عـــــآئلتي ..!

[Ebtesama]

السسلآم عليكم ورحمه الله وبركـآته ​

صبـآح / مسـآء الخير​

قصه وـآقعيه ياليت تنال اهتمامكم..​

لكن قبل اتكلم عن هذي العايله بتكلم شوي عن الموت .. المرحله الاخيره في حياه الانسان​

والاولى بالحسـآب..​

دايما افكر في الموت واخاف من القبر بس مافيه مفر ​

مع اني اتمنى الموت من كثر المشـآكل اللي مريت فييها بحيـآتي واللي اغلبها بسبب حظي..​

بالنسبه لعـآئلتي..تتكون من:​

ام واب وزوجه اب..​

امي عندها 3 اولاد توفي منهم الاصغر في حـآدث و6 بنـآت
زوجه ابوي عندها 3 بنـآت و6 اولآد​

وكأن القدر او الحكمه الالهيه قسمت هالذريه بهالشكل..!​

حاول ابوي يبعد عن المشـآكل.. فسكّن كل زوجه في بيت خـآص فيها مع انه ما يفصل بينهم الا جدـآر​

امي لهـآ ثلاث خوـآت وهي اكبرهم عـآد امي وما ادرـآك ما امي ..!:sad_1:​

المهم ..​

الثـآنيه ..خـآلتي مريم ومـآشـآء الله هذي ما قصرت بكرهها لنا ..:sadwalk:​

امـآ الثـآلثه .. خـآلتي بيـآن هذي مرت بظروف يمكن هي اللي خلتها بهالشكل " بتعرفونه اذا تابعتو القصه"​

امـآ الاخيره .. خـآلتي فـآيزه وهذي اشد واسوأ خـآله والله ما كرهت احد كثر ما كرهتها :busted_red:
هذي تزوجت اخوي من ابوي وما قصرت بالاذى والكيد لنـآ ومع كذا امي تتصرف معها بكل حب وحشيمه , ما شاء الله ما شفت اقوى من بأسها تمشي معها الدنيا مثل ما تبي ليش مادري
يمكن سلطها الله علينا بسبب ذنوبنـآ.. مـآشـآء الله هي الوحيده من خـآلاتي اللي ما مرت بظروف صعبه ​

نسيت اتكلم عن خالتي هيـآ اللي هي اخت امي من ابوها ..وهي احسن خـآلاتي بمعـآملتها تـآركه كل شخص بحاله​

بـآلنسبه لابوي ..ماله الا اخت واخو واحد​

عمي عبد الرحمن كـآن شريك لابوي رحمه الله عليهم بالحلال
كـآن متزوج 3 حريم وطلق الرـآبعه بعد ما جـآب منها بنت ​

امـآ الاهم فهم اخوـآني ..
مثل ما قلت قبل لي 5 خوـآت ​

الاولى .. اختي هيـآم كـآنت في البدـآيه تساعدنا في دروسنا مع انها كانت قـآسيه علينا
كـآنت امي دـآيما تـآخذ برـآيها بكل ششي .. هالاخت ما تزوجت الا بعد جهد جهيد لانها كـآنت ترفض اي شخص يتقدم لها​

امـآ الثـآنيه.. اختي نوره كـآنت مسـآلمه وهـآديه بس بعد فتره تغيرت وتزوجت قبل هيـآم ​

والثـآلثه.. اختي فريده اللي هي ضحيه مثلي في بيت اهلي تزوجت واحد اكبر منها وعنده اولاد من ارملته ​

والرـآبعه .. اختي نيـآره هذي مهووويه عايشه الدنيا بالطول والعرض ما يهمها شي بالحياة :icon30:​

الاخيره.. اختي هنـآدي متذبذبه معاهم معاهم عليهم عليهم وللاسف تابعه غير متبوعه وماعندها شخصيه
بس فـآلحه باللت والعجن بخوـآتها :thumbdown:​

هذي مقتطفـآت لشخصيـآت القصه
وانتظروا القصه..:icon31:​

 

[Ebtesama]

نسيت اتكلم عن اخوـآني الثلاثه..

