حبيبة الغالي143
New member
- إنضم
- 9 فبراير 2009
- المشاركات
- 54
بسم الله الرحمن الرحيم
السلام عليكم يا حلى بلقيسيات في الدنيا ....
مدري شدتني المواضيع بشكل كبير .... قلت خلني اكتب قصة حياتي وياكم الى ان وصلت الى حبي الخالد ....
ما بطول عليكم وراح ابدأ قصتي ....
ولدت في عيلة من ام واب انفصلوا وانا عمري 3 سنوات واخوي عمره 6 شهور ... يعني معاناة امي كانت جدا صعبة وخاصة انه ام امي جدتي الله يهديها كانت جدا قاسية .... ومن كثرة قسوتها كنت اسأل امي ليش تسوي فيج كذا ... انتي مو بنتها .... وخبرتني امي عن طفولة جدتي المأساوية وكيف انها أثرت عليها ....
مرت الايام والله يرحم جدي كان ما مقصر فينا بحكم انه صايغ وعنده محلات ذهب تقريبا 5 وعشنا في عز وابوي ما يصرف ولا درهم علينا .... وسبحان الله يوم عن يوم شخصيتي تكبر وتتهيأ بأنها تتحمل المسؤولية ....
وعوضنا الله بخالي اخو امي وجدي وصاروا احن علينا من اي انسان حتى لو كان ابوي عايش .... وسافرنا ولبسنا احلى اللبس .. الى ان جاء ذاك اليوم الاسود وتوفى جدي في حادث سيارة .... وما كمل 9 أشهر ولحقه خالي في حادث ....
وتدهورت حالتنا وخاصة اخوي لدرجة انه اصيب بالربو .... ومن بعدها عشنا اسوأ ايام حياتنا بعد ما كنا عايشين في عز ... والله راد وخالاتي اربع في الجامعة ... تخرجوا وحدة ورى الثانية في خلال كم سنة وتوظفوا على طول والحمدلله ...
بدت حالتنا تتحسن لانهم قطعوا عن المصروف اللي جدي كان يصرفه علينا وجدتي زادت قسوتها وخاصة على امي وحتى الشغالة والسايق فنشتهم وخلت امي خدامة بالبيت .... كنت في اليوم اموت الف مرة واصيح صياح ... وابوي ولا على البال ولا حتى يسأل تمر شهور ما نشوفه عادي عنده ...
فديت خالاتي الحنونات اللي تربيت في وسطهم ومن اشتغلوا خصصوا مبلغ لامي مصروف لنا غير عن اغراضنا هما يشترونها ... وعشنا وخلصت الدراسة وابوي اصر الا اروح عنده ناوي يدرسني .... طبعا قعدت معاه 3 شهور وزني من 50 صار 43 من عذاب زوجته والاقي اغراضي رامينها برع وامرض ويغمى علي ولا حد يسأل عني .... وترست راس ابوي قالتله احسن لها تشتغل وتساعدنا ولا تدرس وعقبها تقعد في البيت ...
وطلبني ابوي وبالفعل قالي ابغيج تشتغلني في مدرسة خولة .... مدري من وين جتني الجرأة والشجاعة وقلت مابغي اشتغل ابغي ادرس ....
نسيت اقولكم قبل لا اسير عند ابوي .... كانت عمة امي حرمة كبيرة في السن وما تشوف وساكنة عندهم في البيت ... طبعا جدتي تكرهها كره العمى لدرجة انها حاطتنها بروحها في ملحق .... مدري ليش كنت احبها وايد اقعد معها واكل معها واطلع لها ثيابها واخذها للحمام الله يعزكم .... وتعلقت فيني وكانت تدعيلي وجدتي كانت تصرخ وتعصب علي وانا كنت اعطي جدتي طاف خخخخخخخخخ ....
المسكينة كانت بين فترة وفترة تعطيني فلوس وانا اقوللها مابغي شي منج ابغي دعائج وبس ....
