عادات أسريه منسية (يمنع الدخول أقل من 25عام)عشان بريستيجنا مايهتز * بنات حارتنا *

[ليالي الشرق]

.
الله يقطع ابليسكم ذكروتني بالذي ماض

كنا نلعب حريم وكانت بنت جيراننا على قولتها تزيننا ( تحط لنا ميك اب ) بالالوان الزيتيه والله العظيم
الاخضر على العيون والاحمر على الشفايف طبعا بس الحمد لله ما جانا تسمم ولا انعمينا

يوم تطورنا شرت لنا امي الروج الاخضر ( حمّور ) واول مره حطيته كنا نبي نصور وتعالو شوفو ذيك الصوره بسم الله العيون مطيره كني شايفه شي يخوف والشفايف حمراء
المهم هذاك اليوم ما اكلت ويوم جيت اشرب مويه كنت خايفه على الروج واشرب شوي واسئل اختي فيه الروج ولا لا
المهم بعد كذا تروشت بس ما غسلت وجهي عشان الروج بس اخذت احسن هواش من امي الله يجزها الف خير وقالت وش انت خايفة الروجح اذا راح احط لك

ولانلعب مدرسه ومدرسات كل وحده لازم تطلع هي المدرسه !!!!!!!!

ونلعب شبرا امرا والله ما انسى اللي وهو يضرب الوحده فينا ( يوجع ) بس نلعب ولا يهمنا

ولعبة ع س ص وهات ياوطي على الرجول وانواع الاصابات بس نلعب ولا يهمنا

واذا انتهى فلم الكرتون قمنا نطبقه في الحوش مع بنات الجيران
افلام الكرتون قرندايزر ريمي تعلو شوفو الصياح ( اي البكاء ) السنافر زينه ونحول بشار بسمه وعبدو هايدي ( كنت معجبه ب كلير عشان شعرها اصفر )

والله يبنات من كم يوم ظربني الجدار على راسي وعورني طبعا بس قعدت شوي اقول في نفسي احس بشي من ايام اول وش الجديد الي صار لي واتذكر الضربه الي على راسي ( فيها طعم الطفوله )

وتتذكرون لبس البنات في هذيك الفتره للعبيات
العبيات رفع للجميع
والغطوه للبنات الي ما يستحون تتنشاء وتصير طولها 20 سم فوق راس البنت ويسمونها ( برج الرياض) وقصيره على الذقن بظبط وخفيفه
بس كنت اذا شفت بنت مسويه كذا تعجبني واجلس اناظر فيها على انها شي وامي تقول ترى هذي قليلة ادب ما تتغطى زين ( اخيفه اني احطهم قدوه )
الف شكر لصاحبة الموضوع اللي وسعت صدورنا[/font][/center][/size][/color]..

 

[ليالي الشرق]

.حياكم الله ياشلة الزمن الجميل ...........


اقول ................مالاحظتوا شي مهم ؟؟؟؟؟؟؟؟؟؟؟؟

يومنا صغار كانت مناعتنا ماشاء الله تبارك الله !!!ياما بلعنا اشياء خربانة واشياء منتهية

ومع ذلك ما كان يجينا مثل ذا الامراض اللي نشوفها الحين !!!!!!!!!!!!!!!!!!!!!!!!!صح ؟

كنا ناكل اشياء مكشوفة (ما كانو قبل يدققون على وضع الاشياء في الثلاجة )

وما كنا نروح المستشفيات كثير ..........شي غريب !!!!

