كيف اخلي زوجي واهله يحترموني

[عودي رنان]

السلام عليكم ورحمة الله وبركاته
اخباركم يابنات ان شاء الله كلكم بخير
بنات :8: انا لازوجي ولا اهله يحترموني
يعتبروني صغيره ام زوجي جننتني اعاملها بطيب بزين ومافي فايده
والله يابنات تحترم زوجة ولدها الكبير وتخاف عليها ودور رضاها وانا لا
تكسحني وتقول كلام ماينقال :8: تعبت معها
وزوجي بعد مايحترمني يعتبرني صغيره
ارجوكم وشلون اخليهم يحترموني :8::8:

 

[روح علآوي]

عودي رنآن

وعليكم السلام ورحمة الله وبركاته

خليك وآثقة من حآلك وأحتسبي الأجر عن الله

والبآقي أخليه لخوآتي اللي عندهم خبرة

موفقة يآرب والله يعينك​

 

[مستشاره2010]

• اولا عززي ثقتك بنفسك​
• احتسبي الاجر في تعاملك​
• تكلمي عن انجازاتك بعقلانية​
• زيدي من رصيدك الثقافي​
• ابدعي في طبخك ونظافة بيتك​
• التزمي باداب الحديث​
• اهم شئ علاقتك بالله اسألي الله_تجديد الايمان في قلبك-​
• موفقة​

 

[عودي رنان]

بنات ياحبيبتاتي
انا انسانه ضعييييييييييييفة شخصيتي يعني لو احد قالي شي ماعرف ارد عليه
ويجيني خوف ورجفه ماعرف ارد
تكفون وشلون اثق بنفسي ترى ماعرف والله

 

[ام رمايل]

اختي مستشاره ماقصرت
بس كمان ثقلي لا تكوني خفيفه وترمي نفسك عليهم
ولا تكثري بزياراتك وكلامك خله موزون ولايكون في توافه الامور
خليلك حاجه ابدعي فيها
مثلا ببيتك خلك دائما نظيفه وشيك
في مطبخك خلك ولا الشيف اسامه
واهم شي اهم شي لاتفكري ترضي احد غير نفسك وزوجك بعد ربك طبعا
حبيبتي واثق الخطا يمشي ملك ثقي بنفسك ان مافي حد افضل ولا احسن منك

 

[عودي رنان]

الله يجزاكم الجنه ويوفقكم يارب
خالتي لحالها لاشغاله ولاشي يعني لازم انزل وساعدها سلفتي يعذرونها بالاطفال وبعملها
وانا لا زوجي طفشني انزلي انزلي
عشان كذا ماتحترمني
والله ترمي علي كلام زي السسم
ولاجات سلفتي قللللللللللللللللللللللبت علي كاني ذابحت لها احد واذا جو بناتها بعد قلبت علي
لكن لو لحالها كلامها يقوطر عسل
ساعدوني الله يوفقكم وشلون احط حدود بيني وبينها
يعني اقرب مثال لو سمعتني اكلم تلفون تحقق معي على عكس سلفاتي ماتسال وراهم
ولاتقول من كنتي تكلمين
والله تخاف منهم ليييييييييييييييييييييييييييييش ايش معنا انا
تتكفون ابي حل تكفون لاتقصرون معي ترى بديت اتدهور وتهتز ثقتي بنفسي

 

[المقتولة]

اسأليها شفتي مني شي .. بدر مني شي؟؟؟ اذا مو عاجبتكم ليش خطبتوني .. كنتوا حصلتوا اللي تريحكم من البداية بدال تعب القلب...

