عرفت قدرى عند زوجى

[زهرة المملكة]

إسمعيني حبيبتي شهوده....

نصيحه من قلب مجرب ويغليك حيل... لأنك واحده من عضوات هذا المنتدى الرائع....

لا يعرف إنك عرفتي شي... أبداً .. أبداً .. أبداً...

وإشتركي حالاً بدورة إستراتيجيات التعامل مع الزوج الخائن.. إقرئي الدوره بتعمن... مره ومرتين وثلاث....

وراح تلقين الحل بإذن الله.....

ولا أوصيك بالدعاء آخر الليل....

قولي...(اللهم رد لي زوجي فلان رداً جميلاً فإنه لا يعجزك قلبه في قبضتك لا ينطق إلا بأمرك..

اللهم أره الحق حقاً وأرزقه إتباعه.. وأره الباطل باطلاً وأرزقه إجتنابه..

اللهم جنبه الفواحش ما ظهر منها وما بطن..

للهم و لا تجعل له حضناً في النساء عند غيري...

اللهم إجعلني قرة عين زوجي وأجعل قرة عيني في الصلاة..

اللهم إجعلني درة بين يديه... شهداً بين شفتيه..... جمرة بين فخذيه.. )


دعواتنا لك..... الله يكون بعونك ويفرج همك..

 

[زهرة البوادي2006]

الله يكون في عونك دائم الرجال لما يكون عنده علاقة يتغير على زوجته الله يهديه ويبعد عنها ويسخره لك

 

[رداء القمر]

لحياة لم تتوقف بعد عليك بالدعاء نعم الدعاء ان يفرج همك فما اصاب المؤمن خيرا له

 

[حبيبي دقايق من وقتك سلف]

لو انا منج بهددها بتصلها وبقولها انا مطرشه ناس يصورونج وبفضحج حتى على الانترنت
خليها تمووووووت من الزياغ حسبي الله عليها وعلى امثالها

 

[الأميرة]

حبيبتي ... اشتركي بدورة استرايتجيات التعامل مع الزوج الخائن ...
الأخوات المشتركات يمدحونها كثيرا ...

 

[اموله99]

الله يبردقلبج
ويرجع زوجج لج

 

[حبيبة زوجها]

الله يكون في عونك ويساعدك حبيبتي انا مع الاميرات اللي نصحوكي انك تراجعي نفسك وتشوفي ايش اللي ناقصك

مع ان الرجال مو لازم يكون ناقصهم شيء عشان يخونوا بس شوفي الاشياء اللي يحبك تسويها وانت رافضه او

تسويها من غير نفس اهتمي بنفسك اكثر وثقفي نفسك ودلعيها على الآخر وعندك فرصه شهر واذا تقدري انك توقعيها

عند اهلها يكون احسن بس بطريقه مدروسه وتكوني انت بعيده عن الصوره تماما عشان اخاف ان اهلها يعرفوا

الموضوع وتكون ردة فعلهم انهم يجيبوا ويزوجوا لها بعد الشر اكثري الدعاء والاستغفار وطمنينا عليك

 

[xoxo]

الله يكون بعونك اختي شهووده ,والله حاسه فيك احسن شي سويتيه انك ما واجهتيه .سوي زي ماقالوا لك البنات والتحقي بالدوره يمدحونها كثير.والله يهدي كل الرجاجيل

 

[شهد الكويت]

مشكورين وجزاكم الله خير ناوية باذن الله انى اشترك بالدورة لانى بصراحة مليييييييييت من خياناتة وكنت صابرة عشان عيالى بس الحين بشووف نفسي واهتم بعمرى حنا صارلنا متزوجين من 4 سنين كانت اجمل ايام حياتى اول سنتين كنت صج احسة يحبنى ولا عندة هالسوالف بس بدت مشكلتى بعد ولادتى لما كنت نفاس شرى تلفونين ومعاة على طوول وما يبطلون رن وبالصدفة لقيت تلفونة وشفت الرسايل المرسلة لقيته يراسل بنات ويترجى بهذى ويقنع هذيك وسكت وحاولت اصلح اى نقص فينى وماكو فايدة بس قالى مرة انتى صرتي تهتمين بالجاهل اكثرمنى وهذا صحيح وعلى طول حملت بالثانى والحين ثنين الله يخليهم لى ممكن اكون اهملتة تقريبا من حملت باول طفل مانمت بغرفة نومى ابد الى يوومكم هذا صراحة مقدر اخلى عيالى صغار برووحهم والمفروووض يقدر هالشي
وبالنسبة للبنت فكرت ادق عليها بس مادرى احس انها ما تسوى اتعب نفسي وارفع ضغطى على هالاشكال واحتمال تبلغة عنى وهنى يغلط على عشانها وانا مابي اوصل لهالشي انا بركز على نفسي ومثل مايعرفها يعرف غيرها وكافى عليها الدرب اللى ماشية فيه الله يهدى بنات المسلمين
بصراحة فادتنى استاذة ناعمة الله يجزيها خير والله فتحت عيوني على اشياء كنت غافلة عنها والله يعينى وراح ابلغكم باخر التطورات

