صفحات من حياتي ## قد يكون فيها عبر وعظات!الجزء الثاني!

[نبراس الشرق]

فديتج اخوانا واخواتنا الاماريات الله يحفظهم يقولونها

واحنا نقول يابعد عمري انت وقلبي

مذكراتك حلوه وجميله ما شاء الله تبارك الرحمن

تعتمدين على الذاكره ام انك كاتبتها بدفتر الاحداث

حاولت كثير مع زوجي ان يسمح لي اذهب للعمره

باص مع ولدي او حتى بالطائره ولدي يروح لثاني ثانوي

بس رفض الله يهديه ادعي لي اني اخذ عمره برمضان

يارب يحقق امانيي وامانيك وجميع المسلمين ​

 

[لك غلا محد وصله]

ذكرياتك حلوة واحلا شي السفر وخااصه للديار المقدسه ..يااحبي لها السنه هذي عطيتها لبناتي يعتمرون وانا بأجلس عشان اصغاري
الله يمد في عمارنا ونعتمر السنه الجايه ان شاء الله...

 

[يارب نورقلبي]

رواق الغاليه
ربي يسعدك ويحفظك على طاري السفر آمي يا رواق نفس
آمك الله يرحمها ويرحم والدي وجميع موتى المسلمين ما تحب السفر وخصوصا الطائره
حنا عيالها آذآآ سمعنا آنا بنسافر بالطائره ما نام من الفرحه
آما آمي ربي يخليها لنا ويعطيها طولة العمر ما تحبها هي مره وحده بس سافرت معنا لجدة بالطائره
وكانت الأخيييره ​

آما السياره سافرنا كثير والوالده الله يحفظها يجيها
قلق من الطريق ولا تنام ورثنا حنا عيالها هذه الطبيعه
منها ..
من المواقف مره كنا مسافريين لمكه وآخوي الله يحفظه
ما يحب يوقف ويرتاح في مكان
يحب يواصل حتى يصل للمكان الذي يريد
وتخيلي رواق مشينا من الفجر وصلنا اليوم الثاني الساعه
تسع صباحا ..تعبت نفسيتنا وآخوي متعود ما غير يدور يبحث
عن فندق مناسب وآمي زهقت حياتها
عاد آنا كنت في سيارة آخوي الثانيه ..فقال له آخوي :
متى ما حصلت فندق آتصل علي ..وقفنا في زاويه وكلنا نمنا
نوم عميق ولا وعينا الا على صوت التلفون يرن تعالوآ :
حصلنا فندق يوووووه
وآخيييرآ ما صدقنا على الله ​

صرآحه آحلى شي السفر فيه تغيير لنفسيه
آنا كل ما آشوف مكه في التلفزيون آقول لأهلي
يا ليت من يوديني لمكه ويتركني شهر من شوقي لهااا ​

يا حلو السوالف عن السفر في آنتظار تفاصيل رحلتكم
رواق الغاليه ​

الله يسعدك رواق ويسعدنا ويسر العمره لنا ولكم
اللهم آمييين ​

 

[&الماس&]

اول كنت اقول ياحبي للسفر لكن الآن بعد ماصار عندي طفلتين وراء بعض وصغار كرهته.
الله يخلي لكم عمدتكم صعب شوية الله يسخره لك يارواق ويسخر لي زوجي اللهم امـــــــــــــــــــين.




وبدون تفكير أتصلت على الحملة التي أخبرتني عنها وحجزت لي ولأبني وبنتي وللشغالة كانت عربية مسلمة وأردت أن تكسب العمرة (ولي مأرب اخر)من تعرفه؟؟؟؟؟!!!!
ماادري يارواق لكن اتوقع لانك ماتقدرين تخلينها بالبيت وزوجك موجود ويمكن ماتقدرين تخلينها عند احد((احس ان ماعندي سالفة))

 

[رواق الخريف]