بعدين قولي لريلج اذا انا صغيرة ليش تزوجتني ؟؟ انت تزوجت عشان وحدة تراعيك وتقوم بمسؤولياتها كاملة والزواج مسؤولية كبيرة فكيف تختار وحدة صغيرة ؟؟

الله يعينج

 

[ام رمايل]

ليش تهتز ثقتك بنفسك وعشان منو حبيبتي
لو عطيتيهم وجه وسمحتيلهم يتعاملون معك بهالاسلوب
صدقيني بيتمادو
لما تحقق معك على مكالمه بالتلفون لا تردي عليها قوليلها خير تبين شي
انا عمري سالتك تكلمي مين خلصي شغلك عندها وروحي على بيتك على طووووول
ولما يكونو بناتها او سلفتك عندها ليش تجلسين اصلا دام انهم يعاملونك بقلة احترام
ولو سالوك ليش ماتجلسين قوليلهم بكل ثقه انا جلست عند خالتي اساعدها
محبة في الله ولله ثم لزوجي ومعتبرتها مثل امي لو هي شايفه غير كذا براحتها قوليلهم انك تعاملي الله
قولي هالكلام وكلك ثقه وعليك وعلى اعدائك مره وثنتين وعشر الين يعرفو يقدروك
وزوجك سوى الشي الي يرضي رب العالمين وغير كدا لو حرقك بغاز لا تتنازلي كرامتك فوق كل اعتبار
لا تذلي نفسك لا لزوجك ولا لاهله ولا لطوايفهم
لازم تكوني قويه اولاً عشان يحترموك ولازم تحترمي نفسك عشان تفرضي احترامك فرض عليهم وقبلهم زوووووووجك
الله يوفقك

 

[عودي رنان]

المقتوله
ماقصرتي بس انا سالتها قلت انا مسويه شي قالت لا ويشهد الله ان نحبك وانك منا وان وان وقلت انتي
تحبين وتحترمين سلفاتي اما انا لا ليش
وزعللت وسوت مشكله مالها اخر
ام رمايل
والله ياقلبي كلامك كله درر بس انا حاولت اني ماانزل وزعل زوجي وصل انه يقول
اللي مافيها خير فاهلي ماابيها
قلت له انامقصره شوف حريم اخوانك والله ولاوحده تفكر تشيل كاسه لكن انا اكررف كرف الحمار
ولا احد يقدر وزززززززززززززززززززززززززززززعل وعصب وقال انا مالي شغل بحريم اخواني بحريقه اهم شي حرمتي
والله توصل لطلاق اهم شي اهلي
طيب انا ماني مقصره ليش تعاملوني هالمعامله
حتى عمي مايحترمني ودايم يحاول يمزح بمد اليد وسلفاتي لا
وش معني هالكلام
ابي طريقه ترضي ربي اول وزوجي ثانيا
ماعاد يهموني والله اني اشتغل واشيل عشان ربي ثم زوجي
بس محد منهم يشوف اني اسوي وافعل
مايهم الشغل لو اكرف لليل نهار
انا ابي احتررررررررررام لخصوصياتي ولبيتي ولا اهلي ماابي احد يتدخل وشلون
وصعب اقول وش دخلك ابي رد يسكتهم ابي رد يبين ان هالاسئله تتعدا خصوصياتي
مرا قالت ان مرت ولدي الكبيره صعب اسالها ومااحب اتدخل فيها
طيب انا ليش تساليني
لاتقولون معتبرتني بنتها
لا هي عارفه اني طيبه وتستخدم هالسلاح ضدي
انا جيت من بيت طيييييييييييييييييييييييب مافيه لاحقد ولا فيه لكاعه ولاخباثه ولا لسان طويل
فيه ناس طيبه تحترم الثاني وتحترم خصوصيات غيرهم
امي ماعمرها سالت اخواني وين رايحين وين جاين
وخالتي لا تسال اول باول
ساعدوني
وشلون اقول ياناس هذا حدكم لاحد يتدخل بخصوصياتي
شكرا حبيبتي ماقصرتي وربي
عسا ربي يسعدك ويوفقك

 

[الزهر الجوري]

