ضربت بنتي لدرجة ان الدم طلع من ضهرها

[عيون عزيز]

أنا ما راح أعلق أبداااا ,, بصراحة شي يحزن وان شاء الله بنتج تنسى ,,

بس عندي فضول ...لما كنتي تعطين بنتج التحميلة (( طبعا أنا مستنكرة هالشي خاصة انها كبيرة عالتحاميل )) هل كانوا خواتها واقفين يتفرجون عليكم !!!!

قاعدة أحاول أتخيل الوضع مب قادرة ,,,

الله يهديج ويحفظلج عيالج وييسر ولادتج حبيبتي

 

[ابتسامه حزن]

انتو سبتو الموضوع الرئيسي
وجالسين تتكلمو على التحاميل
احيان التحاميل تكون اقوى واسرع زي الابر بالظبط التحاميل مالها سن معين​

 

[اميرة علاوي]

يالله زعلتيني عليها والله دمعت عيوني
اختي خلاص انسي الموضوع وتعوذي من الشيطان
والله يكون في عونك يارب

 

[بنان اخت وجدان]

الرسول عليه افضل الصلاة والسلام قال لا تغضب لا تغضب لا تغضب

لا تبررين لنفسك اللي سويتيه والله راح تلقينه عند ربك وماراح يضيع حق بنتك عند اللي اعطاك اياها امانه

لا تقولين هرمونات الحمل تاثر ولا التعب ولا الوحم

بنتك تعبانه بعدين هي في سن ماتقبل انك تعطيها تحاميل خلاص البنت كبرت

راعي شعورها هي بعد وهي ساجده ومتكشفه ؟؟؟

اذا ماتبي قولي لها تحملي التعب وخليها هي راح تعتمد على نفسها وتدخل التحميله بنفسها بالمرايه

وانتي علميها

او وديها للمستشفى هم يعطونها علاجها ماراح يرفضون اذا انتي ما تقدرين

ايختي خافي من ربك جالسه عليها وانتي تقولين ما اعطيها عمرها ؟؟ كم وزنك
وضرب وكفوف ليش ؟؟

انتبهي لنفسك واعتذري لها قدام اخواتها وبوسي راسها واحضنيها وصيحي عندها

حتى اولادنا لهم علينا حق

ولا تنسين كلكم راع وكلكم مسؤول عن رعيته ترضين امك او ابوك يسوون فيك مثل ما سويتي فيها

او انتي تحسين والبنت لا ؟؟

خـــــــافي من اللـــــــه وبس

 

[ورد الياس]

والله عيوني دمعت
حرام الله يرحم الحال
اهم شي كشفي عليها وتاكدي من سلامه ظهرها
الله يهدي بالك

 

[صمتي يقويني]