 

[الهديه]

صح مافي داعي تكلمين البنت والحمدلله إنك عرفت السبب وعليكمجلة الجنس الحلال إشتركي فيها

 

[الصراحة]

أين أنت ممن قلب زوجك بين أصبعين من أصابعه يقلبها كيف يشاء سبحانة،أكثري من الدعاء والإستغفار

وألحي على الله في كل وقت فمن أدمن قرع الأبواب يوشك أن يفتح له.

راجعي نفسك وأصلحي مابينك وبين الله يصلح لك مابينك وبين خلقه.

جددي حياتك وطوري ذاتك وتفائلي واستمتعي بحياتك ولاتجعلي سعادتك تتوقف عند أعتاب زوجك.

 

[ام العاش]

الله يعينج ويصبرج الصبر مفتاح الفرج

 

[النمرة الجريحة]

نصييييييييييييييييييحة صادقة ياشهودة ..

الآن زوجك مسافر استغلي هالفرصة ترى نادر ماتتكرر ..

ابدي عودي عيالك عالنوم لحالهم وروحي لهم كل ساعة واشتري الجهاز اللي لو صاحو تسمعينهم مادري وش اسمه بس لو عرفتيه ترى أحلى ماركة له "شيكو" ..
ولو تحسين نفسك وسيعة سوي عملية التجميل بهالفترة ..
اطلعي للسوق وتشري ملابس لانجري حلوة ..
غيري ديكور غرفتك وخلي جوها رومنسي ..
روحي للصالون وغيري شكلك قصي شعرك واصبغيه وبدكير ومنكير ومن هالأشياء ..
لو تحسين نفسك سمينة سوي برنامج رياضي بهالشهر يشد جسمك ..
استقبلي زوجك أحلى استقبال وخليه يحس بتغيرك ..
اشتركي بالدورة واستفيدي وطبقي ..

ترى واضح جدا إن زوجك سهل وهو بالبداية كان يحبك لكن أنتي السبب باللي صار !!
أجل صارلك أكثر من سنة مانمتي بغرفتك ؟!!!
حرام عليك ياشيخة !!!
اسمعيني زين اتركي هالبنت الحقيرة ولاتكلمينها ولاتحسسينه أبدا إنك دريتي عن خيانته وصدقيني لو اجتهدي شوي بس وسويتي اللي قلتلك عشان نفسك قبل لايكون عشانه بتحصلين النتيجة بأسرع وقت ..

وبالتوفيق ...

 

[Um Mohammed]

الله يكون في عونج
صلي ركعتين ودعي ربج وقري قران
لا تواجهيه بالموضوع لانه راح ينكر وبياخذ حذره منج وحاولي تدورين على طريقه ترد لج ريلج

 

[شهد الكويت]

مشكورين خواتى على التفاعل والله رفعتوا معنوياتى وانشالله ببدى حياتى صح وبشترك بالمجلة وبيشوف انسانة ثانية عشانى وعشان عيالي بس
طيب انا محتارة انا قريت بالتعامل مع الزوج الخائن انه تقومى بكل حقوقة بدون حب ورومنسية طيب هو الحين مسافر هل ارسل له رسايل حب واشتياق او اطنش لانى اخاف بعد بسفرتة هذى يتعرف على اكثر من وحدة ويشغل نفسه علما بانة لما يسافر مايدق على ابدا بس يرسل مسج شلونكم وشلون العيال فقط بدون عواطف واشتياق هل ارسلة انا الرسايل ولا طناااش ؟؟؟؟
صج انى انجرحت منه واول مادريت كرهتة بس الحين بعد ماهديت بصرااحة احبة ومقدر على فراقة ؟؟؟هل انا غلطانة بهالشعور

