عروووس وتعبت منه وكرهته وانا في بداية المشوار ساعدوني

[أبيكـ وما ابيهم]

:tears:

السلام عليكم بنات

انا بقولكم مشكلتي واتمنى من الكل يساعدني

حتى اللي يمرون على هالموضوع لايبخلون علي بكلمه تطيب الخاطر لان خاطري ضااق:tears:

انا توني متزوجه ماصار لي شهر خذيت واحد من جماعتنا ومعروف عنه انه كريم وطيب وحنون وينضرب فيه المثل

انا كنت متزوجه من قبل ولكن ماصار في توافق ونصيب وانفصلنا وزوجي الجديد بعد كان متزوج وانفصل عن زوجته ومن اسباب الانفصال انها كانت خاينه الله يستر علينا وكانت تطلع وتسافر مع اهلها بدون اذن منه

المشكله :sadwalk:

ان زوجي العزيز الله يهديه صار عنده ردة فعل وعلى باله ان كل الحريم مثل الشي يعاملني كآله بس تنطق بكلمة حاضر وان شا الله وبدون اي نقاش

قوانينه ما احط مكياج لما اطلع وما البس شي يلفت النظر وقلت له حاااضر من عيوني تخيلوا انه قالي هالكلام اليوم بليل وانا توني عروس وفرحانه ماتضايقت قلت والله يغار علي الحمد الله ومن باجر الصبح وهو عند باب البيت يقول لابوي ما ابيها تحط مكياج ولا تلبس شي يلفت النظر انا انصدمت هذه خصوصيه بيينا قلت لك ان شالله واذا عاندت لازم تتكلم معاي مره ومرتين ان مافاد علم ابوي او اي احد احرجني وفشلني وابوي انصدم على باله اني عاندته وقعد يهاوش فيني

خلصنا من هالسالفه السالفه الثانيه قالي من يقول الله واكبر لصلاة المغرب السياره ما ابيها تتحرك ولا تطلعين مكان يعني انتوا الحين عارفين هالزمن ماكو وقت الواحد يخلص اغراضه ومشاويره بروح ازور اهلي بروح عزيمه شي ماكو كل شي ممنوع

قلت له ان شا الله على عيني وعلى راسي وطاعتك واجبه وانت ولي امري وطاعتك مهمه بس ياقلبي الحياه اخذ وعطى ولازم نتناقش كزوجين ونتفاهم ونتحاور ننقنع بعض لازم توثق فيني ووتريح بالك انت ستري وغطاي وانت شرفي وعرضي وانا اخاف على شرفي وبكون محافظه عليك وصاينتك

تتوقعون شقالي

قالي انا ما اقول شي غلط وانا عارف نفسي لما اقول شي اهم الصح والعدل واللي لازم يصير انا افهم منج وانا اللي اقرر

وعصب وطلع :tears:


مع ان يابنات انا اكبر خواتي وامي وابوي منفصلين من يوم احنا صغار وانا صرت لهم الام والابو واي شي يبونه انا اوديهم واحط لهم واسوي لهم مايستغنون عني واهو مايبيني ازورهم وايد ولا يبي حتى اطلع معاهم

رغم طيبته حسيت اني تحسفت على هالزوج اللي مايوثق فيني والسبب غلطة غيري

مادري شقولكم بعد احس اني متضايقه ومنقهره ومغموووووته ياريت تساعدوني وتردون على وياريت الدكتوره ناعمه او موزه يردون علي

الله يفرج همكم ويغفر لكم يارب

 

[نور عيونه]

حبيبتي الله يكون بعونج

انا اقول هالكلام يمكن في البداية بس اذا طالت العشرة وعرفج عدل بيتغير

وبعدين تقدرين تكلمينه بهدوء وبوقت مناسب انتي تقدرينه

 

[تيماء3]

حاولي تصبري ومع الدعاء والوقت بيعرف طباعك اخلاقك ويوثق فيكي ان شاء الله

الله يعينك ويصبرك

 

[AL-SHEIKA]

الغاليه مثل ما قلتي انه مر بتجربه خيانه

يعني مصدوم مع الايام وباذن الواحد الاحد بيتغير بعد ما يعاشرج


انا ما عندي اي طريقة للتعامل لانه الطرق تختلف

 

[دمعة حزيينة]

يلا حبيبتي كل زوج وله سلبياته وايجابيته حاولي تساسينه ومصيره يتغير مع العشرة اقلك السنه الاولى من الزواج تكون اغلبها زعل لان الطرفين يكونون مختلفين بكل شي حاولي انك تفهميه شو اللي يحب والي ما يحب والله المستعان

 

[**بسمة امل**]

الله يعينك حبيبتي ويسخره لك​

حاولي تتفاهمين معاه بهدوء وقت مايكون رايق وتبينين له وجهه نظرك ومهما عارضك

واصر على رأيه لاتيأسي وحاولي تغيرين قناعاته بالتدريج ولا تنسين ان هذا كله بسبب

تأثير صدمته في طليقته يعني انشاءالله ممكن يتغير مع الوقت بس يبغالك طوله بال

وصبر مع الدعاء والاستغفار وان شاء الله ربي يهديه لك

 

[حنين احمد]

انتي لسه في البدايه
المساله محتاجة صبر
الله يعينك

 

[أتعبن السهر]

الله يعينك .. اكثري من الدعاء وصلاة الليل..

 

[نوسه علي]

انشاء الله رح يتغير لما يعرفك ورح يوثق فيك هو معذور نوعا ما لان صارله مثل صدمه بس انتى طاوعيه وحسسيه ان كل شى يقوله اوكى علشان لى صرتى اتعاندى هو رح يضيق عليك اكثر .هذا رايي.

