طلبتكم ردو .. وش رايكم بحالي .. وهل انا غلطانه ولا لا ..؟؟

[احلى المعاني]

بسم الله الرحمن الرحيم ​

السلام عليكم ورحمه الله وبركاته​

كيفكم خواتي ان شاء الله تمام..​

حبيت اقولكم قصتي وانتم احكموا هل انا غلطانه ولا لا ..؟​

انا انسانه توني متزوجه تقريبا لي اللحين شهر كامل ​

اول ماتزوجنا واول اسبوعين من زواجنا مافي احن من قلوبنا على بعض​

المهم ياحبيباتي بعد مارجعنا من السفر رجعنا عادي مابيننا اي شي ​

بس لاحظت على زوجي انه متغير علي وكل مااقوله وش فيك يقول مافيني شي ​

كان يدخل ويطلع زعلان ووجهه احمر وقلييل يسولف معاي​

وكان بس يقولي اطبخي نظفي مسحي يعني حتى وانا عروس اسوي هالاشياء​

ماكنت حابه اقوله لا لاني حبيته من كل قلبي ​

وزوجي يقربلي على فكره​

المهم ماكان يسمعني كلمه حلوه منه او اي شي الا وقت الفراش بس​

حتى كنت تعبانه من تحت وهو مو مهتم ..​

اذكر اني تعبت من بطني اول ايام زواجي كان يركض يدورله على اي مستشفى​

علشان يعرف وش اللي فيني ولكن هالامر شي كبير يهمه ويهمني لازم يوديني له​

لان كل ماجى يجامعني اتعب مررره ​

وزياده على كذا يطلع من العصر ويخليني بلحالي الى الليل وانا لسى عروس​

وهالتغير صارله اسبوعين وانا كل مااجي اتكلم مع اهلي اقول لا اصبري​

لين مر اسبوعين وانا مو مرتاحه ابد​

سافر للشرقيه مع اخوياه يعني عروس مستحيل يخليها زوجها وهم لسى فالبدايه​

بيكون متعلقين فبعضهم صح ولا لا ..؟​

يعني حتى المستشفى خليت اهلي يودوني مااهتم سافر مع اخوياه ونساني​

حتى ادق عليه ابي اطمن عنه لو برساله مايرد علي يعني تغير مفااااااااااجئ​

وانا كل هالاسبوعين اللي مرو وانا مررره متضايقه ابكي وحالتي حاله​

لين مسكتني امي وقالت لي قوليلي وش السالفه​

قلتلها السالفه كلها وامي خبرت ابوي ​

ابوي مره عصب وكلم عمي ابو الولد بالموضوع​

وعمي كلم ولده اللي يكون زوجي وهنا زوجي عصب علي بالمره ​

زوجي كلم ابوي وقاله انه بيجي ​

جى زوجي وكانت العصبيه طالعه من عيونه ووجهه احمر وحالته حاله​

وقال لاابوي نادلي زوجتي قال ابوي لا ماراح اناديها لك وانت بالحاله هاذي..​

عصب هنا وقعد يتكلم ويطول صوته على ابوي ​

يعني مهما كان الاحترام لازم خصوصا ان ابوي اكبر من زوجي​

يوم جى بيطلع قال لاابوي بتجيب لي زوجتي ولا لا ​

هو يبغاني اطلع له علشان يهاوشني قدام ابوي لان تكلمت وقلت لاابوي كل شي ​

حتى وانا تعبانه من تحت قلتلوه ماقدرت اسكت اشوفه يهملني واسكت لا لاني تعبت مره ​

المهم​

قبل لايطلع قال بنتك خلها عندك وما ابغاها كان معصب زوجي مره..​

من جد يااخواتي من اللي معاه الحق ..​

يعني انا غلطت لاني تكلمت وشكيت حالي لااهلي لان زوجي مايسمع لي​

ولا هو اللي غلطانه وكبر المساله وطول صوتوه على ابوي ..​

تكفون يابنات افيدوني ..
ودعواتكم لي بظهر الغيب اني ارجع لزوجي
وان الله يفرج لي همي
ويملئ قلب زوجي بحبي.. :tears:
الله يخليكم انا باأمس الحاجه لدعواتكم ..
والله يفرج كل هم من تدعي لي .. ​

انا انتظر اجابتكم ... :sadwalk:​

 

[احلى المعاني]

تكفوووووووووووووووووون ردولي

وربي اني مهمومه ومتضايقه بالمره

وربي اني ادعي ربي من كل قلبي ..

