" لدي مشكـلة تتعلق بالجنس "

[Princes Of Ice]

عـدنــا

: نـــــــوار :

مشكوره حبيبتي على الموضوع و الطرق .. و ان شاء الله راح اطبق ^_^

في طرق كنت اسويها ^_^ تسلمييييييين مره ثانيه ..

: ام يمنى :

الاسباب اللي يقول عنها : انه يباني اكمل دراستي ..

و ما يبا عيال ف هالوقت..

: ايتس مي :

نعم .. كان مستمتع و كل شيء ..

فالبدايه طلب مني شيء .. و انا عادي سويت هالشيء >> بس بصراحه شيء كان مقزز .. و عقب طلب مني هالشيء مره ثانيه و انا امتنعت ..

بس بعدين تميت اقرى .. و اقرى .. صارت علاقتنا مب لين هناك ..

الحين انا قلت بسوي اي شيء عشانه و ابين له انه هالشيء يعيبني ..

و كل شيء .. بس عشان اكسبه ..

و انا اللي صرت اقوله .. مثلا ابى هالشيء .. اشتقت لهالشيء ..

كان يقولي .. لا مش اليوم .. باجر .. و عقب باجر >_< ..

و عقب .. عادي يعني .. بعد ايام ينفذ الطلب ..

بس .. مرات هالشيء ما يأثر فيه .. لاني يوم جربت..

كان عادي .. و يوم كنت اقوله .. كان يقولي مالي بارض للجنس ..

و انه ما يبا ....!!!!!!!!

و الحين يوم اطلب منه هالشيء يرفض تماما ....!!!!

عشان جي ..

فانا الحين .. اقوم بواجبي .. و كل شيء .. و ما راح اضغط عليه ..

و بطنشــــــه ..:tears:

مشكوره ع الرد اختي ..​

 

[الدكتورة نبضة قلب]

((((((راقبته .. و تعبت أكثر .. اعرف انه يخونني .. و يكلم بنات غيري ..

بس اكثر الرياييل جي ..

واجهته .. انكر كل شيء .. كان عنده علاقات سابقه قبل الزواج ..

و يبت له الادله .. و مد ايده علي >_< .. و عقب .. خبرت اهله

و سوالنا اجتماع مغلق و نصحونا .. و كلمونا .. و عقب بدينا صفحه يديده..

أنا مشكلتي وايد اشك .. :tears:

هو يقدر بحركه انه يجلب الحقائق .. كذب ..+ نفاق ..

حتى جدام اهله ما رضى يعترف .. و لا حتى اعتذر و لا شيء ..

المهم .. اني خلاص صبرت عليه .. و حمل كبير انزاح يوم اهله دروا ..

و الحين عطيته الثقه مره ثانيه .. و لا اني افكر اني اتجسس و لا شي ..

هو قالي انه ودر اشيا عشاني .. و انا ادري انه مع الايام بودر ..^___^ ..)))))


الغاليه
لم تذكري ذلك من قبل
ومن قال لكي ان هذا لا يؤثرعلى الزوج
1- الخيانه ...حاجز بين الزوج وزوجته....هو يجد من يفرغ فيه...فلم يتعب نفسه معكي؟؟؟ قد تكون الخيانه على الهاتف فقط او لقاء...وكلها تفي بالغرض للرجل...تفرغ شحناته الجنسيه...

2- مشاكلكم التي خرجت خارج نطاق غرفتكم..فقد يكون زوجك يعاقبك لفضحه امام اهلك واهله
؟

 

[Princes Of Ice]

امرأة لا تنسى :

كيف ممكن يكون عنده ضعف ...؟؟

هو مره قالي .. كل رجل و حسب قدرته ..

بس ما ظن يكون عنده ضعف .. كان ف اول ايام الزواج اوكي ..

.. مشكوره امراه و يزاج الله خير ..

: فداك :

شكرا ع النصيحه .. و اميييييييين خويتي ..

: الباحثه عن الحقيقه :

اشكرج ع النصائح الغاليه ..

