عشيق صديقتي يبتزني !

[حلوه1]

تاريخ الميلاد ؟
1990
مكان الميلاد ؟
الرياض
الحاله " مخطوبه – مطلقه – عازبه " ؟
عازبه
الدرجه العلميه ؟
ثنوي
درجة الإلتزام بالدين ؟
الحمد الله
هل انتي مداومه على الصلاة في وقتها ؟
لا للاسف ااخر اوقات صلاتي

المستوى المادي للأسره ؟
جيد
الترتيب بين افراد الأسره ؟
3
عدد الأخوه والأخوات ؟
6
علاقة الوالدين ببعضهم ؟
جيده
علاقة صاحبة المشكله ببقية الأسره ؟

هل يوجد زوج ام و زوجة اب ؟
لا
علاقتك مع زملاء المدرسه / العمل ؟
جيده

هل تعاني من امراض عضويه او نفسيه ؟
لا الحمد الله
الحاله النفسيـه حاليا ً عند كتابة الإستشاره ؟
خوف قليل
مدة المشكله منذ بدايتها حتى الآن ؟
اسبوع
نقاط ضعفك ؟
ضعف الشخصيه
نقاط قــوتك ؟
ايماني بالله عز وجل



آلســـلام عليكم ورحمة الله للجميع
انا مشكلتي لها اسبوع تقريبا

انا عندي وحده من صحباتي تحب واحد للاسف انسان سافل وحقير عليه قليله بحقه
لعب بحسبة البنت وطلع معاها ومارسوو الزنا ومكالمات نصف الليل ووو الخ (طبعا هذا كله تتلوه على مسامعنا وقدام الف طالبه ) يعني موضوع علاقتها كل المكان يدري فيه


حاولت الاف المرات انصحهاا واذكرها بربهاا اكثر من كم سنه حاوولت انا والبنات ننصحها ولاكن بدون فايده البنت تعشق الولد لدرجة لو قالها اسجدي لي ممكن تسويهاا باعتنا عشانه (لاننا ننصحها كثير وتروح تقوله وطلب منها انها تتركنا وسوتها ) باعت نفسها عشانه وباعت اهلها عشانه

طبعا هو تعرف عليها عن طريق الترقيم ومصدقه انه بيتزوجها

قبل فتره قالت لي انها شاكه فيه وتبي تتاكد انه يخونها او لا لان حصلت بجواله صور بنات ورسايل عشق طلبت مني اتصل عليه واختبره (طبعا انا من طيبتي ودلاختي ) تبرعت واتصلت عليه من شريحه بدون اسم ... اختبرته وطلع خاين درجه اولى وقذر ... البنت انهارت

قلت لها صارحيه قالت اخااف قلت لها خلاص قولي انا الي اصريت عليك >> دلاخه

راحت قالت له :8:

وبدا يهددني طلب منها اني اكلمه ولكن انا رفضت وسكرت الجوال وطلب كذا مره وقال قولي لها خليها تكلمني بقولها كلمه وبينتهي الموضوع وانا رفضت وبدا يهددني يقول بيجيب راسي
وارسلي مسج قبل ماسكر الجوال ( لو عندك احد يسوا نعالي ياواطيه خليه يجي يدافع عنك يانعله :8: ))

واليوم جتني وقالت لي انه يبي يكلمني وقلت لها قولي له الي مايطوله بيده يوصله برجوله ماهز فيني شعره وقال خلاص خليها تشوف وش بسوي فيها


الحين الولد ماعنده لي لا رقم ولاعنوان ولا اشي الا اسمي الاول فقط

هل تتوقعون يقدر يسوي شي ؟؟؟؟؟؟؟؟ مع انه يهدد وهو واثق

وصديقتي هذه حلفتني مايطلع عني اي معلومه لا اسم ولا رقم ولا عنوان

ابي اعرف وش اسوي مع اني والله تبرعت لها وكلمته عشان بس اثبت لها انه مافيه حب قبل الزواج وان الحب موب بهذه القذااره

