ضياع القلوب ................رواية رومنسية .....كتبتها..>>> روايــه كـاملــه...

[رفيقت الحب]

جاء الصباح وكالعادة ابتسام على الشباك تحتري نواف يخرج من البيت ويوم شافتة حست انها ودها تطير لعنده وصار عندها عزم انها توصل له مشاعرها
وفي المدرسة
ـ هلا بابتسام .....ها رقدتي اليوم
ـ اسكتي ياخلود اليوم شفتة راكب السيارة وكان لابس بدله جنان
ـ ماشاء الله ........طيب رنا معه
ـ لا والله ما شفتها
ـ ياربي وش فيها البنت لها يومين غايبة
ـ ابتصل عليها اليوم
ـ اية ما تصدقين .....حجة عشان السيد نواف
ابتسام ابتسمت بخجل
ـ الله الله ....كنها استحت اقول مالت عليكي ليتو داري عنكي
ـ الله ياخلود لو يدري عني
ـ تخيلي لو ان في باله وحدة ثانية
ـ ها....لا ان شاء الله ما يكون
ـ انا اقول تخيلي
ـ اسمعي انا ابغاه يدري عن حبي من غير رنا ماتحس
ـ انا عندي فكرة
ـ هاتي
ـ يوم قولي عند نا رحلة وبنتاخر واطلبي انك ترجعين مع رنا في الصرفة
ـ طيب
ـ لا تبلمي ....لو ركبتي السيارة بينتبة انه في بنت جيران حلوة تعيش قدامهم
ـ وعسى تبيني اكلمه واقول ...سلام عليكم اخ نواف انا ابتسام بنت الجيران
ـ لا يشيخة اقعدي اتريقي.....أركبي وأنطمي
ـ طيب ابسوي الحركة والله يعين ​

 

[رفيقت الحب]

رن جرس الهاتف ......ردت رنا
ـ الو
ـ الو انا احمد ها جاهزه انا قريب البيت
ـ طيب....ثواني واخلص
رنا "ياربي احس اني مرتبك اخاف يحس علية الله يعدي اليوم على خير "
راحت رنا تخلص لبسها وحطت احلي عطر عندها وتهيئة وتجهزت وخرجت من البيت وشافت احمد في السيارة يستناها ........" هذا هو الله يستر "
ـ صباح الخير
ـ صباح النور ....تأخرتي
ـ انا اسفة
وحرك السيارة
ـ رنا
ـ ها
ـ انت عارف ايش وظيفتك
ـ لا
ـ طيب....انا راح اكلمك في موضوع مهم
ـ اي موضوع
ـ موضوع في الشركة
ـ طيب...هات
ـ الشركة فيها قسم نسائي وقسم رجالي ...انا اشتغل في القسم الرجالي لكن عندي اشغال عندكم في القسم النسائي ....ابغ منكي شغلة
ـ ايش
ـ محد يعرف انك تقربيلي
ـ يسلام والله انك ذكي .....احمد انت ولد عمي وسم الجد واحد واللقب
ـ ادري بس انا ابقول تشابة اسماء وما يعرف إلا مسؤول الملفات والموظفين لا
انتي يوم تكتبين اسمك اكتبي اسمك واسم ابوكي والعائلة بس ولا تكتبين اسم جدي خلاص
ـ خلاص .......وش وظيفتي
ـ بعدين تعرفين ......رنا ابعرفك على وحده
رنا سكتت وحست انة بيعرفها على حبيبتة
ـ طيب ....من هذي الوحده
ـ هذي بتساعدك شوي
ـ طيب
ووصلوا الشركة ودخلوا السيارة من البوابة ويوم اتجهوا لي بوابات الشركة الأمن منعوا احمد ورنا من الدخول
احمد بكل عصبية
ـ انا عندي شغل هنا
ـ اسف يا اخي ما اقدر ادخلك
ـ انا اشتغل هنا
ـ وريني بطاقتك
ـ منت مصدق
ـ لو سمحت البطاقة عشان تدخل
ـ هاك البطاقة
ـ اسف انت تداوم في الفرع الثاني ​

 

[رفيقت الحب]

