قتلني من الضرب

[مودعة الحب]

حبيبتي انتسي ماعندك رجال يادبوا اطلبي فزعة اهلك لمن يعرف ان وراك رجال يوقف عند حده ويحترم نفسه
يخسي ماعاد الي هو يمد يده

 

[بهلولة]

لا لا
الا الضرب
انتي مو حيوانة
حتى بجمعية حقوق الحيوان مانعين الضرب عنهم
لا تسكتين
وخبري اهلج

 

[روتـــانا]

طمنينا عنننننننننننننننننك

مايصير تكتبو المشكله وتسيبونا ما تكملوا اش صار طمنوووووووووووووووووووووناااااااااااااااااااااااااااااااااااا

 

[ام غلاوي2]

انتي قوليلوا الرجال يضرب المرأة لأنها ضعيفة لو كان رجال مايقدر يضربه مايستقووا الا على اللي اضعف منه والله لو يضربني لأضربه واردها ليه وقليلوا الحرمة مانخلقت للضرب والاهانة والله يا اختي كبري الموضوع عشان يخاف وماعاد يضربك

 

[جراده شياكه]

الله يهدي سركم يارب

 

[حبيت وانتهيت]

كفوهذي المره السنعه ماشاالله عليكي
وهالحريم يطقون فيهم وساكتين ليييييييييييييييش وقفيه عند حده واذا مد يده مدي يدك عليه خوفيه خليه يهابك وش هالحاله بعدين اذا بتهاوشين وياه ادخلي غرفتكم ولا تخلين العيال يشوفونكم والله حرااااااااااااااااام :30:

 

[وامطرت ذات صيف]

اولا ااخيتي الجألي لله وبعدين ضعي له حد وصلي صلاة استخارة والله بيسخر لك الطريق الصائب​

 

[القمر الخجول]

والله قوياات ياحريم والله لو أدري إن الرجال يتأدب بالضرب كان ضربته من أول ضربه
خسااارة راحت عليي نفسي أجرب ضرب الرجال
المهم إني أدبته بس موبالضرب

 

[بنت ال سعود....]

الرجال اللي يضربزوجته مو رجااال اصلا ....... تلاقينه لزي الحمار مع زملاه وبصراحه لو انا مكانك مستحييييييييل اسكوت....

 

[*******&&&&]

لاتسكتين وين كرامتك دخلي احد يتفهم معه كله ولا الضرب الله يهديه

 

[ندى الريحان]

شوفي يالغاليه
الوحد تصبر عشان عيالها بس هم ما يفكرو كذا يفكرو ان ماوراك ناس او انك تخافي تتركيه نفذي تهديدك وفي نيتك انك تكسبي احترامك لذاتك قبل كل شي قدام اولادك ..... وهو راح يتعدل مع الوقت انت صغيرة لازم توقفيه عند حدة بدري قبل ما يضيع عمرك في اهانات
اكيد ممكن يقولو انا نبيك تطلقي لالالالا لالالالالا لالالالا اختي بس بجد رجالنا تعبونا مزاجييييين لأبعد حد على كيفه يرضو على كيفهم يزعلو ومالهم قاعدة تعامل ثابته الله المستعان

 

[غدير الكويت]

الله يصلح اموركم بس حبيبتي لاااا تسمحين له يمد ايده مره ثانيه​

 

[القد المياس]

لاحول ولاقوة الابالله..الله يكون بعونك لازم يدخلون أهلك.

 

[البلادي]

الله يوفقك ويكتب لك الخير

 

[القلب المهجور]

الله يصلح أحوالكم وأحوال المسلمين أجمعين

 

[همسة حزينة]

الضرب اهاااانة قوية على المرأه والمفترض ماسكتي حتى مايتمادى

 

[دلوعة زوجي1]

لازم توقفينه عند حده ولازم تتركينه كم يوم عشان يتأدب
والموضوع هذا اذا مادخلتي فيه رجال مثل أبوك أو واحد من أخوانك زوجك ماراح يتغير

 

[مشاعر جنوني]

لاااا ياقلبي انتِ كذا غلطاااااااااااانه سكوتك في المره الاولى والثانيه خلاه يتمادى
قوي شخصيتك وطز فيه اللي كاتبلك ربي بيصر اتركيه وروحي لأهلك ذييك الساعه من جد راح يحس بقيمتك ويخاف انه يخسرك وبيجي يعتذر لا ترضي بسهووله خليه يتأدب عشان يحترمك ويبطل المهزله

 

[قلبي نفسي]

محد قالج ما تخبرين اهلج
لان يعرف ان لو كسر راسج بتسامحينه وهو مب مفسر مسامحتج له على انها حسن نيه ..هو مفسرنها ضعف

سيري طلعي تقرير طبي

وروحي عند اهلج وخلي حد يتفاهم وياه ...ريال لريال...مب يقص عليج ويرد يضربج

 

