قصتي ما لها نهاية,,

[وصفه حزن]

حلو الصورة عجبتني الصراحه,,,مشكورة ع الرد

 

[فقدتك ياقلبي]

انتي استخيري
وخذي راي اهلك

واذا وافقو خليه يجي ويكلمهم ويكون قد كلمته

والله يكتب لك اللي فيه الخير

 

[gggg]

شوفي بترجعين
ارجعي بس بشروط
الاول ... انه يعطيك مهر بدل الي أخذ و عشان يعرف قيمتك
الثاني ... يستأجر بيت لك بعقد أقله ثلاث سنوات.. و قبل ما تروحن له يكون استأجر
الثالث ... تقوليله أختك ماله علاقه بنا و بحياتنا
و قبل كل شي استخيري​

 

[قصةكفاح]

استخيري اختي صح كلامك عن مجتمعنا
بس كل شيء بيد الله بس اذا رجعتي اشتطرتي عليه كل شيء تبغينه
وحطي شهود على كلامه والله اكثر الرجال الحين عيال الماما
والام تستغل مرة الولد ابشع استغلل
كانها شغاله لا والشغاله تدلع اكثر منها

 

[وصفه حزن]

فعلا والله الله يعين كل وحده عندها عمه لسانها متبري منها وعسى ربي يجدم الي فيه الخير

 

[غَـيمْ ..!]

اذا تبين حبيبتي اعطيكي رقم شيخ عندنا في السعوديه مفسر احلام بس للامانه هو رجل دين واخلاق ونصوح بعد كلميه عن احلامك وهو اللي يخبرك اذا هالرجال خير لك او شر عليك . وان شاء الله ما راح تندمين

 

[همم شامخة]

حبيبتي موضوع البييت لاااازم يجيب لك بيت ولا ترجعين الا اذا جاب لك بيت وحطي شرط اذا بيرجع بيت اهله انت ترجعين بيت اهلك

 

[وصفه حزن]

مشكورات اخواتي فعلا حسيت بالراحه فيه حد يفهمني وممكن يكون عايش تجربتي,,

 

[غزال الجبل]

الله يكتب لك الخيره ...
شكلك تبين تردين ...عشان كذا حطي النقط فوق الحروف ..
استخيري اولا ....شاوري اهلك ...ضعي شروطك واولها بيت مستقل عن اهله ...وانك مالك شغل فيهم
فقط زيارات ورسميه من غيرقطيعه ولو على فترات متباعده ...انت عشت فتره وعرفت الخيط والمخيط ..
فالحين انت اللي تفصلين وتختارين اللي يناسبك ...بس ادرسي الموضوع من جميع جوانبه ...
والله يكتب لك الخيره ..​

 

[غزال الجبل]

لا تنسين حبيبتي تشرطين رضوه معتبره لرد اعتبارك لانه الحين شاري ​

 

[غَـيمْ ..!]

الله يفرج همك يالغاليه واذا فيه خير ربي يرده لك واذا فيه شر الله يبعده عنك قولي امين

 

[وصفه حزن]

امين الغالية مشكورة وعسى ربي يوفقج وتنالي مرادج

 

[Am.zezee]

البنات كفو و وفو لاترجعين بسهوله ع قولة حرمت اخوك خليه يكره اليوم اللي زعليك فيه

 

[وصفه حزن]

انا بداية طلاق نسيته وحاولت الملم حياتي المجروحه والفشل في زواجي لكنه من رجع حنيت وفعلا الحرمه دايما لها عاطفه تنسى الاساءة وتذكر الايام الحلوة من زوجها وانا وودددددي ارجعله بس دايما اتذكر اساءته لي وودي انسى,,

 

[hadifa]

اذا قبل بشروطك وحسيت أنه يحبك اعطيه فرصة وارجعي بعد ما تستخيري طبعا

في الأول ذكرت عيوب أهله ولم تذكري عيوبه وفي ردك الأخير قلت أتذكراساءته

ممكن توضحي كلامك عن الاساءة زي ايه يعني

 

[القوية]

شوفي حبيبتي الواضح انك تحبيه انصحك ان لا ترجعي له بسهولة حتى يعرف انك مو ضعيفة وخليك عن شروطك اهم شي ان يكون لكي بيت خاص بك واتمنى لكي كل التوفيق في حياتك

