عشت تسع سنين حب وسعادة ولكن الان اه اه اه اه

[غبووش]

الله يهديج ليش كبرتي الموضوع وهو ما يسواه تراه رايح ويا اخته ولو خايفة من الغلط لو هو معاج بيغلط


الله يهديييج سيري اتصالحيه مع ريلج ترى الزعل مب شي بين الزووجين والواحد كم بيعيش!!!
واتاصلحي مع اخت ريلج ترى هم اهلج وعزوتج

 

[عنقود عنب]

عزيزتي غندورة

ليش تتعاملين مع زوجك كأنة طفل ؟؟؟

هذا زوجك مو ابنك تتحكمين فية الى هذه الدرجة

انت بهذه الطريقة تخلينة يطفش ...واي سفرة حتى لو ما كان لها داعي انه يسافرها ...بسافرها عشان يهرب منك

عزيزتي ...انت حتى في اصدقاءة تتحكمين

انت اشغلي نفسك ولا تخلي زوجك محور حياتك

الرجل يحتاج الى شوية حرية

انت كذا تدفعين زوجك للغلط

تعرفين شلون

يعني هو بسافر في كل الاحوال

فلما يسافر وانت متصافين و محسسته بالحب والثقة ...صدقيني راح يقدر لك هذا الشي و هو مسافر

ولكن اذا سافر وانتوا لكم اسابيع متخاصمين

راح يقول لنفسة خلني اتونس واستانس واعوض النكد اللي منكدته علي هذه الزوجة النكدية

لا تصيرين نكدية وتضيعين زوجك

ربي يسعدكم

 

[الغندورة]

عزيزتي غندورة

ليش تتعاملين مع زوجك كأنة طفل ؟؟؟

هذا زوجك مو ابنك تتحكمين فية الى هذه الدرجة

انت بهذه الطريقة تخلينة يطفش ...واي سفرة حتى لو ما كان لها داعي انه يسافرها ...بسافرها عشان يهرب منك

عزيزتي ...انت حتى في اصدقاءة تتحكمين

انت اشغلي نفسك ولا تخلي زوجك محور حياتك

الرجل يحتاج الى شوية حرية

انت كذا تدفعين زوجك للغلط

تعرفين شلون

يعني هو بسافر في كل الاحوال

فلما يسافر وانت متصافين و محسسته بالحب والثقة ...صدقيني راح يقدر لك هذا الشي و هو مسافر

ولكن اذا سافر وانتوا لكم اسابيع متخاصمين

راح يقول لنفسة خلني اتونس واستانس واعوض النكد اللي منكدته علي هذه الزوجة النكدية

لا تصيرين نكدية وتضيعين زوجك

ربي يسعدكم

ياغاليتي احيانا احاسب نفسي وماابي اسوي هالشكل بس والله اهو الي يخليني اضطر اهو يحبني وايد صح بس اذا تعرف على حد جديد من اصدقاءه خلاص يصير شغله الشاغل واربع وعشرين ساعه معاه ودايما يكون عندنا في البيت ويقعد معاه ومسجات وتلفونات الى اخره
ياربي انزين انا بضغط على نفسي

بس يابنات الحين اشلون اتصالح معاه اشلون ابدا وحدة فيكم تساعدني بمسج
بليزززززز

 

[البنت وامها]

حبيبتي ما في احلى من الكلام اللي يطلع من قلبج
انتي تدرين ان زوجج يحبج
بس يكره تصرفج
انتي فهميه ليش ما تبينه يسافر واذا ما اقتنع هالمره خليه الله معاه ويصير خير مره ثانيه

 

[عطريه]

انا رأي انك تطنشي الموضوع لاتبينين انك استسلمتي بس لاتكلمين با الموضع خلاص قفلي وخليك على الصامت وعامليه احسن معامله وبعد جهزي الشنطه اذا جزم صدقين راح يحس بتأنيب الضمير لانه يبغي يمشي رايه علشان ما تقول اخته او اهله انه خاف منك مع الدعاء ان الله يصرفه عن تجربه

 

[اجمل مافي الكون]

الله يكون بعونك ويسخرلك زوجك

 

[a7la-ward3]

يالغلا اذا مصر ع السفر ليش ماتسافري معه قولي اوكي رجلي على رجلك حتى انا ابغى اغير جو وطفششششششت من جلسه البيت:icon30::icon30::icon30: ولاتخلينه يروح وحده ابداااا