استهدي با الله والله يصبرك عل الفتره هاذي تعدي بسلامه ويرزقك ساعة طيبه ويحفظلك الي عندك والي فبطنك
ابغا اوصلك شي انتي يمكن غبتي عنو التوتر والعصبيه الي بتمري فيها طبيعيه لانو اكيد في لخبطة هرمونات وهذي العصبيه والتوتر اكيد رح تاثر عل الجنين والله ثم والله يمكن ما تصدقي كلامي انا عندي ولدي البكر جدا تصرفاته طبيعيه وقت الزعل يزعل ووقت الفرح يفرح لاني فترة حملي فيه كنت جدا هاديه وكنت امر باكتئاب بس كان المنفس الوحيد لاكتئابي ( القران الكريم ) والله ثم والله انو بلسم وراحه نفسيه ( احسن من كلام الله مارح تلاقي) كل يوم او يومين اقرئي سورة البقرة وكل ماتقلبي صفحة اجلسي ادعي الي فنفسك وتضرعي لله واخشعيه وكثفي من دعائك لبنتك الكبيرة انو يجعلها خيرة عباد الله وانو ربي يجعلها اسعد خلقه ( لانها احترمتك وما رفعة صوتها عليكي او سوة شي فنفسها وانتي تضربيها )
ثاني شي بعد ما جبتي ولدي كمل سنتين وحملت وجبت بنت بس كنت جدا عصبيه ففترة حملي فيها كنت امر انا وزوجي بظروف فكانت فتره اعصابي جدا مشدودة واي حاجه تزعلني ما اسكت يا تلاقيني ابكي او اضارب مع زوجي _فيوم كنت جالسه ااكل ولدي ومن النوع ولدي يحب اللقمه لمن تكون في الملعقه ما يطيح منها شي او تكون كبيره وانا عارفه طبيعته سبحان الله شلت الملعقه وبااكله طاحت كم رزة جلس يبكيي ويصيح قمت لا شعوريا اديته كف ( كف علم عل خده ويدي عورتني بعد)ساعت ما ضربته كنت اقول فنفسي لمتى دلعه هذا لا يطيح من لقمتو شي قلت لمن اضربه يمكن يهجد وياكل بس صار العكس جلس يبكي واليوم كله ما حط ففمه شي
الي ابغا اوصلك هواانو بنتك ما سوة شي غلط لانك من كلامك عارفه طبيعتها انها ما تحب التحاميل وهذا شي طبيعي لانها بلغت سن الرشد يعني صارة فاهمه وواعيه يمكن انتي تستسهلي التحاميل لانو مفعولها اسرع بس انتي غلطانه لانو الانسان كل ما كبر تزيد المناعه عندو ويكون تغلبو عل المرض اقوى عشان كذا الطفل لمن يسخن نحطله تحميله لانو لسا ما عندو مناعه من الامراض نموه ما اكتمل لكن الانسان الراشد لازم ياخذ وقته في العلاج وبعدين عشان تنزلي السخونه في كذا حل خليها تدخل تستحما بمويه شبه دافيه حطيلها كمادات اعطهيا فيفادول 10 مل كل اربع ساعات وجيبيلها مضاد حق سنها لانو السخونه ليش تجي اصلا (لانو في بكتيريا فجسمها مسببتلها التهاب وهو الي يسببلها السخونه)فلازم مضاد شراب تشربه لمدة 5 ايام ومع هذا كله لاااااااازم الكمادات جيبي زبديه او تبروير وحطي فيها كذا منشفه صغيره ومويه وثلج وحطي فكل مفصل من مفاصل بنتك منشفه يعني خلف الركبه وخلف الكوع وطبعا فجبهتها هذي الاماكن الي تكون الاورده فيها وضخ الدم اقوى فتنزلك الحرارة عل طول
واخر شي اتمنى انو علاقتك ببنتك تكون اقوى من قبل لان بنتك انسانه بكل ما تحمله من كلمه لانها عذرتك لانك انتي بتمر بفتره كرب
انتي لو تشوفي بنات الزمن هذا الي ترفع صوتها عل امها والي ترد عل امها
اقلك موقف ما رح انساه طول حياتي
لمن كان عمري 16 وكنت لسا بنت كنت ارد عل امي وابويا (لساني طويل)فيوم رجع ابويا من العمل متاخر وكنت قاعده فغرفتي ومعليه الاستريو يعني الصوت واصل الشارع دخل ابويا الغرفه وجلس يخاصمني قمت رديت عليه وقولتله طز خلي الجيران يسمعو طلب من امي تعطيله الخيزرانه ووالله من كثر ما صار يضربني ماصا يشوف فين يضرب فوجهي فعيني فظهري وفعلا جسمي علم عليه صار كله خطوط زرقا ومنفوخه وراح نام عند زوجته بعد ماضربني اتوضيت وصليت ركعتين (وايامها الفروض ما كنت اصليها )وجلست ادعي عل ابويا انو ربنا ياخذه من الدنيا عشان ما يدخل فيا المهم ثاني يوم طلعت بيت ابويا امي ارسلتني اخذ شي من عند خالتي الي هي زوجة ابويا فطلت فيا وشافت يدي كلها خطوط زرقا فقالتلي لاتزعلي من ابوكي طول الليل وهوا يشوف كوابيس وقام من النوم وهو مضايق ليشنو ضربك وقعد يقول لزوجته انا كيف سمحت لنفسي اضرب بنتي بطريقه الوحشيه هاذي فقالتلو زوجتو بكرا تكبر وتفهم قالها لو شفتيني وانا اضربها ما رح تصدقي انو البنت هاذي اشوف النور فحياتي من عينها اتمنى انها تسامحني بعدها جلست ابكي ورحت اتاسفة لابويا وليومك هذا ما قد مد يدو عليا ولا انا قد رديت عليه والحمدلله سرت اصليييي هههههههههه
وادعيله انو ربي يطول عمره فطاعته ويجعلني ما ابكيه
الله يخليكيييييييييييييييييي لا تضربييييهاااااااااااااااااا كل ما عصبتي روحي اقراي البقرة لانهااااا ( بلسم) وسامحيني عل التطويييل

