عروس محطمة الحقوني بنهار خبيرات الزوج الشرقي الجنوبي

[عروس محطمة]

السلام عليكم ورحمة الله وبركاته
اخواتي انا عروس من تقريبا اسبوعين حلمت طول عمري بهاليوم عمري 33 سنة طبعا المعلومات البسيطة حتى تساعدكم في فهم مصيبتي
انا كان وزني كبير وعملت عمليات ربط معده ونحفت في زمن ووصلت من 100 الى 70 وفي فترة حلوة
تقدم لي خاطب والي تقدم من طريقها قالت له انها كانت سمينة ونحفت وقال ماعندي مشكلة
عندي مشكلة بسيطة بباطي وهو انه احترق بسبب دوا عرق وصار فيه لو ازرق من الاطراف جاهدت اني اعاجه قالوا مستحيل والمنطقة من محل رفعة اليد لو بنسوي لك ترقيع راح تعيق لك حركتك
الان الخطبة
مثل اي خطبة كان فرحان وطاير فيني من الفرح
خلص بيتنا في زمن كبير جدا جدا من فرحته يقول متى يجمعنا بيت واحد
انخطبت في شهر ستة واتزوجت في شهر 8
قبل الفرح بيومين بدا يتلخبط الرجال علي ةبدا يهاوش ويقول ابغى الزفة 12 ولو جت 12 وانتي منتي بالفندق راح يصير شي عمرك ماشفتيه
تدخلت اختي وحلت المشكلة معاه وكلمته ورجع كلمني ومر الموضوع ووصلوني اخواني لباب الفندق وكان يضحك ومبسوط
طلعنا غرفتنا وككل عريس بدانا ممارسة الجنس بدا وفجاة قام من فوقي مثل الي لادغته عقرب
من بكرا انا ماخليته وسافرنا مباشرة
ثالث يوم قال لي اانا مو مستعجل متى ماتكوني جاهزة خبريني رابع يوم لبست واتشيكت وللعلم انا جدا نظيفة جدا جدا وريحيتي دوم حلوة واموت بالعطور واسبح فيها وشياكه
لبست وترتبت وجلست جمبه لقيته دفني
وقال انا جلست طول عمري ابتزوج عشان اغض بصري ومو انتي الي تخليني اغض بصري وجلس يتكلم عن جسمي وشكلي
دمرني ودمر نفسيتي وجلست 14 يوم بالسفر لا يعلم بحالي الا الله
الصبح رايق ولا جا الليل الله لا يوريكم ايش يصير فيني واليش الكلام الي اسمعه
هددني اني اقول شي لاهلي لان من قبل الزواج وهوا حريص لا ااهلي ولا اهله يعرفوا شي عن حياتنا
حتى لما دقت اختي وسمعت صوتي وما ارتاحت رجعت دقت عليه قلب الدنيا فوق راسي
وقال ليش لت لهم قلت انا مو جاية من الشارع انا لي اهل من غير ما اقول لهم بيحسوا فيني وبيعرفوا من صوتي في شي ولا لا
رجعنا
والان يقول لي بخليكي فترة وبعدين اطلقك وقولي انا ما ارتحت وابطلب الطلاق
دمر نفسيتي وحياتي
مع العلم انا كنت مخطوبة زمان من 5 سنوات واستمرت الخطبة 5 سنوات لان خطيبي بعد خطبتنا ب 3 اشهر انسحر وكان طبيب وكل اوضاعه سليمه انسجر لدرجة انه كان يهيت بالشوارع شهور ما يعرفوا اهله عنه شي لدرجة عشان يطلقني اخوه كلبشه ووداه الشرطة

الان
ابغى احافظ على حياتي
كيف ممكن اتصرف مع زوجي الشرقي الجنوبي في هالحالة
الله يفرج عليها الي تساعدني ايش اسوي
زوجي ابوه وامه عايشين وامه لما رجعنا من السفر دقت علي تبكي وتقول اقري قران انا ما ادري ايش راح قال لهم بس اكيد انه قال مني مرتاح وبطلقها الله يسعدكم فرجوا علي

 

[عروس محطمة]

الله يعافيكم ساعدوني خبيرات الزوج الشرقي الجنوبي

 

[حياتي حمودي]

ياقلبي انتى والله مادري وش اقولك بس من جد الله يعينك على مابتلاك الله فيه وانشاءالله الاخوات مراح يقصرون معك
وماقول غير الله يفرج همك ويسعدك دنيا واخره ويحنن قلب زوجك عليك يارب انه قادر على كل شي

 

[ام باسل وميار]

يا حياتي كان الله في عونك الي اعرفه ان الجنوبي يجامل شوي لكن اذا انتي حاسه ان في جسمك شيء روحي للدكتوره خليها تسوي لك شد وصلحي امورك قبل لا يسوي لك شي وحاولي تركزي اكثر وتشوفي اش ممكن يتصلح عشانك حبيبتي عشان ترجع معنوياتك وثقتك بنفسك وركزي في الاشياء الحلوه فيكي واظهريها يمكن تلفتي انتباهه وخليك دلوعه كن ماهز فيك شي والحياه كذا بالبدايه شوي تعكير اذا انه انسان طيب حافظي عليه قد ما تقدري
الله بسخر لنا​

 

[**سجىالاسحار]

اولأ حبيبتي كيف عرفتي ان زوجك شرقي جنوبي ثانيأ وش لاحظ على جسمك عشان يذم

 

[عروس محطمة]

