عندما يغضب زوجي ........................

[ذكريات لا تغيب]

ذكريات لاتغيب الله يديمك بصراحه انا مره استفدت منك الله يحفظك ويزيد ك حكمه يارب

يسلموووووو ياقلبي شهادة اعتز فيها
وياليت الزمن يرجع كان في اشيا كثييييير ما سويتها
واستعنت بالله وبالصبر واشويه دهاء وكيد ولسان معسول
تصدقي اني اجلس مع بناتي وافهم فيهم مع ان سنهم صغير
لكن محد يدري متى النصيب يجيهم
اقولهم لا تخلي الرجل محور حياتك
ولا تحلموا احلام ورديه وتستنوا الفارس يجيكم على خيل ابيض وًرد في ايدو
ويدلعك زي المسلسلات والأفلام
الزواج جهااااااد يبغى صبر وطوله بال
مثل الارض تزرعي وتتعبي وتسقي وتحرثي وآخر سنه تلقي المحصول ويمكن تطلع أرضك بور ولا تنزرع لا تعلقي اماااال في رجل اصلا ما وعدك بشي
احنا نحطم نفسنا بنفسنا لأننا نتصور الزوج على انه ملك من السماء او عنده المصباح السحري عشان يحقق أحلامي وطموحي
الزواج غير وتأسيس الاسره مو بساهل راح تجي ايام تبكوا سوى وتحزنوا سوى وتفرحوا سوى ماراح تستقر حياتكم الا اذا صار المكم واحد وفرحكم واحد
والدنيا تبغى الصبر

 

[العطا ماهو خطا]

يالله ايذكريات لاتغيب لوبيدي اشكر ربي ليل نهار انه دلني على هالمنتدىوعليكم تو جلست اقراء مراضيعي من اول مادخلت المنتدى كنت فعلا مصدوومه وعلى كلامك احس ان احلامي تحطمت وزوجي اللي كنت اشوفه ملاك مفروض عليه مايغلط خذلني بس الحمد لله الحين وضحت لي الصوره واحس بديت افهم اشياء كنت جاهلتها بس ابي اسالك سوال انا وحدة كنت صريحه كتاب مفتوح لزوجي كيف اصير غامضه احس هايصير بينا حواجز اول كنت اقوله كل شي واحس براحه اللحين احاول اصير غامضه بس احس اني امثل عليه ثاني شي الشيطان جنني والله اني واثقه بزوجي مررررره لاكن سالفةالفاتوره ونومه بالمزرعه مخوفتني ماابي انصدم فيه لاني عن جد واثقه فيه مره وقلت له هالاكلام اني واثقه فيه وعلى قولك الوحده تحس اذا فيه وحده ثانيه انا زوجي احسه غشيم بهالامور ويوم اكنا ملكين كان يكلمني زي واحد من اصحااابه بس مدري ليش افكر كذا يمكن لانه صار بعيد شوي عني الفتره الاخيره بسبب المشكله يشهد ربي احسه يحبني لما نكون متصالحين ويحب يجلس بالبيت ومم كن يجلس يوم كامل مايطلع انا اسفه جالسه اسولف كذا حبيبتي ماعليك اذا كنتي مشغوله بس انا جالسه لحالي وجالسه اكتب كل اللي بخاطري كاني اسولف مع حالي

 

[العطا ماهو خطا]

انا مو حاسه ان فيه وحده ثانيه ايش رايك اساله يوم نكون رايقين عن الفاتوره بطريقه حلوه بعيده عن الشك بس باستغراب

 

[ذكريات لا تغيب]