الحين اللي عندها طفل مايمر شهر بدون زيارة المستشفى

 

[ليالي الشرق]

.حيالله البنات
تذكرون مدفع رمضان



كان منوّل يعلنون دخول رمضان بالمدفع ياأللــــــــــــــــــــــه
يطلقون مدري 7طلقات او 21 طلقه بس هو مهوب بكل الحارات ((يحول ياللي ماحوله مدفع))ويضرب يوميا عند الفطور وعند السحور
وكنا نلعب بالشارع واذاسمعنا المدفع ضرب على طول نركض لبيوتنا موعدنامع حبيب القلب (التووووت)
واذكر كنا نروح لصلاة القيام وكانو يحطون رواق بين الحريم والرجال وكانوا اذا سجدوا المصلين ندخل عند الرجال وندبج ظهورهم وهم ساجدين((ياقرادة حظّه اللي صافن ورا)) وقبل مايقومون من السجود نرجع عند الحريم
شفتوا وش ملحنا منوّل
وليلة العيد تضرب المدافع يا حبيلنا لهكـ الليليلة،،،عاد العيد لوهـ ذكريات ثانيه،،،

 

[ليالي الشرق]

لالالالالالالالالالالالا

وكلة كوم وزواجات من اول كوم ثاني .............

مافية كراسي ..كلن يدخل ويقعد اللي كوعها في جنبك واللي قاعدة على طرف ثوبك

واللي ولدها راقي فوق كتوفك ...وحالة ...ومافية لاتقديم ولا دلع ...

في بسطة برى عند باب القصر ...ارسلي البزران يشترون لك ..ولا بالمرة وانتي

داخلة ضفي من عندها ..كنك رايحة ملاهي ..وكل وحدة تفرش اللي شرتة بينها وبين

وبين خوياتها ....

والطقاقة في الوسط ..والا طقيتي شوط ب50 تخلص الرقصة وانتي تتوطين في بطون

وظهور خلق الله الين توصلين المكان المطلوب ..

لا ومن اول ما يبدا الطق الا لين يدخل المعرس ...واول شوط شوط اهل المعرس

ولا وحدة من اهل العروس توطوط يحشون رجلها ....خخ

وبعد العشاء اللي هو ابلام رز ولحم على سماط بلاستيك .وقبل ما تدخلين للعشاء

يهجمون البزران يضفون الببسي من السماط وبعضهم يضف الفاكهة بعد ...

عاد يبدا شوط اهل العروس بعد العشاء ...وما تجي الساعة 1الا والعرس فاضي ..

اصلا بعضهم يجون عشان الببسي بس ....!!!!


وش رائكم فية وجة شبة بين زواجات اول والحين؟؟؟؟؟؟؟؟؟؟؟؟ !!!!!!!!!

 

[فتاه]

ههههههههههههههههههه ليالى الشرق ضحكتينى ههههههههههههههههههههه

 

[دانة بعين بحارة]

ههههههههههههههههههههههههههه
موتيني ضحك بس كانت أيام حلووووة

 

[ام العنود]

عاااد انا عمري 25 سنه بالضبط يصير اشارك:blushing:

بس والله انك نزلتي دمعه من عيني

صدق كانت ايام فيها طعم لكل شي
وفيها فرحه صادقه من القلب على كل شي حلو وجميل

جزاج الله الف خير عزيزتي

 

[قلب حر]

هههههههههههههههههههههههههههه
ههههههههههههههههههههه
ههههههههههههههه
ههههههه
هههه
مت من الضحك
روووووووووووووووووووووووووووووعة
نفسي اتذكر شي بس ماني قادرة ..
لكن الفرق كبيييييييييييييييييير..
مشكوووووورين على الوناسة

 

[اتيت من بعيد]

ههههههههههههه
الموضوع يموت ضحك جالسة باخر الليل اضحك بالحالي
ذكريات ايام زمان بس تدرون مااذكر ولاشي من اللي كتبتووه>>>فاقدة الذاكرة الله يستر
اللي اذكره ان شعري دايم مقصوص فرنسي ولاكاريه وكنت اتمنى اطوله بس اختي الكبيرة ترفض >>مو اكبر مني بكثير
تقول خليك متطوره وقصيه !!!
ولاباقي الذكريات مااذكر ولاشي ماادري ليييه
الظاهر عجزت قبل اوااني
يالله بانتظار ذكرياتكم الحلووة ومشكوورة ياليالي