الغاليات جمانة الدر الغالية:
قمر بلامنازع الغالية:
فرح الشمالي الغالية :
حياة الشموخ الغالية:
الغلا الغالية:
نبراس الشرق الغالية:
ياهلا بكن وربي يسعدكن جميعاً..
_______________________________________
بسم الله الرحمن الرحيم
والصلاة والسلام على سيد المرسلين نبينا محمد صلى الله عليه وسلم وعلى آله وصحبه أجمعين وعنا معهم برحمتك يا ارحم الرحمين اللهم آمين ..
السلام عليكم ورحمة الله وبركاته ..
نتابع الرحلة ..
نبراس الغالية :أنا أكتب كل التفاصيل في الرحلة وبالساعة والدقيقة حتى لا انسى شيء ..متعودة من صغري تشجعني أمي ربي يجمعني بها ووالدي وجميع احبابي وانتن من أحبابي في جنات النعيم اللهم آمين.
خرجت من البيت لمحطة الباصات ذهبنا مع ولدي خالد ربي يحفظه
ويسخر له جميع خلقه ومن قال آمين ..
نزلنا وكانت مشاعري بين الإصرار على موقفي وبين مشاعر الندم ليتني بقيت مع زوجي واولادي ولكن المشاعر الأولى اقوى .خاصةً وأن زوجي ربي يوفقه ويسعد قلبه كان يرد علي دائماً
عندما أقول له :ودنا نذهب للعمرة !!
يرد روحي عندك عيالك هم يودونك !!
وكنت ارد عليه مايصلح السفر إلا معك !!
ولكنه يرد نفس الرد ..
وعندما نويت وجهزت نفسي ..يقول لي: كيف تقولين السفر مايصلح إلا معي ؟؟!!
قلت له : مليت من المجاملة ..وسمعت نصيحتك ..
عندما وصلنا للحافلة بعد صلاة العصر مباشرة ..طلبت من ولدي ربي يحفظه ويسعده كان توه متخرج من الثانوية العامة وكان من أقرب أولادي لقلبي وعقلي حتى الآن ..طلبت أن يمدد الإقامة حتى الأربعاء القادم ..كان يوم سفرنا الثلاثاء والعودة الجمعة
ونزيدهم مبلغ حسب المدة ..
هي التجربة الأولى لنا ..كانت مشاعر المغامرة للمجهول مع فرحة العمرة مع حزني على وضعنا لماذا لانكون مثل الناس ونذهب جميعنا ..
وكنت قد سمعت عن هذه الحملات وعن بعض المواقف التي تحدث ولكن الثناء أكثر ..
وركبنا الحافلة ..وكانت المفاجأة التي خففت عني الضغط النفسي
يااااااااه هذه زميلتي في مركز التحفيظ مع أبنائها وزوجها سلمت عليها بحرارة وهي فرحت بي ..
حمدت الله سبحانه وتعالى وقلت في نفسي الحمدلله اول الخير قطرة ..
وسار بنا الباص متوجهين للمدينة النبوية عن طريق القصيم
جلست انا والعاملة المنزلية في مقعدين متجاورين وولدي وبنتي بجوار بعض ..
وعائلة زميلتي بجوار بعض في مقدمة الباص لان صاحب الحملة طلب من زوج زميلتي الإرشاد الديني للمسافرين هو رجل فاضل وأستاذ جامعي وجميع أسرته ملتزمين الله يثبتهم ويوفقهم لكل خير ..هذا الامر جعل الطمئنينه تسكن نفسي ...خرجنا من الرياض الساعة الخامسة تقريباً ..ووصلنا القصيم عند صلاة العشاء وعند أخر إستراحة في القصيم على طريق المدينة وقف الباص للصلاة جمعاً وقصراً للمغرب والعشاء ..ولتناول طعام العشاء ..أنا ما أحب طعام الطريق .أخاف منه ..لذا كان معي خبز وجبن وعصير وبسكويت ..وخلال التوقف تعرفت على سورية دكتورة تجلس في المقعد الذي امامي ومعها قريبتها حضرت مع أبنها من المهجر وكان أبنها لم يتجاوز السادسة عشر فقط ..