لا يا عطا لا تسألي انا هذا راي لا تفتحي على نفسك باب ومدخل لشيطان
والله لو ربي بيفضحه راح يفضحه قدامك اذا هو مسوي شي
في تصرفات ينعرف فيها الزوج الخائن
واذا سالتيه وأنكر ماراح ترتاحي وترجعي تسأليه وراح يقلب الطاوله عليك ويلبسك الغلط
وانتي الحين اشتغلي على نفسك وطوري ذاتك. عشان تصير شخصيتك قويه ماراح احطمك لكن الدنيا مالها امان والابتلات والمصائب راح تجيكي فلازم تقوي قلبك
بالنسبه الغموض وانك ما تكوني زي الكتاب المفتوح لزوجك عشان مايعرف نقاط ضعفك ويذلك
وعشان الواحد لو قري الكتاب كله يمل منه ويدور على كتاب ثاني غامض ويقرأه فهمتي ياقلبي
لازم في تجديد بالحيله زوجيه ولازم ما اكشف كل ورقي لزوجي وانتي مع سنين راح تفهمي وتتغيري
والرسول وصانا من قهر الرجال
والمثل يقول احذر من عدوك مره ومن صديقك الف مره
احنا ما صدقنا انتي وزوجك تتصالحون. أبغاك تدلعيه هذي الفتره عيشيه ملك اشبعي عاطفته وعطفتك
الرجال اذا ارتاح من الناحيه الجنسيه والنفسيه ماراح يدور برا
خليك دايم مبتسمه وحبوبه لا تشتكي غير لربك وهنا
الرجال مو زينا ما يحب الكلام الكثير وتشكي يبغوا راح وهدوء ودلع ويعيشو جوهم

 

[العطا ماهو خطا]

ان شاء الله راح اريحه وادلعه وراح اتقرب منه لاني احس اني مشتاقه له مره بعدنا عن بعض لازم نقرب المسافه اللي صارت بيننا بالفتره الاخيره ومشكوره على نصيحتك واوعدك اني ماخلى الشبطان يوسوس لي ابدا

 

[ذكريات لا تغيب]

فرف ياقلبي طمنيني عنك

 

[فرف]

يالله ياذكريات ماتتخيلين كيف كلامك اثر فيني كثير واستفدت منه الله لايحرمك الاجر زوجي واهله ساكنين في منطقه قريبه من الرياض واهلى ساكنين في الرياض قبل اتزوج كان الناس يقولون هذي من بياخذها ماشالله والله مو مدح لنفسي بس هذي الحقيقه بعد ماتخرجت اتصلت حرمه بامي قالت لها فيه رجل اعمال واعدني يعطيني مبلغ مقابل اخطب لولده وحده ماعليها وفيه ناس ذكرو لي بنتك وسبحان الله تم كل شي بسرعه الصراحه من اخذته وانا اعاني منه كنت في البدايه اتمنى يموت وارتاح وكذا مره لمحت له انا احنا مانصلح لبعض في المقابل اهو كان يرفض فكرة ويحاول يخضعني بلقوه مع اني مااعانده لكن هو يفهم اي تصرف على انه تحدي وكان حريص جدا انه يربطني بالعيال وفعلا هالشيء حصل جبت ثلاث بنات بس ماشالله مابين علي مانكر ان فيه ايام كنا نعيش حياة مستقره حمدالله لكن الامر مايدوم واهو ماخذ نقطة ان انا يتيمه نقطة ضعف لي لما جاى التقديم للوظايف هو الي قدم لي وحط مدينة القصيم مع اني رفضت لكن هو اصر كنت ابي الرياض او ماحولها قريب من اهلي او الحريق الي هي المنطقه الي ساكنه فيها انا معاه هو رفض وقال ان له مشاريع في القصيم وبلغصب حط القصيم وقال حتى لو ماتوظفتي فيها انا راح احط لي سكن فيها وكان يكرر هالشي دايم وطلع سبحان الله تعييني فيها وهنا تفنن هو في ابتزازي اجر بيت غالي بخمسه وثلاثين الف ومسك مشاريع بلملايين في المنطقه ماشالله وهو اصلا من قبل يمسك مشاريع مقاولات ضخمه في الرياض وصار يتردد بين الرياض والقصيم وانا دوامي صار ضحيت هذا التردد اذا كان في القصيم داومت واذا راح الرياض رحت معه لان السكن كان بعييييييد جدا على المدرسه اول ست شهور مالقيت سواق يوديني كل السواقين يرفضون وكان هو يوديني لكن بطلوع الروح بعدين توفقت في سواق طيب طبعا انا كنت رافضه السكن البعيد بس هو اصر عليه وستاجره بدون مايشاورني بعدماستلمت الراتب وداني البنك اطلع بطاقه لما طلعت من البنك طلب مني البطاقه وقتهارفضت بادب هنا قامت الدنيا واعلن علي الحرب قفل جواله وظغطني وذلني وطلب مني ادفع نصف اجار البيت لكن انا رفضت وماصار يصرف علي ولاعلي بناته في الاخير اخذ الاطفال احدعشر يوم وصار يهدد بزواج والي الان مصر ادفع الاجار ساعات اضعف واقول بوافق لكن ارجع اقول لا مستحيل اهو مادلعني ولا بيخليني ادلع نفسي وبعدين انا ماقصر مع اهلهاوجبهم واهديهم عشان ارضيه واحول مبلغ شهري لامي يعني الراتب يدوب وهو ماشالله الي مثله يعيش ملك لكن هو الله يهديه معيشنا اقل من الناس العاديه والله البيت فاضي وانا الان باثثه جربت اقول البيت بيتك وانا مايخصني بس والله ماهمه وانا بصراحه احب الذوق والاثاث الحلو لذلك قلت خلاص انا باثث او يقول السنه الجايه تدفعين الاجار البيت ولا مافيه وظيفه قلت ابشر بس انت اصرف على البنات قال لا انتي تصرفين انا بعطيك العيد خمسً ميه وبس.