 

[ليالي الشرق]

هههههههههههههههههه

يووووووووووه يا مسسسسسسسس

ذكرتيني بالرقصاااات العجيبه

بس والله كنا نتقن الرقصه من اوووول ما يهبون فيها

تذكرون الوقفه في الاغنيه خخخخخخخخخخخ

لاااااااازم الثنتين اللي يرقصون مع بعض يتلاقون في النص ويطقون رقبه وينزلون على تحت هههههههه






اااااااااه نجي لبقية الذكريااااات

لحظه شوي اجيب بخاخ الربو الغبار هنا لااا يطااااق


تذكرون قصة الاسد والمشط الحديد اللي ينفشون فيه الغره من قدام

والا السوالف اللي طاحوا فيها يحلقونها ومكان الشعر دبابيس اخضر كنها لحية رجال

وتخريم الاذون عشرة خروم

وجاكيت مايكل جاكسون الجلد الاسود مع الحلقات والازرار والحزام الفضيه


للاسف كل ما سبق ما كان مسموح لي اسويه <<<< اشوا ان اهلي كان عندهم ذوق


تذكرون فرقة ابو عوف (مها وخواتها واوهم )

اللي يغنون : اللي جا في الحفله مييييين ......دبدوبه التخيييينه
اللي لابسه فستان ايه.........فستان في جيبونه

خربوا علينا لو بيدنا حتى مع فستان الكرته نلبس جيبون!!!

اتذكر ابوي الله يحفظه شرا لنا فيديو سوني وجاي معه شريط عن اليابان

يا ساااااااااااااتر كم فريناه لين خلصت الوانه من كثر ما شفناه

لا ويشتري لنا اشرطه فاضيه ونسجل اللي نشوفه في التلفزيون ونرجع نشوفه لين حفظنا الحوار وصرنا نسممعه


اييييييييه

والعابنا

ااااااااه يا ززززين العابنا وطعم فرحتها

تذكرون لعبة اغطية قوارير البيبسي نجمعهم من عند البقاله لين نعبي كيس

ونلعب فيها باننا نقلب كل غطا بطرف الاصبع السبابه واللي تقلبينه تفوزين فيه وينظم للكوليكشن اللي عندك

كانت تقام عليها مسابقات عالميه


والا لعبة الطقطيقا اللي يااااما فقعنا فيها روس الناس بعز الظهر

وهي عباره عن كورتين ثقيله مربوطه بحبل واحد ونمسكها من النص ونطقطقها والشاطر اللي ما يوقف والله الله على الصوووووت شي يسلك الامعاء الغليظه

ااااااااااه تذكرت

تذكرون لعبة الحظ شختك بختك

تدفعين ريال وتختارين مربع وتخفسينه وانتي وحظك باللي يطلع لك

خسااااارة فلوس هاللعبه <<<دايم يطلع لها صوره خخخخخخخخ


والا السكيتنغ اول ما طلع انوااااااع الزحلايق والقبعات والكدمات



اوه اوه

تذكرون العلك اللي يجي معه صورة بنت عريانه خخخخخخخ

ويجي معها صورة ملابسها اللي نطبعها عليها

خساره ما عاد شفناها يمكن لانها كانت سبب فساد كثير من شبابنا خخخخخخ


واكمل بعدين تعبت الحين​

 

[ليالي الشرق]

لالا ...وطاحو لكم ذيك الايام بأغاني مدري وش تبي ...ولا لاجينا نرقص عليها

لازم نفس الحركة ما نغيرها ...كننا قاعدين نقدم امتحان نظري ..

تذكرون اغنية .............(أنا المسيكينة أنا ...أنا المظيليمة انا ..أنا اللي باعوني أنا ..

بدينار باعوني أنا ..)الله من زين الاغاني ....كننا ناقصين كآبة ..

