طلعت تحاليل مريم

[ام مريم90]

ام يارا مرام
نسيم الهواء
فتفوتة
سحر الليالي
هلا هلال
رورو الراكزة
ام زينب وحفصة
افنان ورياحين
وردة الرحى
امومتي لطفلي
الساحرة




كتيييييير بتشكركن وربي يخليلي ياكن لوقفتكن معي والله كتير مبسوطة لانو في إلي رفقات وحبايب متلكن وبيدعولي عنجد بتشكركن من كل قلبي ..

 

[ام مريم90]

يمكن مو الكل يعرف لهيك رح احكي مشان تكون الصورة واضحة

انا ساكنة مع اهل جوزي وبتعرفو رمضان عالبواب وكلكن بتعرفو الشغل كيف بيكون برمضان ومافي غير انا وعمتي ام جوزي حريم بالبيت ف رح يكون في شغل ومسؤولية كتير وطبعا هالشي موجود دائماً بس برمضان رح يتضاعف (لا تقولو جيبي خدامة لان هالشي مستحيل ..المادية ما تسمح والحمدلله على كل حال)

القصة انو عمتي ما تشتغل شي مو كسل ولا شي بس يعني تقول مو ضروري انو تشتغل بما انو في كنّة بالبيت
هي بس تغسل تيابا

ومريم بس تجي فوراً رح يعملولا عملية القلب وبعد ما ترتاح من العملية لازم نعلمللا علاج طبيعي مكثف مشان تمشي لانو صار عمرا سنتين ولهلأ ما تتقلب او تحبو او تزحف

والعلاج الطبيعي هو تمارين يومية لازم تنعمل اقل شي 6 مرات وغير التمارين لازم تتعلم تاكل اكل صلب ولازم كمان ندربا عالاشياء الذهنية مشان نساعدا بالاستيعاب والفهم يعني (لازم واحد ما بيعمل شي بس يعتني فيها)

وانا بدّي اعمل كل هالشغلات قبل ما أولد بإذن الله لان ازا ولدت رح يكون الامر صعب علي ورح تتراجع مريم ما رح تتقدم

شو اعمل بهيك حالة يا بنات ؟؟؟

لما عمتي تشوفني مقصرة من ناحية البيت تصير تقرقر(تثرثر)ولما قلا انا مو فاضية تقلي بس تنام مريم بسرعة اعملي الشغل كلو ..طيب انا كمان بشر وبتعب انا مو رجل آلي..

وكمان يابنات والله ازا اشتغلت شغل اضافة لمريم رح يتشتت تفكيري بصير ما بعرف شو اعمل وشو خلي ..وكتير مرات بأجل تمارين مريم بس لأعمل هالشغلة وبس لأعمل هالشغلة ..

يا ترى الشغل يستحق انو أهمل مريم مشانو؟؟ومين بالنهاية الخسران


بليز يا بنات بعرف طولت عليكم

حطو حالكم محلي وقولولي شو تعملو بهالحالة وازا جوزي صار يلومني عالتقصير كيف إشرحلو الوضع ؟؟؟

 

[ام مريم90]

والله يا بنات انو بسبب انشغالي بشغل البيت مريم تأخرت لهلأ بالمشي والحبو

يعني ماقدرت وفق بين شغل البيت وبين مسؤولية مريم من ناحية الرخاوة

تعبت كتير من التفكير بالشغل من هون وبمريم من هون

لما بكون بالغرفة مع مريم بصير احكي مع حالي وقول هلأ بيفكروني نايمة ..هلأ بيفكروني عالموبايل..هلأ ..هلأ..واخر شي اطلع وأعطي مريم لعمتي وروح اشتغل

والله العظيم مابدي يصير هيك بس شو اعمل عطوني الحل التفكير اكل عقلي

ومقهورة على حالي كيف اعمل هيك وأظلم مريم ومافي شي بيستحق انو قصر معا مشانو

 

[ام مريم90]

للأمانة نحنا ما بدانا علاج طبيعي لحد ماصار عمرا 5 شهور

السبب الاول انا ما كنت بعرف شي اسمو رخاوة وتمارين وعلاج طبيعي

والسبب التاني الدكاترة ما قالولنا هالشي بالصدفة عملنا العلاج الطبيعي وطلع في مركز خاص للعلاج الطبيعي بس ما حكولنا عنو الدكاترة ما بعرف ليش!!!