.. انا مره سألته .. اذا اخذ مانع و لا لأ ..؟

قالي .. جوفي تراج انتي اللي بتشلين الياهل و انتي اللي بتحطينه ..

و كل شيء ..

فمعنى كلامه انه من الحين .. غير مبال .. بمسؤولياته اتجاه زوجته

و اطفاله .. عيل باجر لو صار عندنا يهال شو بسوي ...؟

و الشيء الثاني .. انا قلت في خاطري ..

لو كان عندي ياهل بتونس .. في وحدتي .. يوم هو يسهر ويا ربعه ..

-_____- .. والله ماعرف شسوي .. قلت يمكن يشتاق للبيت اكثر ..

لاني اعرف انه يحب اليهال .. بس الحين ما يبا ..

شكرا عزيزتي ع الرد ..​

 

[زوجي دنيتي]

الله يعينك في البدايه كذا اجل بعد سنه كيف راح يكون الوضع

 

[Princes Of Ice]

: أريد أن أكون :

.. مشكوره اختى على الرد .. و يزاج الله خير ...

: دانه الحياة :

يوم انا اسأله او شيء يجاوب ع قد السؤال .. و لا حتى يسولف او شيء ..

.. مشكوره غناتي ع الرد و النصيحه .. و يعطيج العافيه ..

: عنود العين :

ماشي فايده .. يا ما تناقشنا وايد ..

=________= ..

السبب عنده : هو ما يبا الحين .. يمكن بعد سنتين ع كلامه ..​

 

[Princes Of Ice]

: ميرانه :

.. اكيد بتكون نفسيته تعبانه لانه طول يومه يسمع اغاني .. للاسف

و اي حد بيكون ع معصيه فبيكون مضايج .. و انا الحمدالله دايما ادعي له

بالهدايه .. و يوم كنت اوعيه ع صلاه الفجر..

كنت انش .. و اتوضا و اصلي .. و اقبله ع خده برقه .. و اناديه باحب الاسماء

و اقوله قم نش صلاه و جي ..

بس يرد مثل ما كان .. بعد 10 دقايق .. اوعيه مره ثانيه ..

و هالمره .. صدق يعني خلاص سمعني..

و اتريا .. و المره الثالثه .. يقولي .. بس خلااااااااص حشرتيني ..

و لا ينش و لا شيء =(

عقب اخليه .. صلواته يصليهن ف البيت للاسف ..

يوم اقوله و اذكره بالصلاه اذا ما صلى ..

يقولي بجمعها شو قالولج عني كافر ما اصلي ..

مثلا صلاه الصبح و يكون مستعيل و يروح الدوام ..

بس الحين .. صرت انا اصلي .. بدون ما اقوله او اذكره ..

يجوفني .. و سيده يروح يتوضى و يصلي من بعدي ..

مشكوووووووووره خيتو ع الرد و تسلمييييييين ^___^

: زهره المملكة :

ان شاء الله خيتو .. اشكرج ع النصيحه و يزاج الله خير ..

: جنة الفردوس :

ان شاء الله ... مشكوره ع الرد ..

: عاشقه التحدي :

.. في مره يلسنا و كلمته .. اكثر من مره .. بس ريلي من النوع اللي يسمع

و يطنش و يسوي الشي اللي ف باله ..

مشكوره ع الرد خيتو ..^^..

​

 

[أم سـعيـد]

الله يعينج ويسخره لج

بس ريلج اذا كانت عليه سوالف قبل العرس وبعد العرس حسيتي بخيانته فهذا شي كبير
واهني صلب المشكله
حاولي اتعرفين شو الاشياء اللي يحبها ريلج ويشوفها فغيرج
لا اتقصرين معاه فشي ..
والله يكون بعونج

 

[أم شوشو]

حبيبتي كان الله في عونك ، لكن أنا متأكدة يا أختي أن زوجك عنده ضعف جنسي علشان جذيه يتهرب منك ، أما بالنسبة لأول شهر فهو علشان ياخذ مقويات و أسأليه و واجهيه ، و الله المستعاااااااان:icon1366: لأني أعرف وحده نفس مشكلتك تماماً ....