[قلبي نفسي]

اسفه اتاخرت عليكم كثير بس كنت عايشه في توتر وارق وخوف

كلمت اخوي وقلتله على كل شي من ست سنوات وخبرته عن معاناتي وااايد استغرب لان زوجي معروف عند اهلي انه وايد طيب ومحترم وايحبن يوايخاف علي وهذا كله صح بس يوم ايعصب عادي يضرب امه

اخوي طبعا اتطاير الشرار من عينه وقالي انشا الله من يطلع الصبح بيروحله الشغل وبيتفاهم معاه . المهم انا ما قدرت انام من الافكار اللي اتدور في راسي بس كنت ةاثقه ان اخوي بيحل المشكله بشكل عقلاني لانه وايد عاقل ومتفهم جدا

المهم صحيت الصبح لقيت زوجي امطرشلي رساله كاتب فيها انه ندمان وانه ايحبني واني انا وعدته اساعده في حالة الغضب اللي اتييه س ما ساعدته وكاتب يعل ايدي الكسر والشلل وندماااان
بس انا قلتله خلاص الموضوع طلع من ايدي ولازم يدخل حد بينا يحل المشكله وايرجع حقي

انصدم قعد يترجاني عشان ما اقول لاهلي وقالي مستعد انفذ كل اللي تبينه بس ما اتقولين لحد وما اتدخلين حد بينا
وقالي وحياة العشره اللي بينا والايام الحلوه اللي عشناها ما اتدخلين حد بينا

اذا دخل حد بينا ما بتنحل المشكله بتتعقد

طنشته

وقلت لاخوي قالي شوفي انتي الغلطانه هو مد ايده عليج اخر مره من اسبوعين كان لازم في نفس اليوم اتخبريني مب اتسامحينه وتضحكين معاه وتستانسون وبعد اسبوعين اتردين اتغيرين رايج واتقولين الحين بادبه
لا كان المفروض في نفس اليوم او على الاقل ما اتسامحينه ابدا وبعدين اتقولين

قالي هذي المره ما بتدخل عشان ما اخرب بيتج بس والله وحلفني اذا مد ايده عليج مره ثانيه لا انتي اختي ولا اعرفج

عطيه اخر فرصه وشوفي بينفذ وعوده ولا لا

ولا تسمحيله يعاملج بقلة احترام انا اخوج اكبر عنج بكثير بس احترمج واعتبرج تاج على راسي
لا اتخافين انا عزوتج وبوقف معاج وما بتخلا عنج ابدا اذا اتجرا مره ثانيه ايمد ايده او حتى يغلط عليج بالكلام كلمين يعلى طوول وانا براويج فيه

وقالي ما بيكلمه خلاص وبنعطيه فرصه .... س انا قلت حق زوجي اني ما بسامحه الا اذا ردلي اعتباري وان ما يعتبر مسامحتي له ضعف او انهزام ...انا سامحته بس عشان اعطيه اخر فرصه يثبت فيها انه رجال

وقلتله ما ابا اشوفك الحين ابدا لحد ما احس اني ارتحت وطلبت منه يبتعد شوي

احترم هذا الشي وكل شوي ايطرشلي مسجات ندم وانا ما ارد عليه

وقبل شوي جا البيت وحطلي مصروف لي ولعيالي واخذ بعض اغراضه وملابسه وراح شغله وعيونه كلها نضرات انه عادي ايلس معاج اليوم بس ما عطيته ريق حلو ابدا
وبس

عاااااشت ام اليازية ....شواري اخوج حبيبتي ...اخخخخخ يا لليتج مخبرتنه من زمان

محد يرد ريلج غير ريال....مسويه روحج قبل الطيبه إلي تحبه وهو فاهمه الضعيفه التي تخاف ترمس

ما عليه حبيبتي ...


لازم تتعلمين تحبين عمرج ....بسج من التكرفيخ ...والتصفيع ...وانتي الحمدلله لج اهل يعزونج

وبيتهم لج ...الحمدلله ..وما ايسر ريلج يسوي شي

بس لو عطيته فرصه ...بيرد شرات قبل هو بيسوي المستحيل علشان يبين انه ندمان ..ما اقول لا تسامحينه

بس علميه احدوده قولي له انا مره مطلعه تقرير طبي يوم ظربتني وخاشتنه عند اخويه لا تفكرني القطوة المغمضه ...ضربه ثانيه ...بعطي اخويه الاشارة انه يتصرف ...

انا لو ما احترمك ماشي بيصبرني عليك ...حاب فنتح صفحه يديدة ما عندي ما نع ..حاب ترد تعيد السناريووو ..انا مب عبدة عندك وما ارضى على نفسي ولا اهليه يرضون اني انظرب
ولو كان يعرفون انك جذيه جان ما زوجوني لك ...