عروستنااا زواجك قرب ! وش سويتي من خلطاااااااااات .. افيدي واستفيدي

[نووورهـ]

للي وقتهم مزحوم ومايفضون للخلطات...>>زيي

استعملي ملح الحليب يوكو"عليه صور بقرة"
يختلف سعره من محل لبقالة لصيدلية بس اذا دورتي بتلقينه بـ 6 ريال

اشتري قفاز لدعك الجسم.. بودي شوب مثلا

وبعد ماتدعكين جسمك بالصابون في الحمام حطي شوي منه في يدك ودعكيه على جسمك فوق الصابون
يبيييييييض وينععععععععععم .. البشرة

خصوصا للي عندها سواد بين الفخذين من السمنة
برضو مفيد للركب والأكواع و منطقة الإبط.......

الصراحة أول ما استعملته كنت أحس بحكة وشوي حرقة خصوصا بيدي وسيقاني.. بعدين عاادي
اممممممم
انتبهي تستعملينه عالوجه يجففه..

خلطة احبها للوجه زبادي وخيار بعد حمام بخار
أو دقيق وحليب بودرة وشوية موية >>يبيض ويصفي

بالنسبة لشعري معطيته رااااااحته
لأني من فترة جربت مجموعة زيوت واغطيه بنايلون .. "حمام زيت"
أحيانا مرتين أو 3 بالإسبوع.. شعري صار يتساقط بالهبببببللللللللل
المشكلة إني لجأت للزيوت عشان أعالج التساقط اللي بالهببببببل عندي
والحين أنا ودي أصيح كل ما أفتح شعري واشوف شكله بالمرايه"خفيييييييييف"

بنت نصحتني بكريم جوز الهند من براشوت بعد الحمام يقوي الشعرة ويغلظها
بس حسيته يفرد ..مدري شلون اوصف لكم.... بس شعري مو مجعد زي طبيعته

الصراحة أنا كان شعري مررررررره حلو >>تهئ تهئ
أكثر وحدة بخواتي والعايلة
بس لأني كنت أسوي سيراميك مالايقل عن مرتين بالشهر باول سنة لي بالجامعة...
انعدم بعد كذا.... مدري هو من السيراميك ولا عين....بس توبه اكشخ
صرت اروح الجامعة بدون مكياج ولا تسريحة ولا شيء... يادوووب واقي شمس واستشور غرتي وبس

.. ملح الحلييب دائما اشوفه بس ماتحمسست اشتريه .. واذا كذا مفعوله ان شاء الله بجربه ..

.. خلطات الوجه انا استخدم حليب بودره وشوية ماء الورد ..
واستخدم مكعبات ثلج ماء الورد امررها على وجهيي

..بالنسبه لشعرك .. اعرضي مشكلتك على الطبيبه وان شاء الله تفيدك .. اختي شعرها كان كثيييير وفجاء صار يتسساقط والله نشوف فروة الراااس مررررررررره خفيف وراحت لطبيب وتعالجت الحمدلللله .


تسسلمين .. ربي يسعددك :blush-anim-cl:

 

[طفلتكـ !]

.​

ربي يسعد قلوووبكم بناااات :icon26:​

وربي آفدتوووني كثيييييييييييييير​

الله يجزاكم خيييير ..​

اممم بالنسبه لي​

مسويه لي جدول تقريباً​

قبل آنام آحط بوجهي زيت لوز
وآدهن جسمي جولسيد مع زيت لوز مع زيت جلسرين مسويتهم بخلطه​

وبعد ما آقوم أمسح وجهي واللي يحتاج بسكانول و أتحمم وأحط على وجههي موية ورد​

وش بعد​

ايوا مسويه ريجيم من مخي
صح قااااسي بس يالله أهم شي النتايج مبهره ​

ولما أقوم الصباح آسوي رياضة شد البطن مادري شلون أشرحها​

وبالليل أمشي نص ساعه​

ريجيمي :essen:​

كوب شاي+ نصف رغيف مجفف باليوم بسسسسس​

+ حبوب سينترم وحبوب الخميره عشان البشره ماتخرب​

<<< تعذيب :showoff:
..​

أتمنى أكون آفدتكم ​

:icon30:​

 

[نووورهـ]

جدولك حلو ..
بس الرجيييم قاسسي .. انتبهي لايضررك ..
كولي اللي تبين وسوي رياضه وبتلقين نتيجه

 

[cathren]

كوب شاي+ نصف رغيف مجفف باليوم بسسسسس

+ حبوب سينترم وحبوب الخميره عشان البشره ماتخرب

أنتي من جدك ولا تستهبلين....