الحين عرفت ليش جيلنا كان يعاني من إكتئاب ...صدقوني السبب في هالاغنية ..

لاعاد وومن زينها لها رقصة خاصة ...توقفين وترزين اصابعك السبابة

وتحطينها جنب اذانك وتهزينها..هزا عنيفاّ (كنك تقولين لالالا ..عشان تتفاعلين اكثر مع الاغنية )

وفي نفس الوقت ..تهابدين برجليك الثنتين كنك تطحنين شي تحت رجليك ...

(الحين عرفت السر اللي يخلي ارضيات قصور الزواجات من اول مهيب متواسية

كلها حفر ...من ذا الهبد اللي ياكافي ..​

 

[ليالي الشرق]

الله يقطع أبليسك يامس مابقى شي ماذكرّتينا فيه ،،،،،،،، وكله كوم وزواجات البيبسي كوم بس عساك تطلعين سالمه ماأنفلقتي من هالعلب
وأنوووووووووووووووووواع الخلاقييييييييين ولاكوافيرات ولاهم يحزنون كثّر خيرها العروس إذا جابت كوافيره
لا والكشخه اللي تلبس من موديلات عدنان اكبر
واللي توها متغطيه لازم تشيل شنطه اذكر مره جونا ناس عندهم بنت في عمرنا بس تغطت قبلنا وكاشخه بالشنطه وطلعت من عندنا ونست الشنطه
عاد الموديلات حدث ولاحرج تذكرون يوم طاحوا بالشوال والا التنوره الضيييييييييييقه وفيها كسره من ورا واللي تبي تسوي حركه تحط الكسره قدام على بالها تغير في الموديل

إلا على طاري المدرسه علبة الهندسه وش الدنيا بها لازم نجيبها في الاختبارات وش سنعها مدري؟
والبرايه أم مرايه يازينها تفك زنقه لابغيتي تشخّصين خبرك عاد مرايات المغاسل مشيوله و إذا جّو يفتشون ولقوا معك برايه ام مرايه شالوها من الممنوعات

والأذاعه عاااااااااااااااااد أنواع المصاله​

 

[ليالي الشرق]

عاد يبنات ذكرت شي زمان اذا نجحنا تعالي شوفي الحفلات والعزايم كخخخخخخخخخخ
كل يوم على بنت تعزمنا اجباري من اذن العصر حنا عندها بالمجلس ونتظرها تفرش السفره والحفله كيك العايله وببسي وبعد المغرب ايسكريمات على بالنا ننوع بالمباشره
الحين لو اجيب لهم كيك عايله قالو الله يفشلك
آآآآآآآآآآآآآآآه ياقلبي فيه حسره
اما ثقافه الرقص حدث ولاحرج مادري من اللي مفهمنا ان الرقص تمثيل لكلمات الاغنيه
ياربيه مت ظحك على وصفك لاغنيه انا المسيكينه
نسيتي اغنيه هي وهايو وهيه هيا هيا وهايو هوه هوه استغفر الله كلاب تنبح
وحنا مغير نفرم برجيلنا الارض ولازم تكون تنورتك مفتوحه من ورى عشان تزبط حركه الساق
عاد خلونا ننتقل لمرحله المراهقه والرقص فيها يووووووووووووووووووه يبيلي منتدى بكبره وخصوصا اغنيه ديدي وااا استغفر الله بس قلبي يعورني دايم الوم امي اقول وراك ماقضبتيني الارض ونتي شايفتني ارقص اجنبي على بالي فتاه فيدو كليب على غفله​

 

[ليالي الشرق]