ويوم طلبني ابوي ... كانت اخر مرة اشوفها ... والى اليوم اتذكر جملتها اللي قالتها .... قالتلي الله كاتبلج مستقبل متميز وبتدرسين وبتشتغلين شغلة محترمة والله بيعطيج زوج يعوضك حنان ابوج كله ... وروحت عنها ....
قعدت عند ابوي 3 اشهر وسمعت انها توفت .... ورديت عند امي عشان العزا لانه ابوي ما سوا شي غير انه دخلني معهد ادرس فيه لغة وكمبيوتر اونه يهياني عشان الجامعة ....
رديت البلاد واول ما شافتني امي من عقب 3 شهور حضنتني وصاحت صياح تقولي مو معقولة هذي بنتي انتي ما تاكلين اكل .... تقولي اخوج يحلم فيج وايد لدرجة في يوم دشيت غرفته سمعته في رقاده يزكرج باسمج ....
(هنا قلت فديتك ياخوي اكيد حاس فيني) ....
طبعا انا من شفت امي صحت صياح نحيب والكل كان يقول عشان العزا واني ما شفتها المرحومة واني كنت وايد قريبة منها .... وانا في قلبي جرحين جرح وفاتها وجرح ابوي اللي ذابحني ...
بعد 3 ايام من العزا .... وحدة من خالاتي شكت فيني .... وجمعت خالاتي الاربع اللي نحن كلنا قريب من العمر واستغلت فرصة وجود امي وخالاتي الكبار مع الحريم ....
وتمت خالتي تسألني شو بلاج ليش مختفية وليش صايرة جيه لا يكون تحبين ضحكت من قلبي .... وانا في خاطري اقول انا ما احب وعمتي حرمة ابوي كل يوم تفتش اغراضس وتشك فيني عيل لو حبيت شو بيصير ....
قلتلها ما فيني شي بس مجرد غربة وانتي تعرفين تأثيرها .... قالتلي انتي عند ابوج واخوانج وتقولين غربة ليش ؟؟؟
قلتلها صدق مافيني شي .... طبعا ثنتين من خالاتي دارسات علم نفس ... المهم ما طافت عليهم السالفة ... قامت وحدة يابت مصحف وحلفتني عليه قولي الصدق .... بدون لا احلف على المصحف انهرت ... وطحت في حضن خالتي واصيح من قلبي والله اني اصيح بصوت .... وقعدت احكيلهم انه ابوي ما سوالي شي وانه حرمة ابوي ترمي اغراضي برع وتخش الاكل عني وما يحسبوني عندهم في العشاء ... وترقد عيالها بعيد عني وتصك عني الكهرباء عشان ما اشوف تلفزيون وتمنعني من الاتصال فيهم .... ومن كثر اللي قلتلهم والله انه خالاتي تموا يصيحون صياح ....
حلفتهم ما يخبرون امي ... يكفيها اللي فيها ... تقولي خالتي ياربي انتي كيف طيبة ... حتى انج ما تبغين امج تشيل همج وانتي شالة هم اثقل من الجبل ....
المهم حسينا انه خالاتي الكبار يايين صوبنا وسكتنا عن الموضوع ... بعد يومين كنت الملم اغراضي وانا في داخلي اصيح مابغي اسير .... الين ياني اخوي يقولي لا تسيرين قعدي ويانا حتى لو ما تدرسين انا بخلص الثانوية وبشتغل وبدرسج وعقب انا بدرس بروحي .... قعدي عند امي وخالاتي ترى والله ما عليج من جدتي معطينها طاف وما تقدر تقول حق احد شي الحين غير .... والله كلامه موتني وفي نفس الوقت اقول كانه حاس فيني ...
وانا ياية اروح واطلع عمي ياي ياخذني .... لحقتني خالتي عدال الباب وقالتلي اوعدج ما بتكملين الشهر وبتردين عندنا ....
للقصة بقية ....
