قصة تربوية جديدة(قصة مالك)...

[دانسميز]

.

لو عاوز تتغير مع ابنك اقرأ قصة مالك... (اسمي مالك ....سني الان 26.....
انا الابن الوحيد...لماما وبابا....
قصتي فيها اشياء كتير مفيدة....
بابا وماما كانوا قرايب...
بعد الجواز بابا سافر ....دولة يشتغل
ماما مريضة قلب كان الافضل متخلفش تاني
وفعلا مخلفتش غيري
ماما هادية بس منظمة اوي...
اعمل كذا..
حط الحذاء في الجزامة..
دايما تخليني اقعد اعيد في الواجب....
النوم بمواعيد...
من وانا ف كج...
انا مخنوق..
ساعات باتمرد
تشتكي لبابا
يجيلي صوته في التلفون.#عيب يا مالك اسمع كلام ماما....
وبعد كده في الكمبيوتر #اسمع كلام ماما
ماما شخصية محددة بزيادة
عنادي لها بدأ يجعلها منفعلة
تصرخ..
كنت في ابتدائي احب بابا اكثر...
كان يحضني ويحمل الهدايا في الاجازات ?..
لكن....
ماما دوما تشكو من عنادي
وفجأة وانا في خامسة ايتدائي استغنوا عن بابا
رجع مصر بلا عمل....
الخناقات بدأت
نفسيته تعبانة..
دوما عصبي..
يبحث عن عمل بلا جدوي...
ماما تشكو من عنادي وعصبية بابا...
وبابا يزداد عصبية...
بدأ بضربني علي اخطائي
اول مرة صالحني
بعد كده اصبح الضرب هو العادي
والشخط ...زعيقه عالي جدا..
ماما كمان متوترة....
??
انا كان مالي بده كله ؟!
عاوزين مني ايه؟؟
بابا دايما قاعد قدام التلفزيون او بينخانق
وماما عصبية
والخناقات حوالين الشغل
ماما عاوزاه يرضي بأي وظيفة
وهو رافض..
حسيت انهم خلاص ركنوني علي جنب
وكل ما انطق ضرب ضرب....
بعدت عنهم...
قربت من ابراهيم....
ابراهيم زميل في المدرسة....
ابراهيم...جرئ جدا....
بنرد ع المدرسين
وكل شوية لفت نظر..
محمول جديد ظهر..
ابراهيم قال لي تعالي نجيبه...
قلت له منين
?ابراهيم قال لي
ناخد اللي احنا عاوزينه...
?
قلت له سرقة؟؟
قال لي باقناع (فلوس ابوك هي فلوسك بس هو بخيل عليك )
#منطق برضه....
مديت ايدي علي فلوس تيتة كانت بتساعد ماما بيها وماما حطاها في الدرج..
جبته وخبيته ....
ماما بتدور ومذهولة...
الامر اتكرر مني بس ف مبالغ اقل...
ماما وهي بتروق اوضتي شافت الموبايل ..
???
انهارت...ايه ده
بابا جاء ع صوتها..
ضربني..
انت حرامي ?
بابا وماما فعلا انهاروا...
مش مصدقين
المدرسة عملت لهم استدعاء كمان لتطاولنا علي المدرسين
بابا ضربني برضه بالحزام ?
ازداد عنادا....
اكرهكم...هكذا اصرخ واصرخ ..
ابراهيم علمني التدخين...بيسرق سجاير ابوه....
مدرس الالعاب شافنا
رفد.....
بابا كسرني
ماما تبكي بلا انقطاع....
بابا لقي شغل.....
وبدأت احواله تستقر....
لكن انا بقيت مشكلة المشاكل....
ماما منهارة من ردودي...
بابا كل شوية يروح استدعاء...
هما الان بطلوا خناق الشغل ??
بابا قرر يظهر انه يصاحبني....
بدأ يطبطب عليا
انفر بشدة من طبطبته
انا مش عاوز الايد اللي ياما ضربتني تطبطب عليا....?
بدأ يديني مصروف
بدأ يكلمني كويس
اشعر بغيظ شديد منه..
وازداد سوءا
كنت في تانية اعدادي...
يظهر انهم راحوا لدكتور نصحهم
ازداد عنادا
بيطولوا بالهم...
مستمر في التدخين واخد الفلوس من وراهم..
بابا بيقول لي (اطلب وانا اديك)
?
الان !!!
اخدت من بيت تيتة1000جنيه....
بابا.قال لي (انت اللي اخدتهم؟؟)
)قول مش هاعمل لك حاجة)
#مش مصدقك
#مش هاقول
ده اللي حسيته جوايا واصريت علي الكذب....
بابا وماما منهارين....
زقيت مدرس الالعاب
اتعمل استدعاء
قبل ما بابا يروح سألني ايه الحقيقة قول وانا مش اعمل لك حاجة؟؟؟
#مش مصدقك
#مش هاقول...
فكرت من جوايا كده....
اسمع بابا يقول لماما (مفيش فايدة قلت له مش هاعمل لك حاجة وبرضه بيكدب)
بابا لم ييأس
عزمني في فطار مطعم مول شهير
كلمني
قالي بتأثر (انا اسف يا مالك ..انا استسلمت لضغوطي واتعصبت عليك واسأت لك .. سامحني والله ما كنت اقصد )
?اتأثرت من جوايا...
بابا قال لي (انا اتربيت بالضرب وكان نفسي اربيك بأسلوب تاني....لكن غلطت في حقك....)
كنت متأثر...
بس ساكت....
بالذات اما قال لي بصوت باكي (سامحني )
?قلت له )عن اذنك )
رحت عيطت في الحمام....
اتأثرت فعلا......
ماما وبابا اتغيروا كتير...
بطلوا نرفزة وعصبية وضرب ....
لكن فيه شئ جوايا مش مرتاح....
مش مصدق اوي....
بس...
بابا بيحاول يرضيني...مش بالماديات بالمعاملة ...
ماما قللت الاوامر الكتير وبتحاول تحتويني ...
امممم متردد اصدقهم ولا ﻻ؟؟؟؟
لكن....
بابا صعبان عليا اوي ...
في يوم
جالنا اتصال من الشغل....انه اتنقل المستشفي
اتخضيت فعلا...
جريت علي هناك....مع ماما....
كنت بأسابقها....
غيبوبة سكر...
شريط حياتي معاه بيعدي زمان اما كان مدلعني...
لما رجع مصر وانفعالانه.....
تغيره....
وقفت قلقان اوي....
اول ما دخلت عليه حضنته....
اخيرا حضنته....
قال لي بتأثر (قلقت عليا فعلا؟؟كنت فاكرك بتكره بابا)
سكت.....
مش باعرف ارد....
بعدها...
لسة مع ابراهيم. .ابراهيم قال لي (ابوك اشتغلك...سيبك منه خليك راجل )

??
انا كرهت ابراهيم ده....
بس ....انا اتشهرت في المدرسة بالمشاغبة.....
فيه مشكلة كبيرة حصلت بين ابراهيم وبين مدرس الالعاب اللي مستقصدنا....
زقيت المدرس...
بابا قال لي (قول الحقيقة ومش هاؤذبك ..)
قلت له (بصراحة انا فعلا زقيته )
)عاوز اعتذر)
)انقلني من المدرسة ايعد عن ابراهيم )

ابتسامة بابا كانت غريبة وسط دموعه....
ماما حضنتني..
انا اتغيرت بعدها

بابا مرجعش ابدا يهين
ودايما بيعاملني كراجل ...
بقيت بأصدقه وبأصارحه...
دخلت كلية الهندسة...
في يوم كنت راكب مكروباص
شفت شاب شارب والسواق بيتخانق معاه
ده ابراهيم??
غمضت عيني حمدت ربنا ...ودعيت لإبراهيم. ...روحت حكيت لبابا....
الصلاة ملاذي دايما....الامضاء مالك)###اصبر علي التغيير عشان ابنك يصدقك
بلاش ظروفك الطارئة تسقطها علي ابنك وتزول الظروف بس تكون خسرته
منقول.. د. ايناس فوزي

 

[دانسميز]

اقترح أنا أضع قصة كل أسبوع وكل أخت تكتب ماذا تعلمت من هذه القصة؟ مارأيكم؟ لعلنا نفيد بعضنا فكل واحدة لها نظرتها

 

[رهف 88]

كالعادة رابيا مميزة في اختياراتك
القصة فيها مساحة للأمل كبيرة أن مهما أخطأ الوالدين في التربية فالحسنات يذهبن السيئات .. مجاهدة النفس والصبر على الابناء احسن من هدمهم وتدميرهم

 

[رهف 88]

كالعادة رابيا مميزة في اختياراتك
القصة فيها مساحة للأمل كبيرة أن مهما أخطأ الوالدين في التربية فالحسنات يذهبن السيئات .. مجاهدة النفس والصبر على الابناء احسن من هدمهم وتدميرهم

 

[دانسميز]

شكرا رهوفة... مالفت نظري في القصة أن الأولاد يصلون لمرحلة عدم تقبل الأهل مطلقا.. خاصة إذا طالت مدة المعاملة الخاطئة من الأهل.... الولد في هذه القصة تغير ولكن في قصة أخرى قرأتها لم يستجيب لكل توسلات والدته.وعاش بعيدا عنها.... وايضا مدى تأثر الولد بظروف المنزل...