احمد عصب
ـ اقولك ابدخل غصب عنك
ـ معليش يا استاذ مافي دخول ولو سمحت خرج السيارة ووقفها في الخارج
احمد راح وخرج السيارة ورجع
ـ اسمع ان اشتغل في الشركة وابدخل غصب
ـ اسف مافي خول
وبدأ المشاحنة بين الأمن واحمد تقدمت رنا
ـ معليش يا أستاذ؟؟؟؟
ـ انا محمد
ـ معليش يا أستاذ محمد نحن عندنا في الشركة الرئيسية مقابلة عشان التوظيف ولابد اندخل فلو سمحت خلينا ندخل
ـ شف انا ابخلك تدخل عشان الأنسة الحلوه هذي
احمد عصب
ـ انت بتدخلني عشان بنت
رنا همست في اذنة
ـ خلاص احمد خلينا ندخل بس لا تضيع علية الوظيفة
ـ كله بسببك انا ادخل ولا عمرهم قالوا شي
ـ المهم انا دخلنا وخلاص
ـ زي ما فهمتك ما ابي احد يعرف انك تقربي لي ​

 

[جيتك لاتخليني@]

مشكورة ياعسل
بالإنتظار

 

[رفيقت الحب]

تمت المقابلة ويوم خرجت رنا من مكتب السكرتاريه ناداها احمد
ـ رنا انا هنا ..............ها بشري
ـ قبلوني والدوام بعد الأختبارات
ـ طيب حلو الحين بروح الفرع حقنا واعرفك على الحرمه
وهم في السيارة
ـ احمد انت سعيد اني معاك في العمل
ـ اكيد ابفرح لأن عمي وعدني خير لو وظفتك
وفهمت رنا ان احمد مايسر امر الوظيفة إلا عشان الزواج وقالت في نفسها "ياليتهم ما يقبلوني
ـ رنا
ـ خير
ـ ريحت عطرك حلوة
ـ مشكور .......هذى هدية من وحدة من صديقاتي
ـ ماشاء الله ذوقها رفيع
ـ هذا ذوقي هي سألتني عن اسم عطر افضله وانا قلت لها اسمه وبعدين هذي ريحتي وانا ما احب انوع في العطور
ويوم حست رنا ان احمد عجبه العطر صارت من غير ما يلاحظ ترش على مقعدها عشان يترك ريحة ويصير يتعلق بريحته
ووصلو الشركة ودخلوا على مكتب كانت جالسة في مرأه متوسطة الجمال شعرها اسود قصير وجسمها مليان شوي اول ما شافت احمد قامت ورحبت وهمس في اذنها بكلام حاولت رنا تسمعة بس ما قدرت
ـ هذي نوره مسؤولة عن قسم من اقسام الشركة
ـ تشرفنا
ـ وهذي رنا موظفة جديدة اتمني انك تساعديها في فهم شغلها
ـ اهلين ........هي شكلها ذكية وبتفهم بسرعة
ـ مشكورة
ـ رنا لو سمحتي اخرجي شوي ابتكلم مع نوره على انفراد
طلعت رنا وقلبها يدق وفي قلبها احساس انها هي إلي يبي يتزوجها
طلع احمد من عندها زعلان
ـ رنا يالله اوصلك البيت
ـ طيب
وهم في السيارة
ـ احمد ....ممكن اسألك
ـ ايش
ـ هي هذي إلي بتتزوجها
ناظر فيها وسكت وبعدها لف
ـ ايه .....بس كلهم واقفين ضدي ​

 

[رفيقت الحب]

ـ لو مكتوبه لك بتاخذها بتاخذها
ـ ان شاء مكتوبه لي
ـ تحبها
ـ اموت عليها
بلعت رنا القهر في قلبها وقالت الله يهنيك
ـ احمد انا حسيتك زعلت يوم خرجت من عندها
ـ ايه .......تقول تبي الزواج يتم بسرعة وانتي عافة السالفة
قالها بحزن ورنا حست بالحزن عليه
ـ دامك متمسك فيها ابساعدك
ـ من جد
ـ اية انا اشغل معاكم وابحاول عشانك
ـ تسلمين يا بنت العم
ورجعت البيت شايله الخيبة معاها "والله مدري وش عاجبة فيها لا جمال ولا شي بس الحب اعمى لكن انا ابحاول انسى حبه وبعتبرة اخ وبس "

 

[أ.ندى الجدعاني]

بالانتظار

 

[جيتك لاتخليني@]

بالانتظار

 

[همس الدلع]

رائعه بل خياليه شكراااااااااااااااااااااااااااااااا

غاليتي

 

[همس الدلع]

بانتظارك
غاليتي

 

[همس الدلع]

صراحا اول مررررررررررررره ادخل المنتدى واعجبت بيه وسبب هوانتي

 

