قصتي ......

[قول & فعل]

الله ايسر عليج .. واضح جدا ان زوجج يحبج..والله يهنيج ويسعدج .. وان شالله تردين له عزيزة مكرمة ..

وتردين حبيبته الاولي والاخيرة .. وما يجوووف ولا وحده غيرج .. الله يهديه .. ياااارب ..

واحين فديتج كملي السالفة ^_^ << فضول الحريم هيهيه

 

[مثل الورد]

يالله ريحتي قلبي....

زين يوم اخوج وامج ادخلوا في الموضوع....

انتي انسانه وايد طيبه يبين من كلامج....

بس صدقيني الطيبه ماتنفع.. وخلج حازمه....

صدقيني اذا رديتي بكل سهوله راح يرد لسوالفه بكل السهوله.....

اخوج ماقصر ولا امج والله انهم وقفوا وياج وقفه محد يسويها هالوقت...

خلهم هم يصرفون معاه... وانتي تردين عليه ولا على مسجاته....

تعبج ودموعج مش رخيصه عشان يعرف قدرج بدل هالخايسات الي يعرفهن...

 

[full moon]

وفي بداية اليوم الرابع قالي ؤخويه روحي اليوم تكلمي وياه ورجعي لأنه مستحيل يرجع بيتنا من بعد السب يللي ياه ...ورديت انا اتصلتله ورد عليه بسرعه وقلتله اريد اليوم اكلمك وبنتلاقى في مكان بييبني اخويه له وقالي وهوه يصيح لا اريدج معايه حبيبتي إرجعيلي والله اني باكون خادم لج باسويلج يللي تبينه قلتله لا ماقدر ..قالي خلاص لا ترجعين بقطع علاقتيه فيج ماقدر اتعذب اكثر من جيه باستأجرلي شقه وباختفي من العالم بس اباج تحطين في راسج انج بتمين حبيبتي وزوجتي .... وحسيت انه هوه مسكين رديت قلتله لا باروح بيتنا (بيت زوجي) وقالي لا لتين وتم امفحم من الصياح وينشق وهوه يصيح .... والله عور قلبي وبعد ماسكرت عنه رديت صحت على حاله كيف كان ريال ميهزه ريح واحين عشاني انا يصيح من اربعت ايام وكلمت اخويه وقالي يللي يريحج سويه بس لازم تكونين حذره في تصرفاتج عشان ماتندمين بعدين ..... قلتله بافكر وردت امي تقولي لا ماتردين لازم تتطلقين شوه تبيبه ؟؟ وخوات يقوللي لا ماتروحين وثانيه كلام بعد غير وحسيت اني يالسه في دوامه ...راسي عورني من كلامهم ماعرف شوه اسوي ....مثل الظايعه تميت ..اصيح وارقد وانش..بس فجأه تذكرت شي اهم شي في حياتي (عيالي) ماشفتهم ولا سألت عنهم رديت اركض تدورهم يوم شافوني يوني يركضون وتظاحكون حظنتهم وتمو يسئلوني وين باباه ؟؟ شوه باقولهم؟؟؟ لو طلقنا شوه بيستويبهم هم واااااايد يحبون الوالد ماريد احرمهم من حنان الأبو .....رديت كلمت اخويه قلتله بارجع مع زوجي بس رد قالي انا مابمنعج بس إذا إشوفين انج بتقدرين تتصرفين معاه وتكلمينه بدون ماتصيحين روحي لا تخلينه يخدعج بدموع التماسيح.... وقلتله أقدر....وجهزت ساماني ورتبت عيالي وتصلت اكلم زوجي وقلتله يمر يشلني وياني هذيج اللحظه وشلني من بيت هليه ..وكنا ساكتين في السياره بس كان ويهه متنفخ من الصايح و راح يحوط عياله ويلعبهم وهوه شكله مايقدر يظحك ...وبعد مارجعنا البيت شفت العيال رقدو ورى في السياره ..قالي ليش جيه سويتي فظحتينا رديت عليه وقلت إنته ليش جيه سويتبي رد وصوته يتقطع يقولي انا غلطت سامحيني ورديت عليه عشان اقهره زياده وقلت فلان انا فيه مليون واحد يتصلي ويقول كلام غزل بس ماعطيهم مجال اسكر في ويوهم كنت عادي بدون ماتدري انته اراسللي واحد اواطرشله احبك وهييلا السوالف ..