 

[@سجايا@]

أنا رايي من راي البنات
وقبل مايسافر عدلي علاقتج به وخليها من أحسن مايكون

عندي اقتراح

أنج تجهزين نفسج له وتخلين يوم خاص فيه تدلعينه من اول اليوم لآخر اليوم او طول فترة وجوده عندج فترة قبل السفر دلعيه دلليه ( أعتذري منه وبيني أسبابج له وقولي له اللي بخاطرج بس أهم شي الدلع وخلج جد دلوعة بكلامج ... وقولي له انا اشتاق لك ومااقدر انام من دونك ... وخلي كل عياله يتصلون فيه يوميا ودوم خليهم يقولون له تعال بابا احنا مشتاقين لك .. أمسكيه من يده اللي تالمه وهي عياله .. خلي حد من عيالج يتعلق فيه باسلوب جميل .. أوهميه انهم مايقدرون ينامون بدونه ... خليهم في الفترة الاخيرة ينامون معاه فترة الظهر او بالليل يعني يوم لج ويوم لهم ... خليه لما يروح هناك يحس انه مفتقد شي ... مش تطفشينه وعلمي عيالج عدل اسلوب يخلي ابوهم يدمع وهم بعيدين عنه ... وكل يوم طرشي له مسج الفراش مايسوا شي بدونك ... أشتقت لضحكتك ... ارحمني والله مااقدر بدونك ... وانتي وشطارتج)))))

 

[خفوق الـح ـب~]

قهرر ما ألومك ..

قولي لهآآ ..

بيجيك يوم بتتزوجين فيه .. وبتشوفين كيف يدور عليك الزمن .. سافري معه زي ماتبين وانتي حسابك عند ربي ..

وزوجك .. انتي أعرف بالطريقة التي تقنعه يعني ماشاء الله لكم تسع سنين أكيد تعرفين شنو أكثر شي يأثر فيه

هل هو الحب . . . !

أو الاستعطآف . . .!

أو الدلآل والغنج . . . !

أو الحوآر . . . !

وشوفي ممكن تعملي له رسالة حلوة ومعطرة فيها عتاب ومصارحة لطيفة ..

والله يفرج همك ..

 

[قلبي نفسي]

انزين بيروح مع اخته وين المشكله ؟؟؟

وليش ما تخلين اعيالج عند امج ولا اختج وتروحين معاهم ؟؟

 

[السحر الحلال]

لكن الحين الشيخ غير رايه وصار لنا اسبوعين واكثر كل مانتناقش على هالموضوع نتهاوش

احس اني صرت اكرها نغصت علي حياتي عمري ماصار لي جدي مع زوجي
ويقول اني عنيدة وهو الريال وكلامه الي بيمشي وانا اقوله انت وعدتني يقول غيرت رايي

ياربي قاهرني .. اي بعد تدرون اشقالت لي يوم تلاغيت معاها انها ليش تسوي جدي وتقول عني هالكلام
تقول بخليه يسافر معاي كل مرة وبخليج تموتين من القهر

شفتو هاي الي كانت اعز من اختي واسوي لها كل شي واوديها معاي المطاعم والسينمات وكل مكان

اكثري الاستغفار بنية اصلاح الامور

حسبي الله ونعم الوكيل
الدنيا دوارة "دين يجب تسديده"
قال النبي صلى الله عليه وسلم: ليس منَّا من خبب امرأة على زوجها أو عبدًا على سيده. رواه أبو داود وغيره

وكان خيرا عظيما ينتظر من اصلح بين اثنين فما بالك بزوجين
واجاز الكذب في ذلك وبين الزوجين
اما ان نكون عونا للشيطان في فساد الاسر
لاحول ولاقوة الا بالله

 

[كفاني وحسبي]

الله يكون فى عونك
والاحسان فى هذه الايام ما ينفع
الناس صار فيها جحود مو طبيعى

 

[القلب المهجور]

الله يصلح أحوالكم يارب

ويهدي زوجك

 

[حنانوو]

جد مدري شاقولك غير اني ادعيلك
الله يرجعلك زوجك مثل قبل واحسن
الله يسخره لك يارب ويسحره فيك سحر حلال