أطمئنت نفسي أكثر فيه من هو أصغر من أبني الحمدلله ..
وواصلنا السير وكان الباص قديم ويسير ببطيء ..ياليل ما أطولك..الناس نامت وانا أرقب الطريق قلقة ان ينام السائق مع من نام خاصةً ان الباص بصراحة يهتز وكانه هندول طفل يعني ينوم الذي مافيه نوم إلا رواق الذي يؤنبها ضميرها على من تركتهم خلفها ..وعلى المسئولية التي معها ..شاب صغير وطفلة وشغالة !!!الله خير حافظ وهو أرحم الراحمين ..
وتعب نفسي فضيع عندما يشعر الإنسان بالنوم ولكن القلق يجعله يفزع من اول ثانية يغفو فيها ...
ولم نصل المدينة النبوية إلا الساعة السادسة صباحاً ..الله أكبر
الحمدلله على صولنا بالسلامة ..حتى مرشدنا نام ..
ونزلنا ونحن نسمع السائق وهو يردد بصوت مرتفع وكانه يهدد
التواجد هنا الساعة الثانية بعد الظهر ..من يتأخر سنتركه ونذهب ..ويكرر كلامه الذي يخلو من الذوق والإنسانية .كان يقف بجوار فندق ...لا لا لا ..نزل ..من العصور الوسطى ..نعم والله انني كنت أخشى ان يقبلنا النزل من الشوق لنا ونذهب في خبر الجرائد سقط النزل الفلاني رحمهم الله ..والله بدون مبالغة عندما نصعد الدرج نسمع وقع أقدامنا وكأننا نصعد على صفيح ..يااارب رجعنا بلدنا سالمين ..يارب توبة لن أذهب في حملة مرة أخرى ..
وبسرعة ذهبنا للمسجد النبوي وصلينا فيه صلاة الفجر مع صلاة الضحى ماشاء الله على المعتمرين الذين يصلون الفجر مع الضحى ..الحمدلله ورجعنا للنزل ومعنا فطور ورواق تعبانه من المراقبة طول الليل ..وقلت لابني سأرتاح قليلاً ثم نذهب للحرم النبوي ..ولم نشعر إلا وهم يطرقون الباب بسرعة صلاة الظهر ..وصلينا ورجعنا وإذا بالمسافرين قد انزلوا حقائبهم خوفاً من السائق ..وسارت بنا الحافلة حتى أبيار علي حتى نحرم ..وجلسنا هناك حتى الساعة الرابعة والنصف ..كان المسجد رائع الله يحفظ حكومتنا الرشيدة وجميع المسئولين عن المسجد والمغاسل والحمامات ..وكانت الجلسة في المسجد مريحة ..ولكن تمنيت لو كانت جلستنا في المسجد النبوي الذي لم نتمتع به أبداً ..وسارت الحافلة بأمان الله وحفظه ..ووصلنا مكة المكرمة الساعة الحادية عشر ليلاً والجميع متذمر من الباص ..وصار السائق يدور بنا حول مكة الظاهر كان فيه مطبات هوائية لايستطيع الهبوط ...والمشكلة الكبيرة أنه صار يلعن ويشتم على أشخاص غير موجودين معنا ..وعندما تكلم معه مرشدنا الله يجزاه خير ويحاول يهدي ثورته ..
رد عليه ..شو بعمل هاي الرحلة ماكانت لي ولكن اعتذر السائق الأساسي وكلفوني انا وكنت متعب !!!!!!!!!!!!!!!
الحمدلله أننا لم نعرف إلا عندما وصلنا مكة ...
ونزلنا في فندق لابأس به ولكنه بعيد عن الحرم شوي ..
والمتعب فيه أننا لانصل له إلا بعد أن نصعد درج طويل ..
والحقيقة كانوا واضعين سلم كهربائي ولكني كنت متخوفة منه .يعني يسير بنا مسافة ثم ننزل ونواصل مرة ثانية ..
وحصلت مواقف مضحكة مع السلم الكهربائي علشان خوفي منه .سأحدثكن عنها في الصفحة القادمة ..
الحمدلله أدينا العمرة على خير وكلمنا أهلنا واخبرناهم أننا بخير
لم يكن معنا جولات ولكن هاتف العملة في كل مكان الله يوفقهم ..