رد قالي انا ماشفتها بس كنت اراسل وهذا توني كنت بادي بس خلاص والله اني ماعيدها آسف ......طول العتاب في السياره وردو نشو العيال وسكتنا وشليناهم ونزلنا ، حسيت انه حياتنا بتتغير وااااااايد وبتستوي خايسه وكملت على هذا الحال اعيش معاه بدون ماعيد يللي صار عشان اقدر اعيش دست عمشاعريه وبين هذيج الأيام كنت مسويه موعدين وتكنسلن .... لين مافرجت آخر مره وتصلولي مملكة بلقيس والو انه الموعد قريييييب وايد وفرحت آخيراً باشوف ناعمه .... ويا اليوم المنتظر وفرحت اني باروح احس اني اطير من الفرحه ورحت ويا إختي ودخلت آخيراً عندها ويلست جدامها كأنه حلم .....ويلست وقلتلها كل شي وشافت صورة زوجي قبل يوم هوه ملتزم وبعدين .. قالتلي انه هوه وايد عنييد وصعب التفاهم معاه يباله وقت طويييييل وقالتلي اني لازم اشترك في المجله لأنها بتفيدني وايد وقالتلي لازم تتغيرين ونصحتني بأشياء وايد .... يوم طلعت من عندها حسيت اني مش انا كأني اطير من الفرحه و شنطتيه كل مأمسكها إطيح مادري ليش ؟ طلعت والإبتسامه طاره ويهي حتىظرس العقل بان هاهاهاهاها !!! ورحت الصالون وصبغت شعري وسشورته وغديت آحلى من قبل مع إبتسامه مشرقه رجعت البيت يوم شافني زوجي إنبهر وعجباه التغيير ...وبعد فتره حسيت انه تغير معايه وااايد إستوى مايرجع البيت إلين فليل ومايكلمني ابداً ولا يحط عينه في عينه يوم انا اكلمه ولا إييني ابداً ولا حتى بوسه عل خد مافيه ...إستغربت وسألته قلتله ليش إنته متغير معايه شوه سويت رد قالي اونج ماتعرفين شي شكيت في نفسي قلت خي ير والله ماعرف رد قالي كل ماشوف ويهج اذكر يلي صار لوحرمه غيرج بتتفاهم مع ريلها مابتروح تفظحه لوكنتي تحبيني صدق جان يلستي في بيتج وترييتيني ونتكلم عن المشكله احين حلفت الله اني ماسلم على هلج والا اوديج عندهم بس روحي مع السواق انا مابوديج ...حسيت اني تبلمت اقول في خاطريه ليش رد يتذكر ؟؟؟ وقلتله ليش احين تتذكر قالي كل ماروح الشغل امر عدال بيتكم واتذكر ......... وطلع عني وتميت اصيح اقول ليش لازم لازم اصيح اريد حل .....سكتت وتصلت حق اتأكد متى موعديه وقالولي انه قريب إرتحت ....وبعد فتره من معاناتي واني احاول ارظيه كله يرد ومايعطيني ويه ولا يكلمني واحاول اخذ نصايح من الموقع بس مااااااافيه اي فايده وبعدين إتصلت باسأل عن المجله وقالولي انه ناعمه في إجازة مدة اربع شهور ...سكرت التلفون وانا ساكته قلت فيه حل واحد ايلس واكلمه خلاص احس اني بانفجر ....... وبعد يومين افكر وارتب شوه باقوله وعشان اكون مستعده ماكلت من الصبح إلين ما يا الظهر ويلست وياه وقلتله بعدك متظايق مني ؟؟ قالي هيه قلتله انا كل ماريد ابدا بدايه يديده انته تسكر في ويهي ليش ؟؟ انا دست عمشاعريه عشان اقدر اعيش اريد اكمل الدرب معاك إذا تميت افكر بلماضي ماباعيش ماقدر اتنفس يوم اذكر بس هذا كله إيأثر على صحتيه وعلى عيالنا فيه ناس يتهم مشاكل اكثر منا واكبر وانا ماقول جيه وانسى لا بعدني لريد اعدل حياتنا اسأل النس يللي مجربين ولقيت ناس مشاكلهم إتيب الراس.... ورديت زدت وقلت ،هل إنته يوم تتهرب من البيت تكون تفكر في حل؟؟؟ قالي وهوه منزل عينه لا ...وقلتله شوه تفكر آمانه تقولي رد وقال بس افكر كيف صارت المشكله وكيف عاملوني اهلج وإخوانج كانهم مايروحون ويا بنات ... قاطعته وقلت خلهم همه ىللي صار هذا بيني وبينك ...وسكتنا شوي....وقلتله هل تقبل انه إنحاول مره ثانيه ؟؟ قالي ليش لا بس خليني على راحتيه ولا تتصليلي بس مسج ... قلتله خلاص وطلعت عنه لأني كنت اريد أنفجر من الظحك لاني تكلمت اوني عاد مثل ناعمه هاهاهاها...وااااايد إستانست لأني مارتبكت ولا قطعت في كلامي ....بعد كمن يوم من التطنيش انا مآكلمه بس اتزين واتعدل واتعطر واكون في احلى حله وارتب بيتي غدل وابخره اخلي الزوليه تفوووووح عطور وبعد كمن يوم كنت اتريا يدخل بس رقدت كنت اريد اكلمه يوم نشيت الساعه اربع الفجر ماشفته عدالي ونزلت دورت في الميلس بس ماحد فلبيت واتصلت ادوره سكر التلفون في ويهي ....تميت اصيح عرفت انه مش فلبيت ..وبعد ساعتين من الإنتظار الطويل ،رن تلفوني طلع هوه رديت عطول وحاولت اني ماراويه اني شاكه فيه وقال اونه راقد في ميلس الرياييل ورديت قلتله اني ارحت الفجر ومالقيته رد غير وقال لالا قصدي في غرفة الظيوف وسكرت عنه ورحت اشوف انها مرتبه ومافيها فرش!!!!!! رد هوه إتصل وقل انا طلعت مع ربعي نتريق برع واونه حجته ليش مارقد عندي فلغرفه لأنه انا كنت مطرشه بنتي ترقد في بيت هليه قلتله انا طرشيتها لأني خذت إذنك ورد جلب السالفه اوني عاد ااذيه من المسجات رديت وقتله لا حبيبي انا ماطرشت مسج إلى وعندي حايه واظني مش اكثر من خمس مسجات !! رد قالي إنتي تاذيني ووايد تمين تلاحقيني قلتله لا مب صح من متى وانا ماتصلك ؟.... سكت ورد قال خلاص انا رايح مع الرياييل نتريق وبارجع لج ....قلتله الله يحفظك ..وسكرت بعد خمس دقايق إنفتح الباب وانه هوه ياي إب نفس لبسه مال البارحه وتم يشوفني وراح يقعد علكرسي عشان إيكلمني بس ماعطيته ويه وشفته ولا كأنه موجوووووود اريد اقهره ، حسبي الله ونعم الوكيل ...راح ورقد ولا كلمني وكملنا علا هذا لين البارحه واليوم الصبح قالي شوه رايج في الخبز يللي إشتريته ؟ وقف قبي وقلت في نفسي (نطق الحجر) !!!!!! وقلتله هيه وايد يعيبني الخبز الأسمر .... وكنت في نفس الحظه اسويله سندويج حق الشغل يوم عطيته راح عني بدون كلمه وانا اشوفه اتريا يقول شكراً او شي في خاطرج اييبلج بس مالقيت غير شي اكبر من كل هذا وذاك شي داوا آلامي ودموعي يللي ذرفيته وداوا قلبي المحروق بقبله علخد .........خلاص اريد يوقف الزمن ماريد شي ثاني ......وطلع وقال مشكوره..... ورجع اليوم بعد الدوام ويوم عقيت الغتره عنه حبيته عخده وكان يريد يحبني بس ماخليته ماريد اراويه اني اتريا حبه ... وهذي اصلاً الحقيقه هاهاهاهاهاهاهاها.....ظنكم الكلام يللي قلته له في الميلس يوم اتوهق اوني عاد قلت كلامي وطلعت كان صح ؟؟؟؟؟؟؟؟ ولا تبخلون عليه بدعائكم ونصايحكم يا خواتي والسلام عليكم ورحمة الله وبركاته :icon31: lhnd

