عروسه تكره حياتها

[الخطأمني وفيني]

حبيبتي الرجال مايحب المرأه تعانده حاولي تكوني مطيعه وخلك مبتسمه في وجهه واظهري اهتمامك فيه ، الله يصلح بينكم ويهدي سركم

 

[luli]

السلام عليكم
معليش ليش كذا كلكم هبيتوا في البنت وانت الغلطانه
اولا كلهم غلطانين هي وهو
بعدين ترى بعض الرجال همجي جدا عند تعامله مع زوجته
يعني لو هو طيب معاها ماكان قالتله كذا اكيد كلنا متعلمين وفاهمين ومافي وحده تجي تنافخ على زوجها لمجرد انها تبغى تنافخ
اكيد هو مقصر معاها او تعامله مو كويس ماتدرون
يعني معليش بعض الرجال يبغى الحرمه مثل العبده ينافخ ويضرب ويقل ادبه ولازم تقوله تحت امرك
اولا ادري طاعة الزوج واجبه بس اذا هو مااحترمها وانتوا شفتوا الكلام اللي تقول قالها
اقلبي وجهك ومثل ماخرجتي لاشوف وجهك وقفل الشقه بغيره
يعني اوكي تصير مشاكل بس المفروض ماتطلع الفاظ مثل هذي ومثل مالزوج له حقوق الزوجه بعد لها حقوق
لي عوده بإذن الله

 

[غربه؟]

اختي الاخوات نسوا يسألونج هل انتي تحبينه يعني لما رحتي بيت اهلج هل انتي حسيتي انج فقدتيه .. هل هو طيب وكريم وملتزم ومحترم يلبي طلباتج ؟؟؟؟؟

 

[العزوبيه حلوه]

الاخوات اللي هبوا فيني الله يسامحهم واذا وحده نفسيتها تعبانه لاتجي تحط حرتها فيني:icon28:

هو طيب ويصلي لكن خروجه من البيت كثير من بداية زواجنا وهو يخرج كل يوم تقريبا وانا اجلس انطق بالبيت لحالي بشقه كئيبه واذا قلتله قال وين تبغين اوديك حتى السوق يقول روحي مع اهلك اذا راحوا ويقول انتم يالحريم كذا مكتوب عليكم تجلسون بالبيت:sadwalk:
وللعلم رحت اليوم البيت لقيته مقفل الباب اللي داخل ماقدرت ادخل
انا الان اعتذرت منه بمسج وسويت اللي عليه وش يبغى ابوس رجوله عشان يرضى

 

[العزوبيه حلوه]

اللب نساك انساه وluli شكرا على التعامل الراقي

 

[العزوبيه حلوه]

نسيت اقولكم انه اهلي مايدرون عن السالفه جالسه اداري عنهم الموضوع لاني ماابغى اشوه سمعته عند اهلي ماابغاهم يكرهونه وهم مستغربين ليش جالسه عندهم ومطنشته بس رقعت الموضوع

 

[نجمة عمر]

ياعمري لك ملووووووووووووون تحية لانك مادخلتي احد بينكم وماقلتي لااهلك بس بقولك انتي غلطانه اذا هو سبك فانتي اللي بديتي بكلمتك (مو انت اللي تعلمني العيب) فاكيد رح يعاملك بأسواء من كذا يعني اذا قلتي من عيوني رح يقولك تسلمي اقل شي مارح يطنشك واذا قلتي مابغى رح يقولك عنك ماسويتي بس انتي رديتي بكلمة مرررره قوية فهو رجال رح يردلك بكلمة اقوى حاولي تستوعبي نفسك وتعرفي انك انثى لابد ان تكوني نااااعمة ودلعي نفسك عنده وتعامليه كزوج وحبيب وصديق مو كواحد من صحباتك اواخواتك تتعاملي معاه بدفاشة وسوووووووري ياقلبي اذا جرحتك

 

[ليتني احتويك]

الرجاااااااااااااال ماااااااتحطي راسك براسه وتعاااااااااااانديه حيااتك بكذه ماراح تستمر
انتبهي
انتي غلطااااااااااااااانه واحسك معليش قوووووووويه الحياااه ماهي بالقووووووووووووه

 

[أميرة الالماس]

ممكن تكوني واحم افحصي وراح يطلع لك باذن المولى

 

[ريناد الرياض]

انا اشوف انك سويتي الي عليك واعتذرتي منه ،،ارسلي له مسج بيني له انك جيتي البيت ولقيتيه مقفول وانك اعتذرتي والي عليك سويتيه وانتظري وش عنده الكوره الآن بملعبه...واعتقد ان غلطك مايستاهل الي جالس هو يسويه ويرد اعتذارك انتي لس ببداية الحياه وياما حتصادفكم مشاكل اكبر من كذا المفروض مايطنش تتصارحون وتتفاهمون ولا تخلون الامور تكبر بينكم.....

