عروووس وتعبت منه وكرهته وانا في بداية المشوار ساعدوني

[كارهه الظلم]

الله يكون بعونك ياقلبي ويصبرك
والمسأله تحتاج وقت وصبر صبر صبر أكرر هالكلمه
الرجال مر بتجربه وماعنده ثقه باحد أنتي حاولي تستشير اخصائيه نفسيه أو استشاريه بالامور الزوجيه وامشي معاها خطوه بخطوه وباذن الله ربك ماراح يضيع لك تعب ,,,,,,,
الدعاء ثم الدعاء ,,,,,,,وسايري زوجك مسايره طفل وراح تلاقي اللي يسرك يارب,,,,,
ودعواتك لي بالغاليه.....

 

[وردة الحنون]

ربي يسهل امرك ويفرج كربك
حبيبتي هذي ردة فعله
لان عانى من قبل ما يتزوجك
وحاب يسوي فرض سيطره
ان قولي له سم ابشر آمر
كلها مسألة وقت
ويتغير بمشيئة الله
بس خليه يوثق فيك
واسمعي كلامه الحين ونفذيها
وان شاءالله ومتأكده انه يبي يتغير

 

[غنى النفس]

توك ياقلبي في البدايه

 

[ام مريمي]

اختي هو اكيد طالع من علاقه فاشله ومو حاب يكررها

قالج الي يبيه قوليله ان شااااااء الله على امرك

وهو بشوف طبعج واخلاقج وغصبا عنه راح يغير معاملته معاج

انتي بس صبري وحاولي اذا تكلمتوا مع بعض تتكلمون بهدوء ومن تشوفينه عصب سكتي عنه والله يهديه ان شاء الله

 

[اقدار22]

الله يكون في عونك..

حاولي تجارينه في الوقت الحالي ..يمكن يبي وقت حتى يقتنع ان مو كل الحريم زي بعض

 

[اميرة وردية]

الله يكون في عونك ويفرج همك....
..الدعاء... الدعاء.... الدعاء..ود
المسألة سهله ويسيرة بس يبغالها وقت وصبر

 

[أبجديات الحب]

الله يفرج لك وييسر امورك مع زوجك
اذا هذي مميزاتة حنون وطيب
فانتي استخدمي ذكاء المراة
يعني تنازلي شوي عن مشاويرك بعد المغرب او قولي له احب انت بنفسك توصلني اقضي مشاويري
يعني خليه يكون انطباع جديد عنك مبني على الثقة والاحترام اذا ينفع نقاش معاه ناقشيه وقولي له مو كل اصابك مثل بعض
لو ماقدر يغير فكرته فالله المستعان استعيني بأحد من اهلك او واجهيه

رغم هذا وذاك مجتمعاتنا المحافظة بيكون في صف زوجك وحرصة عليك
الله يفرج لك كربتك

 

[زهور فرنسية]

الله يفرج همك ويسعدك يارب
حبيبتي يمكن فترة تجربة
بشوف معدنك
انت علميه انت الحرمة بتصون نفسها لو كانت في وسط الف رجل
والعكس

 

[ياربي انصرني]

منوجهة نظري انك تجعلينه يرى الاشياء الايجابيه في شخصيتك00 اهتمي بنفسك وببيتك ولاتنسين اللجوء
الى الله صلي في جوف الليل اكثري من الاستغفار وقرأة القران دعيه يراك المرأه الصالحه في حجابك وحيائك
بهذه الطريقه بتمسحين الصوره السلبيه التي رسمتها زوجته السابقه00

هو يتعامل معك بهذه الطريقه لانه يشعر انه فرط وتساهل في اشياء وصلت زوجته للخيانه فهو بطريقه هذي يشعر انه ماسك زمام الامور ويطلب منك لاتضعين المكياج لانه يشعر ان زوجته السابقه وضعت المكياج وهذا سبب من اسباب انحرافها00

الله يعينك يبغى لك جهد كبير حتى تمسحين الصوره السيئه لذلك انصحك ان تستعينين بالله هو القادر وحده ان يغيره00

 

[كافيه لاتيه]

والا اسمعي كلامه واعطيه الثقه وان شاءالله مع الوقت راح يخف عليك,اما بالنسبه لاخوانك حاولي تشرحيله انك بمثابة ام لهم ولا اطل عليهم بين الفتره والثانيه وانهم معتمدين عليكي في كل شي,الله يهديه ليكي ويسخره ليكي.

