لعبة الصراحه

[الود]

رد : لعبة الصراحه

شو اكثر مكان اتحبين اتروحينه؟

واكثر مكان تكرهين اتروحينهظ ؟

احلى مكان اروح لة المكان اللى يكون جامع كل خواتى فية وامى مجرد جمعتنا يغنينى عن كل شى

والمكان اللى مااحب اروح لة المكان اللى فية غزاء يصيبنى بخوف وحزن ان شاللة ايامى وايامكم افراحاللى بعدى
اذا مسئولتج كلفتج بمهمة خارج نطاق عملج وماتقدرين تسوينها؟ شنو تسوين تقولين لها لا عادى او ترتبكين او تجاملين او او او 000000000000000 شنو راح تكون ردت فعلج؟

 

[يارب تزوجني]

لو منج اقول اعذريني عشان اذا تبين شغل كامل مكمل اقدر عليه بس انا عارفه قدراتي فاعفيني من هالطلعه وبس اقولها اي عذر



الي بعدي اذا تبي تبين حق شخص قريب لك تقوله احبك والا لا

 

[العذوبة]

رد : لعبة الصراحه

بصراحه مافهمت السؤال:dunno: :dunno: ...........بخليه حج الي بعدي

 

[القلب الكبير]

رد : لعبة الصراحه

انا فهمت قصدك يا يارب تزوجني
هههههههه
حالتج حاله مع ولد خالج والله .. ليما الحين ما اخطبج ؟؟

لألألأ و الف لأ ... ما ارمي نفسي عالناس .. فشله .. بعدين راح يقولون عني ( باااااارع و قويه عين )

سؤال للي بعدي

كم مره اتهاوشين ( يعني تختلفين لغير الناطقين باللغه الزعفرانيه >>> لغه من مخي خخخخخخخ )

اوكي

كم مره تختلفين مع زوجك بالشهر ؟ :smoke1:

 

[العذوبة]

رد : لعبة الصراحه

واااااااايد لاتعتدين يالقلب

الي بعدي

شو الدول الي زرتيها وشفتيها واي مكان عجبج اكثر؟

 

[القلب الكبير]

رد : لعبة الصراحه

يالحزينه الله يهديكم انشالله

الدول اللي زرتها ( مصر .. لندن .. الامارات .. السعوديه .. قطر .. البحرين .. الاردن ) .. قليله صح

لكن الديرة التي اعشقها والله بدون مجامله هى ( دبي دار الحي )

 

[العذوبة]

رد : لعبة الصراحه

القلب الكبير من كثر الدول الي زرتيها دوختي ونسيتي السؤال:clap:

 

[القلب الكبير]

رد : لعبة الصراحه

القلب الكبير من كثر الدول الي زرتيها دوختي ونسيتي السؤال:clap:

الحزينه .. شسوي .. الواحد يمد ارجوله على قد الحافه ( الحافه يعني غطاه لغير الناطقين باللغه العربيه هههههه )

الحمدلله و الشكر

الحزينه حبيبتي فكريلي ابسؤال عشان اجاوب .. ياليت يكون سؤال طويل عشان انام و انا اقراه هههههه

بانتظارك

 

[العذوبة]

رد : لعبة الصراحه

المفروض انت تسالييين لكن ماعليه بنطوفها

اذا تبين سؤال طويييييل اكتبي قصة حياتج من اول من ولدتي لييييين الحين:shiny:

واذا سؤال عادي امممممممممممممممممممم خليني افكر شوي

شو احسن مسلسل شفتيه في رمضان وعيبج؟

ها الي طلع وياي :in_love:

 

[القلب الكبير]