 

[ياغيابه]

السلام عليكم
معليش ليش كذا كلكم هبيتوا في البنت وانت الغلطانه
اولا كلهم غلطانين هي وهو
بعدين ترى بعض الرجال همجي جدا عند تعامله مع زوجته
يعني لو هو طيب معاها ماكان قالتله كذا اكيد كلنا متعلمين وفاهمين ومافي وحده تجي تنافخ على زوجها لمجرد انها تبغى تنافخ
اكيد هو مقصر معاها او تعامله مو كويس ماتدرون
يعني معليش بعض الرجال يبغى الحرمه مثل العبده ينافخ ويضرب ويقل ادبه ولازم تقوله تحت امرك
اولا ادري طاعة الزوج واجبه بس اذا هو مااحترمها وانتوا شفتوا الكلام اللي تقول قالها
اقلبي وجهك ومثل ماخرجتي لاشوف وجهك وقفل الشقه بغيره
يعني اوكي تصير مشاكل بس المفروض ماتطلع الفاظ مثل هذي ومثل مالزوج له حقوق الزوجه بعد لها حقوق
لي عوده بإذن الله

يأاختي الوحده ماتحط مشكلتها تبي مجاملات مااحد يجي هنا الا يبي نصح وحكم صائب كلنا ننضغط من الرجال ويطفشون بس الحقيقه انها غلطانه فاليش نقول هو غلطان ؟؟ بس نقويها عليه ..!!

نحنا يالغلى ماندري اذا هو سيء دائما لكن نحن نحكم على حدود المشكله اللي ذكرتها وفي هالموقف الكل افاد انها غلطانه ..


تعليق لايفسد للود قضيه ؛؛

 

[ياغيابه]

الاخوات اللي هبوا فيني الله يسامحهم واذا وحده نفسيتها تعبانه لاتجي تحط حرتها فيني:icon28:

هو طيب ويصلي لكن خروجه من البيت كثير من بداية زواجنا وهو يخرج كل يوم تقريبا وانا اجلس انطق بالبيت لحالي بشقه كئيبه واذا قلتله قال وين تبغين اوديك حتى السوق يقول روحي مع اهلك اذا راحوا ويقول انتم يالحريم كذا مكتوب عليكم تجلسون بالبيت:sadwalk:
وللعلم رحت اليوم البيت لقيته مقفل الباب اللي داخل ماقدرت ادخل
انا الان اعتذرت منه بمسج وسويت اللي عليه وش يبغى ابوس رجوله عشان يرضى

والله اني ندمانه اني قلت نفسيتي تعبانه لان كل كلمه قلتها في مكانها

حبيبتي انا مااعرفكـ ولاني حاقده عليكـ ولابيني وبينكـ الا قصتكـ يعني مابهب من ضمن اللي هبو كره وحقد انتي غلطتي ومو مقتنعه انكـ غلطانه بعدين بذمتكـ بكره لو وحده من خواته غلطت بحق مابيصدقكـ لما تشتكي لانه بيقول انتي تكرهينهم من قبل لاتشوفي منهم شي ..

يالغاليه فكري لقدام لاتفكري للحظه اللي انتي فيها وطول ماالمشكله تافهه ومقدور عليها قولي يابنت تنازلي لانكـ ماتدرين وش منتظركـ ولعلمكـ وخذيها نصيحه كل مازعلتي بيقول متعود ع زعلها بس لما تتنازلي بوقار وبكرامه وادب وتسامحينه بعدييييين لما يجي شي كبير لاقدر الله لما تزعلين بيحط مليون اعتبار واعتبار لزعلكـ لانه بيقول هالمره هي غير وزعلها غير ..