وانه يلعب عليهاا والله يشهد اني مو راعية مكالمات وخرابيط

 

[الملكة المتألقة]

الله يعنيك ويفك كربتك ....ويسر أمرك

 

[nanaa]

ان شاء الله ربنا يعميه و يشغله بمصيبة تنسيه اسمه قهرني والله

• اول شي يقدر يسوي اي شي بمجرد ما صديقتك تقوله شي عنك لانه الحين هو يحقد عليكي بس انتي اصلا ما في سبب يخليك تصادقين وحدة كذا الصاحب ساحب اتوقعي اي شي بس لزمي على صديقتك ما تعطيه اي معلومات عنك وادعي الله يصرف شره عنك

 

[صجة ولجة ودجة]

أنتــي تقـولين صديقتك تحــــبه ..:icon26:

معنآته ممكن تعطيه معلومآت عنك :icon28:

فعشـآن كذآ هدديهـآ مآتطلع ولآ معلومـة عنك ولو طلعت بتكون فضيحتهـآ قبل فضيحتك..!!:crazy:

آممم بس وآدعي ربك يآقلبي ,.,:clap:
وتفآئلي بآلخير وهو مآيقدر يسوي شيء حوبي :bleh::cupidarrow:
بس يبغـى يهددك :bleh:
آنتبهي..آنتبهي ..آنتبهي :blush-anim-cl:
منه ومن صديقتك :tears:​

 

[حلوه1]

يعطييكم العافيه حبايبي انا والله خايفه تخر معلومات عني
بس جد ماقصرتووو شفت الردود وارتحت حسيت احد واقف معااي

 

[**نور النهار**]

شوفي قلبو شفتي ذي الشريحه اللي بدون اسم دقي منها عالهيئه وبلغي عنه وعطيهم رقمه ولا تقولين انه انتي اللي يهددها وبعدين حنا بالسعوديه الحمدلله الهيئه تقدر تنسيه اهله ببلاغ وادله وانتي بلغي والادله بيلقونها بجوالها ويقدرون يسوون برنت ويطلعون الرسايل وقوليلهم انه يهدد البنت من ذا الرقم ولا تعلمينهم انه انتي والهيئه مابتقصر صدقيني وبكذا مايقدر يمس شعره منك


مجرد اقتراح اذا اعجبك نفذيه ونصيحه مني ابعدي عن هالبنت تراني مجربه هالاشكال ابعدي عنها لاتوقعك بمشكله معها واقطعي علاقتك معها الحين حتى لو كبر الموضوع ووصل لاهلك وان شاء الله ماحيوصل تكونين سويتي شىء صح وتركتيها وهي بنظرهم تبلت عليك صح ؟؟

الله يستر عليك وعلي وعلى بنات المسلمين يااااارب ويغفر لنا

 

[حلوه1]

طيب اخاف الهيئه تعلم اهلي

 

[حلوه1]

احتاج ردودكم بليز خصوصا مس روزا

 

[**نور النهار**]

الحل أنك تصارحي واحد عاقل من عايلتك خالك اخوك عمك أبوك اقرب انسان لك وهو بيتصرف وفهميه انك مظلومه وقبل هذا امك حطيلها خبر او وحده من خواتك استشيريها وخليها ترشحلك رجال من العائله حكيم ويوزن الامور ويوقفه عند حده الموضوع سهل بس أنتي هونيها وتهون

 

[عسولة العسوليين]

صباااح الورد
قريت موضوعك ياعسل وقلت لازم أرد عليكي :20:
اللي فهمت من الموضوع أنو أنتي كلمتيه
لانو صديقتك تبغاك تتأكدي من خيانه هذا اللي ينقال له عشيقها
أنتي كان المفروض ما تكلمية من الأساس لانو الغلط مايتعالج بالغلط
وبالنسبه لتهديداته مبين أنو ممكن يعرف
معلومات عنك في حال صديقتك تكلمت لان هي تحبه
حذريها أنو ماتعطيه أي معلومات عنك ونصيحتي لك حبيبتي
أنو تقطعي علاقتك فيها لانو ممكن تتبلى عليكي
وخلي ثقتك بربك كبيرة وربي يفرج همك
اللهم آميين :32:​