 

[عـر الإمارات وس]

أختي الرياااااااال مقرووووص ماشيء اصعب عن الريال من الزوجة الخاينة
أنتي الحين في فترة أختبار خليه يثق فيج ثقة عمياء بعدين بتنفك العقدة عنه
صبري عليه ماينلاااااااام اغلب الريايل بعد الزواج الين سنة تقريباااااا
يشد على زوجته وبعدين يرخي حاول ماتذمرين ولا تحسسينه انه يالس يحكرج ويضغط عليج
والله يسخره ويهدييييييييييييييه يارب

 

[lolo-88]

الله يعينك اختي والله يسخره لك ..البنات ماشاء الله ماقصراو بالردود .. أللي بقوله أكثري من الدعاء أن ربي يسخره لك ..
.. وقال ربكم ادعوني أستجب لكم ..​

 

[عالمي الاخر]

شوفي حبيبتي انا اخذت زوجي من 6 سنين

بداية حياتنا مجنني في الطلعات والملابس والعباية وكلللللل شي

لكن مع الصبر ولما شاف اني اخاف الله في نفسي ، تركني على راحتي ماشاء الله تبارك الرحمن

يارب لك الحمد والشكر

فااصبري ومايكون الا كل خير وخصوصا انه يستاهل ان الوحده تصبر عليه

 

[lyale]

صباح الخير
شخبار عروستنا
انا مش معور قلبي في السالفة غير اخوانج الله يسخر لهم ريلج و يسخره لج بعد ما قدرت ادخل و ما احط تعليق بس بسألج من عندهم اخوانج الحين و كم اعمارهم ليكون فيهم حد صغير ترى اصييييييييييييح والله

 

[غدير الكويت]

وااايد حريم عانوا من هالشي وخاصة انه زوجج مر بتجربه صعبه أعرف واحد نفس تجربة زوجج لمن يتذكر خيانة زوجته الاولى عيونه اتدمع مع انه صار مطلقها تقريبا 20 سنه بس صدقيني مع العشره ولمن يشوف التزامج وايمانج بتخف حالته بس أهم شي لااااا يشوف لبسج غلط أو اي تصرف يضايقه
والله يوفقكم

 

[عصفورة البيت]

الله يصبرك حبيبتي
كثري من الدعاء والاستغفار

 

[عابـِـره]

السلام عليكم ورحمة الله وبركاته

أول شي مبارك عليج والله يجعل أيامكم سعاده وهناء ويبعد عنكم كل كدر..

الحياة الزوجية ما ينفع فيها الشده ابدا.. فان هو شد انتي ارخي والعكس صحيح.. فهي تحتاج شوية صبر.. ومافيها كرامه وعزه وهالخرابيط..

اختي العزيزه الرجل توجعه الخيانه وخاصه اذا كانت زوجته.. انتي ما سمعتي بالدعاء ((اللهم انا نعوذ بك من قهر الرجال)) واللي سوته زوجته الله يهديها ويهدينا قهر له..فبياخذ وقت طويل.. الا في حاله وحده.. إذا انتي نجحتي بمعاملتج له ونسيتيه اياها..

المطلوب منج انج تسمعين كلامه وعامليه احسن معامله واذكري الله دايما وخليج معاه...

وعلى فكرة قصتج مشابهه لقصة امي..
فزوجة ابوي استغفر الله طلع عليها كلام والله اعلم فانقهر ابوي وقعد 4 سنوات ما تزوج وبعدها تزوج أمي.. وامي تحكي لنا كيف ابوي كان يعاملها.. كانت تقول ابوكم كان طيب بس مشكلته ان غيرته لا تطاق وانا استنتج الغيره من الموقف اللي حصل معاه..