[@شمس الشموس@]

بسرعة كملي
الله يسامحك شوقتينا

 

[رفيقت الحب]

ابكملها اليوم بس اصبروا علية

 

[أ.ندى الجدعاني]

بالانتظار وكلى شوووووووووووووووووووووووق

 

[رفيقت الحب]

في العصر هذا اليوم راحت ابتسام عند التلفون وتصلت على رنا وفي نفسها "يارب يرد نواف يارب
ـ الو
ـ الو مين رنا
ـ هلا ابتسام
ابتسام في داخلها "الله وش ها الحظ "
ـ سلامات ليش الحلوين غايبين
ـ ابد كان عندي موعد
ـ طيب بكرة بتداومين
ـ اية والله رحت علية دروس كثير
ـ طيب اجي عندك اعلمك
ـ لا خلاص اتفقت مع خلود وانا ابروح عندها بعد المغرب
ـ خلاص براحتك .........رنا ممكن
ـ اتفضلي
ـ يمكن بكرة اروح معاكم في السيارة ابوي عندة شغل وبيتأخر علية
ـ عادي تعالي
ـ تسلمين
وفقلت الخط.........واتصلت على خلود
ـ الو
ـ هلا ابتسام ..........ها بشري وش سويتي
ـ خلاص كلمت رنا والحين ابكلم ابوي
ـ طيب يوم تكلمينه خبريني
وراحت ابتسام عند ابوها
ـ ابوي
ـ هلا بسو ها يابابا كيف المدرسة
ـ الحمد الله .....وبكرة عندنا رحلة
ـ ها رحلة وين
ـ ها.....وين ......في ..في مركز العلوم والتكتلوجيا
ـ حلو المركز هذا مرة مفيد
ـ ايه وبنتأخر
ـ يعني متي ترجعون
ـ مدري بس ممكن اروح مع بنت الجيران
ـ اي جيران
ـ إلي قدامنا ........هي معي بنفس الصف
ـ خلاص روحي لو صار شي دقي على جوالي..
ـ طيب
وقامت من عند ابوها وهي من الفرحة ترقص
ودخلت غرفتها وتجهزت وصارت تحلم ببكره وش تسوي ​

 

[رفيقت الحب]

وفي الصباح قامت ابتسام من فراشها
وطلت من الشباك وقالت في نفسها اليوم ابشوفه عن قرب واحترت لين خرجوا من البيت وشافته وبعدها راحت وكملت لبسها
وفي المدرسه
ـ خلود خلود انا هنا ...........هنا
ـ وينك
ـ عند الكراسي
واشارت بيدها
ـ وين رحيتي
ـ انا هنا ما رحت بعيد خلود خلاص خلاص اليوم ابشوفه
ـ اقنعتي ابوكي
ـ اية الحمد الله اقتنع
ـ طيب ياخبلة ليش ماكلمتيني جلست طوال الليل استناكي
ـ والله نسيت
ـ اية ماخذا عقلك نواف
ـ بس بس رنا جات
ـ هلا بنات كيفكم
خلود: هلا بطش والرش
رنا: ههههههه بس من امس وانتي تهللي
ابتسام : يابختك يخلود رنا تزورك
رنا : طيب انتي تعالي عندنا واحنا نجيكي
خلود : رنوا ابتسام الجديدة المفروض احنا نزورها
رنا : صح كلامك
وبعدها رن جرس الطوابير وتخرت رنا وخلود وابتسام في الصف
جات الوكيلة
ـ انتم ما سمعتوا الجرس
رنا : إلا ابله والحين راح نصف
الوكيلة : اية يارنا ماخربك إلا هذول الثنتين كنتي شاطرة والحين سرتي كسلانة
رنا : ابلة والله ما اخروني انا بس كنت ألم اغراضي
الوكيلةمها :يالله كلكم اوقفوا ورة وارفعوا اياديكم
ابتسام: معليش ابلة مها احنا ما تأخرنا والإيذاعة بعدها ما بدت
الوكيلة : نعم نعم انتي تعلمين
خلود: معليش ابله مها خلاص بنوقف ورى ونرفع ايادنا
وهمست في اذن ابتسام ايخبلة عديها على خير لا تتصل فأمك وتخرب الخطة
الوكيلة: وش قالي لها
خلود: ولا شي بس قلت هذا انظمة لابد تسمعين كلام الوكيلة
الوكيلة :اها هي ارجعوا وراء ​