والله اني ارد على الاخوات من غير مااشوف نكاتهم واساميهم كله عشان اجاوب واحط رايي بضمير بدون ماشيل ع احد او احد يشيل علي ..

اتمنى تكوني فهمتي مابين السطور والمغزى وليس اللفظ بذاته
دعواتكـ

 

[العزوبيه حلوه]

ياغيابه:icon26:
انا اعترفت اني غلطانه وارسلت له مسج اعتذار واليوم رحت للبيت ولقيته مقفل باب الصاله كنت ابغى ارجع واخاف يقول وش جايبك انا قلت اقلبي وجهك انا قلت بخليه لما يبادر هو خلاص انا سويت اللي علي


انا عارفه اختي انه مو حقد منك ان شاء الله مابينا حقد بس كلام الاخوات كان قاسي شوي عليه وانا خبرتي في الحياه الزوجيه قليله مااحاول اسيطر ولاافرض شخصيتي عليه كل واحد له اسلوبه لكن يمكن انا مررررررررررررررررره حساسه ووقت الدوره اكون اكثر حساسيه وعصبيه:icon28:

على العموم اشكر لكم ردودكم ومساعدتكم لي ولا اراكم الله المشاكل في حياتكم ابدا

 

[ماسة وحساسة]

زي ما قالو الاخوات انت غلطانة لازم تصبري الحياة يبلها صبر وفعلان كيف تروحي ويدك فاضية علي العموم ارسلي رسالة اعتدار ودا كنت حامل سوي زي ما قالت يادنيا يا غرابة الله يسعدك

 

[luli]

ياغيابه انا والله مااجامل ولا اقويها عليه الله يصلح شانهم ويسخرهم لبعض بس شوفي هي اعتذرت وشوفي رده كيف كان وقفل الشقه والالفاظ اللي قالها هل تسوى المشكله لو طالعتي بالمشكله ماتسوى كله عشان قهوه..يعني لا نصير مثاليين مرررررره.
مو مشكله اختلاف الاراء لا يفسد للود قضيه



شوفوا مو كل الرجال يمشي معهم هالاسلوب الحلو ليش بس على الحرمه تتنازل وتضحي ليش الرجال مايتنازل لكن يجي الواحد سهرات وسفرات كل يوم بديره ويقول لزوجته لا اجلسي بالبيت ليش مايضحي ويتنازل عن سهراته وخرجاته عشان زوجته وبيته واطفاله اللي تقول الرجال يطلع بكيفه ماينسأل لا مو بكيفه وين الايه او الحديث اللي تقول الرجال يسهر ويترك مسؤولية بيته وهو حر
الحين هو متزوج يعني مسؤول وزوجته وبيته واطفاله من اولوياته اجل يجلس يسهر ويسافر ويقول روحي مع اهلك هذا مو غلط؟؟؟؟؟؟؟؟؟؟؟؟ والا بعد بتقولون طاعة الزوج واجبه اذا قال روحي مع اهلك اسمعي الكلام
اذا قال مابوديك السوق قولي سمعا وطاعه على الفكره الكسوه والنفقه من حقوقها على زوجها
واذا قال مابتحمل مسؤوليتك وبسهر وبسافر وانت اجلسي بالبيت برضو سمعا وطاعه لا الله ولا الدين يرضى بكذا
ليش انتوا ضعاف كذا نسكت عن حقوقنا تحت انه طاعة الزوج واجبه ترى ايام انه الرجال هو سي السيد والحرمه عبده مهما يسوي فيها تسكت راحت الحين الحياة الزوجيه مشتركه بين الاثنين بالتساااااااااااوي