 

[الهديه]

إختي إشتركي في دورة إستراتيجيات الزوج الخائن
وبعدين إذا هو مب قادر ينسى إللي سوى أهلج (عشان إنقضح واهتزت صورته تفشل )
وإنتي قدرتي تنسين كذبه وخيانته مثلا يعني يقتل القتيل ويمشي في جنازته
كان الله في عونك
بإذن الله إنتي لهاااااااااااااا
وطنشيييييييييييه
إذا ماشي إتصال بعد ماشي مسج قوليله شورايك بالإيميل أوفر وأفك (إسمحيلي بس من القهر)
وأذكرج إسترجعي كلام أ-ناعمه حتى لو تكتبينه وشوفي شو إللي طبقتيه وشو باقي عشان إطبقينه
وبهذه الطريقه بتبنين ذاتك وتنشغلين بأحلى شئ عندك
بتنشغلين بنفسك
سامحيني

 

[حبيبة زوجها]

الله يكون في عونك ويساعدك حبيبتي محد يسوى دموعك شكلك من كلامك انسانه طيبه وعلى نياتك جدا ادعي الله ان

شاء الله يهديه ويرجعه لصوابه اكثري من الدعاء والاستغفار وحاولي تخلي لك موقف جامد لان الانسان لازم يتعاقب

عشان يتردع وطالما الموضوع سار في يد الرجال احسن وطمنينا عليك

 

[full moon]

:clap: :clap: :clap: :clap: :clap: بصراحه ذكت طعم الإنتصار انا احين وايد فرحاااااانه على الردود يللي قريتها :clap: :clap: :clap:

 

[full moon]

احبكن في الله يا خواتي

 

[helwaya]

جيد جدا اختي

تغيرت للأحسن فعلا... وابتديتي تفهيميه وتتعاملي معاه صح

ماشاء الله .....وفق الله وجعل حياتك سعيدة

الى الامام

 

[full moon]

مشكوره بسبعده فيه عناااااد قوي!!!

 

[الهديه]

السلام عليكم مريومه
بس صاحب الحق دوم أقوى خصوصا إذا خطط وتكتك يامتكتك

 

[full moon]

هاهاهاها بس بعدني اريد اسأل كيف اقدر اكتشف انه يجذب وساعدوني حق اتغير للأحسن اريد انسى كل شي يظايقني شوه ايي؟؟؟؟؟؟ :c014:

 

[اموله99]

:clap: :harhar1: :showoff: :icon30: منصوره ان شاء الله
(انتصرنا والناصر الله)
يعني الحريم:bye1: :icon31: :nosweat: :showoff:

 

[full moon]

آآآآآآآه احس انه يريد يغايظني يقول باوديج ولا يوديني احين انا احين حاسه بقهر.....

 

[عنقود عنب]

هلا اختي مرايم

الله يهدي زوجك ويهديك ويخليكم لبعض

اختي ...اسمحي لي ان ابدي رأيي ... قد يكون ردي قاسي شوي عليك ...لكن صدقيني هذا لصالحك

اختي ...من خلال ما كتبتي ...لاحظت انك انسانه طيبة جدا وعلى سجيتك

وانك تحبين زوجك وزجك يحبك

لكن عندك اغلاط ترتكبينها بدون ما تشعرين ..هي يمكنها صغيرة ..لكنها كثيرة ..

اولا ..انت تقولين انك تذهبي الى بيت اهلك خمس مرات في الاسبوع !!!!

اختي هذا كثير جدا جدا ... يوم واحد في الاسبوع كافي ...واذا كان فيه مناسبة او امر ضروري يمكنك زيارتهم في هذه المناسبات

اما انك على كل وقت في بيت اهلك ...فهذا ياخذ وقتك كله وطاقتك

طبعا ..من وين يكون عندك وقت لبيتك واطفالك !!!! وخاصة انك ما عندك شغاله !!!!

الرجال يتزوج عشان يستقر في بيته ...يرجع البيت ..يحصلة نظيف ..اكله جاهز ..فراشة مبخر ومعطر ...اولاده نظاف ...