وياربي لاتخيب املي يارب

 

[أم سكر]

والله مني عارفة بس مستحيل أنا لو كنت مكانك حأسكت ما عندي صبر وطولة بال الله يفرج همك ليش ما اتكلمت معاه بهدوء

 

[احلى المعاني]

تكلمت معاه اختي كذا مره

بس مايجاوبني ..

دعواتك الله يخلييك ..

 

[بسه فوشيه]

الله يهديه ويسخره لك يارب ويفرج همك

لاتنسين الاستغفار والدعاء ياقلبي

 

[الحب زوجي وبنتي]

اولا- شي حبيبتي الله يجمعك بزوجك عن قريب ويسخره لك وثانيا -شي حلو انك قلتي لاهلك باالعكس مانتي غلطانه عشان يعرف ان وراك اهل مابيضيعون حقك بعدين ياقلبي اكثري من قول استغفر الله الذي لااله الاهوالحي القيوم واتوب اليه وانشاء الله اسمع عنك اخبار تسر بس انتي اصبري شوي السالفه يبي لهاصبر حبيبتي

 

[احلى المعاني]

الله يخليكم كلكم يالغاليات

وربي اني مررررررره تعبانه لسى الكلام والمشكله صايره لها يومين بس

بس قلت اكيد بتفيدوني

الله يخلييكم تسلمون ودعواتكم الله يخلييكم ..

 

[زوجه مؤدبه]

حبيبتي انتي ردت فعله طبيعيه وماتوقع انك بتعلمين هواشه وطولت السانه من الصدمه متفاجأ انك فضحتيه وهذا احسن شي سويتيه انتي ماقصرتي سالتيه ماعطاك وجه يرضى باللي جاه ..واذا ماهتم فيك وانتي عروس متى بيهتم فيك؟؟ لاتندمين على شي ترى نزول السلم من اوله اهون وهذا باينه بياناته من بدري يعني ماتجمل ولاشهر .. وانتي ادعي اذا كان فيه خير يرده ولايصرفه عنك .

 

[أحبه ولكن]

الله يهديه ,,ويسخره لك,,

 

[الحب زوجي وبنتي]

الله يوفقك يالغاليه ويسخره لك يارب دعواتك حبيبتي

 

[احلى المعاني]

يعطيكم الف عافيه ...

والله يثيبكم من دعائكم ..

 

[Butterfly sprin]

يارب يرد لك زوجك ردا جميلا

بس ياختي خصوصا على موضوع العلاقه الزوجيه وانك تعبانه ماكان له داعي تخبري اهلك

لان هذا موضوع خااااص مفروض ماحد يعرف عنه شيء وكان انتي قلتي له اذا ماوديتني المستشفى ماقدر اتحمل العلاقه الزوجيه لانها تتعبني زياده وهو بيفهم

بس بالنسبه انه يرفع صوتك على ابوك ماله حق هذا انسان كبير اولا وابوك ثانيا يعني مفروض يحترمه

باذن الله ياختي انه يرجع لك وحاولي تمتصي غضبه باسلوبك الحلووو وتعرفي اش الي غيره عليك

واذا طلع اشغلي نفسك عنه واذا شافك مشغوله عنه صدقيني بيلحق وراك

انتي استغفري كثير وادعي ربك انه يحنن قلبه عليك

بالتوفيق يالغلا

 

[S.smsm]

أتركيه لحد مايهدأ
وبصراحه أنت غلطتي شوي لما قلتي للأهلك
كان حاولتي بأكثر من طريقه معاه,ولو نفرض إنك قلتي للأهلك كان المفروض تقولي شيء بسيط مو كل السوالف تقوليها
بس يله كل دقه بتعليمه مثل مايقولون

وحتى زوجك غلطان بتصرفاته معاك
بس أنت ذحين أتركي كل شيء والتجئئ لله اولا وأخيرا,وأدعيه ,
وأتركي زوجك لحد ما يهدأ ولا رسائل ولاشيء
لأن الرسائل وقت الزعل تزيد النار ما تطفيها ,فأهدأي أنت هالأيام
بعد كذا بيسرها الله سبحانه ,
ويفرجها من عنده الله معاك..

