//
رقه خزامى
ههههههه يالبى قلبك ياعسل لي الشرف والله
واتمنى العرايس اللي يقرون كلامي يتعظون من اخطائي
لاني ارتكبت اخطاء فااادحه في بدايه حياتي من ناحيه التجهيز وموضوعك ذكرني فيها
بالنسبه لمسابقه العروس الانيقه
انا فزت بالمركز الأول وحلاوة حامضه المركز الثاني وأنتي المركز الثالث
مبروك لنا جميعا ^_^
اتابع التعقيب على الموضوع ,,
بالنسبه لتجهيز شنطه السفر او الفندق حاولي قد ماتقدرين تكونين عمليه واختصري مساحه في شنطتك خصوصا في حاله السفر
للاسف انا تعلمت هالشي بالطريقه الصعبه ! راح اذكر موقفي عشان البنات يتعظون
لاني كنت شايله معي اكبر شنطتين >>> على اساس وحده ملابس والثانيه لانجري وشوز وحقائب يدويه واكسسوارات >>> صدق كنت فاضيه !
وما التفت لاي من النصائح وسويت اللي براسي والنتيجه :
*ماكان عندي مكان في شنطتي يوم بغيت اشتري من برا
* و الاهم زاد علينا الوزن في المطار وتورطنا بقوة وكان لازم ندفع 600 رينجت >>> العمله الماليزيه
وماكان معنا الا فلوس سعوديه ومافي المطار ماكينه تحويل وصار موقف من جد مانحسد عليه لان موعد اقلاع رحلتنا بعد ساعه وقمنا ندور في المطار ماندري وش نسوي
وانا خفت وقلت لزوجي خلاص ابرمي وحده من الشنط !! وعصب زوجي علي زيااده ! ههه
بس اشوا ربي رحمنا وجا السوبرفايزر وقال عطوني اللي معكم بالعمله الماليزيه وكان معنا تقريبا حوالي 230 رينجت واشوا مشى حالنا ورجعنا للسعوديه
بس فعلا كان موقف غبي وسببه سوء التخطيط وقله الخبرة من ناحيتي .
بالنسبه لنقطه مفاتنك كنزك ... صدقتي كثير في هالنقطه
خصوصا العرايس يعتقدون انه في البدايه لازم تحلل جلسات العنايه في جسمها
وتصير لابسه مشخلع 24 ساعه حتى في وقت الاكل والتنظيف وطول الوقت لابسه بيبي دول وقمصان عاريه وهذا غلط >>> خصوصا اللي زوجها جنوبي
اللبس العاري ممكن يكون كارثه لو ما عرفتي كيف ومتى تلبسينه , ومو شرط الاغراء يكون باللباس
الانثى الحقيقيه تقدر تحول اي شي في يدها لاداه مغريه وتزيد انوثتها , اعرفي المعنى الحقيقي لكلمه اغراء واستخدميها بذكاء .
نصيحه لكل عروس , لا تستعجلين وتستهلكين نفسك وتكشفين اوراقك كلها من البدايه لسه باااقي عمر ان شاء الله ^_*
اما من ناحيه العطور , انا اعترف اني كنت من الناس اللي يتروشون بالعطر ووقت تجهيزي كنت شاريه فوق ال20 عطر من الحماس واعرف ان ميزانيه العرايس اغلبها طايرة على العطور !
بس زوجي نبهني انه يفضل رائحتي الطبيعيه لان العطور تترك طعم مر على الجسم عشان كذا افضل شي اكتفي بشاور يومي بعد كل مجهود
و رشي العطر بالطريقه الصحيحه اللي هي انك ترشين على مكان النبض على يدك اليسار ووزعيه على باقي اماكن النبض في جسمك مثل جوانب الرقبه وخلف الاذنين لو كان زيت عطري >>> لاتتروشين فيه مثل ماكنت اسوي !
--
اكرر شكري على ماسطرته اناملك المبدعه و متابعين بشغف