والسلام عليكم ورحمة الله وبركاته ..
إلى الصفحة القادمة مع أحداث الإقامة في مكة المكرمة الله يعمرها بالامن والإيمان ويحفظها ويحميها وجميع بلاد المسلمين اللهم آمين .وتصبحون على خير ورضى من الرحمن الرحيم سبحانه وتعالى .

 

[جمانة الدر]

ياسلااام ممتعه طريقة سردك يالغاااليه كأني معك

اما حكااية عدم النووم في السفر فاختك جوجو يستحييل يغمض لها جفن مهما طاالت مدة السفر

حتى في الطاائرة زوجي داينا يضحك متي ويقوول كأنك انت السوااق خخخخخخ

والله ياكثر ماطاتح رااسي واغاالب النوم في رحلاتي كلها سواء سيارة او طياارة المشكل لما يناام اهل الطاائرة كللهم والرحله تستغرق نهاار كاامل او ليل طوييل واختك كااان جفوونها مسممممرة

الله يسعد قلبك ويرحم والديك تاابعي يالغلا

جوجو في انتظاارك ​

 

[ريح التوت]

رحلة ممتعه...وأحداث شيقه...لاعدمناك يالغاليه....

في أنتظااااار مواقفك بفارغ الصبر >>>وحده تعاني من نفس الحاله....​

 

[يارب نورقلبي]

وواصلنا السير وكان الباص قديم ويسير ببطيء ..ياليل ما أطولك..الناس نامت وانا أرقب الطريق قلقة ان ينام السائق مع من نام خاصةً ان الباص بصراحة يهتز وكانه هندول طفل يعني ينوم الذي مافيه نوم إلا رواق الذي يؤنبها ضميرها على من تركتهم خلفها ..وعلى المسئولية التي معها ..شاب صغير وطفلة وشغالة !!!الله خير حافظ وهو أرحم الراحمين ..
وتعب نفسي فضيع عندما يشعر الإنسان بالنوم ولكن القلق يجعله يفزع من اول ثانية يغفو فيها ...

رواق الغاليييه ...
على طاري عدم النوم وبطئ الباص ..نفس الشي قد تعرضنا له
يوم كنا مسافرين للحج ..وعند رجوعنا آصاب سيارتنا عطل في التاير
وقفنا عند مصلح وما قدر يصلحه كاملا وحرص آخوي على عدم السرعه
لانه ما زال التاير خربان ..
وصار آخوي يمشي تقريبا 60 تخيلي من مكه الى قطر بهذه السرعه
ويا ليل ما طولك ..آخوي الي جالس جنب السائق نام ومرة آخوي نامت
وآنا مبققه عيوني على الطريق مستحيل آنام وراقب آخوي الي يسوق
ونتبهت له وهو ينعس وقلت له : آنتبه لا تنام
قال لي زيين آنك منتبهه ..ومرته ما عليهااا نايمه ..وآنا الي
جالسه آحاتي الطريق ..وآقول في نفسي
جعل يسقى لوصلنا بيتنا بالسلامه ...
والحمدلله وصلنا بالسلامه ​

 

[نبراس الشرق]

رحله ممتعه وجميله ما شاء الله تبارك الرحمن

ذكرتي في هذه الرحله انك تحسين بتانيبت الضمير ليه رواق اخيتي

الحمد لله انت سافرتي بحد حصولك موافقه من زوجك

ومعاك محرم ورايحه مع جماعه صالحه ومسافره لعباده

وطاعه فليه تانيبت الضمير هل هو التعلق بالزوج ؟

ام ماذا بالعكس احس ان المفروض الزوجه تسافر

وتترك زوجها , يعني مثل ما يقولون اجازه زوجيه

حتى يحس الرجل بفراق زوجته ويشتاقون لبعض

وتتجدد المشاعر وانت تعطين لزوجك فرصه يسافر لوحده

علشان يريح اعصابه وما اجملها من رحله اذا كانت للديار المقدسه

وثانيا تعطين فرصه لابنك تحمل المسؤليه وتصرف كرجل حتى يتعود من صغره على

ذلك انا قد سافرت لمكه مع ولدي وكذلك اسمه خالد ربي يحفظهم جميعا

ومع بناتي الثلاث فكانت رحله جدا مشوقه ممتعه نسال الله القبول والعافيه .