مو يرجع البيت وكل شي فوضى ...

انت من وين لك وقت تسوين رياضة ورجيم وتهتمين في نفسك وانت كله طايحة بيت اهلك ؟؟؟

بعدين ليش تروحين تقولين لاخوات زوجك عن مشاكلة ...حتى لو كنت ترتاحين لهم ... مشاكلك تحلينها بينك وبينه فقط لا تدخلين احد

اخطر شي تقولين مشاكلك لاهلك ..لان حتى لو انحلت المشكلة اللي بينك وبين زوجك ..انت راح تنسين ...لكن اهلك ما راح ينسون ..وراح يظلون شايلين على زوجك ..ما راح يسامحونه ..

وانت جربتي و شفتي رده فعل امك ..كانت تبغيك تتطلقين !!!!


اختي ..هذا انت عرفتي زوجك من خلال هذه المشكلة ..انه اعترف لك وتندم و اعتذر لك ..باين ان زوجك طيب مثلك

اللي ابغي اوصل له ..ان اي شي في خاطرك عليه ...لا تنامين الا وانت متصافيه معه ومتفاهمين عليه

هذا يقوي علاقتكم مع بعض اكثر

اقرائي اكثر عن كيفية التعامل مع الزوج

اقرائي كتاب((رجال من المريخ ونساء من الزهرة ))راح تستفيدين منه جدا

اتمنى ان يكون كلامي خفيف على قلبك

تحياتي ..

 

[عسل صافي]

أسأل الله العظيم أن يفرج كربتك وأن يرد لك زوجك ردا حميدا

 

[قول & فعل]

الله يثبتج ويزيدج ثبات ولإيمان .. حبيبتي مثل ما زوجج يقولج غنه متضايج من تصرفج لأنج خبرتي اهلج

قوليله يعني أنا الي وايد مرتاحة تروح تغازل غيري.. وهو الي بدا والمثل يقول "البادي أظلم" ..

شكله يحاول يخليج تتحملين مسؤلية من الي استوا.. جنه موب هو الي جاني >_< الله يهديه

بس وبالرغم من هذا .. يعني ما شالله مبين انه يحبج وما يبي يفرط فيج .. ما شالله الله يديم المحبة امبينكم ..

الله يفرج عليك وايسر لج أمرج يالغالية..

^_^ وطمنينا عليج ..

 

[اموله99]

انا مع عنقود عنب كلامها صحيح
اتمنا انج تستفيدبن منها

 

[ام رائف]

طنشيه واهتمي بعمرك شكل زوجك من الرجال اللي يحب يلاحق الحرمه مو هي اللي تلاحقه
تغلي عليه والله يوفقك مابينكم ويسعدكم في الدنيا ويجمعكم في الاخره في الفردوس الاعلى قولي امين

 

[full moon]

مشكورات ياخواتي علْ النصايح :clap: بس فيه شي باوظحه كثرت روحاتي قبل لايتوفى ابويه كنت اروح ايلس وياه كان تعبان وايد وإذا مر يوم وماشفت احس اني انخنق لأني قصرت ولا زرته بعد ماتوفى كنت اروح اقعد ويا امي بس بعدين شفت انه البيت ماله طعم بدون ابويه فاقلت روحاتي واحين ماروح إلى مره في السبوع أو السبوعين ....:no: ومشكوره على نصايحج ياخت عنقود عنب ويزاج الله الف خير:blush-anim-cl: بس سالفة النادي يوم اربي واريد اروح اداوم زوجي يمنعني يقول سوي راضه في البيت:flex: !!! شوه اتعلق علدريشه؟؟؟؟:icon28:

 

[اقحوانة]

لا تتعلقين في الدريشة ولا شي أختي اللي يبا الصلاة ما تفوته .. عندج التلفزيون سوي رياضة وياهن .. أو اشتريلج فيديو وايد أنصحج فيه .. لجين فوندا وايد فنانة هي أمريكية بس صدق تسوي رياضة للحوامل وبعد الولادة ولتشكيل شكل الجسم وأدواتها بسيطة ما تحتاج غير أثقال ، ولا كرسي ولا ستبر Steper .. نصيحتي شدي حيلج وأنا وياج ..