المهم ولله الحمد ابوي تغير لان عرف امي وصارت بينهم عشره فبدأ شوي شوي يعطيها الحريه ويغير من افكاره.. والحمدلله

عالعموم انا بعطيج خطوات بسيطه تهدي سره وتبعد الشيطان عنكم..

اول شي اقراي على الماي آية الكرسي 11مره او مره المهم تقرأين آية الكرسي وتنفخين بالماي وتخلينه يشربه..

الشي الثاني اقرأي في كل ركن ببيتج آية الكرسي يوميا.. صباح ومساء
لاتنسين اذكار الصباح والمساء تحفظ بشكل عظيم وانا مجربتها.. يوم تواجهني مشكله على طول الجأ لذكر الله.. وتنحل مشكلتي في ثانيه ولله الحمد..

الشي الثالث قبل لا تبدأين معاه نقاش او عتاب قولي ((ربنا افتح بينناوبين قومنا بالحق وأنت خير الفاتحين))
دايما اظهري لي له انج بنت تقيه وتخافين الله وحسنة التعامل.. فالرجل يغار من زوجته من هذي الناحية ويحب يكون احسن عنها..
والله يسعدكم يارب ودائما خليج مع الله فهو نصيرج ان شاء الله




​

 

[أحبه ولكن]

الله يسعدك ويسخر لك زوجك

 

[مزيونة الوصوف]

اختي اهو كم سنة عاش مع الأوليه ؟؟؟؟؟؟
وهل عنده عيال منها ؟؟؟؟؟؟؟؟
وكم سنة جلس ماتزوج بعدها ؟؟؟؟
وزواجكم كان عن اقتناع واختيار او خطبه اهل ؟؟ يعني انتي تعرفين شخصيته قبل الزواج بحكم انتوا اهل وقرايب ؟؟

أسئلتي راح تحدد اذا ممكن علاج نفسيته وألا لأ ؟؟ وانتي توج على البر ولا طاعة لمخلوق في معصية الخالق وقطع صلة الرحم معصية لرب العالمين وهو اللي امرنا بوصلها !!!!
وكيف يكون زوجك مضرب للمثل في الأخلاق والألتزام ويبدر منه كل هذي الشيئ !!!!!!!!!!!
انا اقول تتروين شوي وماتستعجلين في الحمل وغيره وادرسي وضعية زوجك عدل ونفسيته وحاولي انك تكتشفين الخافي يمكن يكون صح مجروح من طليقته لكن يمكن لازال يحبها وكل مايحس انه انجرح وانطعن ينفس عن نفسه بالضغط عليج ... عموما مع الأيام راح تكتشفين أمور كثيره لكن لازم تتأكدين انه صادق معاج واختياره لج كان عن اقتناع وليس تحصيل حاصل وزوجه تخدمه وتشوف طلباته ولازم تتأكدين انه قبل الزواجمنج ما غير مواصفات اللي يبيها وحط في باله انه يبي وحده تكون مثل نقيض زوجته الأوليه يعني يبي وحده ماعندها شخصية وضعيفه علشان ماتسوي فيه مثل اللي سوت فيه طليقته وهذي مشكله لأنه راح يتملكه هالشعور وبيحس انه هو الصح لجل مايتكرر الغلط نفسه ..
اختي الغاليه نصيحتي لج انك تحاولين تكتشفين هالأمور مع الوقت ولا ترضين على نفسج وعلى اهلج بالقطيعه والمهانه ولا تبيعين نفسج برخيص وتتنازلين عن بعض من حقوقج الشرعيه وانج تدفعين ثمن غلطه مالج ذنب فيها ترا اللي يتنازل مره راح يتنازل الف مره ..

 

[دمعة فرح..~]

وانا مع الاخوات لازم اختي تصبرين وتتحملينه لين ما تبنين وتثبتين الثقه لانه الثقه عنده ممسوحه وانتي تبدين من زيروووو كل شئ حاضر انشاءالله والمشوار االلي تبينه خل هو ايوديج وايييبج يعني حاولي بقدر المستطاع اتلمين المشاكل والله يوفقج....