رواق انت ذكرتي قبل ذلك عن اخذ العامله المنزليه معك للعمره وقلتي بعدين

اقولكم ياترى لماذا اخذتي العامله معك انتظر الرد بارك الله فيك



​

 

[رواق الخريف]

المااااس الغالية:
ربي يحفظك الوردتين ويسعدك ويسعدهما ووالدهما وجميع أحبابك ..

صح عليك ..الجواب ..نكسب أجر ..ونريح قلب ..

جوجو الغالية: خليك بجواري ..ربي يسعد طلتك وينور وجهك بشوفة غاليك ..
حياة الشموخ الغالية :
الحمدلله ربي حفظكم ..النعاس نعاني منه مع الأخ والأبن ..الله يحفظ الجميع ..وحج مقبول وسعي مشكور وذنب مغفور ..
ريح التوت الغالية :
ربي يسعد قلبك ويعطيك حتى يرضيك ..
نبراس الشرق الغالية:
تأنيب الضمير لأن زوجي طبعه يقول نعم ولكن من الداخل يتمنى يقول لا !!
من بداية زواجنا يقول لا ..
وبعد سنة يقول أنا أوديك ..
بعد سنتين يسمح لي ..ولكن ينكد علي بعدين ..
وعندما كنت أقول له مالي نفس في الزيارة ممكن تقول لا حتى أقول لزميلاتي زوجي رفض !!!
يقول : لن أقول لا ..؟؟!!
حتى تكون صورته جنتلمان امام زميلاتي !!
وأنا لا أخبرهن بذلك ..ولكن أعتذر بعذر حقيقي ..ليس لي مزاج في الإجتماع .
هي نصيحة أخذتها من جدتي قبل زفافي وننصحها للحبيبات البنات ..
لاتخبري النساء عن صفات زوجك السلبية والإجابية أبداً ..

وأبني من يراه يظنه في المرحلة المتوسطة وكان وسيم ربي يحفظه
وأخاف عليه ..حتى بعد أن توظف كان مرة ذاهب ليحضر طبيب لوالدتي رحمها الله ..
قال له الطبيب هو أنت معك رخصة قيادة ؟؟
قال ولدي:أفا يادكتور أنا موظف الآن !!
قال الدكتور: بسم الله ماشاء الله والله أكبر!!
قال ولدي:يادكتور أنا قد عمري ولكن الشنب واللحية ماظهرت ..
والحمدلله يوم ظهرت وفرحنا بها تم حلقها الله يهديهم لكل خير ..

 

[نزف اليراع]

مساء القهوة المزعفرة رواااقنا :35:
حقيقة نضطر أحيانا إلى السفر وهو قطعة من العذاب
أتذكر رحلتي من الرياض إلى أمريكا آآآآآآخ كم كانت متعبة
تصدقين تقريبا كانت 17 ساعة لتأخير الرحلة وتغيير الطائرة والإنتظار في المطار
من بعدها أصبت بالالام بالركب والحمد لله
هههههههه بدلا من أن أعلق على موضوعك جلست أفضفض ......:38:..​

 

[لوريس]

صباح الخير رواق الخير
طريقتك رائعه في السرد احسست اني معك برحلتك
يا حبي للسفر حتى لو تعب واحلى سفراتي كانت رحلات العمره والحج
يا الله كم احن لتلك الاماكن المقدسه اسال الله ان يكتب لي النصيب
وازورها مرات ومرات وان يجمعني بكم في تلك البقعه المقدسه
لك حبي يا رواق الحبيبه

 

[لك غلا محد وصله]

رحله حلوة وممتعه اصدقين رواق اني اتمنى اسافر في النقل الجماعي لمكه احب الرحلات الجماعيه احس فيها متعه
على انه من المستحيلات عند زوجي بس يظل حلم
لاني اشوفهم في الجمارك واحس انهم مستاانسين على اني اسئلهم في المسجد لما الاقيهم واقول ونااسه في الباص
يقولون لي لا تعب وماافي راحه بس انا احسااسي انه حلو السفر في الباص ومع نااس مااتعرفينهم ...