ان لقيت تفاعلكم بكمل بعون الله ...
السلام عليكم يا حلى بلقيسيات في الدنيا ....
مدري شدتني المواضيع بشكل كبير .... قلت خلني اكتب قصة حياتي وياكم الى ان وصلت الى حبي الخالد ....
ما بطول عليكم وراح ابدأ قصتي ....
ولدت في عيلة من ام واب انفصلوا وانا عمري 3 سنوات واخوي عمره 6 شهور ... يعني معاناة امي كانت جدا صعبة وخاصة انه ام امي جدتي الله يهديها كانت جدا قاسية .... ومن كثرة قسوتها كنت اسأل امي ليش تسوي فيج كذا ... انتي مو بنتها .... وخبرتني امي عن طفولة جدتي المأساوية وكيف انها أثرت عليها ....
مرت الايام والله يرحم جدي كان ما مقصر فينا بحكم انه صايغ وعنده محلات ذهب تقريبا 5 وعشنا في عز وابوي ما يصرف ولا درهم علينا .... وسبحان الله يوم عن يوم شخصيتي تكبر وتتهيأ بأنها تتحمل المسؤولية ....
وعوضنا الله بخالي اخو امي وجدي وصاروا احن علينا من اي انسان حتى لو كان ابوي عايش .... وسافرنا ولبسنا احلى اللبس .. الى ان جاء ذاك اليوم الاسود وتوفى جدي في حادث سيارة .... وما كمل 9 أشهر ولحقه خالي في حادث ....
وتدهورت حالتنا وخاصة اخوي لدرجة انه اصيب بالربو .... ومن بعدها عشنا اسوأ ايام حياتنا بعد ما كنا عايشين في عز ... والله راد وخالاتي اربع في الجامعة ... تخرجوا وحدة ورى الثانية في خلال كم سنة وتوظفوا على طول والحمدلله ...
بدت حالتنا تتحسن لانهم قطعوا عن المصروف اللي جدي كان يصرفه علينا وجدتي زادت قسوتها وخاصة على امي وحتى الشغالة والسايق فنشتهم وخلت امي خدامة بالبيت .... كنت في اليوم اموت الف مرة واصيح صياح ... وابوي ولا على البال ولا حتى يسأل تمر شهور ما نشوفه عادي عنده ...
فديت خالاتي الحنونات اللي تربيت في وسطهم ومن اشتغلوا خصصوا مبلغ لامي مصروف لنا غير عن اغراضنا هما يشترونها ... وعشنا وخلصت الدراسة وابوي اصر الا اروح عنده ناوي يدرسني .... طبعا قعدت معاه 3 شهور وزني من 50 صار 43 من عذاب زوجته والاقي اغراضي رامينها برع وامرض ويغمى علي ولا حد يسأل عني .... وترست راس ابوي قالتله احسن لها تشتغل وتساعدنا ولا تدرس وعقبها تقعد في البيت ...
وطلبني ابوي وبالفعل قالي ابغيج تشتغلني في مدرسة خولة .... مدري من وين جتني الجرأة والشجاعة وقلت مابغي اشتغل ابغي ادرس ....
نسيت اقولكم قبل لا اسير عند ابوي .... كانت عمة امي حرمة كبيرة في السن وما تشوف وساكنة عندهم في البيت ... طبعا جدتي تكرهها كره العمى لدرجة انها حاطتنها بروحها في ملحق .... مدري ليش كنت احبها وايد اقعد معها واكل معها واطلع لها ثيابها واخذها للحمام الله يعزكم .... وتعلقت فيني وكانت تدعيلي وجدتي كانت تصرخ وتعصب علي وانا كنت اعطي جدتي طاف خخخخخخخخخ ....
المسكينة كانت بين فترة وفترة تعطيني فلوس وانا اقوللها مابغي شي منج ابغي دعائج وبس ....