عزيزتي الله يعينك والله اني حاسك فيك
بس اهم شي تكوني واثقة من نفسك واعملي الي زوجك يريدة وساعدي امه وبعدها روحي بيتك وبالتدريج غيري نضمك اليوم قولي عندي تنظيف البيت وباكر غسيل وكذا ولحد ما تتعود انك تساعدينها وتروحي وقت تكوني سليفتك واخواتها حاولي تساعديها قبل لا يجيو وتطلعي ومن ناحية الاسئله مالازم تجوبيها اسكتي وبس لا تردين اعملي نفسك ما سمعتي واذا سمعتك كلمه اسكتي واذا ما تحملتي انسحبي بهدوء وخليه تحس بغلطها اهم شي لا تتراجعي وقت تسمعك كلام كالعسل يعني نفس النظام والصبر اهم شي وبين حال زوجك انه اهم شي طلباته واهله مهمين راح تكبري ف عينه ولا تتضايقي من الشغل عندهم حتى لو متضايقة تحملي ولا تظهري له تعبك منهم وعوديه ع نظامك الجديد باسلوبك وقنعيه بالكلمات الى تلين قلبه ....والصبر اهم شي والله ما ينسى عبده دام الي يعمله لوجه الله ....وربي راح يعوضك لما فيه الخير ... موفقه

 

[عودي رنان]

الجوهره
صعب اني اطلع لما ييجون خواته وسلفاتي يزعل هو يقول ليش جالسه لحالك
وانا مايهموني انا اللي يهمني ليش تقلب وجهه يوم يجون ليش يتغير اسلوبها وتكسحني يوم تشوفهم
وسلفاتي وخواته بديت مااعطيهم وجه واكون معهم رسميه وبادلوني نفس الشي لكن هي لا
من رائيك بستخدم السكوت وش نهاية هالموضوع
والان صرت ماانزل اشتغل كثير حرام والله اكرف فوق وتحت انا موانسانه لي طاقتي بيتي اولا ونفسي اولا حرام بيتها قد بيتي وين العدال ليل نهار اشتغل
حطو نفسكم مكاني وش راح تسون :8:
ليش ادمر يدي وجسمي على ناس ماتسوى
الحين صرت انظف المكان اللي اكون فيه والمواعين اللي اكلت منها
خلاااااااااااااااااااااااااااااص انا تعبت من اسلوبها معي
الله يجزاك خير ياقلبي ماقصرتي

 

[جرح و أمل]

السلام عليكم اختي كان الله في عونك بس ترى مو انتي لحالك اللي تعانين من هالشي فيه كثير يعانون ويمكن اشد منك بس انصحك بكثرة الإستغفار و كرري قول اللهم اكفنيهم بما شئت وادعي في سجودك ان الله يسخرهم لك ويؤثرك عليهم ويحنن قلوبهم عليك موفقه حبيبتي

 

[عودي رنان]

جرح والم
الله يسعدك ياقلبي ويعينا على مابلانا فيه ربي
الحمدالله الحمدالله

 

[زهرانيه فله]

الله يعينك قلبي معاك لاكن نصيحه طنشي طنشي وربي ترتاحين مافي احد يستاهل تكدرين خاطرك عشانه :21:

 

[زهرانيه فله]

ادعي لي ان ربي يخر لي زوجي من جد تعبت معاه

 

[عودي رنان]

الله يسخره لك ويجعلك قرة عينه ويجعلة قرة عينك
تبين نصيحتي يازهرانيه اقري موضوع نمط الشخصيات والله والله بتفهمممممممممممين زوجك زين
اقري وتثقفي بهالموضوع شوفي هو اي نوع وترى مره مبسطينه هنا البنات الله يجزاهم خير
الله يسخره ويرده لكِ ردا جميل
ادعي لي

 

[أساورمن ذهب]

لاحول ولاقوة الا بالله كلنا في الهوا سوا!!!!!!!!

 

[عودي رنان]

اساور نحتسب الاجر عند رب العالمين
الله يعنا بس
جزاك الله خير ماقصرتي

 

[عودي رنان]

رررفع

 

[عودي رنان]

بنات وين الردود ردو علي الله يخليكم