راجيه الرضا
مراقبة و متميزة أقسام نسوة
- إنضم
- 18 فبراير 2017
- المشاركات
- 14,580
زمان وانا في الكُلية فيه جيم فتح جمب بيتي بالظبط ، اتحمست جدا واشتركت فيه وبقيت مواظب على الرياضة بشكل يومي ! مفيش شهرين تلاتة وبقيت فيت، وعضلاتي كبرت وبقيت مبسوط بنفسي اوي ، حسيت إني بقيت زي الناس الجامدة اللي بتشيل اوزان تقيلة ، وكملت سنة تقريبا على الوضع ده 
المهم ، بعدها بقا اتخرجت واشتغلت واتجوزت وخلفت ، وقعدت تقريبا 10 سنين مادخلتش جيم !! فقلت لأ.. لازم ارجع للرياضة تاني !! المشكلة بقا إني كل لما أتشجع وأروح أحاول تاني - ببقى داخل بنفس الروح البطولية بتاعت زمان ! أخش على الحديد والأجهزة بمنتهى الحماسة والتحدي من غير "تسخين" !! .. والنتيجة في الآخر : مزق ، وجسم مكسّر لمدة أسبوع بعدها ، فاقعد في البيت وماروحش تاني !!
نفس الموضوع ده بقا يحصللي في رمضان !! لما أدخل رمضان - بعد كل شهور الفتور عن الصيام والقيام والنوافل = بتبقى النتيجة برضه للأسف مزق في الهـِمّة ، وقلب مكسر ومشتت لمدة أيام بعدها !!
هي نفس الفكرة والله ، رجب هو الشهر اللي الواحد يادوب بيفوق فيه من صدمة إن السنة عدت بسرعة وأدينا داخلين على رمضان تاني !! وشعبان هو شهر التسخين ، والفرصة الحقيقية الوحيدة اللي تقدر تأهّـلك فعلا لخوض رمضان بسلاسة ورشاقة ، وهمة عالية وقلب مُقبل وعمران
لو بدأت تسخّن وتركز من دلوقتي وتزود شوية عبادات وصيام وركعتين قيام وصفحتين قرآن = هاتفرق معاك جدا ، وهتساعدك تتغلب على صدمة الفتور اللي بتحصل غالبا بعد أول اسبوع من رمضان !
ماتضيعش الفرصة بقا
اللهم بارك لنا في رجب وشعبان، وبلغنا رمضان يارب العالمين ??
المهم ، بعدها بقا اتخرجت واشتغلت واتجوزت وخلفت ، وقعدت تقريبا 10 سنين مادخلتش جيم !! فقلت لأ.. لازم ارجع للرياضة تاني !! المشكلة بقا إني كل لما أتشجع وأروح أحاول تاني - ببقى داخل بنفس الروح البطولية بتاعت زمان ! أخش على الحديد والأجهزة بمنتهى الحماسة والتحدي من غير "تسخين" !! .. والنتيجة في الآخر : مزق ، وجسم مكسّر لمدة أسبوع بعدها ، فاقعد في البيت وماروحش تاني !!
نفس الموضوع ده بقا يحصللي في رمضان !! لما أدخل رمضان - بعد كل شهور الفتور عن الصيام والقيام والنوافل = بتبقى النتيجة برضه للأسف مزق في الهـِمّة ، وقلب مكسر ومشتت لمدة أيام بعدها !!
هي نفس الفكرة والله ، رجب هو الشهر اللي الواحد يادوب بيفوق فيه من صدمة إن السنة عدت بسرعة وأدينا داخلين على رمضان تاني !! وشعبان هو شهر التسخين ، والفرصة الحقيقية الوحيدة اللي تقدر تأهّـلك فعلا لخوض رمضان بسلاسة ورشاقة ، وهمة عالية وقلب مُقبل وعمران
لو بدأت تسخّن وتركز من دلوقتي وتزود شوية عبادات وصيام وركعتين قيام وصفحتين قرآن = هاتفرق معاك جدا ، وهتساعدك تتغلب على صدمة الفتور اللي بتحصل غالبا بعد أول اسبوع من رمضان !
ماتضيعش الفرصة بقا
اللهم بارك لنا في رجب وشعبان، وبلغنا رمضان يارب العالمين ??
