كيف اخلي زوجي واهله يحترموني

[ام معمر]

قلبي كم عمرك وسلامات ليش تكرفين نفسك وهي ماتحترمك وقفيهم عند حدهم قللي زيارتك لها
عسا الله يفرج همك اللهم امين

 

[عودي رنان]

زوجي طالب مني هالشي ياام معمر
وانا عمري 21 سنه
الله يجزاك خير ماقصرتي قولي لي وشلون اوقفهم عند حدهم يعني وش الاسلوب اللي اقولهم استوب
هذا حدكم
انا ماعرف اتكلم واستحي واخاف

 

[قهوه تركيه 999]

خففي زياراتك وخليك واثقه من نفسك وخليك رسميه وشوفي النتيجه ,خلك بعيد حبك يزيد .

 

[مادموزيل]

حبيبتي
اصبري وانشاء الله ربي يجازيك علي نيتك انتي طيبه
واكثري من الدعاء

 

[ام معمر]

اذا سالتكي وقالت من يكلمك بالجوال قولي لها واحد ه ماتعرفينها كل ماسالتك لين تطفش
واذا قالك زوجك انزلى قولي تعبانه مورايقه
وبعدين وقفي زوجك عند حدها ليش مخليكي شغاله عند اهله
كان زوجي يبيني اكرف عند اهله طنشته ولا انزل عندهم واذا نزلت جلست مثل الضيفه ماسوي شي ورسميه معهم

 

[sa.sa]

حبيبتي ليه مايجيب لامه شغاله تخدمها مانتي ملزومه بخدمتها تفرغي لنفسك ولبيتك ولاتنزلين لها كثير والمفروض بناتها كل يوم وحده تجي تساعدها

 

[دافئة القلب]

الله يعينك ادعي من ربي انه يسخرهم لك
خليك واثقه من نفسك وشخصيتك قويه
لاتصيرين طيبه زياده عن اللزوم
لاتكن لينا فتعصر ولاقاسيا فتكسر

 

[أنثى بلا عنوان]

مرحبا حبيبتي

اعتقد ان الاخوات هنا ما قصروا ابدا كفو و وفو

لكن ممكن اسألك سؤال ؟

علاقتك مع ربك كيف ؟

الصلاة

الذكر

القرآن

قبل زواجي اهداني ابوي جزاه الله خير كتاب فيه نصائح للمقبلات على الزواج

و من هذه النصائح

اصلح ما بينك وبين الله يصلح الله ما بينك وبين الناس

بالفعل يا اختي ممكن البعض منا مقصر بحق ربه و ما يتم عبادته على اكمل وجه لذلك لا نرى التوفيق في حياتنا

اختي الكريمة مهما ضاقت بك السبل و تأزمت الامور فارفعي يدك إلى خالقك فوحده يعلم ما بالحال و وحده يجيب المحتاج

توكلي على الله و ادعي الله انه يسخر قلب زوجك و اهله لك

و اسأل الله تعالى أن يوفقك

 

[مستشاره2010]

يااختي اشتري كتب تعزيز الثقة بون مااحد يدري وابدي طبقي واطلبي العون من الله ولاتخافين من الناس ونزلي كل واحد منزلتة لاترفعينهم ويحتقرونك ولاتهمشينهم ويعادونك خليك وسط
والزمي الصمت حتى تحسين نفسك قوية ووقتها تكلمي بالفم المليان
يااختي حنا في وقت الي ماتعزنفسها مااحد يعزها-الامارحم الله-

 

[حلا شرقي]

ماعليه ياختي انتي اصبري وسوي اللي عليك والعضوات ماقصرن عطوك اكثر من حل الله يوفقك

 

[عودي رنان]

الله يجزاكم خير ويسعدكم ويوفقكم ماقصرتو

 

[عاشقة التحدي]

شوفي ياعسل اهم شي تكوني رسميه مع ام زوجك والتزمي الصمت عندها الاماندر واذا حسيتي انها تطاولت عليك يااماتسكتينها بادب او تعطينها نظره مزبوطططه ودايم تخيلي ان انقالك كلام من اي احد زوجك او ام زوجك او سفاتك ودوري الرد اللي يسكت
ثقة بنفسك اكتسبيها بالقرائه نمي مواهبك اصنعي اشياء بيديك ام طبخ اوديكورات اوخياطه نفسك عزيزه فعزيها وخليها ملكه
ثاني شي اناقة وكشختك عندهم ماتنزلي عندها الاوانت كشخه ومسويه احلى ميك اب مره ثقيل ومره ناعم حسب الوقت اللي رايحه لها فيه
ثالث شئ زوجك ابعيد عن مشاكلكم بالعكس يشوفك انتي الغلطانه ابدعي له تثقفي لحياتك الزوجيه حتى يجي اليوم اللي يقولك لاتنزلين ماعند امي شئ اقعد عندى
واخيرا وين راح كيد النساء تعلمي اتقانه مثلا انتى قولي لزوجك ان امك تقول انك زي بنت من بناتها وانك احب وحده من سلفاتك
وتقول يابنتى مقدره اللي تقومين فيه ومابغى ازيد عليك التعب اذا خلصتي شغلك تعالي لي وماني شاره عليك اذا ماجيت وهذه تزيد قدرك عنده لان حتى امه تشوف كذا
وام زوجك تقولين لها ان زوجك مايبغاكي تتعبي نفسك في شغل بيتك ويقولك ارتحاحي ماابغى اتعبك تقولينها على شكل قصه انك كنت ترتبين بيتك وشافك زوجك وقالك ارتاحي ياعمري وكمل شغل او جاب غدا من المطعم
ولسفاتك وقت مايكونو عندها خليهم يشتغلون معك ودقهم بالكلام من تحت لتحت قدامها
والله يوفقك

 

[انوا رة الرياض]

خلي اخلاقك حلوه وماعليك منهم وخليك واثقه من نفسك وتكلمي في حدود يعني لاتتكلمي معهم كثير ولاتحتك كثير وترتاحي0

 

[انوا رة الرياض]

شكلك صغيره في العمر علشان كذا يصتصغرونك علشان عمرك اعرف وحده كذا كلما تكبر تفرح علشان زوجها مايسمع كلامه يقل انت صغيره وهي لها مزوجه 11سنه0

 

[محبة مكة]

انتي عامليهم بالطيب واحتسبي ذلك لله
مو عشان توريهم انك طيبة
وربنا قال في القران
هل جزاء الاحسان الا الاحسان
وثقي تمام انهم يردولك الجميل والاحسان

 

[زحمه احاسيس]

ياقلبي المساله يبي لها قوة وطول نفس
قولي ل زوجك انا فيني خير ل اهلك ب اني اسال عنهم اوصلهم
لاكن مواكون شغاله عندهم قولي انا متزوجتك انت مواهلك
وخليك واقفه قدامه رافعه راسك وانتي تتكلمين وخليك قويه لا تبكين
ولا تنزل منك ولا دمعه قولي له من باب الشرع انا ملزومه فيك انت وبس
وخليك صامده لاتنزلين الا رسميه حق الصله والواجب بس بالبدايه بيزعل بس بالاخر صدقيني راح تعجبينه وبقوه وكثفي اهتمامك بنفسك وشكلك وبس