رد : لعبة الصراحه

يالحزينه تبين قصه حياتي ؟! .. يا سلام عليج ما طلبتي شي والله لوووووووول

ولا اقولك خليها وقت ثاني ههههههه

اما بالنسبه لسؤال احلى مسلل تابعته
والله لم اتابع بمعنى اتابع لكن كنت اشوف مقتطفات من الامبراطورة ولم يعجبني ابصراحه حركاتهم و لبسهم و استهبالهم .. ( فشلونا )
لكن المسلسل الي صج عيبني هو مسلسل جمرة غضى رائع

سؤال للي بعدي

ما هي شهادتك الدراسيه ؟! .. و هل تطمحين للرقي بالعلم ولا انتي مقتنعه بمستواك الدراسي و التعليمي الحالي ؟؟

 

[العذوبة]

رد : لعبة الصراحه

شكل اليوووووم اللعبه بتطفر مني ومنج:sly:

المهم انا عندي دبلووم واطمح في دراسات ثانيه يس كسوووووووووله شوي ومومتشجعه لكن ان شالله الله يرزقنا

سؤالي

كيف تنظميين وقتج بين البيت والعيال والزوج والدواام والانترنيت وخاصه انت يالقلب الكبير لان اشوفج دووم بالمنتدي:1eye:

حشي مراقبتنج:nosweat:

 

[طيري الأخضر]

رد : لعبة الصراحه

انا اللي راح اجاوبج هالمرة يالحزينة وراج وراج ..... حتى مواضيعج اقراها اول بأول .....

انا بصراحة من اقعد الصبح الساعة 6 ابدل اليهال ونطلع مع بعض نوصلهم المدرسة واروح الدوام ...

وفي الدوام بصراحة عندنا الانترنت 24 ساعة يعني مجابلة الانترنت عطلول بالساعات تقريبا ادا ماعندي شغل اسويه

او ادا محد طلب مني شغله ......

وارد البيت الساعة 3 العصر اتغدى مع زوجي واليهال واقعد اباشر الواجبات المدرسية وخلال هالوقت اكون داشة النت

وعقبها اروح انام شوية واوقوم الساعة

6 بحد اقصى واجابل اليهال واعشيهم مع بو العيال وادا كان طالع اشوف شاللي ناقصني من شغلات احتاجها

من السوق

اروح امر المجمعات على السريع واشتريها ..... وادا ماعندي شغله امر امي اسير عليها ..... او الجمعية

وادا رديت البيت عقب هم ادش النت اشوف البنات ومواضيعهم الشيقة وسلامتكم




سؤالي للي بعدي : كم مرة حبيتي ؟؟؟؟ مصره اعرف :msn-wink:

 

[حنين العراق]

رد : لعبة الصراحه

سلام ياحلوين الكن وحشة وينكم البارحة؟فتقدناكم
جوابي واللهي حبيت مرة وحدة وانشالله ينجح هذا الحب لاني من نوع اللي يحب مرة وتتنتهي صلاحيتة للحب
سؤالي للحلوة الي بعدي
شنو اكثر صفة بزوجج ماتحبينها واكثر صفة تحبيها فيه؟
بعرف واللهي بعرف
دتكولين حشرية ما
جاوبي صاحبتج الحشرية
خليني شوف منو وراي؟:clap:

 

[العذوبة]

رد : لعبة الصراحه

ماحب في زوجي اللف والدوران

واحب فيه طيبة قلبه


سؤالي

كونتي صداقات من النت ........اقصد صداقاات حميمه موسطحيه يعني تعرفتوا علي بعض تلاقيتو اتكلمتو بالتلفوووووون ....وكيف صارت معاج هالصدقاات؟

 

[طيري الأخضر]

رد : لعبة الصراحه

لأ

يالحزينة لي الحين ما تعرف على احد سواء ذكر او انثى :no: :no: :no:


بس انا متفائلة انه بتكون لي صداقات من منتدانا الحلو :clap: :clap: :clap:

سؤؤالي : وين قاعده الحين بالوقت اللي قاعده تردين فيه علينا ؟؟؟؟؟​

 

[om.ahmad]