 

[رواق الخريف]

حيا الله نزف اليراع الغالية :
الله يفرحك بشوفة الغالية وبشوفة الأحفاد اللهم آمين ..
حيا الله لوريس الغالية :
ربي يجمعنا على الخير ويحقق أملي وأشوفكن جميعاً بجوار الكعبة اللهم آمين .
حيا الله الغلا الغالية:
ربي يسعدك ويوفقك ..الحافلة تصلح لمن عنده صبر وحلم ..
حظنا كانت الحافلة قديمة والسائق معصب والنفس متعبة والحمدلله على كل حال ..
إن شاء الله أكمل لكن الرحلة في القريب ..قد يكون بعد ساعات ..

 

[نزف اليراع]

صباح الفل والياسمين والورد الجوري رواقنا الحبيبة
شفتك متواجدة قلت ما يصير أمر ولا أصبح عليك
ونسيت صباح القهوة المزعفرة (>>رفيقتي في كل زمان ومكان هههههه
صارت دردشة خخخخخخخ

 

[فرح الشمالي]

الغلا رواق
مساك الله بلخير والسعاده

 

[يارب نورقلبي]

مساء الخيرات رواق الغاليييه
الله يسعدك يا رب ويرفع قدرك ويفرج همك ويبلغك رمضان
وآنتي بآحسن حال ​

 

[اشتاق لك@]

مساء الخير رواق الغاليه
اصعب شي تأنيب الضمير لاني شعرت بهالشعور في احدى اسفاري لااهلي
جاء اخوي لمنطقتنا واهلي كلهم اصرو علي اني اسافر لهم مع اخوي والاجازه كانت اسبوع عيد الاضحى وفرصه اعيد معهم لاني قليل اعيد عند اهلي
وزوجي سمح لي وطلع مع اصدقائه للبر انا اخذت على خاطري بنسافر ولا جلس معنا
قبل لانمشي اخذت العاب بنتي المفضله اللي دايم تلعب فيها وحطيتها
على سريرنا بعد ماطلعت حسيت بغصه وابي ابكي من حركتي بالعاب بنتي
لان زوجي حساس بعد مامشينا بساعه كان زوجي راجع من البر ودخل للبيت وشاف العاب بنتي واتصل علي
قال الله يسامحك وش سويتي فيني واجلس ابكي على الصامت وربي استحيت من اخوي
يقول وش فيها هذي
وهذا اخوي اليوم عندي واهلي قالو تعالي معه انا متردده لغرض مافي نفسي سبق وقلته لك
وخايفه ضميري يأنبني لان زوجي غير ينكد على بكلمته المعتاده انا مااصلح بدونكم
وهذي العطله انتصفت ورمضان الله يبلغنا صيامه وقيامه جاء وحنا ماسافرنا متعودين كل سنه نسافر غير سفري لااهلي وغير العمره بس السنه هذي زوجي عنده اشغال كثير وماعندنا سياره الله يسامح اللي اعدم كل سيارتنا ويهديه
معلش فضفضت بمتصفحك

 

[لك غلا محد وصله]

305447]حيا الله نزف اليراع الغالية :
الله يفرحك بشوفة الغالية وبشوفة الأحفاد اللهم آمين ..
حيا الله لوريس الغالية :
ربي يجمعنا على الخير ويحقق أملي وأشوفكن جميعاً بجوار الكعبة اللهم آمين .
حيا الله الغلا الغالية:
ربي يسعدك ويوفقك ..الحافلة تصلح لمن عنده صبر وحلم ..
حظنا كانت الحافلة قديمة والسائق معصب والنفس متعبة والحمدلله على كل حال ..