 

[Ms.RoZa]

ليييييييش جريتي لنفسك المصايب .. لييييييش

الصاحب تنصحينه مره ومرتين وثلاث كحد اقصى لو ما استجاب تقطعين علاقتنك بالصديقه فورا ً وبدون تفكير حتى
انتي الان ماتستبعدين تلك المغفله صديقتك ممكن تنقلب عليك ويقنعها بطريقته انك عدوتها .. وتودي له هي معلوماتك

لاتقولين ما اظن .. الا ظني ياعيوني والله مافيه اسهل منها وهذا الي اقرب شي للي راح يصير لك اصلا ..
انتي مايختلف 2 ع انك في وضع خطر دخلتي نفسك بين صديقتك المغفله عديمة التربيه والاخلاق ومع صديقها المريض فلاتتوقعين انك بتطلعين منها سالمه غانمه .. راح يحوشك كم هزة بدن ..

تدرين وش لازم تسوين .. تبلغين عنه
رسايل التهديد الي وصلتك استخدميها ضده ولاتمسحين اي مسج له .. انتبهي
وحاولي تاخذين منه اكبر قدر ممكن من التهديدات ..

واتبعي خطوات الأخت في هذا المووع

 

[Ms.RoZa]

ليييييييش جريتي لنفسك المصايب .. لييييييش

الصاحب تنصحينه مره ومرتين وثلاث كحد اقصى لو ما استجاب تقطعين علاقتنك بالصديقه فورا ً وبدون تفكير حتى
انتي الان ماتستبعدين تلك المغفله صديقتك ممكن تنقلب عليك ويقنعها بطريقته انك عدوتها .. وتودي له هي معلوماتك

لاتقولين ما اظن .. الا ظني ياعيوني والله مافيه اسهل منها وهذا الي اقرب شي للي راح يصير لك اصلا ..
انتي مايختلف 2 ع انك في وضع خطر دخلتي نفسك بين صديقتك المغفله عديمة التربيه والاخلاق ومع صديقها المريض فلاتتوقعين انك بتطلعين منها سالمه غانمه .. راح يحوشك كم هزة بدن ..

تدرين وش لازم تسوين .. تبلغين عنه
رسايل التهديد الي وصلتك استخدميها ضده ولاتمسحين اي مسج له .. انتبهي
وحاولي تاخذين منه اكبر قدر ممكن من التهديدات ..

واتبعي خطوات الأخت في هذا الموضوع
http://www.niswh.com/vb/showthread.php?t=261504

هذي الطريقه الي ممكن اقولك بعدها ... ارقدي وأمني
اما وضعك الان يؤسفني اقولك مايطمن بخير .. وصديقتك الحمقاء الساذجه توقفي عن نصحها الان
وابدأي بالحذر والخوف منها لإنها حتما ستكيييييد بك حتى لو كنتي طحتي بالوحل عشانها
تأكدي ان حبيبها بيرضيها بكم كلمه وبتصيرن انتي عدوتها الان وقد تستخدم كل ماتعرفه عنك ضدك

عندما تكونين انتي الحلقه الأقوى بعد التبليغ بيخافون منك وتتخلصين منهم
هم الان مستضعفينك ويستقوون عليك لكن لما يشوفونك تصرفتي بتكون لهم قرصة أذن معتبره

ويااااااويلك لو ماطمنتيني ع مستجداتك اول بأول

 

[Ms.RoZa]

ولاتنسين ياقلبو .. ان صديقتك فرطت بسمعتها وعرضها لعيونه .. ليش ماتتوقعين انه تفرط فيك انتي !!
الا تبيعك وتبيع عشرتك وتضحياتك بأمــر واحد منه .. واسأليني عن هالنمونه القذره

الحمدلله الذي عافانا مما ابتلاهم به
وفضلنا على كثير ممن خلق تفضيلا كثيرا

 