رد : لعبة الصراحه

حاطه جهازين بين غرفتين.. وأشتغل عليه..
:msn-wink:
شوه هوايج..؟؟

 

[القلب الكبير]

رد : لعبة الصراحه

سامحيني ام احمد اول شي برد على سؤال الحزينه ( كيف تنظميين وقتج بين البيت والعيال والزوج والدواام والانترنيت وخاصه انت يالقلب الكبير لان اشوفج دووم بالمنتدي )
اولا انا بالدوام من الصبح لي الساعه 2 ما عندي لا شغل ولا مشغله غير النت و الانترنت .. يعني دوام عالفاضي
تالي ارجع البيت اغدي اليهال و ادخل انت ( طبعا زوجي دوامه من الساعه 1 الظهر لي الساعه 7 بلليل ) يعني ما عندي ريل يناشبني
بعد الغدا ادخل النت مثل ما قلتلج و ادرس ولدي ابنفس الوقت ( يعني اخلي الخط شابك عالنت و اجابل ولدي اشوي و النت اشوي :sly: شسوي ادمان )
بعدين اروح معهد المساج و ارجع البيت عال6 اسبح و اتسنع حق رجوع زوجي من الشغل
احطلع غداه و اتغدا معاه ( اهوا غدا و عشا مره وحده ) ..... اقعد معاه اشوي و يقعد مع اعياله اشوي ( لاحظي ان كل هالوقت الكمبيوتر شابك عالنت بس ما اكون موجوده بس اتشوفوني شابكه .. يعني 24 ساعه اسمي موجود هههههه )
بعدها زوجي يروح الدوانيه و اليهال اعشيهم و انومهم .. و تالي اذا عندي شغل اسويه من تنظيف او ترتيب البيت و اقعد مع بناتي الصغار اللي ما عندهم مدرسه )
لما ينامون تالي ارجع لكمبيوتري حبيبي و اقرأ آخر المواضيع و ارد عليها او اضيف مواضيع جديده
لما يرجع زوجي بال 12 تقريبا اقعد انا معاه انشوف التلفزيون او انجابل الكمبيوتر مع بعض
و بعدين انام ...... و بس سلامتج ........ و حبيت اعلمك بعد .. انا بيتوتيه ما احب اطلع من البيت ( بيتي هو مملكتي و حبيبي و راحتي و سكينتي )
يعني الحمدلله ماني مفتونه بالسوق و العزايم و هالسوالف هذه )

اما سؤال الاخت ام احمد عن هوايتي

والله شقولج :dunno: .. نو هوايه .. وقت الفارغ اجابل الانترنت


سؤال الي وراي

ماذا يعني لك هذا المنتدى و ليش دخلتي فيه و سجلتي فيه ؟

 

[CanDle-Kuw]

رد : لعبة الصراحه

المنتدي نستفيد منه بشغلات وايد

وسجلت فيه عشان الدكتوره ناعمه

لانه بصراحه من قريت قصه ام بسمه اعجبت فيهااا



السؤال للي بعدي...


شنو أتعس لحظه بحياتج؟؟؟

 

[آه ياقلبي]

رد : لعبة الصراحه

آآآآآآآآآآآآآآآآآآآآآآآه اكره هاي اللحظات وتذكرها

اتعس لحظة في حياتي هي موت ابن اختي الوحيد .......الله يرحمه ويعطيها الصبر والجنة ان شاء الله

سؤالي

من هو اغلى انسان عندج غير الوالدين والزوج ؟​

 

[حنين العراق]

رد : لعبة الصراحه

السلام عليكم
اغلى انسان لي هو الصاحب الصديق الصادق الصدوق الذي يفرح لفرحي ويحزن لحزني ويكون لي سندا وقت ضيقي

ا
سؤالي للحلوة اللي بعدي
ماهي اكبر عقبة واجهتك بمسيرة حياتك وكيف خرجت منها او حللتها؟
:in_love: