويعتبره كبيرا جدا في حقه
وان اخطا ذات يوم وقال اسف فاعلمي انه سيندم عليها لا حقا وسيحملك مسؤلية دفعه للاعتذار
انه يخطا ويحاول الاعتذار بطريقته الخاصة
فاقترابه منك ورغبته الجنسية بك او حديثه امام الاخرين عنك او اي تصرف لطيف من قبله يعني انه يعتذر لك لكن بطريقة غير مباشرة
تقبلي انت الحدث وجاريه وتصرفي معه وكان شيء لم يحدث وبعد الصلح بعدة ايام وفي اي ظرف مناسب ناقشي معه المشكلة من جديد بهدوء وهكذا سيتفهمك اكثر
واحذرك من الاعتذار للزوج حتى لو كنت مخطأة فهو كما يرى ان الاعتذار لك كبير في حقه فهو ايضا لا يحترمك كثيرا اذا اعتذرت له حتى وهو مخطا
كوني مثله تصرفي بشكل عادي جدا لتعطيه الضوء الأخضر قيقترب منك ويتم الصلح
وكوني حذرة لا تنفعلي كثيرا في المشاكل والمناقشات واتركيه يغلط عليك بينما التزمي الصمت واغلقي فمك ليركبه الحق فإن تطاولت عليه في ثورة غضبك قد تندمين لاحقا على ما قلت وتصبحي مدانة له باعتذار
ان كان لديك حق فيما ستقولين اجلي حديثك الى ظرف افضل.
.............
سين):
بسوى انقلاب شامل وكامل لحياتى بغير من نفسى وشخصيتى المسالمة اببنى لى شخصية مستقلة
الطيبة الزايدة ماتنفع هاليومين بالعكس يقولون عليها فى علم النفس سذاجة
انا نويت ان شاء الله اغير فى اسلوب حياتى بهتم فى نفسى بحب وجدان اكثر وكثر
وبعد ابشركم بدخل نادى رياضى علشان استعيد نشاطى ورشاقتى وعلشان بعد اتعرف على المجتمع والناس الناس الى حرمت نفسى منهم سنين وعشت فى قوقعة زوجى
بسوى نيلوك غيرررررر لشكلى وحياتى
شجعونى خواتى
كنت فى غيبوبة وفقت ولله من بعد مادخلت هالمنتدى وصرت اقرا الاستشارات والردود اكتشفت انى مو عايشة اكتشفت انى جسد بلا روح عرفت كيفية التعامل مع الناس عرفت كيف استقل بشخصيتى عرفت نوع الشخصيات الى حولى وكل شخصية وليها طريقة معاملة كل هذا بس من القراءة اجل لو قابلت استاذة ناعمة وش بسوى هههههههههههه اشكر هذا المنتدى والقائمين علية من كل قلبى وربى يجراهم خير والى الامام يامنتداى الرائع
تعليق ):
وفقك الله يا وجدان،
جميل هذا الحماس والأجمل منه، انه جاء بعد فترة لا بأس بها من القراءة والإطلاع على عدة جوانب في المنتدى،
أتمنى لك التوفيق،
وانصحك، بالتوازن، والتعقل، والتمتع بكل لحظة تغيير على حدة، أي حاولي عزيزتي ان تحدثي تغييرا جذريا في مشاعرك قبل مظهرك، تغييرا جذريا في شخصيتك، ....... واظنك تفهمين تماما ما اعنيه فأنا اجده بين سطورك،
كذلك انصحك بالقوة، فالتغيير في حد ذاته يحتاج إلى قوة وقناعة وارادة، تغيري كما تريدين، لكن اصمدي، لأنك ستواجهين الكثير من الانتقادات ممن اعتادوا على وجدان القديمة، لذلك كوني مستعدة لتجاهل الانتقادات او التعامل معها بطريقة لا تثبط همتك ولا تطفأ حماسك،
وبالتوفيق يا وجدان.
........