 

[أم عمر العمانية]

يا عمري يا مريامو

اللهم إننا نستودعك ابنتنا مريم فاحفظها واشفها وكلنا يقين بقدرتك على أن تغير حالها إلى أحسن حال
نتوكل عليك يالله وثقتنا بك لا تتزعزع يا أرحم الراحمين

الله سهل عمليتها وعجل بشفائها وارحم والدتها وأعنها على تربيتها وأجرها على صبرها

اللهم آمييييييين

حبيبتي أم مريم بنتك هي الأولى الآن
وما أظن أم زوجك ولا زوجك راح يعاتبوك لتقصيرك لأنهم سيرون حجم انشغالك وتعبك مع مريم
وهم أيضا يحبوها ويريدون مصلحتها
تحدثي مع زوجك بهدوء عن وضعك وسيتفهم بالطبع

 

[سماء عالية]

حبيبتي مريومة ربي يشفيها ويقر عينك بشوفتها بكامل صحتها،،

ام مريم حبيبتي لازم تجبرينهم على احترام ضروفك وضروف بنتك بالحيلة..
ويصير امر مفروغ منه..كيف!!؟

يعني اهتمي ببنتك امامهم الصباح مثلا بعد ما تفطرون امسكيها واعمليلها التمارين امام عمتك واهل زوجك وسولفي معاهم كيف قالك الدكتور تسويلها التمارين وكذا..وطلبي من عمتك تساعدك او اخو زوجك الصغير وعمك يعني اشغليهم بهذا الموضوع ،،
ولما تأكلينها نفس الحركة اطلبي منهم يساعدونك او أحيانا اوكليلهم هم هذي المهمه بحجة انك مشغوله بالمطبخ ((لو حسيتي انهم اتقنوا التمارين وعرفوا يتعاملون معاها))

هذا الموضوع خليه هاجس كل الي ف بيت مو هاجسك انتي بس،،

شغلك مع بنتك اعمليه امامهم علشان يشوفون اشكثر انتي تتعبين معاها وبيعذرونك بالتدريج ولا تتاثرين باي رداة فعل ما تعجبك و تضايقك،،
وربي يوفقك غناتي

 

[مروى ام فهد]

حبيبتي ام مريم اهم شي صحتك وبنتك مريم
وشغل البيت اخر الشي لانو ما بيخلص
ماتنسي انك حامل واي اجهاد سواء بدني او نفسي راح يأتر عليك وعلى البيبي وكمان مريم واحنا مابدنا هيك.
اختي اهتمي بصحتك وبمريم وفهمي زوجك هالحكي وقولي انو اي انشغال منك باشغال البيت باخر من حالة مريم الله يحفظها.
واظن انو عمتك وزوجك لازم يتفهمو هالشي لانو مريم اهم من اي شي تاني وان شاء الله لما تتحسن امورتنا الحلوة راح يفرحو هن كمان وبيعرفو انك ما كنتي مقصرة بس كان عندك سبب اهم.
يارب يشفيها ويفرحك عاجلا غير اجلا 

 

[ام مريم90]

ان شاء الله تسلمو يا بنات كتيييير عالنصائح

رح اعمل هيك وان شاء الله ربي يعينني ويساعدني عليها لحد ماشوفها تمشي قدامي

الله كريم وبمتحن عبادو بتعرفو يا بنات والله كتييييير بشوف منامات انو انا بإمتحان دراسي وطبعا تفسيرن انو انا هلأ بامتحان وان شاء الله رح كون قدو


مبارح سألني جوزي سؤال وقال جاوبيني بصراحة قلتلو تفضل قال ((انتي تتمني مريم تموت؟؟؟))انا انصدمت من سؤالو وقلتلو كيف تسألني هالسؤال انا اصلا خاااايفة كتير لا تموت لانو اولا ازا ماتت مارح اتحمل عيش لحظة وحدة بعدا وتاني شي ازا ماتت معناتو هي إشارة من رب العالمين انو نحنا ما نجحنا بإمتحانو إلنا

ومريم هي هبة من رب العالمين وهدية منو كيف بدك ياني فرط فيها ..

