اولا اسمحي لي اقولك ... ترى هذا لو انه رجال من جد يستحي على وجهه مايطلب يكلمك ..بعدين اسمحي لي انتي اي عقل اللي فيك يوم تكلمين واحد متزوج وانتي متزوجه بعد يابنت خافي الله .. طيب خليكي من الله يمكن الغفله اللي احنا فيها تخلينا نقول ربي راح يغفر لي لو تبت وربي عارف اني مالجأت لهذا الشئ الا وانا محتاجه له طيب ماشلتي هم سمعتك وسمعة اهلك وتربيتهم لك هذه هي مكافئتك لهم .. تدرين والله صدقيني راح يجي يوم وتندمين ندم مابعده ..
بالله انتي صغيره الحين تقولين ايش اسوي وايش الخطوات اللي اتبعها ..
الخطوات ياعسل اللي تتبعيها انك كل ماحدثتك نفسك بشئ غلط قولي يمكن اموت على هذا الذنب وتصير فضيحه في الدنيا والآخره
الخطوات انك تلغي الايميل اللي بينكم .. وتلغي ايميلك القديم كمان لأنه طالما هو مشرف يقدر يوصل لك بأي طريقه عن طريق الاي بي .. شوفي الشيطان ترى قدر يوصل لك من طريقه لو غيرك قال لك عليها بتقولي ايش هذا الغباء ..
يعني الشيطان في البدايه قال لك انتي محتاجه وزوجك مره مو معاكي ومو فاضي لك ومن هالكلام ..
وبعدين قالك عادي بس ايميلات طيب خليه يرسلها لحرمته افضل له وانتي كمان نفس الشئ كان رسلتيها لزوجك او لو قلتي لزوجك تعال شوف بطريقتك تقدري تخلي زوجك معاكي لاتتحججي بزوجك انه مايعرف او مو تمام معاكي انتي ماحاولتي والدليل انك تقولي انه يدور رضاك باي طريقه طالما يدور رضاك فينك عنه ماتدورين رضاه ..
وبعدين شفتي الشيطان كيف خلاك تستدرجي حتى خلاكي تفتحي المسن وبعدين قالك ياشيخه سلم عليكي ردي عليه مايصير وبعدين قالك انتي محتاجه احد يسولف معاكي ويروح الطفش منك ..
وصدقيني الشيطان ماراح يخليكي ترتاحي اذا مالحقتي نفسك الا اذا وصلتي لحد الزنا هذا اللي يرضي الشيطان ترى ..
وبعدها راح يقول لك الشيطان انتي اللي رحتي بنفسك لهذا الشئ مو انا ... ياناس فوقو على نفسكم مو معقوله يعني قولي رجال ويخون اهون لكن بنت وتخون عيب والله في حقك وفي حق ربك وفي حق اهلك اللي تعبوا وربوك حتى زوجوكي حرام والله تخليهم بعد عز في ذل ..
خرجي الكمبيوتر من بيتك فتره .. لاتخليه عندك اعطيه احد من اهلك .. خربيه ووديه للصلاح عشان يطول عنده يتصلح وقتها انتي كمان صلحي اللي في عقلك اتخرب من عواطف اتغير مسارها ومن كلام المفروض يكون لزوجك واهتمام يكون المفروض لزوجك صار لواحد خسيس نذل ..
تخيلي لو انه زوجته في هذا المنتدى وجالسه تدعي عليكي مو شرط في المنتدى تخيلي وحده تدعي عليكي وتنفضحي .. الواحد مايعرف متى يموت نقوم نزيد على نفسنا ذنوب ماندري ربي يغفرها لنا او لأ
والله اعذريني على كلامي .. بس اققولها لك بكل صراحه لو انك استمريتي معاه الخسيس هذاك انا اطلبك طلب انتي ماتستاهلي زوجك اطلبي الطلاق وخليه يعيش مع انسانه تخاف الله فيه .. انسانه ماتخونه حتى بالتفكير ..وانتي شوفي راح يحبك وقتها هذاك ولا بس كلا .. لأنه لو يحبك على قولته راح يخطبك ولا عليه من زوجته ..