 

[رفيقت الحب]

ورجعوا كلهم في الخلف وصارت خلود تخاصم ابتسام
ـ انتي مجنونه لا تحطين راسك براسها
ـ خلود لا تجننيني هى متقصدة تسويها وتتمني علينا الغلطه ....اه بس لو ما خطة اليوم كان وريتها
ـ اي خطة
ـ ها لا لا تاخذي في بالك ...رنا متي رايحة اليوم
ـ على طول يوم يفتح الباب بيجي نواف ويخذنا
همست خلود في اذنها" بغيتي تودين نفسك في داهية
وطوال اليوم كانت ابتسام تترقب الصرفة وكلها شوق تشوف نواف عن قرب
وجات الصرفة وتجهزت ابتسام ولفت طرحتها عدل ولبست عباتها وخرجت مع رنا
وشافت نواف واقف قدام السيارة ونقز قلبها فرح
وصارت مرتبكة ومتلخبطه
وركبت السيارة مع رنا
وسأل نواف رنا
ـ من هذي
ـ هذي زميلتي
ـ ليش راكبه معنا
ـ ابوها بيتأخر واحنا بنوصلها
ـ ليش ما يجون يخذوها .....رنا قولي لها تنزل
ـ نواف ما يصير وش انت خسران وصلها
ـ ما عندي وقت ادور بيتها ......."رفع صوته " قوليها تنزل ما عندي وقت
ابتسام حست بثقل في حلقها وانها ودها تبكي وتصرخ فتحت الباب وخرجت على طول وطلت رنا في نواف
ـ والله انك ما تستحي هذي بنت الجيران وساكنة قدام بيتنا
ـ طيب قولي من اول ....ليش ماوضحتي
ـ اصبر ابرح اناديها
ودخلت رنا المدرسة وصارت تدور على ابتسام ولقتها في الحمامات
ـ ابتسام ....تعالي
ـ لا انا اسفه ....ثقلت عليكم خلاص انا ابكلم ابوي
ـ لا والله ما تكلمنة ....ونواف قال خلاص ناديها ما كان يدري انك ساكنة جنبنا
سكتت ابتسام وطلت بنظرات الأستغراب
ـ طيب ليش رضى ....يوم...عرف ان..ي بنت الجيران (كان في بالها بوصلها عشانها هي )
ـ ياشيخة عنده موعد مع خويه وخاف اننا نعطله بس لما عرف انه ماراح يفلف قال طيب ​

 

[رفيقت الحب]

وركبت السيارة وجلست تناظر في نواف بصمت لين ماوصلوا ونزلت على طول وراحت بيتها
ونواف على طول راح لموعدة مع خوية فيصل
ـ فيصل خير ان شاء الله
ـ نواف انا واقع في ورطه والله يستر
ـ خير تكلم
ـ مدري وش اقول
ـ ياخي تكلم وقفت الدم في عروقي
ـ انا في ورطة
ـ خير
ـ تعرف الجماعة إلي كلمتك عنهم
ـ اي جماعة
ـ الشباب إلي يبوني اشتغل معهم
ـ اية تذكرت .....
ـ رجعوا اتصلوا
ـ انا ماخذرتك منهم ........ليش اتصلوا
ـ بيوني ارجع معاهم
ـ ترجع ليش انت رحت اشغلت معاهم
ـ اية والله يانواف اطريت ما كان عندي فلوس
ـ فيصل انت مجنون كيف تشتغل معاهم
ـ لا تسألني اشتغلت وخلاص الحين انا اوصل البضاعة بس ومالي شغل بالباقي واخذ عمولة على كل توصيلة وبس والله خفت من اني انكشف فقررت اني اوقف ولا اكمل لكنهم طفشوني وما ريحوني كل يوم يغروني بالفلوس وانا والله ياخوي ما ابي اتابع بس اخاف اضعف
ـ كم تبي وانا اعطيك ولا تروح سكت الدمار برجلك ​

 

[رفيقت الحب]

ـ المشكله اني متورط واخاف يمسكون علي شي ويهددون
ـ لاتخاف انا ابتصرف
ـ وش بتسوي
ـ ما لك دخل المهم ابعد
ـ نواف لا تفكر في الشرطة مرة تراني اخاف انهم وهقوني
ـ لاتخاف انا اتصرف بس انت غير كل ارقامك ومكان سكنك
خلاص ​

 

[أ.ندى الجدعاني]

منتظرين باقى القصه