قراري الأخير الطلاق

[hadifa]

أنا ع الأخوات الطلاق موحل بعد مارجع لك زوجك فكري في أولادك ولا تخربي بيتك

كويس فكرت تتابعي عند طبيب نفسي الله يفرج همك

 

[سنجار]

نصيحه لا تروحي لدكتور نفيسي
إلجئي للصلاة والدعاء راح يجيك النوم على طول وراح تنسي الاسائه

 

[شموخ الاحزان]

اشكركم على الردود ولاتنسوني من الدعاء

 

[همـــس الروووح]

اااااااااااااه واالله حرقتي قلبي
الله يفرج همك
بس الطلاق ماااااااااااله داعي زوجك يحبك لو تطلقتي ماراح تتزوجين غير معدد ومايحبك
تمسكي بمقرودك لايجيك اللي اقرد منه

اعتمري انتي وياه هذا اول شي ثم سافري انتي وهو بس عيالك صرفيه عند اهله اهلك خواته خواتك

وربي يسر امرك

 

[همـــس الروووح]

لا حبيبتي روحي طبيب نفسي بس لاحد يدري حتى خواتك لايدرون
والطبيب لايكون رجال لازم طبيبه عشان تاخذين راحتك

 

[نضوج أنثى]

انا مع كل كلمه قالتها الاخت رازيا بس اضيف شي بسيط لما تروحين عند اهلك لا تآخذين العيال معك هو بيجرب وبيتعب كيف البيت بدونك ومسؤولية العيال فوقها وقولي له بروح ارتاح واخذ قراري بهدوء ولاتجيب سيره لأهلي او عيالي انه في خلاف بينا مجرد اني تعبانه وبروح اخذ فترة راحه عند اهلي وبشوف وش يصير معي واعطيك خبر صدقيني بيتجنن ويجلس على اعصابه خايف من قرارك ومتوتر وبعدها عمره مايفكر يزعلك او يتخلى عنك بكذا انتي ترتاحين فتره وبنفس الوقت تعطينه درس عمره ماينساه وحاولي تنسين خلاص كلنا نغلط بس اهم شي نتراجع عن الغلط ونصححه وهذا اللي سواه زوجك والله يسخركم لبعض

 

[شلون مااغليك]

الله يعينك بس اصبري عشان اولادك

 

[بقاياحلم]

الشتاء الدافي.......الله يسلمممممممك يارب


قلتي اللي كنت باقوله........


واضيف على كلامك ........شتاء ..هالكلمتين لاختنا.



شوفي شموخ.مشكلتك انك ماتنسين جرحه بسهوووووله وهذاللي تاعبك......واييه يعني لو فكر وايه يعني

لو حتى تزوج...درب اللي يودي..



الطلاق ياقلبي مو حل ..انتي بترتاحين وهو بيغسل يده من مسؤلياتكم ..ويرتاح...بس فيه مسؤليه اكبر منك ومن هم زوجك عيالك فكرتي فيهم


نفسياتهم عملتي لها حساب...بعدهم عن ابوهم وتربيتهم طفولتهم احتياجاتهم ومراهقتهم عملتي له

حساب انتي لوحدك معاهم بس .. عملتي له حساب عشان عيالك كل امرصعب يهون...


تحملي ..وحطي جل اهتمامك فيهم وبتشوفين كيف الله بيعوضك بالحنان والحب ..والراحه..


..لاتضايقتي وفكرتي كذا..قبليهم احضنيهم باقوى ماعنك...ابكي لو قدرتي ..وبتشوفين ..

انك ماراح تقدرين على قرارك ذا...



يارب ييسر امرك ويفك ضيقتك وضيقه كل مسلم

 

[رازيا]

اللهم فرج همها امين وارشدها الى طريق الحق

 

[لوليتا2010]

والله الاخوات ما قصرو انا اقول ما في رجال كامل واذا تطلقتي راح تتمرمطين انتي والبزوره امسكي زوجك ما في احسن من الزوج الاولي اغفريله حاولي تكسبيه وتغيريه وتخليه خاتم في اصبعك خليك قوووووووووووووووووويه واللي صار اتعلمي منوه وفتحي عيونك عليه الحريم حدث ولا حرج متبرجين في الشارع ع الاخر والاسووووووووووووووووواق الله يكفينا شر فتنهم النجاح ياتي من الفشل

 

[لوليتا2010]

يااااااااااارب فرج همها وهم جميع بنات المسلمين

 

[شموخ الاحزان]

الله يفرج همي وهمكم وهموم المسلمين

 

[RAWABE 444]

الله بفرج همك ويسخرلك زوجك لكن مادامه متمسك فيك لا تتطلقي الوحده ماتطلب الطلاق الا عاد لاشافت الرجال مهملها ومايبيها

 

[$$زمن قاسي$$]

اختي الغاليه فكري بعيالك قبل نفسك بقريح يطيربه الرجل اهم شي عيالك يجلسون بعز ابوهم وبيت ابوهم موب يتشتتون فكري بعيالك قبل نفسك

 

[أنفال الكويت]

والله كلام الاخوات صحيح بس انا شايفه انج تكبرين المسائل بس ماألومج فيه رجاجيل مايعترفون ويحسس زوجته ان مالها قيمة ولاتغريه وماقامت ولا قعدت عنده واستهزاء فيها ويحقرها وتعالي شوفي النظرات اللي تخليج تكرهين تناظرين نفسج بالمرآة لا وعلاقته باهلج زفت ومايحترمهم وامج وخواتج مايدوشون بيتج بسبته شراح تسوين وسالفة النفسيه انتي تتحكمين فيها اذا كبرتي المسأله راح تكبر واذا صغرتيها صغرت وحنا بدار الابتلاء مثل مانفرح بالنعم المفروض نفرح بالنغم لان فيها رفع للدرجات واذا أحب الله عبدا ابتلاه على قد دينه انتي بنعمه مو حاسه فيها الله يسخره لج

 

[فراشة الياسمين]

ما تحتاجين لدكتور النفسي ولا شي

انتي محتاجه للجلوس مع نفسك كم يوم

وهذا الشيطان جالس يوسوس لك ويجعل زوجك اقبح الناس في نظرك

لا تخلين له طريق يدخل ينكم والله رح تندمين لو تطلقتي

شوفي كم وحده في المنتدى تطلب الطلاق بس من اسلوبها نعرف انها مجروحه ماودها بالطلاق

وانتي تظنين ان الطلاق رح يسكت الناس او يرد اعتبارك لا ابد

اناس رح يكثر كلامهم ويتفرجون من بعيد وانتي الي تتظرررين

فلا تجعلين نفسك فرجه لناس

ولا تسمعين لهم خلك واثقه من نفسك

وابتسمي وخلك اناقتك وكشختك

ولا حد يقدر يتكلم عليك​

 

[شموخ الاحزان]

اللي مخليني اراجع قراري هم عيالي وخاصه الكبيرة لما تشوفني ابكي تجلس معي وتبكي والله تقطع قلبي يوم تقول ماما بتروحين وتخلينا آآآآآآآآآآآآآآه ه