الكبير خـآلد وهو اساس البلاء في بيت اهلي :schmoll:
تزوج وحده امها اجنبيه وابوها سعودي

الثـآني محمد القلب النـآبض لامي :icon26:
تزوج وحده قوويه ومـآلها الا اللي برـآسها

الاخير فهد كـآن اطيب اخواني وافضلهم ع نيـآته مره
توفى بحـآدث قبل 13 سنه تقريبـآ رحمه الله عليه :tears:​

 

[هنـاء]

اختي ابتسامه نحن متابعون بقلوبنا واذاننا..اسأل الله ان يسخر لكم اخوانكم وامكم ويسخر لكم خلقه
بس بصراحه اعجبتني اختك نياره الي عايشه الدنيا بالطول والعرض.. احسن لها الحياه يبيلها من يعرف يتعامل معها..
بس ماقاتي لنا ابتسامه انتي وين موقعك من القصه ولا ذكرتي لنا ترتيبك في العائله..

 

[Ebtesama]

اشكرك ع اهتمـآمك بقصتي

ستكون الاجـآبه ع تسـآؤلاتك في الجزء الثـآني

حيث ستكون هنـآك شخصيـآت اخرى

لم يسبق وان ذكرت

انرتي متصفحي بمرورك

 

[بقعة ضوء]

رهيب اسلوبك


ننتظرك

 

[لمـى عمري]

متااااااااااابعه

 

[الأمنية]

أهلاً بك عزيزتي
ماذا عنك؟

 

[Ebtesama]

مششكورين ع المرور

الامنيه :

بيجي دوري ان شاء الله
نورتي المتصفح

 

[Ebtesama]

البـآرت الثـآني..:detective2:

في البـآرت الاول ذكرت بعض الشخصيات ..

تدرون اصعب شي بالحياه اذا كان الانسان ماعنده " ام "

والاصعب اذا كـآنت الام قـآسيه..:dunno:

ومع ذلك انا اتعامل معها بما يرضي الله

صح انها مجننتني بس الشكوى لله

ع فكره انا عندي عمه توفت قبل ست شهور الله يرحمها ..

وعمتي هذي لها بطولات معنـآ كثيره

وانا صـآحبه القصه بالمرتبه السـآدسه بالنسبه لتسلسل اخواني..

اختي هيـآم تزوجت شخص في بدـآيه مششوـآره بس مـآ شـآء الله اثبت وجوده بالحيـآه

اختي نوره تزوجت وجابت ولد وحتى هالولد له قصه عجيبه ولدت اختي هذا الولد وصار عمره 6 شهور

هالولد كنت احبه كثير ومره من المرات زـآرتنـآ وحده وعينهـآ حـآره ع طوول القبر

الموهم كنـآ نجهز السفره وكـآن الولد يحرك رجوله مثل اي طفل صغير يوم شاف الاكل وقالت هذي الوحده

كلمه كبيره وبعدهـآ الولد بـآت بالمستشفى يومين ثم توفى !! :tears:

وزوج اختي انقبض عليه في قضيه وانحبس بعدين تطلقت منه بعدين تزوجت واحد بعده كـآن مريض نفسيـآ

جـآبت منه ولد وطلقهـآ بعده تزوجت واحد مـآ شـآء الله كـآن طيب ويخـآف الله انجبت منه اولاد وبنـآت وتوفى قبل سنتين..

المشكله ان اختي للاسف بعد طلاقها اول مره تعقدت صارت شريره الله يهديها وصآرت تتسلط علي انا وعيـآلي

اخوي خالد " ومـآ ادرـآك مـآ خالد " للاسف يقول انه متدين والدين شرق وهو غرب والدين بريء منه مثل برآءه الذيب من دم يوسف عليه السلام ..!! :surrender:

الدين عنده ع كيفه ومغربلنـآ هذا المشكله مو في زوجته المشكله فيه هو ..
لانه يدعو الى تحرير المرأه ثم القضـآء ع المرأه !!
انـآ اعتبره انسـآن مريض..:crazy:

اخوي محمد تزوج وحده من عائله غير معروفه بس مثل العاده طـآر فيهـآ طيرـآن

طبعـآ عائلتنـآ الرجـآل فيهم اذا تزوج الرجال اي وحده لو لحجيه يطيرون فيها الظـآهر ماقد شافوا حريم !! :icon26:

اختي اللي مثل ظروفي اللي هي فريده هذي انا ويـآها شيبت فينـآ امي ..