ام باسل
انا قلت له بحاول ادور اكثر من الاماكن الي رحتها قال لي لا تتعتبي نفسك ولا شي انا مادري لي كدا قلب علي فجاة
ياناس انا مالي متزوجة الا اسبوعين شفت فيهم القهر والمر منه وعلى فكرة انا مرة حلوة والله كل الي يشوفني يقول تشبهي زينب العسكري يعني مني شينة ابدا ووزني سبعين

 

[عروس محطمة]

سجى الاسحار
اختي تعرف الانماط وسوت له اختبار الانماط بالاشكال تعرفيها المربع الشرقي والمثلث الشمالي والدائرة الجنوبي والمتعرج الغربي
زوجي طلع شرقي جنوبي
وكمان هو طباعه طباع الشرقي لانه عنيد يحب الخصوصية يحب التفاصيل
هادى
عن طريق اختي هي سوت له الاشكال وهو حلها ايام الخطبة طلع شرقي جنوبي

 

[عروس محطمة]

انا كتبت لك اخت سحر
قول مترهل من جوا
وكمان يقول باطك فيه لون

 

[حزن الحجآز]

لاحول ولاقوة الا بالله ..

حبيبتي زوجك يحب الشكل مادامه شرقي جنوبي ..

حاولي تهتمي بنفسك كتير واتغيري وهو مايحب السمنه المفرطه ولا النحافه المفرطه.

انتي كلميه وقولي له يعطيك فرصه تانيه ..وان شاءلله مايسير خاطرك الا طيب .

يارب يسخر لك زوجك يارب ويرجعه لك

 

[عروس محطمة]

حزن الحجاز ادري والله انه يحب الشكل عشان كدا انا اقول لك حلوة واصلا لبسي انيق ومن شموع وفواحات وقمصان اصلا مو مقصرة بس جسمي من جوا انا قلت له اعطيني فرصة

 

[كحلة مامي]

ياقلبي اهم شي تبيني ثقتك بنفسك قدامه
بعدين ليش ماسألتيه وش سبب نفوره منك
اللي فهمته منك انك انتي ملاحظه ان ابطك فيه سواد بس ماقلتي هو منتبه او هذا سبب نفوره

 

[انثى مختلفة]

الله يكون بعونك ويسخر لك امورك

ان شاء الله كل شي بيتحسن ويرجع مثل ما كان وافضل

انت توكلي على الله وتفائلي بالخير تجديه

اقرأي سورة البقرة يوميا واكيد باذن الله بينصلح حالك

لان الرسول صلى الله عليه وسلم يقول سورة البقرة اخذها بركة وتركها حسرة ولا تستطيعها البطلة

وداومي على اذكار الصباح والمساء تحصين لك

يمكن يكون فيك عين او نفس

جيبي موية مقرية وزيت

الله يهديكم ويوفقكم

 

[راحةالقلوب2]

الله المستعان​

 

[دخل مزاجي]

قولي له لازم نروح لمستشار أسري .. عندك ميسرة طاهر بجده او طارق الحبيب او اي مستشار اسري او نفسي حسب المنطقه اللي انتي فيها .. واذا رفض حكم من اهلك وحكم من اهلة ويكون انسان واعي وفاهم ولاتكبرون الموضوع ولاتسوون شوشرة .. كل الازواج في البداية ينفرون من بعض ومع الوقت يتأقلمون
واكثري من الاستغفار ودعاء الكرب والهم .. وقراءه سورة البقره يوميا

وخليك بجنبة وقولي انا شاريتك وماابغى اخسرك ومن هالكلام بس لاتبينين انك طايحه عليه مره او تبينين ضعف .. خليك قوية ونفس الوقت متمسكه بحياتك معه

الله يكتب لك الخير وين ماكان اختي

 

[عروس محطمة]

كحلة امامي قال لي جسمك شكل يدك

 

[عروس محطمة]

انثى مختلفة مااعرف شيوخ يجيبوا مو ية مقري عليها الي يعرف يقول لي ارقام الله يسخر لكم

 

[عروس محطمة]

دخل مزاجي
الله يجزاك خير
هوا شرقي رافضاحد يتدخل في خصوصياته ابدا
ما راح يوافق على اهل يو اهله ولا اظن انه بيوافق على مستشار اسري
في حل غيره اسعفوني فيه

 

[مصدومه من الناس]

الله يسخرلك زوجك ويحنن قلبه عليك وانصحك تعملي عملية شد دام انك عملتي عملية ربط معده والله راح جسمك يطلع جنان ومشدود وراح يطير فيك ولا راح يسيبك عن تجربه اختي سوتها قبل زواجها ولا هوباين انها سوتها وعليك بقيام الليل والدعاء والصدقه وانشاءالله ندعي لك انا والاخوات

 

[عروس محطمة]

الله يعافيكم ابغى احد يقول لي بالتفصيل ايش اسوي ايش اتصرف

 

[ya3thaby]

حبيبتي اول شي بردي قلبك وثقي بنفسك قدامه اكثر


هالايام عيشي حياتك طبيعي ولاتسوي شي البسي لنفسك واكشخي لنفسك واطلعي


مع اهلك واهله ولاتحاولي تلزقي فيه


اذا انفتح الموضوع مره ثانيه ردي عليه بكل بروود قولي له انت على بالك كل البنات نانسي


وهيفا حتى نانسي وهيفا يصرفووو على اجسامهم وبشرتهم صرف

عشان يطلعو بهالشكل


الحمدالله مثلي مثل كل البنات مو ناقصني شي



واذا موعاجبتك منت مجبووووور لسى في بداية حياتنا ومافي شي يربطنا


لاتحاولي تحسسيه انك مابتخسريه او انك تبي ترضيه باي طريقه كذا

بيحس اكثر انوو انتي ناقصك اشياء عن البنات وانووو لو اخذ غير كان


انبسط اكثر


انا هذا راايي