ويوم طلبني ابوي ... كانت اخر مرة اشوفها ... والى اليوم اتذكر جملتها اللي قالتها .... قالتلي الله كاتبلج مستقبل متميز وبتدرسين وبتشتغلين شغلة محترمة والله بيعطيج زوج يعوضك حنان ابوج كله ... وروحت عنها ....
قعدت عند ابوي 3 اشهر وسمعت انها توفت .... ورديت عند امي عشان العزا لانه ابوي ما سوا شي غير انه دخلني معهد ادرس فيه لغة وكمبيوتر اونه يهياني عشان الجامعة ....
رديت البلاد واول ما شافتني امي من عقب 3 شهور حضنتني وصاحت صياح تقولي مو معقولة هذي بنتي انتي ما تاكلين اكل .... تقولي اخوج يحلم فيج وايد لدرجة في يوم دشيت غرفته سمعته في رقاده يزكرج باسمج ....
(هنا قلت فديتك ياخوي اكيد حاس فيني) ....
طبعا انا من شفت امي صحت صياح نحيب والكل كان يقول عشان العزا واني ما شفتها المرحومة واني كنت وايد قريبة منها .... وانا في قلبي جرحين جرح وفاتها وجرح ابوي اللي ذابحني ...
بعد 3 ايام من العزا .... وحدة من خالاتي شكت فيني .... وجمعت خالاتي الاربع اللي نحن كلنا قريب من العمر واستغلت فرصة وجود امي وخالاتي الكبار مع الحريم ....
وتمت خالتي تسألني شو بلاج ليش مختفية وليش صايرة جيه لا يكون تحبين ضحكت من قلبي .... وانا في خاطري اقول انا ما احب وعمتي حرمة ابوي كل يوم تفتش اغراضس وتشك فيني عيل لو حبيت شو بيصير ....
قلتلها ما فيني شي بس مجرد غربة وانتي تعرفين تأثيرها .... قالتلي انتي عند ابوج واخوانج وتقولين غربة ليش ؟؟؟
قلتلها صدق مافيني شي .... طبعا ثنتين من خالاتي دارسات علم نفس ... المهم ما طافت عليهم السالفة ... قامت وحدة يابت مصحف وحلفتني عليه قولي الصدق .... بدون لا احلف على المصحف انهرت ... وطحت في حضن خالتي واصيح من قلبي والله اني اصيح بصوت .... وقعدت احكيلهم انه ابوي ما سوالي شي وانه حرمة ابوي ترمي اغراضي برع وتخش الاكل عني وما يحسبوني عندهم في العشاء ... وترقد عيالها بعيد عني وتصك عني الكهرباء عشان ما اشوف تلفزيون وتمنعني من الاتصال فيهم .... ومن كثر اللي قلتلهم والله انه خالاتي تموا يصيحون صياح ....
حلفتهم ما يخبرون امي ... يكفيها اللي فيها ... تقولي خالتي ياربي انتي كيف طيبة ... حتى انج ما تبغين امج تشيل همج وانتي شالة هم اثقل من الجبل ....
المهم حسينا انه خالاتي الكبار يايين صوبنا وسكتنا عن الموضوع ... بعد يومين كنت الملم اغراضي وانا في داخلي اصيح مابغي اسير .... الين ياني اخوي يقولي لا تسيرين قعدي ويانا حتى لو ما تدرسين انا بخلص الثانوية وبشتغل وبدرسج وعقب انا بدرس بروحي .... قعدي عند امي وخالاتي ترى والله ما عليج من جدتي معطينها طاف وما تقدر تقول حق احد شي الحين غير .... والله كلامه موتني وفي نفس الوقت اقول كانه حاس فيني ...
وانا ياية اروح واطلع عمي ياي ياخذني .... لحقتني خالتي عدال الباب وقالتلي اوعدج ما بتكملين الشهر وبتردين عندنا ....
للقصة بقية ....
ان لقيت تفاعلكم بكمل بعون الله ...