يالعزوبيه حلوه انت سويتي اللي عليك اعتذرتي ورحتي للبيت لقيتيه مقفل خلاص ماعليك شي الحين دوره هو
ومن كلامك انه يحب يسهر كثيرر احس انه ماصدق بالمشكله عشان يبي عذر يسهر وياخذ راحته
انا من رأيي كلمي ابوك او اخوك المهم وخليه يجيبه واجلسي انت واياه وابوك
وتكلمي وطلعي اللي بقلبك قولي انه يسهر ويتركك لحالك وقولي انه مايوديك للسوق ويقول روحي مع اهلك وقوليله اعتذرت وخليه يشوف الرد اللي رده عليك
وقولي كل شي بخاطرك وخلي ابوك يشوف شغله ويتفاهم معه
وشوفي ترى مايستاهل تتعبين وتسوء نفسيتك عشانه شوفي هو اكيد مبسوط وسهر خليك مثله انبسطي ووسعي صدرك اهم شي صحتك ماتسوى تتدمر عشانه واحمدي ربك انك عند اهلك فيه بنات اهلهم بعيدين عنهم والله يسخره لك ويكتب لك مافيه الخير
الحمد ان المؤمن امره كله خير ان اصابته سراء شكر فكان خير له وان اصابته ضراء صبر فكان خيرا له ..والله لو يدري الانسان وش الخير اللي كاتبله الله في مصيبته ماكان يتكدر ويصير مهموم قولي الحمد لله


اعذريني يمكن عصبت شوي بالرد بس اتكلم بواقعيه

 

[ياغيابه]

هلا والله


حامل والا عليكـ الدوره ؟؟ المهم نفسيتكـ تعبانه
وقسوة البنات ناظريها من زاويه ايجابيه لانهم يخوفونكـ من تصرف زي كدا ويهولون الامر ويعظمونه عشان تنتبهي


انا رجعت اقولكـ ارجعي له بطريقه تكون على شكل مفاجئه مثلا اعزميه بمطعم او روحي لبيت اهله ومن هناكـ روحي معاه ؛؛ ياحبيبتي المره ببداية زواجها الرجل يجهلها مثل ماتجهله فهو حس انكـ جريئه من طلعتي بدون شوره ..

ولعلمكـ اللي يسكت هالايام مو راضي .. لكن السكوت الحين قـــــــــــــــــــــــــــهررررررررر


اتمنى تسمعينا اخبار طيبه وشدي حيلكـ ونصيحه اعزمي خواته وتكلمي عنهم بخير

 

[ياغيابه]

لولي ياقلبي

والله ان بقلبي على الرجال مثل مافي قلبكـ بس مو هنا موضعه ولا مكانه ولاهذي المشكله اللي تستاهل
كل هالعصبيه ..


وانتي ع عيني وراسي ورايكـ احترمه فديتكـ

 

[ألماسة آسيه]

مع الاخوات الغلط منك

توك عروس ولك 7 شهور
انا من لى اسبوعين
قمت مع اهله بالواجب واساعدهم بكل صغيره وكبيره

وحتى وان كان فيه احد اصلا الواحد يفرح بالمساعده لو هي تغسيل فنجان مو عاد تصليح قهوه


لا تكبيرين الامور ولا تكوني حساسه لهالدرجه

تأسفي من زوجك

 

[تاج الافراح]

الله يعينك على هذي المشكله صج صعبه احسن شى تسوين قهوه وتدزين له احسن من انك تطلقين علشان قهوه واذا انت ماتبين زوجج فيه غيرج تتمنى الزوج وماراح تسوى نفسج ابد لاتسال اساله بايخه وين رحت ولامنوين جيت وتخلي حياته قهوه بقهوه ياعمري

 

[ريما5]

عزيزتي العزوبية مو حلوة خصوصا إذا أكرمك الله برجل طيب
بس أنت توك عروسة والحياة جديدة عليك وعليه والسنوات الأولى صعبة في الزواج لأنكم ما تعرفون طباع بعض وكل واحد يبغى يفرض رايه وأنت غلطانة بطريقة ردك واسلوبك زي ما قالوا الأخوات كان سويتي القهوة وقلتيله نجيب حلى معاها بيفرح يحس انك مهتمه فيه وفي أهله وإذا كنت زعلانه عليه علشان ما بلغك انت مع الوقت تقدري تغيريه
و عن تجربه عامليه بالطيب انت الكسبانه - أرسليله مسج اعتذار ما فيها شي ترى ما يخرب البيوت إلا العناد وخصوصاً إذا كانت الأشياء تافهة - وأنت تشوفي في المنتدى مشاكل الله يعين أصحابها - يعني مشكلتك جدا سهلة
ومع الوقت بتتعودين عليه وبتعرفين طبعه والله يتمملك بسعادة وهناء ( في مثل يقول ما تعرفين الرجل إلا بعد معاشرته 10 سنوات )