كوب شاي يمتص الحديد >>يعني مو مفيد ... والرغيف المجفف= نشويات>> برضو مو مفيد
اقول الله يستر عليكي بس.. انتبهي لنفسك لا يجيك السكر ولا أنيميا

لو تقولين لي......... كل ما أجوع كل خضروات نية بلحالها ..
أقول معليه تاخذ فايدة و فيتامينات...وتحسن بشرتها ولو أنه صعب مقاومة الرز>>خخخخ

بطلي خرابيط ياحبيبتي.. وكلي زين ...
وحدة من صديقاتي كانت مسوية ريجيم قاسي بس اهون بكثييير من حقك.. وفي يوم من الأيام حست بدوخة
>>جاها فقر دم.... بسيطة ممكن يتعالج

لكن المشكلة إنها داخت وطاحت ببيتهم وانجرحت بوجهها ..وسوولها خياطة وكم غرزة ومدري ايش.....


يعني تبي تكحلها عمتها... الله يهديها


انتبهوا بنات تغامرون زيها...


>>>اعذريني اذا كانت لهجتي قاسية.. بس تعليقك أجبرني أرد<<<

 

[مجنونه فيـه]

مرحبااا صبااايااا

هذي اول مشاركه لي معكم

انا توي بنت بس ملكتي بعد شهررر والحين مو ببالي خلطات لانو اختبارات جامعه والله يعيين

وزواجي بيكون بعد ثلاث اشهر وانا محتاسه

لاني سمراا واحس ماعندي ثقه ببشرتي احس اني بستحي البس قصير او حاجه

خصوصا انو خطييبيي ابيييض وانا سمراااااااا تهئ تهئ

المهم اناا احب اسوي تجارب وما الى ذلك لان احس جسمي يبيله وبقوووه

وانا ماعندي ثقه ببشرتي مع انو جسمي خوقااااق رشييقه وجسمي حلوو

بس الوون خخخ

المهمم

فيه خلطه جنااااااااااااااااااااااااااااااان بمعنى الكلمه

انا مره سمعتها من دكتور بالاعشاب في برنامج عيشو معنا

الخلطه هيي

ملعقةزيت لوز مرر + ملعقة زي زيتووون + نص زبادي + نص ليمونه

تخلطين المكلونات وتحطيينها بجسمك بس مسح لاتكثرييين طيب

وبعد ماتحطيين لجسمك تكونين بديتي اول شي تحطيين من ايدينك لين رجولك

خلصتي كل جسمك ابداي افركي اليدييين شوي وشوي لان الخلطه بدت تجف

ويتقشر كللللللللللللللللل الوسخ

وربي بعيييييييينك تشوفيييييين الوسخ يطلع من جسمك

ابداي افركي بيدينك كلللللللل جسمك

هالخلطه توحد اللونبس رهييييييييييبه انا ماداومت عليها

بس خواتي لاحظو الفرق

وادعو لي الله يوفقني بحيااااتي

لان ورب البيت اللي بتجربها بتدعييييييييييي لييييييييي

وانا اول مره اقولها لكم

بس ابيييييييكم بليييييز عندي خط من السره لييين تحت

كاني وحده والد

كيف اعالجه

شكله مرره مو حلوووو

وبس

 

[جودي@]

رجعتوني ل8 شهور وراء
يوم كنت توني مملكه خلطات وحوووووسة بس الصراحة استفدت

طيب ياقماري
لوجهي كنت استخدم حلبة مطحونة مع خميرة وزبادي وترمس وحمص مطحون بمقادير متساوية بس اللهم الزيادة بتكون في الحلبة والخميرة تخلطيها سواء لاتكون ثقيلة مرة ولا خفيفةيعني وسط وحطيها على خدودك بس والله يابنات تخلي خدودك منفوخة ووردية بس انتبهي لا تحطيها على خشمك راح يكبر حطيها كل يوم ساعتين او ساعة ونص بعدين غسلي وجهك بصالصابون الي يناسب بشرتك بس اسبوعين ووجهك يلق لق طبعا هذي الخلطة احطها في الصباح
في الليل احط لبن زبادي مع ليمون وانام واذا صحين اغسل وجهي