طبعاً هو ظل ساكت ما حكا شي ومابعرف أصلاً شو مناسبة سؤالو

 

[fotfota]

حبيبتي مريم رايي تحدثي زوجك بالموضوع احكي معو متل ما حكيتي معنا اكيد راح يتفهم وبدورو راح يحكي مع امو.. مريم حفيدتها وما في اغلى من الابن غير اولادو
اعملوا اجتماع بالبيت..والله مافي شي اهم من صحة بنتك الله يشفيها ياارب..وشغل البيت مابينتهي
الله يصبرك ويقويكي

 

[الحياة أمل]

حبيبتي مريومة ربي يشفيها ويقر عينك بشوفتها بكامل صحتها،،

ام مريم حبيبتي لازم تجبرينهم على احترام ضروفك وضروف بنتك بالحيلة..
ويصير امر مفروغ منه..كيف!!؟

يعني اهتمي ببنتك امامهم الصباح مثلا بعد ما تفطرون امسكيها واعمليلها التمارين امام عمتك واهل زوجك وسولفي معاهم كيف قالك الدكتور تسويلها التمارين وكذا..وطلبي من عمتك تساعدك او اخو زوجك الصغير وعمك يعني اشغليهم بهذا الموضوع ،،
ولما تأكلينها نفس الحركة اطلبي منهم يساعدونك او أحيانا اوكليلهم هم هذي المهمه بحجة انك مشغوله بالمطبخ ((لو حسيتي انهم اتقنوا التمارين وعرفوا يتعاملون معاها))

هذا الموضوع خليه هاجس كل الي ف بيت مو هاجسك انتي بس،،

شغلك مع بنتك اعمليه امامهم علشان يشوفون اشكثر انتي تتعبين معاها وبيعذرونك بالتدريج ولا تتاثرين باي رداة فعل ما تعجبك و تضايقك،،
وربي يوفقك غناتي

مع هذا الرأي بالضبط،خليهم يشاركو في علاجها،خلي الكل يحس بعظم المسؤولية للي عليك ،،

أسال الله العظيم رب العرش العظيم ان يشفيها..
الله يفرج عليك حبيبتي ام مريم ويبرد على قلبك ..

صراحة الامر ليس بالهين ان تعتني بالبيت كله، وابنتك المريضة+انت حامل..ربي يكتب أجرك ويعينك ..

ابدئي بالتخلص من مسؤلية البيت شيء فشيئا مع إظهار عظم المسؤلية الجديدة ، قولي لزوجك بلطف ان العناية بالطفلة أولى في هذه المرحلة وبيني لام زوجك انك لا تستطعي في هذه الفترة ان توافقي بين البيت والطفلة..هكذا بدون ان تضغطي على نفسك وبدون تذمر!

انصحك بأن تقرئي عَلى منهجية "منتيسوري "في التدريس، التعلم عن طريق اللعب،تصلح للاطفال العاديين،لكنها في الأصل ابتكرتها وانتهجتها الدكتورة "ماريا منتيسوري "لذوي الاحتياجات الخاصة حتى اصبح مستوى ذكاءهم مثل مستوى الطفل البسيط الذكاء ..

يسر الله لك حبيبتي

 

[ديما انا وياك]

الله يفرج همك اختي تاثرت للقصتك
الله يشفيها ويحفظها من كل شر

 

[رهف 88]

يا عمري الله يشفيها ويعافيها
لا تنسي ان تدعي لها فأنت أمها ودعاء الأم مستجاب
وان شاء الله تطيب وتصير أحسن وأحسن والحمد لله ان مرضها غير معقد
ام مريم حبيبتي لا تنسي ان المبتلى يحبه الله خاصة اذا صبر والله يقدرك انت وزوجك ويحفظكم لأولادكم

 

[رهف 88]

ام مريم حبيبتي مريم وصحتها أهم من شغل البيت تذكري هذا فالشغل موال يعاد كل يوم وبإمكانك التفريط فيه لكن حالة مريم قد تتدهور اذا لم تعتنوا بها.. حاولي ان تشركي جميع أهل بيتك في العناية بمريم كما قالت دلوعتنا فهكذا ستربحين دعمهم وتفهمهم وتساهلهم فيما يخص شغل البيت.. ولا تنسي ان مريم كذلك ابنتهم لذلك سيقفون معك وسيساندونك وسيزيد اهتمامهم بها خاصة اذا رأوْا تحسنها
الله يقدرك ايا ام مريم وان شاء الله مريم تشفى وتصبح أفضل بكثير فما انزل الله من داء الا وانزل له الدواء.. الله يشفيها يا رب

 

[رهف 88]