سين):
السلام عليكم ورحمتة الله وبركاته
اخواتي العزيزات والدكتورة ناعمة
انا عندي مشكلة يمكن في نظر الكثيرين بسيطه وعاديه لكنها والله مسببه لي هم -وضيقة اخواتي انا متزوجه من سنتين تقريبا وعندي طفل عمره سنه واربع شهور المشكله هي اني من يوم تزوجت وزوجي يرفض الخروج معاااااي يعني ماروح ولااجي معاه لافي تمشيه ولافي سوبر ماركت ولافي سوق ولا في اي مكان الا اذا كان احد ثاني بيطلع معانا من اصحابه وزوجته تصير موجوده علشان اروح معاها وهو يروح مع الرجال حتى اول ماتزوجت وفي شهر العسل كان يرفض ان احنا نطلع ونروح حتى الناس كانت مستغربه وتفكر فينا شي وزعلانين يعني وش حلاتنا عرسان وجالسين في البيت او بالااصح انا الي جالسة في البيت هو يطلع ويروح ويجي حاولت اعرف ايش السبب لكن تدرون ايش يقول انا ماعندي حرمة تروح وتجي معاي هو صغيير عمره 25 لكن لصاحباتي عادي يوديني لهم لكن معاه مستحيييييييل حتى احيانا اجلس بالاسبوع السبوعين ماطلع من البيت مرررررة واجلس اترجاه انه يطلعني يقول لا انا مااحب اتمشى المشكله لو انا عند اهلي كان صار الوضع عادي وطلعت معاهم لكني في مدينه بعيده عن اهلي يعني غربه وطفش الي عندها حال تقولي والله يجزاها الجنه
الجواب):
إن كنت في السعودية فالأمر نوعا ما عادي جدا، لأن هناك ثقافة منتشرة بين الشباب تحثهم على مثل هذه العادة،
وعلى كل حال، فالأمر يعود في النهاية إلى عدم رغبته في التجول خلف زوجته بين المحلات، بعض الرجال يشعرون بالملل من ذلك،
هناك أمور تأتي بالتعود ومع الوقت، في البداية أطلبي منه أن يقلك إلى محل تجاري، ثم قولي له أدخل معي لدقائق سآخذ رأيك في شيء ما،
وبالتدريج حتى يتعود على البقاء بصحبتك،
لكن لا تحلمي بالكثير فالرجال عامة لا يحبون التسوق بصحبة النساء،
وهذا أفضل،
....................
سين):
السلام عليكم
اكيد كلكم بتستغربون عنواني
او بتقوولون ايش الي حدك
يقول المثل"ماحدك على المر الا الي امر منه">>احلفي
من جد بنات انا اعني كل كلمه اقولها انا عارفه انه حنا هنا قرووب واحد نحب بعض ونداري على بعض ونساعد بعض
وهذا الي شجعني اكتب بكل عفوووويه
انا انا ديكم باسم المحبه
ياليت الاستاذه الغاليه :ناعمه تقرأ
ابدأ على بركت الله
انا ما كنت اعير الجنس اي اهتمام كان شي عادي اوكيه جا اهلا ما جا مو لازم
الا ان
شفت مجلتكم وقرأتها حسيت اني بطه >>بل ام البطات في الجهل بكل فنون الحياه
والحمد لله اني لحقت نفسي>>بتقولون وين المشكله؟؟
انا اقول لكم ..................................
انا مع حدوث مشكله بحياتي الزوجيه وهي انه زوجي يشووف مواقع اكيد انتم عارفين نوعها...
صرت ابحث عن السبب
طبعا فيه اخصائي قال لي بسبب تقصير بها الناحيه؟؟!!!!!!!!!!!!!
طبعا
انا صدقته .....
لكن
لاحظت .................................................. ..
.......................
....
انه...................زوجي اذا تلبست وكشخت وتعطرت وكنت متزهبه ...ماشي ابد ابد >>اكيد فهمتواا ((تقصد لايعيرها إهتمام جنسي إذا كشخت له!!))
ولما ما ابي ابد واحس باحباط وانا م ومن بكره ابتعدددددددددددددد
الاقيه ////يقرب لمي؟؟
ليه؟
ليه؟
انا اقول ليتني ما عرفت المجله!!!!!!!!!!!!!