 

[غلا العمر]

الله يسخره لج

 

[**angel eyes**]

بقول شي انا لاحظته من خلال ردودج بس بلييييييييييز لاتزعلين مادري يمكن أنا اكون غلطانة .. بس انتي طلبتي المشورة والرأي حسيت من طريقة ردج انج دفشة شوي يعني مب دلوعة ولارقيقة .. وسوري ف الكلمة مب حياوية يعني توكم معرسين وانتي تطلبين منه الجنس وانتي اللي تبادرين وتشكينه حق هله!!
تجسسين عليه وتفتشين وراه وبنات وخيانة .. وعادي كل الرياييل جي!! لا مب كل الرياييل جي منو اقنعج بهالفكرة ؟!!عيل بعد سنة شو بيصير بينكم؟
يسمع أغاني ومايصلي وانتي اتحاولين اتعدلين من حاله !!
اش لج فيه يصلي مايصلي كيفه بيسير جهنم ابروحه .. مب وقته احينه هالشي بعدين مع العشرة يحق لج تخافين عليه وتنصحينه ف دينه ودنياه
تبين رأيي انا اشوف ريلج بدا ينفر منج لأنج استعيلتي وايد وماعطيتيه مجال يسوي شي ابروحه ومن نفسه الجنس وتطلبينه منه وادلعينه طول الوقت وتركضين وراه نهار بليل ف النهار تراقبينه وتتجسسين عليه وف الليل اتطالبينه بحقج الشرعي .. اختيه مب جيه الحياة انتي توج عروس يعني المفروض تطلع روحه لين يأخذ منج شي تدلعين عليه تتغلين عليه يتمنى يسمعج اتسولفين وتضحكين وياه..

 

[هدهد]

عجيب امرك حقا اختي!!!!!!!!!!!!!!!!!!!!
تتقبلين الخيانه وتقولين هذا حال كل الرجال ؟؟؟؟
ان كنتي تعلمين ان زوجك يخون ...فلماذا يلتفت اليك؟ لديه كل ما يريد...
عزيزتي ..كيف تتوقعين منه ان يلتفت اليك وفي حياته امرأه اخرى ...وربما اكثر؟
طالما في حياته امرأه اخرى ...فلن يكون لك .!!
انتي تقبلتي موضوع الخيانه لانه اقفل عليك كل السبل ..حتى مجرد الاعتراف ...فظننتي ان غض النظر عن موضوع الخيانه سوف يعيد المياه الى مجاريها ...ولكنها لن تعود بهذا الشكل ..
اغفالك عن ذكر موضوع الخيانه في بدايه مشكلتك يدل على محاوله هروبك منها لانك لم تجدي لها حل ...
ولكني اريد ان اقول لك ان لف الغرغرينا بانصع الضمادات بياضا لن يعالجها ..فهي ما زالت هناك نتخر فيه علاقتكم ..الى ان تبترها ...
انتي في نظر زوجك ..."مالك لزوم"!!...ووجودك يسبب الكثير من المشاكل ..فلماذا لا يكون هذا الرجل يفكر في الانفصال عنك؟؟
وان لم يستطع الانفصال عنك فلابد ان هناك سبب يمنعه ..لكن هذا السبب ليس انت ..
اعراض زوجك عنك ليست المشكله ...ونما هو عرض من اعراض المرض الاساسي " الخيانه"..
اتمنى ان تعيدي ترتب اوراقك.​

 

[بحارة الحيرة]

انا اشوف انك تأخرتي كثير على طلب الاستشارة ويفترض انك طلبتي الاستشارة من اول اسبوع لان الي سويتي معه غير صحيح.

انتي قلتي انك متأكدة انه يخونك ويكلم بنات ودليلك انه كان له علاقات سابقة معهم وهذا غير مقنع ويعتبر اتهام خطير ويلزم لثلاثة شهود. حتى وان كنتي متأكدة انه بيخونك فيجب ان تستري على زوجك و تورينه شطارتك بتغيير كل سلوكياته الخاطئة قبل الزواج بدل من ان تقضي وقتك تفتشين وتتجسسين ومن ثم تواجهين بهذة القسوة. اعلمي انك متزوجة منه ولستي مخطوبة فإصلاح العلاقة بطريقة هادئة وودية حتى وان طال الزمن افضلك من افسادها في يوم وليلة كما فعلتي. اعتبري ان الزواج اكبر استثمار في حياتك وحاولي ان تنجحيه بشتى الطرق بدون استسلام ولا يأس لانك انتي في الاخر رح تربحين زوجك وتعيشي سعيدة وايضا لاتنسي حجم الاجر الذي ستحصلين علية.