 

[@يسووي@]

لا حوله ولا قوة إلا بالله

الله يهديج ....... انصحج اختي انج تهتمين في نفسج .... عشان تقدرين تهتمين في عيالج ... يعني خصصي وقت لنفسج اطلعي امشي على الاقل ربع ساعه كتغير جو ... اطلعلي برا البيت روحي بحر او حديقه مثلا ... اختي بقولج شي انا مجربه هالشي .. سبحان الله لما اعصب على عيالي في نفس الوقت اتم استغفر ربي اقول استغفر الله .... اللهم عطيني الصبر ... سبحان الله احس روحي تهدى اشوي وإذا كنت مرررررررررره معصبه اطلع من قدام ولدي عشان ما اتصرف تصرف غلط اندم عليه بعدين...
اختي ... بنتج خلاص كبرت مو حق ضرب ولا اهانات كذا البنت بتفقد ثقتها في نفسها بتطلع بنت ما عندها شخصيه .... روحي ضميها لصدرج وبوسيها على راسها .... وتاسفي منها .... ودائما امدحيها يوميا ....وقولي لها انتي بنتي ماشاء الله عليج وانا واثقه فيج.... وشجعيها دائما ........... ولا تنسين انتي اهتمي في نفسج عشان ما تكونيين عصبيه دائما ........ والله يسهل عليج في حملج هذا ............


اختي تذكرت ........:30: انصحج تشترين كتااااب وايد حلو بتستفيدين منه
اسمه ...الأطفال المزعجون! للكاتب د.مصطفى أبوسعد استشاري نفسي وتربوي ومدرب في مهارات التنمية الذاتية.. ​

 

[كازانوفا باريس]

لاتزعلين علي يااختي اذا قسيت عليك 00 البنت مو صغيره علشان تعطينها تحميله وكمان تمدين ايدك عليها لحقد في نفسك انتي مو أم انتي بس تبغين تبردين خاطرك وتشفين غليلك بسلطتك مارحمتي جسمها النحيل وخجلها امام خواتها المفروض تشجعينها وتحنين عليها والان اخطأت امام خواتها وضربتيها اذن اعتذري لها بالصريح امامهم وضميها وغيري تعاملك ماهو ذنبها انك حامل وتتوحمين ولا لك عذر مقبول امام الله اسألي نفسك لوكنتي عقيم من 13 سنه اش كان سويتي ؟؟؟
لوكنتي باي دوله في الغرب كان اخذوها منك جمعية حقوق الانساااان لان امثالكم ما يستهلووون الخلفة
عذرا لكن والله اني اكتب هالكلمات وانا ابكي وتذكرت طالبه عندي بالمدرسه جايه وايدها مكسوره قلت لها سلامات ياخوخة واشفيك قالت امي ضربتني ودفتني مع الدرج قلت ليش قالت علشاني ما رتبت الصاله بالبيت 00اعوذبالله وش هالقسوه !!!!

 

[جود الزمن]

اختي واضح انك تعانين من ضغوطات نفسية ربما من زوجك او عملك ان كنتي عامله
الحمل ليس مبرر يااختي...جااااولي قد ماتقدرين تتوددين لها اهديلها هدايا ,,,او هدية بلاشي الكلفة وقوللي انتي اكبر اخواتك وانتي وانتي امدخي فيها ,,,وخليها زي صديقتك ناديها عندك في الغرفة اجلسي سولفي وياها اشربو شاهي سوا اعطيها جوها معاكي,,,لاتحرمينها من حنانك مهما كان نصيحة مني ,,,البنات حلواااات بهالسن ...الله يخليج لهم وتقومين بالسلامة مع المولود الجديد
تقبلي مروري.....

