قريت الموضوع وضحكني وقلت اجيبها لكم طلع حتى الشباب مسوينا تجمع للعريس
– انضبط وابدأ صل بالمسجد . واجعل المحافظة على الصلاة تحول دائم من الخطبة إلى آخر عمرك.
لان اهل البنت يبي يسألون شيبان المسجد ويقولون تعرفون فلان .. لذلك صل وابد ( طلطل ) بوجيه المصلين كأنك تدور اخوانك.<<<< ما احب هالحركه.
2 – لا تتهيبل وتروح تتسلف سيارة زميلك ( الفخمة ) وترزها عند باب اللي انت خاطب منهم l
لأن الخطيبة مصيرها تعرف ان السياره مو سيارتك وبالتالي تطيح من عينها ....
3 - اثناء الشوفه لا تستحي ابدا وقز البنت من راسها لرجليها ولا يهمك ابوها واخوانها لأن الشرع ( يدعمك ) وان قالوا شيء .. قل لهم حديث الرسول صلى الله عليه وسلم
" فلينظر اليها وتنظر اليه فأنه احرى ان يؤدم بينهما "
وكما قال الشاعر ( لسان الفتى نصف ونصف فؤاده **** فلم يبق الا صورة اللحم والدم )
<<<< يضيع مع اللحم في الضحايا خصوصا التسبده يا بعد تسبدي..
لا يروح بالكم بعيد .
4- في الخطبة ان صار فيه مكالمات بعد ما يوافقون عليك .. فلا تصير لصقه وعلة وريد كل دقيقة داق على البنت .. ( وينكم فيه ) ؟ وش سويتوا اليوم ؟ ما اشتقتي لي؟
وش تسوين ؟ انت على السرير وإلا في المقلط ؟ << يخرب بيت السؤال ؟
5 - لو ( كتبت كتابك ) على البنت قبل بفترة وبديت تأثث بيتك .. لا تاخذ البنت إلا علشان تختار غرفة نومها بسسسسسسسسس وإلا باقي الاثاث اختاره انت وإلا خلها هي اللي تختاره كله ..
لانكم إذا بديتوا تطلعون مع بعض تختارون الاثاث .. فراح يطلع الاثاث مشكل تشكيلة عجيبه والوانه كأنها ( شرّاب تكرونيه بالمربعانية عند الحرم )..
.
كذلك اضبط ميزانيتك على مستوى معين من الأثاث بمعنى .. ما تشتري لي لوحه ب 3000 الاف والكنبات ب 5000 الاف .. يعني ما فيه توازن وتروح تشتري لوحه ثانية من ( حلة بن دايل ) ب 20 ريال ومن ايكيا ب 150 ريال .. فيصير بيتك كأنه
( حراج ابن قاسم )
من كل بحر قطره.
مثل اللي بيتهم طين وعندهم ( رولز رويس ) .
6 – اياني وياك تظهر بشكل مثالي في الخطبة. بل خلك على طبيعتك بحيث تقول للبنت هذا اناااا .. على طبيعتي
مو تصير حبيّب بالخطبة وصدام بعد الملكة.
ثالثا : ليلة الزواج :
ليلة العمر والليلة الوحيده اللي تحس فيها انك اهم واحد بالاحتفال .. فلا تصدق عمرك ويكبر راسك.. خلك طبيعي
ولا تكثر من شرب الشاي والقهوة ليلة العرس بعدين تنتفخ مثانتك فتتورط لانه صعب إذا رحت جلست مع العروس على ( الكوشه ) .. فجأه تقوم تقول بعد اذنك باروح الحمام .. صدقني راح تقول البنت إللي هذا اوله ينعاف تاليه
.. فلنفرض انك قمت من الكوشه ؟؟
بعد ما تخلص هل بترجع وتجلس مع العروس مره ثانية ؟؟
لا والبشت مشاء الله يمسك ريحه العطور بقوووه
بالعربي .. انت بتبلش بلشة ما بعدها بلشة
2 – ليلة العرس ارفق على سيارة الرجال اللي انت متسلفها منه .. لانك ممكن تصدم لانك ما تعودت انك تكون بسياره كشخه وجنبك بنت محترمه وهي حرمتك
<<<<<<< وش دراك؟
3 - خلك ذوق واسحب يد البنت وحطها على ( القير حق السياره )
هههههههههههههههه
وحط يدك فوقها ولا تكثر تفغيص يدها لانك بتتهور وممكن يصير لك شيء وإلا يجيك ( شد عضلي ) بعدين تصدم باشاره >>> لاحقين خير ان شاء الله .. لا تتصربع الله يصلحك..
4 - إذا جيتوا تدخلون البيت .. افتح الباب وخلها تدخل قبلك وامزح معها شوي ( خشي برجلك اليمين ) وبعد ما تدخلون ( ارقع ) ذيك الزغروته اللي تهز اركان البيت .. ثبت الله اركانك .
وإفتح النور وقل تو البيت نور
رابعا : سواليف ليلة العرس :
الكثير من الشباب في أي المواضيع يطرح ليلة الزواج وبرأيي انه بالامكان طرح مواضيع تتعلق بذكريات الخطوبة .. والابتعاد عن المواضيع الرسمية .. بمعنى تجنب الآتي :
–1 انتبه تتميلح او تنكت اكثر من اللزوم لان الموضوع سينقلب ضدك وبدال ما تصير وش زينك تصير ( كخا ) ومخفه .
2 – انتبه تجيب طارئ ( أمك ) ليلة العرس وتقعد تقول لبنت الناس من اول ليلة ( انا بصراحه امي أغلى امرأة عندي بالعالم ).. انا امي بصراحه ابيك تشيلينها فوق راسك انا امي بصراحه ما ابي احد يزعلها انا امي بصراحه مالها غيري ..