 

[روعة روح]

لا حبيبتي بالعكس هذا زوجك و ترى حنا اذا عرفنا شلون نتعامل مع الرجال حبيناهم

ما ادري انا احس كذا

بس بصراحة انتي قويه لانك اعترفتي بالغلط

وودي اقولك شي انا عيالي من النفاس وهم بغرفتهم يعني عادي

 

[الحلى كله]

شهوده حبيبتي ارسليله مسجات حب وهيام واشتياق ولنكم ماتصبرين عنه وانك حسيتي بقيمته اكثر وان عيالك اشتاقوا له والشي الثاني زي ماقالوا الاخوات بالشهر هذا عودي عيالك على النوم لحالهم وغيري نفسك خليك زي اول سنتين زواج لازم تتغيرين لاتطق براسه ويتزوج ثانيه والله يسويها خصوصا زوجك شاب وتتركينه ينام لحاله حررررام عليك تخيلى انتي مكانه وزوجك ماينام عندك وش تفسرينها والله ان تنهبلين,لاتعودينه وبعدين يكره قربك لانه يفسره انك ماتبين تنامين معاه انتبهي والله يوفقك

 

[saratee]

بختصر لج لانى مجرووحه مثلج وما ابي اتذكر اول شي انا شكيت ومثل ما سويتى سويت وشفت المسج واجهته وندمت لانه قال لي انتى شايفه شكلج انا زين متحملج مت قهر صبرت وظليت سنه اعانى مع انه حلف لي انها علاقه عابره وانتهت حياتى صارت جحيم كل ما اتذكر رده احتر اكثر من حرتى انه يعرف غيري شفتى شلوون
اللي صار عقب سنه هم بالصدفه جاه مسج انها ناطرته الساعه 8 بمجمع؟؟وكان وقتها يتسبح طبعا شطبت المسج ومسكت اعصابي ولمن طلع من الحمام سألته وين رايح قال لي اسم المجمع وانه مواعد فلان سكت وانا ارجف من الغيض
المهم قلت ان واجهته بيقول نفس الشي ويحط اللوم علي
بعدها بيومين قلت له ان فلانه تقول ان زوجها اللي هو ولد خالي <مايعرفه ولا يمون عليه علشان ما يسأله>
شايفك بالمجمع مع وحده وانه نقد عليك ويقول طحت من عينه شخلي للعزوبيه وان زوجته قالت لي اللله يعينج انا لو مكانج اطلق علي طول <علشان يعرف قيمتى وصبرى عليه> وسألته منهى انكر قال اكيد مشبه قلت له ايه حتى انا قلت لها زوجى اكبر من جذيه ومستحيل يماشي حريم وانا اثق فيه ما ادرى ليش قلت جذيه بس علشان يمكن يحس فينى وبصبري

 

[حبيبة زوجها]

لا حبيبتي منتي غلطانه ابدا حب المرأه لزوجها حب عفيف وشريف حب حلال هو اللي حيخليك ترديه عن الطريق الغلط

اللي ماشي فيه وتحميه من الاشكال هذي والعياذ بالله خلي الشهر هذا كله اعادة ترتيب لحياتك واعملي جدول لاعمالك

اليوميه ونظمي نوم اولادك وفاجئيه لما يرجع بالسلامه انه ترك زوجته وام عياله ورجع لقى أميره من اميرات منتدى

بلقيس فاهمه وواعيه وجميله

 

[شهد الكويت]

الاخت sarate اول درس تعلمتة من الاستاذة ناعمة انى ما اصارحة بشى لانى انا الخسرانة لان الزوج لما يبدى يحب امراة مستعد يضحى بكل شي عشاانها واسلمه لها جاهز مجهز لا حبيبتى العب معاها اللعبة واخليه هو من نفسه يتركها عشانى وامسالة مسالة تحدى ودفاع عن نفسي وعن عيالى
والله يعيينج
مشكورين حبيباتى والله حاسة بشعور غير لو ماشفت هالمنتدى وهالاميرات كان الحين قاعدة بكاابة وحزن بس معاكم انشالله بتتصلح حياتى