 

[ذكريات لا تغيب]

استغفر الله
الله يعينك يا اختي والله ضايق صدري من هالكلام وفعلا زوجك ذكي جداااااا
وانتي ضعيفه
شوفي من ناحيه الحب واضح انه يحبك ماشا الله ً

الدليل
اختيار سكن بعيد عن اهلك عشان يصير هو المتحكم فيك
اجبارك على الخلفه عشان يكسر عينك ببناتك ومشاعر الامومه تسيطر عليك
هو فكر بنفسه وخطط الى أمد بعيد
انتي فكري بنفسك كمان وخططي لمستقبلك
اسمعي يا قلبي
اذا بتشتري عفش البيت لا تاثيثي بالكامل. اصبري اشوي
اذا قرب وقت دفع الإيجار إذن من طين وثانيه من عجين
هددك بالزواج قولي من حقك تدور على سعادتك مع غيري وانا ما اعترض على شرع الله وانا وناظري في عيونه بقوه مو بخوف وحزن نظره فيها ثقه وقولي وانا من حقي اشوف حياتي واختار الي ابغاه كل واحد ينام على الجنب الي يريحه
اذا قلك ايش تقصدي
قولي انت فاهم قصدي انا بدل الواحد يتمناني الف واحد
الحمد لله مال وجمال ودلال مو ناقصني شي وربي راح يعوضني برجال يصوني
وبالنسبه للبنات لا تجيبي سيرتهم الا اذا أبوهم فتح السيره قولي
انت أبوهم وأحن واحد عليهم ولا في رجال راح يحن عليهم ولا راح أخالف شرع ربي والله قال ابنت لابوها. وانا واثقه فيك ماراح نظلمهم خلك قويه لا تضعفي قدامه
وعليك بالدعاء والصبر ودائما قولي لامك تدعي لك دعوه الام مستجابة
وكمان تصدقي تعرفي انا ايش اسوي
اروح المرشدة الطلابيه واعطيها مبلغ شهري وأقولها هذي مساعده للبنات الي حالتهم المادية سئه او في شتا اسألها عن البنات الي محتاجين جاكتات صوف وأشتري لهم
اوزع ع الطالبات حليب وكيك واعتبرها صدقه
ادعي الله يبارك في مالك وعمرك وأولادك
والله يا فرف محد وقف معاي غير الله لو احكيلك ايش صار معي ما تصدقي وكيف ربي ساعدني على قضاء ديني وكله بالتوفيق من الله