 

[ريم الهاشمي]

الله يكون في عونج حبيبتي ،، عليج بالصبر والدعاء عسى الله يهديه ،، عموما وايد رجال اعرفهم اول الزواج يكون فيهم نفس الطبع بس صدقيني مع الايام بيتغير بالذات اذا حس انج مطيعة وتسمعين الكلام .

 

[ماهقيتها منك]

ياليت تردين علي انتي متحجبه او غطاااااااااء كامل حتى الوجه واذا فيه احراج لك لاتردين علي

 

[أجمل احساس1]

بالأول مبروووك وثانيا حبه حبه بتقنعينه باللي في راسج من غير ماتتكلمين يعني بأفعالج الكلام ماراح يأثر حاولي تبهرينه بأفعالج لاتناقشينه عشان يغير فكرته انتي بيدج تغيرينه بأفعالج وبس اما الكلام ماراح يهمه وبعدين لاتنسين انه مر بتجربه سابقه واكيد الأوليه كانت اتقول كلام وانتي خالفيها بكل شي بس بالفعل من غير كلام واصبري ترى الصبر زين وتجنبي العصبيه وتفريغ كل مابخاطرج حتى لوكنتي مضايقه عشان ماينقلب عليج اكسبيه حبه حبه وبالتوفيق

 

[كلي انوثة ودلع]

يحتاج اعاده ثقه في نفسه اولا ومن ثم في الاخرين

فاقد الشي لا يعطيه

الله يساعدك ...........

 

[ربيع القلب]

الله يكون ف عونك وسخرلك زوجك

 

[F_H_R]

كل كلام الاخوات صحيح بس مسالة وقت واذافهمك وارتاح لتصرفاتك راح يعطيك وينفذ لك الي تبينه بس الصبر ثم الصبر وسعة البال والله يوفقك
الشي الثاني حطي في بالك انه كان متزوج من وحده غير سويه واثرت فيه نفسيا وقد عانى معاها
والله يعينك يااختي

 

[lyale]

مرحبا
اختي في الله اسمحيلي على اللي بقولة أنا ما احب الحرمة المستضعفة و المأكول حقها شو يعني تدفعين الثمن انتي لييييييييييييش عشان مطلقة و لا عشان هو اتعرض للخيانة هذا مش مبرر يعاملج هالمعاملة و انتو في اول المشوار و دام ما عندج عيال للحين اتحذري تحملين هالفترة لان للحين ما تعرفين خيرة من شره و اخاف يكون شرة اكثر من خيرة انتي من دون عيال اهون ما تتطلقين و انتي بعيال خذيها نصيحة مني فهمي انج انسانة تبي اللي يحترمها و اذا استمر على احتقارها ما راح تقعدين له في البيت خليج قوية هذا حقج و بلاها العيشة في مذله ما بيها في بيت اهلي معززة مكرمة و الحمد الله لا تستضعفين عمرج اوكي
و اسمحيلي هذه وجهة نظري
و الله يوفق الجميع

 

[lyale]

و لا خليه يتعالج عند طبيب نفسي ما فيها شي بس اللي قاعد يسويه مش مبرر له ابدا ابدا ابدا

 

[نور الدنياء]

الله يكون بعوونك فهميه ان اصابعك مو زي بعض
والدنياء فيها الشين وفيها الزين
والله حلل الطلاق لامور كثيره
انا ماصار نصيب مع الاول
وانا غير والاولانيه غيررررررررررررررررر
وانت زوجي ولازم تكون مساول عني وتساعدني على قضاء حاجات اخواتي بلى انا وانت نقدر عليه
فهميه انك تحبينه
ولاتجيبين سيره طليقته لانه يحس انه انضحك عليه ويسوي كذا عشان لاتفكرين انه غبي
يعني حاولى تتفهمين معاه وقوليله مو كل ماصار شي تقول لابويه انت قلت ليه وانا قلت حاظر
والله يعينك ويسهل عليك

 

[hot pepper]

ولا يضيق صدرك ولاشي بالعكس هالشي لازم يشد همتك ويقوي اصرارك انك تغيرين نظرته للحريم

انتي ماشاءالله عليك من اسلوبك باين انك وحده فاهمه ومو طايشه

وابديها معه خطوه خطوه ,, كل ماقال لك شي طيعيه بس خليه يعوضك

مثلا اخوانك اللي تجيبين لم اغراضهم وهو رافض انك تطلعين من البيت عقب المغرب

خليه هو اللي يدبر امورهم وانتي معه ,, خليه يدري انه ماوراك شي

واهم شي انك ماتعانديني وياه وماتتصادمين معه ...

كل ماقال لك شي خوذيه ببساطه ورواقه بس حوريه شوي عشان يناسبك

يعني تقولين له سم وامر بس معليه لو انت توديني اروح اجيب الغرض الفلاني لاخواني محتاجينه

وشوي شوي راح يطلق سراحك بس زي ماقلتي هو انبنت عنده فكره عن الحريم من زوجته الاولى

وانتي تقدرين تغيرينها ,, بس اهم شي تكونين صبوره وتاخذين الامور برواقه وسعة صدر

الين يتطمن من ناحيتك وصدقيني اكيييييييد بيدري انك غير عن الاولى

 

[**ريما**]

اهلين حبيبتي


انا برائي انك ماتستعجلين وتعاملي معاه باللين والكلمه الطيبه والمعامله الحسنه


خليه يثق فيك قد ماتقدرين ولاتقولين تعبت


صدقيني لما يثق فيك ويحبك وتعطينه الامان راح يحبك ويرتاح لك ويرضيك ويسوي كل اللي تبينه..


والله يفرج همك ويفك كربتك ويسخره لك ..


اختك / ريمــــــــــــا..