تذكرون تسريحة الشعر الخطيره؟؟ نسوي الشعركعكع ثم نضع عليه مايسمى بالشبكه وطبعا هي للي مايعرفها انواع شي بتوكه وش نلف عليه ربطه وشي يجي معه طوق اف هذي مسكته وحركة نفخة القصه من قدام القبه اذكر ابلى تقول لنا يابنات ازاي تعملوها حسبي الله عليها وحده قالت نحشيها قطن
وشرايط الساتان حدث ولا حرج الشعر كنه كرنفال واذكر ابوي الله يعظم اجره كان مسافر للجنوب ويوم رجع بالسلامه جاب لي هديه عباره عن قطعه من القماش وجايب لجدتي مثلها بالضبط طبعا اختكم طيران للخياط<<<<<عندي دبره
واحط هذاك الموديل تنوره وبدي مزلط>>>يعني كت وفوقه جاكيت
وربطت عنق وحزام وربطة شعرطبعا كل هالقطع من نفس القماش
واحضر به عزيمة تمايم وخري عني تقولين لابسه من تصميم ايلي صعب والكارثه انا وجدتي مطقمين بس عاد تدرون مع فارق الموديل ولا تنسون عطر بلازير و رومبا
والعبايه اللي في كمها قيطان اول ماطلعت
باتذكر ولي رجعه​

 

[ليالي الشرق]

يذكـرك الشهـاده مثـل ماذكـرتينـا أحلـى أيـام العمـر وبسـطتهــا

ياحـلو رمضــان لمـا يفطـر واحـد منـا يالبزاريـن نخليـه مضحكـه بيننـا ونسميـه كلـب رمضـان خخخخخخخخخخخخخخخخخ

ولا اذا جـاء الليـل كـل عنـد بـاب بيـت تشـوف اكبـر اولادهـم حـاط لـه ذيـك الطـاوله وعليـها لعبـة شختـك بختـك الكرتـون ألي انت وحضط تطقه باصبعـك والي يطلع لـك واكيـد بفلـوس

أمــا الفرفيره شـي ثــــــــاااااااااااني
تذكرونـها الطاوله الي عليها لاعبين كرة قـدم وترمين بينهم كوره وتفرين فيهم عـاد هـذ ماتشتـهر الا بليـالي رمضأت والله كـان فيـها مكاسب خخخخخخخخخخ مشروع تجاري

كنـا نجتمـع ببيت جدي كان كبيييير حيل ماشاءالله
انا واخواني وخواتي وخوالي وزوجة اخوي ونسوي دوري ليلي برمضان نلعب كوره نشتري كاس ومديليات ذهبيه وفضيه ولا دوري خادم الحرمين الشرفين ههههههههههههههههههههههههه

ولا عاد كله كوم والخصله الي تفرينها باصبعك الين تلتوي وتنبرم زين وتنزلينها على عينك قمـة الشياكه محد قدك والمتطوره بزود تنزلها خصلتين مثلها من وراء خخخخخخخخخخخخخخخخخخ ياحبـي لنا بس

ياحلو ذيك الايام القلوب على بعضها والناس تحب بعض

يارب ياكريم تمحي الغل والحقد والكبر والغرور الي ملا قلوب البشر وتبدله بحب وقلوب نظيفه مثل قبل



اذا تذكرت شي برجع لكم






​

 

[ليالي الشرق]

تذكرت لكم سالفه صارت لي يومني صغيرة طبعا


كانت عمتي رايحة لامريكا مع زوجها يعني هم قمة التطور عندنا لبسهم احسن لبس وبيتهم نحسه انه غريب

مدري ليه ؟؟؟ " " نفسيا يعني " "

المهم مرة بنت عمتي تتكلم عن أكلهم هناك وقامت تمدح الهمبرجر،،،

عاد انا انهبلت وقلت ابي مثله ،، قالت فيه هنا محلات يبيعونه_ ماكنا نعرفه ذاك الوقت_

المهم يوم رجعنا للبيت واقعد اصيح على اهلي ابي "همبرقع" جيبولي "همبرقع"

--- لاتفوتكم التسميه ---

والحمد لله في الاخير رحموني وجابولي " الهمبرقع"