انا ارى ان المشكلة الرئيسة انكما بدئتما علاقتكما بشكل خاطئ لذلك يجب عليك الان عمل الاتي:

1- كوني متفائلة
2- راقبي زوجك من بعيد واحذري ان يعلم
3- اذا رائيتي عليه خطأ ما دونية عندك من ضمن ملاحظاتك بطريقة لا يمكنة قراءتها
4- كوني هادئة بقدر الامكان واياكي ان تواجهية مباشرة (خاصة وان الصوره الان انه المفسد وانتي المصلحة)
5-اشعريه دوما (بقدر الامكان) انك مرتاحة منه وانه هو مستقبلك ولالك غنا عنة بعد الله
6- قومي بعمل بعض الإغراءات الجنسية من دون ان تشعريه بانك متلهفة عليه وحاولي ان تتملصي منه اذا اراد الجنس باطول مدة ممكنة
7- اذا أردتي ان تناقشيه في موضوع من شأنه إصلاحه تأكدي من انه في مزاج مرح من ثم تكلمي بطريقة غير مباشر من غير ان تشعرية انك تتكلمي عنه
7-دوني أي تقدم من ضمن ملاحظاتك واذا رائيتي بان هنالك تقدم ملحوظ لنقل خلال سنة فأنتي تمشين في الطريق الصحيح ولكن اذا رائيتي انك لم تفلحي بإصلاح الأخطاء وقتها حاولي تقنعيه بزيارة احد المتخصصين.

​

اخير انا اسفة اذا كان هنالك ما يجرح مشاعرك فقط اردت ان اكون مباشرة معك


اتمنى من الله ان يصلحك انتي و زوجك ويجعل حياتكم كلها سعادة

أمين

 

[moon82]

على ما اعتقد ان كلام الاخت هدهد هو عين الصواب

 

[هياوية]

ياعزيزتي قصتك تذكرني بقصة زوجي الذي تطلقت منه بعد 10 أشهر من الزواج ولكن مع طفل... لذلك أنصحك بموانع الحمل......هذا أولا
ثانيا.. فتحي عيونك وراقبي تحركاته لأنه.. والله العالم... له علاقة بأخرى..يكتفي بها جنسياً.. وأنا لا أجزم .و لكن أنصحك بالانتباه...
ومن .الممكن يكون مغصوب على هذا الزواج..
والاحتمال الأخير انه يكون عنده مشكلة عضوية ....وفي جميع الأحوال انتبهي لا تحملين..

 

[ام حنان99]

الله معاااااااااااااااااااااااااااك
الجي الى الله لانو الله هو راح يحل مشكلتك

 

[دلع بلقيس]

حبيبتي.. هذا طنشييييه ويجيك يركض..
صدقيني(جربي وراح تشوفين)

 

[نجمة البحر]

نصيحتي للعروس تدللي علية شوي واشغلي نفسك عنة شوي ولا تحسسية بهذة الرغبة الجامحه الاعندما هويبادر اولا وانشاء الله ترين ما يسرك

 

[أحب بناتي]

الله يفرج همك يالغاليه

بس احب أقلك .....ترى صغر السن له دور

الله ييسر حالك

 

[~BUTTER~FLY~]

عزيزتي
لازم تعالجين المشكلةمن بدايتها
استشيري متخصصات
والله يوفقك

 

[الحنونه]

كل مشكله ولها حل
واذا زوجك عنده مشاكل نفسيه فهذا اكيد الي بيمنعه من .......
لكن انا اشوف انك لا تبينين رغبتك وشوفي ردت فعله والله يكون في عونك ........