الله ياخذ بليسك انت ووجهك لا هالحين ادخل وامحطك بالعقال
<<<<<<<< أ عصب احيانا بدون سبب مقنع .. ما عليه رجعت طبيعي .. نكمل ..
مافيه شك ان الام قدرها غالي ومكانتها عظيمه بس لكل مقام مقال .. فما فيه مناسبه انك تجيب طارئ امك ممكن تأجل الموضوع لليلة اخرى.
وعلى فكرة البنت تبي تعرف غلاها عندك اول شئ
3 – امدح مكياج المدام وفستان فرحها لانها تعبت شهور حتى تظهر بهذا المظهر اللي انت تتمتع فيه انت وعيونك المغمصه ..
حتى لو كنت ( كمخه ) في مواضيع الذوق واللبس ولا تفهم فيها شيء امدح وخلك عباراتك فيها صدق بحيث تكون ( الكذاب الصادق ) ..
فهذا من شأنه انه يحسس المدام انها جميله بعينك ويرفع روحها المعنوية ويخليها تهضمك يا ابو كوع ( بني ).
وقول لها بسم الله عليك ما شاء الله على جمالك الله يحرسك ...إلخ
4 – انبته ثم انتبه انك تصير عاطفي او تخق ومن اول ليلة تقول للبنت ( بصراحه انا احبك وميت فيك ) .. لانها مؤكد انها مو مصدقتك ( ما امداك صرت تحبها ).
بصراحه كثير من الشباب محروم من ( كل شيء ) <<< وافهموها .. عاطفيا و... و .
واول ما نلمس يد تختلف عن يد صديقك ( الضب ) .. نخق وبسرعه نسعبل ونقول : آآآه الله لا يحرمني منك احبك احبك احبك .. ويمكن بعد اسبوع اكرهك اكرهك اكرهك.>>> يااااي .
خلك ثقل وخلي سلوكك هو اللي يقول للبنت اني احبك مو اساليب ( قردنه ) احبك بعدين تقول لها ( وش رايك نلعب عريس وعروسه )؟
ترى هالحركات ما تمشي على البنات التاليات .
معاني الكلمات : قردنه : محاولة اقناع جاده يتخللها وضع اليد على الكتف مع تنزيل الرأس وكأنك بتقول سر للطرف الآخر مع الاتجاه ( لركن ) الغرفه.
خامسا : ملابس ليلة العرس
1 - بعد ما تفسخ ثوبك وشماغك وعقالك .. تروش الله يصلحك لانه ممكن
ريحتك تكون طالعه وانت ما تدري من كثر السلام والقلق اللي عشته في قصر الافراح ولا يهمك انك راش لك كم ( بخه ) على الش عرات اللي بصدرك وبازن بها.
تنظفوا إلى متى اعلمكم ... ؟خخخخخخخخ
بعد الانتهاء انتبه تلبس ملابس تظهر مفاتنك .. مثلا تجي بلبس داخلي وفانيلة علاقي وتصير كأنك من ذولاك المصاريه اللي اسود وابيض
والشعر تقل غورلا ( من فصيلة تركيا وإيران)
2 - انتبه تصيرمتواضع وطبيعي وتلبس سروال ابو حبل ذاك اللي يخليك كأنك بقره رايحين يبيعونها او بيجامة نوم مخططه فتصير كأنك ( حمار وحش ) يتكلم عربي.
اختر اللبس المناسب لجسمك ..
مثلا شورتات رياضيه اذا كان جسمك رياضي .. وإلا اذا كنت دب فخلك بالعقال والشماغ والثوب استر لك وغير ملابسك إذا نامت المدام..
وأنصحك بثوب نوم وسييييع ولونه فاتح
وفاجأها في الصباحية .
إذا كنت سمين البس ملابس فضفاضة شورت وفانيلة X X X L
3 – للإحاطة فإن قمصان النوم النسائية ( مشققه ) وشفافه وكلها حركات .. انتبه يسول لك ابليس وتقول ( اففف البنت خربانه ) .. من هالحين لبست كذا؟؟
ترى الموضة كذاااااا وهي تبي تعجبك انت وانت قفل
عجزت اعلّم فيكم .
إذا لبست لك المدام ( قميص نوم راااايق ) ترى مو معناهاااا ( طب عليّ ) .. خلك ثقيل وإلا جيت هالحين أربط ثقالات برجليك.
ترى سمعت بقصه ان واحد طلق الزوجه ليلة الزواج بعد ما شافها لبست له ( لبس مشخلع ).. قال العم : اكيد انها داشره ؟ وحركاتها ما ني متطمن لها << طيب يا كولومبو.
<<<<< قلبت ( كبدي ) يوم سمعت القصة من القهر .
اجعل بداية حياتك الزوجيه قصة رومانسية متعددة الفصول .. ليلة الزواج تكون بمثابة لقاء بين اثنين للتعارف ما فيه إلا الحديث وإذا كثرت امسك يدها ولا تتعدى لاشياء اخرى .. عسى يدك ال كسر ( ممدين ) همااااه .
اليوم الثاني انتبه تستقبل أية زيارات من الاهل .. او من اهلها .. واعزمها في مطعم راق ولا تجلس تجرجر بالبارتشنز وتقعد تناظر فيه فتحه صغيره مع هالجهه او مع ذيك .. وتسدد فيها وتصير كأنك مهندس ( صنادق طيور) .
اركد وخلك طبيعي وإلا قالت البنت وش ذا القلق .
في ليلة اليوم التالي غالبا يكون فيه عشاء عند اهل الولد تعشوا واطلعوا ورح انت وياهااا ( كوفي شوب ) وانتبه تقرأ الجرايد او المجلات , وعطها وقتك كل