لا وفيه مصيبه ثانيه كنت اسمي الميرندا << بيرندا >>
المشكله الحين اذا سمعت احد يسميها بهالاسم تحوم كبدي ،،، <نسيت نفسي>...​

 

[ليالي الشرق]

ياااااااه هيجتوا المشاعر

كنت أحسب هذي ذكرياتنا لحالنا صاروا كل الناس كذا

كله كوم وأغنية أنا مسيكينة كوم

فيه أغنية مسكينة البنية مظلومة البنية وأنا واه واه واه وأنا واه واه واه عليا بعدين يوقفون عليها

واللي ترقص توقف عليها

فجأة كنها تلعب حركة حركة سطب ( ستوب) خخخخخخخ حتى هاللعبة مغبرة

صدق أغاني كآآآآبة بس ماضرنا ماشاء الله ماعاد ورى سعة صدر

وإلا إذا راحت أمي للكباري تروح من العصر لليل وتنقطع أخبارها ونجلس لما تقرب رجعتها في الشارع

ننتظر من كثر الحماس والتشفق ولما تجي تصير جايبة فساتين وقمصان وملابس داخلية وجزم والعاب

ومواعين على الطاير وإكسسوار وغوايش و..... ماشاء الله وكل له نصيب مو الحين تروحين عشر

مرات وترجعين بدون شي وإن شريتي بلوزة لك وإلا قطعة للمفعوصةإنجااااااااز


يوووووووه يافرحتنا مرتين مرة لما تشبرنا قبل ماتروح ومرة لما تجي تقيس علينا حتى لو الجزمة مثلا

ضيقة وبتطلع روحك من الضوق تقولين مقاسي مقاسي زينة تخافين تطير لأختك الأصغر

تتذكرون بسكوت سعادة (عاصفة ترابية مو غبار وبس) والشربيت وحلاو بلك

وكيك عليه صورة قرندايزر

والعطر المدور الأسود اللي الغطاء نص دائرة والعلبة تكمل النص الثاني (أمحق وصف) كل الناس

عندهم ماأدري من يحطونه له أجل

ومن وسائل التسلية اللعب في التلفون الو هذا بيت آل فلان

هذا التشات حقهم ودهم يطيحون في أحد يسولف معهم

وإلا إذا رن التلفون تطامرنا نركض نرد والحين يتقطع قلبه محد له نفس يرد

لا وطحنا في حركة إحنا وبنات عمي نفرش فرشة في الشارع ونجلس ماعاد كفانا اللعب وبس ونجيب

بقايا اللقيمات والسمبوسة لحد مايجون الكبار من صلاة التراويح

وكانوا يلفون الغرة بلفافات بدون سشوار

وبعض البنات تلبس الطوق بدون ماترفع الغرة وش الفايدة وإلا بس وجع للراس

وتتذكرون القطة حقت المقصف تعطين المرسة 15 ريال وآخر السنة تجيك 50 مدبسة ونطير بها

والمشكلة إني ماخذتها من أبوي ليش صارت حلالي

وإذا كتبتي صحيفة (وسيلة إيضاح للمعلمة لغير الناطقين بالعربية )تموتين من الشوق للحصة اللي

بتستعملها المدرسة فيها وإلا إذا لصقت المدرسة لك نجمة في الدفتر الحمدلله ماجانا شي من صدمة

الفرحة

آآآآآآآآآآه طولت بس من شي فيني ودي أصيح أبيييييييييييييييي هالأيام اللي راحت ترجع​

 

[الحياه]

كانت أيام تنذكر وما تنعاد :tears:

 

[ليالي الشرق]

وتمت بحمد الله وشكره
الى لقاء آخر من حكايا زماااان
وشكرا للجميع وارجو عدم الدخول
على هذه الكلمات الانجليزيه
لان فايروس

 

[princessa]

خلاص تكفين ..بتجبين اجلي من كثرة الضحك..

وسعت صدري الله يوسع لك في رزقك وقبرك..