حتى اني حـآولت اتأكد هل هذي الام امنـآ الحقيقيه ولا لا..!!
بصرـآحه صرت اشك انها امي !

تزوجت انـآ واختي فريده بيوم وـآحد طبعـآ انا رفضت يكون زوـآجنـآ بيوم وـآحد
بس امي الله يهديها تسلطت وسوت اللي برـآسهـآ >> ام خالد والاجر ع الله :icon28:

يوم زوـآجنـآ طلعوا خوـآلي عننـآ كلآم مو مضبوط > ونعم الخوـآل !!:clap:

عشـآن طلعنـآ من بـآب القصر وركبنـآ في السيـآره بفستـآن الزفـآف مع ان الطرحه كـآنت مغطيه وجيهنـآ..!

اختي تزوجت واحد عنده عيال وشافت الحسسره

انـآ ولله الحمد توجهت للدين واحب كل شي متعلق بالدين وصرت افهم بتفسير الرؤى ..
وزوجي يختلف عن عـآدـآتنا وتقاليدنـآ جبت منه بنت بعد سنه من الزوـآج قدملي هديه زوجه ثـآنيه !! :icon1366:
الزوجه الثـآنيه من اقـآربه ودخلهـآ ع بيتي واغرـآضي " حسبي الله ونعم الوكيل "
وقبل الطلاق صـآر يسـآوم ع طلآقي بالبنت اذا ابي طلآقي يـآخذ البنت !
وانـآ من القهر والظلم وآفقت وطلقني ..
وللحين اكرهه لانه سبب معـآنـآتي حتى الان ..:no:


( انتظروا البـآرت الثـآلث ) :msn-wink:

​

 

[حياتي قلق]

كملي احنا معك ومتابعينك

 

[اليوم المنتظر]

متابعين اختي بقلوبنا ..
وننتظر البارت الثالث بس لاتشوقينا خلي الاجزاء شوي طويله وعشان تلقين صدى لمتابعه قصتك
الافظل يكون فيها اكثر واكثر من الوصف والاحداث..
وجدا شوقتيني..

 

[بقعة ضوء]

متابعه لك


اسلوبك رائع جدا ً وسهل بعد يعطيكك العافية ,,

 

[لمـى عمري]

لاحول ولاقوة الابالله
متاااااااااااااااابعه معك

 

[الأمنية]

لا حول ولاقوة الا بالله
الجميل يأخيه أنك تغلبت على ظروفك وبدأت بسرد يومياتك

 

[Miis]

تدرون اصعب شي بالحياه اذا كان الانسان ماعنده " ام "

والاصعب اذا كـآنت الام قـآسيه..:dunno:

:sadwalk:

شوفي مشكله اذا كانت قاسيه على بعض عيالهاا هنا تطلع الامراض النفسيه

لكن لو قاسيه عليهم كلهم هنا اعذرهاا واقول اسلوب تربيتهاا اللي تربت عليه

حبيبتي ابتسامه وجعت قلبي كلماتك هذي وباقي ببدايتهاا

لانها طالعه من القلب ووصلت بمعناهاا

متابعتك ان شاءالله للاخر ولاتطولين عليناا

 

[Ebtesama]

:sadwalk:

شوفي مشكله اذا كانت قاسيه على بعض عيالهاا هنا تطلع الامراض النفسيه

لكن لو قاسيه عليهم كلهم هنا اعذرهاا واقول اسلوب تربيتهاا اللي تربت عليه

حبيبتي ابتسامه وجعت قلبي كلماتك هذي وباقي ببدايتهاا

لانها طالعه من القلب ووصلت بمعناهاا

متابعتك ان شاءالله للاخر ولاتطولين عليناا

هنـآ مشكلتي انهـآ قاسيه علي انـآ ووحده من خوـآتي





مشكورين حبـآيبي ع المرور

 