ملاحظة بسيطة ,,من ناحية التحاميل فابعديها عنها انتي علشان تقولين هي ترفض العلاج وتحسين ان التحميلة ايسر في اخذه,,,اتركيكي من التحميلة وعطيها حبة بندول,,البنت صارت كبيره والتحميلة تسبب لها اهانة خاصة انك اعطيتيها قدام اخواتها,,انتبهي بلمرات القادمة

 

[قبيلية]

اختي العزيزة والله حاسه فيك وحاسه بكبر الالم والندم في نفسك ...اقضل طريقة تبتعدين عن العنف تخيلي لحظتها لو انها ماتت (بعد الشر )او فقدتيها لاي سبب كان ..راح تتراجعين باذن الله وبدل القسوة راح تنقلب حنان وبدل العنف راح تدعيلها بالهداية والصلاح ..واكثري اختي من الدعاء بان يبعد الله عنك الاعصاب ويعينك على تربية اولادك ..موفقة اخيتي

 

[ياقوتيه]

ليش معصبه عاللي انتقدته ولو كان انتقادهم جارح احيانا الانسان ما يصحيه الا شي قوي او صدمه او جرح قوي

اي نبطيين تتكلمين عنها تبين البنات يطبطبون على ظهرج ويقولولج معليش حصل خير ولا تعيدينها انتي صدمتينا

ولو البنات ما يخافون عليج وما تهمهم مصلحتك مأكلهم قسو عليج بالعتاب


تدرين قسما بالله قهرتيني بحركة التحميله اكثر من الظرب اي نعم القضيه هي الضرب بس أنا انقهرت من الحركه اللي سويتيها استنكرت الموضوع وبشده والغريب انج مستسهلته والردود ما عجبتج وبكل برود تقولين أنا أمها مو رجال غريب خافي ربج عنبو حتى اذا هي ماستحت انتي ماستحيتي وانتي تسوينها الحياااااااااااااااء ياعالم وين راح أنا اذكر كنت طفله اصغر من بنتج بواااااايد وامي اذا بتحطلي التحميله اكون منسدحه ويوم شوي كبرت فالابتدائيه كانت تعطيني التحميله وتقولي حطوها بروحح تخيلي الفكين نفسها كانت تحرجني هذا وانا اصغر من بنتج فمابالج اول اعدادي وتحطيلها انتي وفوق هذا وهي ساجده ياعالم استعباد هو ولا شو اعذريني قسما بالله تخيلتها واتذكرت طرق التعذيب فالسجون الاسرائيليه كيف يهينونهم جنسيا '', اصحي الله بخليج ولا تستهينين لا بالمموضوع ولا بالوضعيه اللي حطيتيلها التحميله فيه عاليي ممكن ياثر بنفسيهما واااااايد

اعترفي انج عصبيه حتى بردودج عالبنات عصبيتج واضحه بتقوليلي ويتأهلون وحسبي الله ونعم الوكيل بقولك براحتك دعي عليهم وعلي لو تبين الله اعلم بالنوايا و اهم شي تستفيدون م كل رد مب تاخذين اللي يعجبك وبس مافي ولا اخت من اللي ردو دخلت وردت الا تبا مصلحتك

الله المستعان اتمنى ماتزعلين مني بس متأكده انج بتزعلين لكن حطي فبالج عاليي وهالعتاب وهالقسوه لمصلحتك الله يهديك ويهدينا يصلح عيالج وعيالنا

 

[الختام]

استغفر اللة العظيم

 

[زوجه حنون]

حرام عليك وقفتي الدمعة بعيني اماااااانة عليك اضبطي نفسك قدماتقدرين حاولي تستغفرين اوابكي اوسوي اي شئ قبل تضربينها انا عارفة انك تعبانة كثير مع الحمل لاكن حاولي والله مع الممارسة تهدين وتصيرين باردة يعني فوق ماهي مريضة تضربينها انا عارفة انك خايفة عليها اكيد وهذا من حرصك على صحتها لاكن حااااولي الله يسعدك