ام مريم قبل أعوام شاهدت شريطا وثائقيا عن فتاة فرنسية تبلغ من العمر 24 عاما وقد كانت تعمل سكرتيرة وتفهم كثيرا في الإعلام الآلي كما كانت تتحدث وتترجم أفكارها ومشاعرها بكل سهولة وهي تعاني من متلازمة داون صراحة في البداية لم اصدق عيناي حينما صوروها في المكتبة وهي تطالع الكتب وزادت حيرتي حينما رأيتها في مكتبها تتصفح شاشة الكمبيوتر فملامحها تصرح عن إصابتها بالمتلازمة وقالت انها ممتنة على كونها منغولية لكن الذي يجرحها هو استنقاص الآخرين من عقلها حينما يصادفونها فيتعاملون معها على انها معاقة ذهنيا وهذا التصرف يؤلمها كثيرا
كما قالت انها محظوظة كثيرا بحيث حظت برعاية خاصة واهتمام زائد من قبل اَهلها ( وهذا ما تتطلبه حالها ) وأنها شاكرة على جهودهم الكبيرة التي ساعدتها على ان تصل لهذه المرحلة من العلاج
لذلك ام مريم حبيبتي مريم بحاجة إليكم كثيرا فلا تخذلوها والله يجازيكم على كل مجهوداتكم معها والله يعينكم ويوفقكم

 

[ام مريم90]

السلام عليكم كيفكن يا بنات وربي اشتئت كتييييير للمنتدى

حبيت قلكن اخر اخباري وشكرااااا كتييييييير لكل اللي سألو عني وافتقدوني وربي اني بحبكن كتير


انا تركت المنتدى برمضان لاني ما حبيت ضيع وقتي وحبيت استغل الشهر الفضيل بالدعاء والذكر

بتزكر اني خبرتكن انو انا كنت خايفة ليجو عمي وعمتي برمضان ويصير الشغل مضاعف وكنت كتير خايفة ومتوترة


اللي صار انو الحمدلله ما اجو لبعد العيد وقضيت رمضان منيح وكمان برمضان انتقلنا على بيت جديد(لكل العيلة طبعا)بس بيت اكبر من القديم وانا اخدت غرفة ماستر (حمام بداخل الغرفة)

حالياً مو مفكرة انو نطلع انا وجوزي لان مو لصالحي ابدا وكمان جوزي هلأ ما بيقدر يطلع ويترك ابوه بعد ما اخدلو بنتو عالشام لمدة شهرين ونص


انا حامل بالشهر الخامس وعملت سونار وطلعت حامل ببنوتة ?? ادعولي ربي يقومني بالسلامة
وكمان زاد وزني 5 كغ وان شاء الله بيزيد اكتر


(((الشي المنيح اللي صار انو عمتي تعوووودت ع مريم وصارت بتحبا اكتر وتعتني فيها اكتر وصارت تعرف كيف تعملا علاج طبيعي وتدليك وصرت انا لما بروح اشتغل شي ما بخلي مريم متسطحة بعطيها لعمتي وهي تعملا تدليك وتهتم فيها )))

الحمدلله كلشي كنت خايفة منو عالفاضي والوضع صار احسن بكتييييير

بحبكن يا بنات?? ..اسفة طولت عليكن

 

[سماء عالية]

هلا والله ام مريم

لما شفتك ما رديتي على معايدتي وحطيتي صورتها عرفت ان مريومة وصلت ،،تستاهلي سلامتها قرة عينك حبيبتي،،

شفتي ان قعدتك خيرة؟؟

انتي عوديها حتى لو جالسه جنبها عطيها اياها علشان تتعود عليها لما تجي البيبية الثانية لما تقومين بالسلامة ان شاء الله،،
وتكون كاملة الخلق والخلقة باذن الله،، ويفرحك فيهم ويشفي مريومه وتشوفينهم عرايس،،​

 

[أم عمر العمانية]

الحمد لله على سلامة مريومة ومبارك عليكم الانتقال لبيت جديد
وربي يسهل حملك وولادتك وتقومي بالسلامة
اشتقنالك كثير حبيبتي

 

[حبيبه الوجد]

الف حمد لله على سلامتها حبيبتي يارب يحفظها لك من كل سوء
ويارب يسهل حملك وولادتك
تغذي مزبوط مااوصيك
وكل عام وانتي بألف خير حبيبتي

 

[سارحل ولن انساگ]

الحــمــدلله عــلــى ســلامة مـريـم
ويشفيها ويقر عينگ فيها

ويرزقگ الطفل السليم المعافى

ويريح بالگ ويفرج همومگ
?????

 

[العروس الصغيرة]

الله يشفيها حبيبتنا مريم يا رب 
توكلي على الله 
وربنا كريم