[اعلامية طموحة]

الشخص اللي احذري منه وهدديه هو صديقتك (او زميلتك) لان فرق بين الصداقة والزمالة وانتي شكلك خالطه الحسبة

اذا حسستيها بالخوف بتخاف منك ومنه وبتبتعد

بالنسبة للشخص يا تحاربيه ياتحاربيه ماعندك حل

لان لو ماكان السالفة فيها زميلتك كان بقول خليه يولي واكبر مافي خيله يركبه

لكن اذا هو متجرأ على تهديدك انتي اللي مايعرف عنك اي شي شو تتوقعي وكيف تتوقعي يكلم زميلتك

هذي اذا ما دايسها بأخيس نعال معه ولا العيب

هذي تطلع وتدخل بشوره اولا لانها هبله ثانيا لان هو قذر

اعملي اللي نقولك عليه فووووووووورا فورا من غير تردد ودام نقطة قوتك ايمانك بالله معناه توكلي على العزيز الستار

واحتسبي الاجر منه انك يمكن تنهي مأساة ربيعتك وهنا اقولك تبليغ اهلها هذا وااااااجب من باب تغيير المنكر وخلي رجال الهيئة يتكفلوا بهذا الموضوع

كلنا ننتظرك ولاتخافي ابدا ابدا ان الله معنا​

 

[جروحي صمت]

يا حبي مالك غير الدعاء اولا

وبعدين انا اشوف انو ما يقدر يضرك

وصديقتك خبريها اي معلومه تطلع لو حرف واحد على طول بتخبري الكل عنها..

وكمان كلمي الهيئه مشاء الله ناس فاهمه وكمان عملها في تمام السريه..

والله ييسر

 

[جروحي صمت]

كلامي مثل ما قالت اعلاميه طموحه

 

[هيلينا]

لاحول ولا قوة الا بلله
لاتخافين وادعي الله ليل ونهار
الله يحميكي

 

[هموم فتاه]

لاحول ولاقوة الا بالله

عزيزتي البنات كفو ووفو وماقصروا

اتبعي كلامهم وان شاء الله بترتاحين من الهم الي انتي فيه وطمنينا عليج

 

[حنين احمد]

نسأل الله العفو و العافية و الستر دنيا و اخرة
ادعي بهذا الدعاء
اللهم يا من تدبيره يغني عن الحيل و يامن كرمه فوق الامل و يامن حلمة يسد الخلل و يا من عفوة يمحو الزلل
اسألك بقوة تدبيرك و عظيم عفوك و سعه حلمك و فيض كرمك ان تدبرني باحسن التدابير في جميع اموري
و ان تنجيني من ما يهمني و يخيفني و يحزنني
و ان تكفيني شرار خلقك كيفما شئت و بما شئت
كيف اضام و انت حسبي و كيف افتقر و انت ربي و لا حول و لا قوة الا بالله العلي العظيم
و حسبنا الله و نعم الوكيل و انا لله و انا اليه راجعون

 

[حلوه1]

اااااه يبنات ردودكم اثلجت صدري
الله يعطيكم الف الف عافيه ويفرج كربتكم قولو اميييييييين
الله يحرم وجيهكم من النار ويرقزكم ويساعدكم زي ماساعدوتني

انا فكرت ابلغ الهيئه وفكرت ابلغ احد من اخواني
لكن متخوفه الموضوع للان صغير وانا هددت صديقتي مايطلع عني ولا كلمه وقالت ماراح يطلع
اخاف اقوم ابلغ واشتكي واعلم وتكبر السالفه واخرتها يكون الولد ماوراه الا الكلام والحكي الواجد
لانه مايقدر يوصلي ودامني هددت صديقتي ماتوقع بايعه عمرها ان ابوها يدري
انا اعرف ابوها ماعنده الا الذبح

انا افكر اني انتظر اذا شفت ان البنت طلعت عني معلومه راح اعلم اهل البنت وابلغ الهيئه عن الولد
شرايكم ؟؟؟:/