 

[ذكريات لا تغيب]

500 للطفل ولا لكم كلكم
الله يعينك وبس
حياتك راح تستقر اذا درست بنتك
بنتك الكبيرة كم عمرها
ادعي ربي يسخره لك مافي غير ربي يوقفك معاك
انتي جربتي مره دعاء وشفتي كيف ربي نصرك عليه
ادعي له بالهدايه وان ربي يسخره لك
ووظيفتك اتمسكي فيها وان شا الله ما يصير لك غير كل خير

 

[فرف]

هو يقول بعطيك خمس ميه في العيد اعتقد لي والاطفال عشان مااقول له ماتصرف علينا. الله يهديه احيانا يستهدي بالله بس فكرة انه يقصقص ريشي مسيطره عليه بقوه دايم يقول ابيك خاضعه لي انا احسسه انه هو رجال البيت وكذا بس ساعات تصير مواقف يصير فيها شد وجذب دعواتكم خواتي انا بين نار فراق بناتي اكبر وحده ست سنوات ووحده ثلاث ووحده سنه ونص

 

[فرف]

انا بين نار فراق بنات ونار الشعور بلاهانه والذل ارجوكم اخواتي اذكروني بدعوه. دعاء المؤمن للمؤمن بظاهر الغيب مستجاب

 

[فرف]

انا بين نار فراق بنات ونار الشعور بلاهانه والذل ارجوكم اخواتي اذكروني بدعوه. دعاء المؤمن للمؤمن بظاهر الغيب مستجاب

 

[ذكريات لا تغيب]

الله يفرج همك يا قلبي ولا يحرق قلبك على بناتك ولا بذوقك نار بعدهم
بس لاتكوني ضعيفه. انتي ما طالبتي غير بحقك شرعا وقانونا
بالنسبه لمصروف العيد خلاص خليه يروح معاك السوق وهو يشتري بنفسه
الله يعينك.
مدري كيف أنصحك
لكن ادا صار بينكم حوار وهو معصب خليك ساااااااكته وهاديه والزمي الاستغفار
واذا جاء دورك في الكلام ابدئي بالمدحة اول والله عن تجربه تمتص غضبه ويهداء
وربي معاك يا قلبي

 

[أريج الذكريات]

سبحان الله الشمالي عنده احساس ملازم له انك تبين تسيطرين عليه
مادري من وين جايب هالخيالات

ذكريات الله يسعدك ويوفقك ويعوضك خير يارب ياليتك تكتبين قصتك بالتفصيل قبل وبعد التغيير
احس ان قصتك مليانه مواقف وعبر

 

[أسأل الله الفرج]

الله يفرج لك يا فوفو ولا يفرق بينكم، مثل ما قالت ذكريات عليك بالاستغفار وكوني قوية يوم تطلبين أستغفري وادعي ثمن ابديه بمدح ثمن اطلبي وانت في خاطرك تستاهلين لان شعورك يوصله لو كنت تظنين انك ما تستاهلين مثلا بتطلبين بتردد هو بيوصله الشعور انك ماتستحقين عشان كذه يرفض على طول بس مثل ما قالت ذكريات مدح وقبلها استغفار وثقة بأنك تستاهلين تجبين طلبك ربي يوفقك

 

[ام الهنا 2000]

الله يهديه ويسخره ليكى اختى فرف

 

[فرف]

الله يسعدكم يابنات ذكريات لاتغيب واريج الذكريات وام الهنا واسال الله الفرج اليوم برجع لبيتي وراح اطنشه لكن لو هو تكلم معي كيف ارد وكيف اعطيه درس مايكررها خاصه انه سبق ومد يده قبل خمس سنوات وزعلت اسبوعين بعدها تراضينا وقتها قلت له لو كررتها ماراح اسامحك وهو دايم في الكلام عن مشاكلنا يقول احمدي ربك انا ماضربك هو الله يهديه متعب ونفسه طويل في المشاكل احس نفسي كارهته كيف يكون ردي عليه وهل اكتب رساله واتركها له احسن من الكلام المباشر واش اكتب فيها هو شمالي شرقي اما انا ففيني من اغلب الانماط قريبه من الشخصيه الماسيه والنمط الغالب هو الشرقي فرق بسيط والجنوبي اعلى من الشمالي بفرق بسيط