ولجسمي كنت استخدم كريم المملكة عند العطار مخلط احطة على ركبي واكواعي واحط فوقة كريم واحد وعشرين الاورنج واخلط معاه الاكسجين الي من الصيدلية المعقم للجروح بنسبة بسيطة (انتبهي مو اكسجين الصبغة والتشقير) واحطها على ركبي واكواعي والله يابنات ان ركبي لونها قرب للوردي
بس حسااااااافة اهملت نفسي بعد الزواج مااستخدم مرطبات لجسمي خاصة وانا رحنا نتمشى فمنطقة شوي باردة فبدأت تسمر الاماكن الي اهتميت فيها
ولشعري زيت زيتون اسخنة على النار واكون قد خالطة جرجير في الخلاط فاصب زيت الزيون علية وبعدين استخدمة لشعري
حيوية ولمعة للشعر مي طبيعية

وبس
حبيت افيد عرااايسنا الحبوبااااااااااااات
ادعولي الله يفرح قلبي بجية الغالي

 

[عيون المجرة]

مرحبــآ يا أحلــــــــئ عراأايــس


بالنسبه لي ,, الاسبوع الماضي حطيت خلطه من شمع العسل و القرفة اختي اشترتها من القرية العالمية ما اعرف شو مكوناتها بالضبط يقولون لتبيض الأماكن السمرة في الجسم انا حطيتها مرة وحده على الركب بس ما استمريت

يومياً احط فازلين للشفايف قبل النوم , و الصبح افرش اسناني و اشيل طبقة الفازلين مع الطبقة الميته

البارحه سويت حمام مغربي و سكراااب رووووعه ما اعرف شو اسمه من فيكتوريا سيكرت الصراحه يجننننن و ريحته روووووووعه ,,
و فليل حطيت كريم دوووف للترطيب

 

[ليلاس حياتي]

...............................................................................................................................
مساكم الله بالخير حبيباتي بنات حواء
انا عضوه جديده بهالمنتدى الرائع خلطه للجسم رهيييييبه للعرايس تغنيهم عن اي شي ثاني ومن خبيرةتجميل ...اشتركت علشان افيدكم بتجاربي مثل ماافدتوني كثيييير(ربي يجزاكم خير ان شاءالله)...
المهم...
انا زواجي عقب كم اسبوع ...من اسبوعين رحت لخبيرة تجميل علشان تنصحني ايش اسوي لجسمي وكيف افتح لونه واروح السواد والبقع والصراحه ان كنت ابيها تعطيني اسماء مستحضرات تبيض وتفاجأت لما نصحتني ابعد كل البعد عنها وهذي نصيحتي لكل عروس البعد عن كريمات التفتيح....ماراح اطول عليكم هذي هي الخلطه اللي قالتها لي جربوها وراح تنبهروا بالنتيجه...

مقادير متساويه من كل من؛

كوكو بتر لوشنcocoa butter lotion..(بس مو حق بالمرز)
جليسرين ابيض.(من الصيدليه)
بيبي جونسون جل
شوية زيت لوز(من المعصره)
واللي عندها خطوط السليوليت البيضا في جسمها تضيف كميه من استرتش ماركر حق لوريال....

هذي هي الخلطه انا مااقتنعت في البدايه بس لما شفت النتيجه حسيتها كنز...مرررره ممتازه تصفي اللون وتوحده وتشد الجسم وتنعمه تخليه مثل المخمل والاهم ريحتها روووعه...
طريقة الاستعمال...

تاخذي الخلطه معاك على الحمام هذا اهم شي...تستحمي بمويه دافيه او حاره شويه وتستعملي اي نوع مقشر للجسم بالليفه حقت البودي شوب...وبعد كذا تحطيها على جسمك بعد ماتتنشفي زين....
سويها مرتين في اليوم الصباح والمساء...او مره وحده قبل النوم للعجازات مثلي ....

الصراحه النتيجه بتبهركم....
اللون بيصير صافي
والبقع بتقل تدريجيا لحد ماتختفي تماما
النعومه مثل الاطفال
والريحه روووعه
والنضاره الكل بيسالك ايش تستعملي..
والاهم تقدري تستعمليها بعد الزواج من غير اي مشكله لان ريحتها حلوه وتشربها البشره بسرعه يعني ماتبقع على اللبس بعد ماتتشربها البشره...

اتمنى انكم تجربوها وماراح تتركوها انا متأكده....

......................................................................................


ممكن ياعسل تخبريني شلون نحطها على الجسم وكم نقعد فيها بليز جاوبوني