 

[كاتياباسل]

يووووو
بدري ياعمري ع الشكاوي
أنا أشوف أنه صحيح غلطان بس أنتي الله يهديك شاركتيه الغلط
شلون من اول شهر تقولين لأهلك على مشاكلك وتو صل لأهله كمان
كان المفروض تروقي - وتصبري عليه شوي يمكن حاله طارئه ومسألة وقت - وتدعي ربك في فترة غيابه ولما يجي من السفر تناقشيه بهدوء ومحبه
وتشوفي أيش اللي عندو
بدل من نشر الغسيل هذا
شفتي شلون كبرت السالفه
بجد من حقه يزعل!!

 

[احلى المعاني]

الله يخليكم ويوفقكم يارب وربي هديتوني لاني كنت مره متضايقه

وربي اني ماقصرت معاه بشي

كلام حلو واقوله له حتى اذا كان معصب احاول اهديه واغير الجو بضحك

لبس حلو ياناس البسله ..

يعني حتى هو يعترف ويقول والله ان زوجتي ماشفت منها الا كل خير

بس عصب لاني تكلمت مع اهلي بس ..

يعني يوم تركني وسافر للشرقيه مره قهر ماكانو زوجي اللي قبل مهتم فيني فجاه تغير

كلمته مافاد ..

الله ييسر الامور يارب ويرجعني لزوجي عاجلا غير اجل يارب ..

 

[احلى المعاني]

بس انا انسانه ماأنلام يااخت كاتيا باسل

صبرت على اسبوعين

شي طلع غصب عني

وربي اني ابكي من كل قلبي ومو مهتم عادي واذا بكيتي مو مشكله

مره قهر لاتلوميني

 

[من سبق دبغ]

عليك بالاستغفار وربي هو الحل دعواتي لك

 

[احلى المعاني]

الله يخليك تسلمين

الله يفرج هم كل من ردت لي ...

 

[كاتياباسل]

حبيبـــــــــــــــــــتي
أنتي تقولي وقت الجماع تتعبي مره!!
ومن أول أيام زواجك تتعبي ويأخذك ع المشفى
يمكن توتر وصابه ملل
لان أغلب الشباب خاصه المعاريس يحبوا يعيشوا أيام شهر العسل بدووووون منغصات
ويمكن طفش شوي
ومن قلة خبرته توقع هالحاله راح تظل معاك على طول
فحب يروح يغير جو مع أصحابه وقد يكونون والله أعلم أشارو عليه بهذا الشي
أنا ياحياتي ما أبرر له بس الواحد لازم يشغل مخه ويفكر بالأسباب
زوجك كان معاك عسل بالبدايه بشهادتك
(يعني فيه حلقه مفقوده وسبب)
وقد يكون مثلا الألم االي عندك بالمنطقه الداخليه والألتهابات اللي معاك مللته وصابه فتور
فكرييي زين ياحياتي ولاترمي اللوم كله عليه
هذا أذا تبين حل فعلا لمشكلتك
مو تروحي تخبري الناس بمشاكلكم وأسراركم الخاصه أيش راح يفيد هالشي تتوقعي فيه حل !!!!!
واللــــــــــــــــــــــه العظيم ياقلبي أنو مرت بنا بشهر العسل مشاكل كبيرة وكنت كارهه زوجي جدا وناويه أتطلق بس بالتفكير وبدون تدخل حد غير الدعاء والصبر والحكمه أنحلت المشاكل بفضل الله وصرنا سمن على عسل

 

[زحمة جروح]

الله يرد لك رد جميل
​