[لمـى عمري]

متاااااااااابعه
لموووووووووووووووووو

 

[Ebtesama]

البـآرت الثـآلث​

امي كـآنت تعاني من معامله امها لها وبعد زواج خالتي فايزه من اخوي الكبير سلمان " اخوي من ابوي "
بدأت المعـآنـآه خالتي هذي جننتنـآ
كنـآ عـآيشين في بيت لكل زوجه لابوي قسسم خـآص
كـآنت هي واخوي لهم قسم مشترك يعني ابوي بنـى لهم قسم خاص فيهم بالسطح
مره من المرـآت وكنت في ذـآك الوقت صغيره مع كذـآ اذكر اللي صـآر
كـآنت فيه مبـآرـآه بين الهلال والنصر وكان اخوي واختي هيـآم يتابعون المبـآرـآه
وصـآر بين خالتي واختي مشـآده بالكلام وقـآمت خالتي وخنقت اختي انا قمت اصراخ وانادي امي وابوي عشان يفكونها ..!!
الموهم رـآحت للقسم حقها هي واخوي وفجأه نزل اخوي وكـآنت اثـآر الدم في رقبته
بسبب زوجته غرزت اظافرها في رقبته !! :busted_red:
وطلقهـآ وجت جدتي وخالي الكبير واخذوا خالتي بس تعرفون وش سوت قبل تروح..؟!!
اخذت مجموعه خيـآم كـآنت موجوده في السطح وقربتهـآ لعدـآد الكهرب وشعلت النـآر فيها !!:exclamationpoint:
ورـآحت مع جدتي وكـآنت جدتي تدعي ع امي وتهـآوشها وطلعوا من البيت بعد وقت بسيط ضرب الجرس وـآحد وقـآل فيه حريق طالع من السطح !! :thumbdown:
وهذـآ سبب كرهي لخـآلتي بس هذـآ مو كل شي .. بعد طلاقي من زوجي صـآرت تتشمت فيني كل ما شافتني بطلاقي !! :sad_1:​

امـآ اختي الصغيره نيـآره تزوجت من وـآحد ميسور الحـآل وسبب تفكيرها بالزواج ان اخوي خالد كعادته الكريمه يطفش اي بنت لدرجه انها تبي تاخذ هنديو كـآنت حيـآتهم ماشيه بس وش صـآر فيهم الله اعلم !
بس اللي اعرفه ان اختي كانت تراعي زوجها وتعامله بما يرضي الله لمده 8 سنوات وهو مهملها ويهينها كثيرومع كثره الاهانه والتطنيش كونت علاقات اجتماعيه دخلت معهد تدرس وكونت صداقات لكن اعتقد ان الظروف في تحول الانسـآن من شخص طبيعي لشخص ثـآني ..واخواني ماقصروا وسلفتها زادت الطين بله كل يوم تبلاها بشي..
اختي كـآنت مـآشيه بدرـآستها وممتازه والوحيده فينا الي دخلت الجامعه بس بعد الزواج تركت درـآستها وتحولت لانسانه ثانيه
كـآنت طيبه وحنون حتي يوم كنت مطلقه كـآنت هي الوحيده اللي تلعب بنتي الصغيره
الحين صـآرت مع الصدمات الي شافتها من اخواني وزوجها انسـانه متهوره وكثيره الاخطاء ع نفسها يعني اقصد انها صارت تضر نفسها بأخذ المهدئات الي يكتبونها الدكاتره
واعتقد ان اللي عنده مثل اخواني وامي الله يستر عليه وش يسوي لان اخواني حسبي الله عليهم رـآحوا لزوجها وشككوا زوجها فيها " عشـآن الارث " !! لانها حاولت تطالب بورثها
فصاروا كل يوم يكلمون زوجها ويقولون له انت مخليها على كيفها وماتدري وش تسوي وليش تخلي لها صديقات ماعندنا بنات يصادقون وصديقتها فلانه الي اصلها مدري ايش
وكلام ماله اي شيئ من الصحه
عـآد الله اكبر املآك الوليد :thumbdown: عشان يدمرون بيتها..!!
تعرفون اللي متعود ان كل شي له خلاص ما عاد يتقبل احد يشاركه بشي
وصارت اي وحده تطالب بالورث يحاربونها والحين اختي نيـآره فـآتحه مشغل الله يوفقها ويرزقها (ادعوا لها بالرزق الحلال)
ويعلها ترجع مثل ما كانت قبل بس هي عند اهلي وطالبه الطلاق من زوجها لان حتى زوجها مريض نفسي الله يشفيه وشكاك ويضربها ويهينها ولايصرف عليها الله يصلح حالهم ويرجعهم لبعض لان عندها ولدين وبنت من زوجها
مع انها تقول لو تموتون مارجعت له..:schmoll:​