لاني اتفنن لنفسي
ماحد عندي؟؟
اخخخخخخخ
ولما ما اهتم الاقيه جنبي
هاه فهمتوا علي والا لالا
هل هناك خلل
ابي افهم ابي اعرف
لما اقرب منه واعمل حركات انا ابيها يبتعد ويتحجج بالنوم والعمل
ولما اتركه واكره النوم معه واطفش يقرب مني
ابي افهم
هل هي عين؟؟
انا قبل
انا متزوجه زماان 10 سنوات تقريبا ما كان كذاا عادي بالعكس اوكيه وكل شي تمام
بس من كم شهر صاير كذاا
ليه
ليتني صرت جاهله بالفنووون اصرررررف
انا من جد ابي حل ابي حل
الجواب ):
أختي الكريمة،
ان ما تطرقت إليه في وصفك لحالتك وحالة زوجك إنما هو شيء طبيعي جدا، ان ما يحدث معك بينك وبين زوجك اعتيادي، وهذا ما سنناقشه في العدد القادم من المجلة تحت عنوان ( عادات الرجال الجنسية ) وهو تحقيق رائع يقدم للأخوات المشتركات فكرة جيدة عن عادات ازواجهن الغريبة،
بالنسبة لزوجك لا مشكلة لديك او لديه، انها عادته فقط فبعض الرجال جبل على عدم الاقتراب من المراة التي تعبر له عن رغبتها او تثيره بشكل مباشر بينما بينما يميل اكثر لتلك التي تصده وتتغنج وترفض باستمرار، ومثل زوجك توجد نسبة كبيرة من الرجال في المجتمع،
يتميز هؤلاء الرجال بالرومانسية، والحس الطيب، لكنه يبقى يمارس هذا السلوك الذي يجرح المرأة الى حد كبير فهي ايضا تريد ان تعوده على ان يتقبلها في حالة رغبتها وحاجتها اليه،
هذا النوع من الرجال يسهل تغييره بعض الشي، بالكلام فقط، .... سنناقش هذا الأمر بشيء من التفصيل في العدد القادم من المجلة،
الى ذلك الوقت اهتمي بنفسك لكن اشعريه انك لست راغبة في الجنس وصديه صدا جميلا، تمثيليا يعني، لكن عندما يباشر اغراءك كوني له ...
والحل الأمثل الذي لا يمكن ان يخطأ باذن الله ان تقومي بالتالي:
اهتمي بنفسك واعدي كل شيء لكن عندما يأتي للبيت عبري عن رغبتك في النوم وعدم رغبتك في الجنس، لكي يشعر انك لم تكوني تقصدين العلاقة الجنسية بعد كل هذا الاهتمام، لان جميع الرجال يعتقدون ان اهتمام المراة بنفسها هي لاثارة غريزته الجنسية
حاولي ان تقومي بهذا الأمر اكثر من مرة كرري العملية تجملي وجملي البيت وارفضي الجنس الا ان الح عليك، فقدميه له بدون رغبة حقيقية
بعد ذلك تبدا المفاهيم في التحول لديه تلقائيا ليصبح الجو العطر والاستعدادات الجنسية تذكره برفضك للجنس فتقوى لديه الرغبة اكثر فيصبح يشتهيك في هذه الأجواء اكثر من اي وقت مضى...
وصلنا للجزء الأخير ..
عزيزاتي الكل قرأ قصة أم بسمة الشهيرة أليس كذلك؟
لكنكن قرأتن القصة كمجرد قصة ولكن مارأيكن
وجدت أم بسمة عضوة في أحد المنتديات (( بس للأسف ماصارت تكتب فيه))
وكتبت قصتها مع الأستاذة ناعمة الهاشمي وجاوبت على أسألة العضوات بناء على ماتعلمته من ناعمة
وتحدثت عن الكثير من الأسرار اللي تعلمتها من أستاذتنا..((طبعا كانت ناوية تنزل دورة من أسرار العشيقات كاملة لكن ناعمة داعبتها بلطف إنها بتتعرض للمسائلة لو كملت ..لكن اللي قالته فيه خير وبركة والحمدلله إن نعومة منعتها من التكملة لكن ماقالت لها تشطب اللي كتبته !!))
نزلت لكن ماقالته أم بسمة في ملف تكست وبصيغة الجوال للي يبغى ينقله لجواله ويقرأ ..
أو على كمبيوتره.. لأن ماكتبته أم بسمة كثير جدا ولو بحطه بياخذ عشرات الصفحات ):
واللاتي قرأن القصة سابقا أنصحهن بالتحميل لأنها ليست القصة فقط بل لقااااااء مع أم بسمة ونقاش
رائع):
الملف في المرفقات ..
ودعواتكم لي ياااااااااااااااااااااابنات (لأن دعاء المسلم لأخيه بظهر الغيب مستجاب كما في الحديث والملائكة تقول للداعي ولك بمثل !!))
// بحفظ القرآن الكريم والعمل بما فيه
2//إن الله يجمعني بأحمد ويستر عيوبي عنه
3// ان يعشقني ويموت فيني ويوفقنا مع بعض ويهديه للحق
أتمنى رفع الموضوع ولو لبضعة أيام حتى يتسنى للكثيرات
الإستفادة