مرعب صح .........وحوسة لها أول مالها آخر
لا تخافي بيكون سهل معااااااااي
أكيد تهربتي كثيييير من تنظيمه بحجة ياخذ وقت طويل
وماني فاضيه حاليا له
هينا من جد راح نطبق معنى كلمة كايزن بحذافيرها
خطوة خطوة ........وراح نوصل لنتيجة مبهرة في خلال أسبوع
وحقيقة أنا معاكم ..........وأسوي مثلكم
ياما أجلت ترتيبه ومحتاجة وقفة صادقة
وآخر الأسبوع الجاااااااي بعون الله
راح نحصل على مطابخ روعة تبرق وتلمع من النظافة العميقة
ومن حلاوة منظرها كل شوي تروحي تطلي عليه
وتعتزي بعملك ........وتفتخري باللي سويتيه
وتنفتح نفسك تدخليه .........وتطبخي وتحوسيه من جديد هههههههه
تخيلي منظره قبل ما تبدأي عشان يكون دافع لك
الحقيقة نبغى تنظيم دقيق بحيث توصلي لكل اللي تحتاجيه في ثواني
تذكري معاي وقتك غالي ولازم تحافظي عليه
في خلال اجازة هذا الأسبوع راح نبدأ في الثلاجة بس وفقط
شوفتي كيف أنا حنوونة .........حتى أضمن اننا كلنا ننفذ
وما نضغط على نفسنا وبعدين نفقد الحماس
اللي محتاجينه طووووووووول الخط
وعلى فكرة في النهاية في مكافأة حلوة
انت تحدديها لنفسك
لما يكون عندك فراغ ناتج طبعا عن التخلص من الأشياء غير الصالحة
ستشتري طقم جديد أو جهاز تحتاجينه
كنت تتردي قبل عشان مافي مكان
يالله اختاري مكافأتك الآن
كايزن الثلاجة
بصراحة لما تفتحي الثلاجة تبغي شغلة معينة توصلي بسرعة
أو تاخذي فترة قصيرة أو طويلة تدوري لحد ماتلاقي اللي تبغي
أنا أفضل بصراحة يكون هذا العمل شهريا ومن المناسب تحديد
وقته آخر الشهر حتى تكون الأغراض قليلة نوعا ما
لكن أنا بدأت فيه الآن لأني ناوية حرب مطبخية شاملة مع كل الدواليب
بس أخطط صح ومضبووووووووووط حتى أوصل لنتيجة حلوة
المهم لو كنت تبغي تضيفي مفارش حلوة من المناسب اضافتها الآن
أو تبغي تحفظي شي معين في قارورة زجاجية أيضا افعلي ذلك الآن
مثلا أنا عندي سماق وزعتر وسمسم
ناوية أرتبهم في زجاجات وأحطهم في باب الثلاجة
وللرايقة اللي عندها فنيات في التزين أضيفي لنا طرق سهلة
لأني ماني شاطرة بهيك شغلات
بس ودي أحط لمسات حلوة
أيضا لو وجدت أي خضرة معطوبة أو متعفنة اخرجيها
وفي نقطة مهمة لاحظتها انه لو كان في وحدة بس
متعفنة ينتشر العفن بسرعة بينها وتفسد كلها خاصة الطماطم
عشان كذا أي وحدة فاسدة اخرجيها على طوووول حتى ما تخسريها كلها هذا يوميا طبعا
بالنسبة للتنظيف أنا أحب استخدم الجف ينظف بسرعة ويعطي بياض حلو
ولا غنى عن الكلوركس والتايد
من الهم ارتداء القفازات للمحافظة على نعومة يدك
لو ماعندك اشتريها
وطبعا أنزل الأدراج وأغسلها وأدعكها بالأسفنجة أفضل
ثم باقي الرفوف أمسحها تمسيح
أخواتي /
ايش رايكم كل وحدة تصور ثلاجتها بعد ما تنتهي من ترتيبها
لزووووووووم الحماس والتشجيع
بس لا تطلبوا مني مشغولة كثيير معاكم
وحتى الفريزر لا تنسوه ......إن شاء نرتبه ونرص الأشياء والأكياس بطريقة حلوة
وانتبهي تخلصي من كل شيء ماله داعي
واسألي نفسك هل أحتاجه فعلا ؟؟؟؟؟؟؟؟ هل سأستخدمه ؟؟؟؟؟؟؟؟
عني أنا بصراحة كنت أحتفظ ببعض زجاجات الأدوية لفترة من الزمن
والحقيقة لو تعب أحد من أطفالي ما أعطيه منها
يعني إن شاء الله أبستغني عنها كلها ........زحمة وبس
لاحظي التواريخ وأي شيء منتهي على الزبالة الله يكرمك على طووووووول
خاصة زجاجات الخل والصويا وووووو
وياليت لو عندك أي اضافة حلوة لا تبخلي فيها واكتبيها لنا