اختي الصغيره هنادي الله يصلحها عله :harhar1:
مدري وش سبب كرهها لي مع اني حاولت اتودد لها بس مافيه فايده
تقدملها ناس واجد بالبدايه اي واحد يخطبها اهلي يرفضونه وبعدين صار سبحان الله في كل مره تتفركش الخطبه
كنت اقرا القران ع امي وصرت اقرا عليها مع امي وتمت خطبتها ع ولد خالي
بس خالتي فايزه ما قصرت بالشر اتصلت ع ولد خالي وقالتله ان اختي
عندها مشكله في اذنها :busted_red:
طبعا تقصد الافساد بحركتها هذي حسبي الله عليها
مع العلم ان اختي ما شاء الله جميله وما ينقصها شي
صحيح هي محاربتني بس اقول الحق لو ع نفسي
ولد خالي ما قال شي لاختي عن اللي سوته خالتي
بس بعد الزواج علمها بكل شي
الحين اختي متضايقه من حياتها مع زوجها لانها عايشه مع اهل زوجها في بيت واحد وتعرفون كل بنت تبي تكون لها مملكتها الخاصه بيتها تلبس على كيفها ويكون لها خصوصيات
والطبيعي ان السكن مع اهل الزوج لازم يصير فيه مشاكل مع العلم ان المشكله في الزوج نفسه
اذا الزوج حط لزوجته احترام وتقدير الكل راح يحترمها بس اذا الزوج الغى قيمتها
حتى لو كانت ساكنه في قصر راح تتعب مع زوجها
الله يرزقها فبيت لها وترتاح
مع العلم ان الرجل الذكي الي يبي علاقته بزوجته تكون حلوه مع اهله مفروض هو يحرص على انها تكون فبيت مستقل لان الاحتكاك يجيب المشاكل و
ع فكره الزوج اللي يعرف بنات خلاص ما يكون لزوجته اي قيمه وهذي المشكله
كثير من الحريم تعاني منها ​

ابوي الله يرحمه كان طيب بس سلبي يعني اذا قالت امي شرق نفذ كلامها وقال شرق
طبعا الضحيه اللي ما تحبهم امي من عيالها راح يكونون كبش الفدا
ابوي كانت معاملته حلوه مع عمتي رحمه الله عليهم جميعا
وكان بـآر في امه ويوم اخوي محمد خطب زوجته كان في الحرس الوطني وجاه نقل لمنطقه الجوف
ورفضت زوجته تسافر معه
وقالت امي لابوي يشغل اخوي محمد معه بالشغل وفعلا تعرفون ابوي ما يقول لامي لا ابدا
وحنا ما نكره ان اخوي يشتغل مع ابوي بس للاسف صارت امور
لا يحمد عقبـآهـآ !!
وصار اخوي يتحكم بالبيت وامي تبالغ بمعاملتها معه
واذا حارب احد من اهل البيت يا ويل اللي حاربه
وانا كنت مطلقه عند اهلي
وشفت المر من اخواني الاثنين محمد وخالد
تصدقون ولا وحده من خواتي تحبهم من افعالهم
​

موعدنـآ في البارت الرابع ..:icon26:​

 

[لمـى عمري]

الله يكون في عونك

 

[هنـاء]

الله يسهل امركم ..
كملي وعسآ الجاي احسن يارب ..