 

[دمع السحر]

السلام عليكم ورحمة الله وبركاته

شوفي يا عزيزتي طالما أستخرتي الله فأقدمي بالشروط اللي سبق وعرضوها عليك الأخوات فإذا أتسهلت فهي الخيرة وإلا فالله يعوضك خير
لكن الرؤية اللي شفتيها تدل والله اعلم على انه فيه خير ما أعرف بالضبط تفسير التمر لكن الرؤية الثانية وهو لبسك ملابسه وإنتي عريانة معناها إنه ان شاء الله ستر لك طبعاً ارجعي واتأكدي من أهل العلم ولاتنسي قوا الله عزّ وجل (ولا تنسو الفضل بينكم ) وطالما تقولي إنه كان طيب معاك أحيانا فما عليك في الأحيان الأخرى اللي أسألك فيها لأنها كانت بمسببات وليس من طبعه لأنه طبعه إنه يراعيك خصوصا لما بعدته عن أهله وإحنا بشر لسنا ملائكة نصيب ونخطأ ولربما هو طلب مهره لأنه حس نفسه مغبون لا هو عارف يعيش مرتاح مع زوجته ولا أهل يساعدوه على الراحة والإنسان في لحظات ضعف وإحباط يفقد القرار الصائب او يتصرف تصرفات غير مقتنع فيها لكن مجبر عليها خصوصا لو كانت هناك عقول مدمرة حوله تحاول تؤثر عليه فأعذري الرجل عزيزتي وأعطيه فرصة , والله يقدملك اللي فيه خير ويسهل أمرك يااااااااارب إنتي وجميع الأخوات .

وعلى فكرة بمناسبة المطلقة ما تأخذ الا كبير او متزوج هذا كلام غير صحيح أعرف مطلقات تزوجو برجال لم يتزوجو اصلاً وأقربهم بنت عمي قبل اسبوعين اتملكت من واحد عزوبي عمره 25 سنة وهي عمرها 30 ومطلقة وعندها اربعة اطفال فالله يرزق من يشاء بغير حساب فعلى ماذا الإحباط والتنقيص من انفسكم بمجرد انكم مطلقات ما دام الرازق هو الله عزّ وجل , يبتلينا فيختبر إيماننا إن صبرنا عوضنا بما هو أحسن وإن جزعنا فما لنا الا انفسنا وما فرضه المجتمع علينا , فالرجاء تغيير وجهة النظر هذه والنظر إلى الحياة بمنظور حسن حتى في أسوأ الظروف لأن الله معنا طالما نحن معه نذكره ونحسن الظن فيه .

مع تمنياتي بالتوفيق للجميع .
أختكم دمع السحر

​

 

[وصفه حزن]

اشكرج اختي دمع السحر وفعلا كلامج مقنع وربي يقدم الي فيه الخير,,وع فكرة انا ما ابديت جدام اهلي راي اذا ابي ارجعله او لا لاني ابي اقتنع بقراري سواء ايه او لا ابي افكر واشوفه هل فعلا يستحق ارجعله او لا

 

[cuteSusu]

قال الله تعالى:
(وبعولتهن أحق بردهن ان أرادا إصلاحا)
الصلح جميل وهو أولى بك من الرجل الغريب
بس انا أقول اثقلي شوي كمان
مو علطول ترجعي
خليه يحس بقيمتك أكثرويقدم تنازلات أكثر
عشان يستردك

انتبهي (ان الله لا يغير ما بقوم حتى يغيروا ما بأنفسهم)
لازم انتي تتغيري قبل لا ترجعين له
غيري نفسيتك للأفضل واعتزي بنفسك
ولا ترجعي أبدا أبدا أبدا على وعود شفهية
لازم من التنفيذ
يعني لا ترجعي بوعود بيت منفصل
لأ لزم يكزن البيت جاهز
ولا تنسي من حقك الرجوع بنهر جديد
خليه يدفع فيكي مهر ممتاز
عشا يحس بقيمتك
وأهله مالهم عليكي غير الزيارات الأسبوعية
حق الواجب وصلة الرحم

استمري في الاستخارة
الله يوفقك​

 

[وصفه حزن]

مشكورة خويتي ع الرد ويا رب يرزقج الي بخاطرج