 

[فرف]

الله يسعدكم يابنات ذكريات لاتغيب واريج الذكريات وام الهنا واسال الله الفرج اليوم برجع لبيتي وراح اطنشه لكن لو هو تكلم معي كيف ارد وكيف اعطيه درس مايكررها خاصه انه سبق ومد يده قبل خمس سنوات وزعلت اسبوعين بعدها تراضينا وقتها قلت له لو كررتها ماراح اسامحك وهو دايم في الكلام عن مشاكلنا يقول احمدي ربك انا ماضربك هو الله يهديه متعب ونفسه طويل في المشاكل احس نفسي كارهته كيف يكون ردي عليه وهل اكتب رساله واتركها له احسن من الكلام المباشر واش اكتب فيها هو شمالي شرقي اما انا ففيني من اغلب الانماط قريبه من الشخصيه الماسيه والنمط الغالب هو الشرقي فرق بسيط والجنوبي اعلى من الشمالي بفرق بسيط

 

[ذكريات لا تغيب]

هلا يا قلبي
تعاملي معاه برسميه كلمه ورد غطاها
لاتكوني مضايقه أبدا كوني سعيده وفرحانه
الزمي الاستغفاااااار والله عن تجربه واقري سوره الرحمن والسوره الحشر
ادعي الله بتيسير أمورك مع زوجك
اذا شفتي منه بوادر لصلح لا تعرضي عنه
لا تحسسي زوجك بانك ند له
حسسيه بضعفك وحاجتك له
لكل زوج مفتاااح ؟ أبحثي عن مفتاح زوجك ؟
انتي ذكرتي انه مقصر بالصلاه تعالي من هالمدخل وقوليله خلينا نقترب من الله ونحافظ على صلاتنا ربي ماراح يوفقنا في حياتنا واحنا بعيدين عن الله ورمضان على الأبواب خلينا نفتح صفحه جديده بقلوب صافيه ونتعاون على فعل الخيرات وترك المنكرات ونكون عون لبعض على الخير
حسسي زوجك بحبك له
اصعب شي ع زوج اذا حي انه مو مالي عين زوجته او أنها لا تطيق وجوده

 

[فرف]

شكرا كثير حبايبي لكن فيه شيء احب اوضحه انا عرف زوجي متكبر ومغرور ماراح يبادر بالصلح ابدا هو واحد من اثنين ياما بيطنش حتى اطفش وبعدها يكلمني عادي كان ماصار شي او بيجي يجلس وهو منفوش وبيعطيني محاضره كلها تهديد ووعيد بانه لو ماخضعت له ونفذت له كل اوامره ولا ناقشته في اي شي راح يكرر الضرب الي حصل وانه حق من حقوقه في الشرع وبيعطيني موااال طويل من التجريح والاذلال يبنات انا مااتحده ابد وبطبعي هاديه لكن الضغط النفسي الي سببه لي الاربع الشهور الماضيه خلاني ماقدر اتحمله زي اول فغصب عني ارد احاول اسكت بس والله ماقدر لانه يحاسبني حساب عسير على كل شي حتى على راتبي انا في النهايه بشر ولي طاقه حتى هذا الكلام قلته له لكن مافيه فايده انا فعلا كاااارهته بس ماقلت له هالشيء ابي منكم استفسار هل من حق الرجل ضرب زوجته حتى وان كانت تعطيه حقه الشرعي واش ممكن اقول او اتصرف لما يتكلم معي ويبدى يستفز ويهدد احيانا اقول راح امسك نفسي عن الكلام وبعدها اكتب له رساله واتركها في السياره بس اش ممكن اكتب فيها ساعدوني الله يخليكم خاصه اخواتي الشماليات ابي كلام ياثر في الشمالي ويردعه