يعتبر وجود إنسان يساعدك توفيق من الله وتسخير منه , لأنك حبيبتي قد تكونين أجدت في صلاتك ودعواتك و أخلصت في ذلك و أحسنت ظنك بربك...........فما وجود أخواتنا المساعدات لنا إلا كحبال مدها الله لنا .........
ونعم بالله وما توفيق الا من عند الله
صح لسانك ياختي والله الفضل بيرجع بالاول لله ومن بعده للناس اللي بياخدوا بايدك
والاخوات هنا حبال مدها الله لنا جملة مؤثرة جدا وجميلة جدا وصفك رائع
انا هاتكلم عن نفسي انا كل يوم كنت باتصدم في جوزي وتصرفاته وكلامه اللي مش ملتزم بيها معي حسب الاتفاق وووومشكلة ورة مشكلة وموقف ورا موقف اتخنقت من عيشتي قعدت ادعي واصلي قلت اللي يترجا من العبد خير وينسا من هو الرجا والامل للعباد جميا غلطان. فاتجهت لله بالدعاء والصلاة وقريت القران وشغلت نفسي بحفظ سور القران والحمد للله بعد كده بفترة طويلة جات لي فكرة ادخل النت وادور على حل لمشكلتي وافهم الرجل ودخلت اكتر من موقع وقريت قصص الدكتورة ناعمة الهاشمي واعجبت بيها اوي وبالخير اللي بتعمله ربنا يجعله في ميزان حسناتها يارب ويبارك لها عملها ويديها الصحة والعمر المديد
قعدت ادور على عنوانها او موقع ليها والحمد لله ربنا هداني في وقت كنت خلااااااااص هاطق من جنابي والحمد لله المنتدى الحين لي هو الملاذ الجميل ما بيشغلني عنه الا الخروج من البيت وطول مانا فالبيت وباشتغل باجي واخد لي نظرة في اي جديد
والمواضيع اللي فيها فعلا بتاخد بيدك وبترقيكي وتحسن من نفسيتك يعني باختصار بتمسح دمعتك وبتشد على كتفك
ولما حصل معي كده ونسيت همي ما بابخلش باي حاجة للمنتدى لانني بادين له من بعد ربنا ولو بكلمة اقدر افيد اي اخت مش هابخل
ومن بعد الحمد للله والشكر لافضاله علي باقدم شكري وامتناني لكل القائمين على المنتدى وصاحبته والعضوات المشاركات بالتفريج والنصايح واقدم تقديري لكل عمل يقدموه هنا من مواضيع لتطوير الذات والتحكم وتغيير النظرة الحزينة لليحاة الى نظرة امل واشراق
الله ينور عليكي على الموضوع الجميل وانا اساسا من المعجبات بردودك في موضوع الاخت كوين
وربنا يبارك لكل من وقف جنبي وكل من فادني ولو بكلمة واحدة يارب يديه كل خير وكلو بالاول والاخر فضل ورضا من رب العالمين
دمتي بالف خير