إن شاء الله أكمل لكن الرحلة في القريب ..قد يكون بعد ساعات ..
عندي الصبر والحلم مع الطريق لكن السايق يمكن ليعصب علي عصبت عليه
احب اكون في السفر رايقه واللي معي ايضا رايق
وغير كذا مااتحمل اشوف احد معصب والمسافه طويله
الله يعينك كل شي يهون في شوفة الكعبه​

[/QUOTE]

 

[رواق الخريف]

حياك ربي نزف اليراع ويسعد قلبك وعساي أشرب من قهوتك وأنا أحضر عرس ولدك اللهم آمين ..
فرح الشمالي حياك ربي ويسعد قلبك الطيب الغالي ..
حياة الشموخ يا هلا ومرحباً وحياك ربي ويتقبل منك الطاعة ويسعد قلبك .
أشتاق لك حياك ربي واسعد قلبك وحقق أملك الله يقبل مادعيت لك

وحركتك ذكية أعجبتني الله يديم بينكما المحبة والسعادة ويبعد عنكم كل الشر وأهل الشر..
الغلا وياهلا ومسهلا وحياك ربي ويسعد قلبك ..
<<<<<<<<<<<<<<<<<<<<<<<<<<<<<<<<<<
بسم الله الرحمن الرحيم
والصلاة والسلام على سيد المرسلين نبينا محمد وعلى آله وصحبه أجمعين وعنا معهم برحمتك يا ارحم الراحمين ..
السلام عليكم ورحمة الله وبركاته ..
كنت في مكة المكرمة الله يعمرها بالإيمان وطاعة الرحمن ويبعد عنها كل البلاياء وأهل الشر والعصيان اللهم آمين
نذهب للحرم بعد الأذان الاول قبل الفجر نطوف بالكعبة لأن تحية المسجد الحرام الطواف بالكعبة ثم الصلاة ركعتين خلف المقام الله يبلغنا وأياكن اللهم آمين
ونجلس في الصحن أمام الكعبة الذي مخصص للنساء ونقرأ القرآن بنتي أحياناً تنعس ولكن أحاول انها ماتنام حتى نصلي الفجر ..وبعد الصلاة ننتظر الإشراق ثم نصلي ركعتين ونطوف ونخرج من الحرم ..أنا وبنتي ووردة (الشغالة)ولدي يذهب للفندق بعد صلاة الفجر مباشرةً علشان ينام ..
ونحن نمر على المحلات ونأخذ الفطور وماء ساخن في كاسات الورق التي وضعها الرجل في داخل كرتون الببسي ونحملها للغرفة ..
وردة ربي يهديها ماتمشي معي أحياناً تتأخر وأحياناً تسبق وهذا يوترني شوي ..
وخاصةً عندما نصل السلم الكربائي أخاف أستعمله بنتي بسم الله عليها تستعمله ومعها وردة وأنا لا ..أعطي مامعي من أغراض لوردة وأنا أصعد الدرجات التي تتعبني جداً ولكن يهون علي عند السلم الكهربائي ..
وفي مرة صعدت وردة وتركتني معي الكاسات الورق فيها الماء الحار ..كيف أصعد بها الدرج ؟؟!!
ورأيت رجل الله يجزاه الجنة قلت له ..الله يجزاك خير أحمل هذا حتى نهاية الدرج وضعها هناك ..
وبعد الفطور ننام حتى الحادية عشر ثم ننهض ونتوضأ ونتوجه للحرم وعند العودة نشتري لنا الغداء ويكون ولدي معنا وكان
يحاول أن يكسر الخوف ويقول تمسكي بي ..
انا المشكلة الكبيرة عندي كيف أضع قدمي في أول درجة والباقي سهل ..
ومع أقناع ولدي وبنتي الحمدلله أستطعت أتغلب على الخوف ولكن ما أكون حاملة معي أغراض ..
بالنسبة للماء الحار الذي نضع فيه الشاي الذي سبق وشريناه
ونضع الحليب (ايه صح نضع الحليب مع الشاي)
قالت الزميلة الله يسعد قلبها خذي ترمس من الفندق وعبيه من المحل ماء ساخن ويكفيكم طول اليوم ..
ربي يوفقها ريحتني كثير ..
قال ولدي ترى لن نرجع مع الباص !!
قلت نعم الرأي رأيك قال نحجز في الطائرة نعوض المرمطة التي صارت لنا في القدوم ..
وذهب وحجز لنا يوم الإثنين ..أختصرنا الإقامة يومين ..
كنا مسافرين يوم الثلاثاء والعودة يوم الإثنين ..
وتم الحجز والتأكيد وكل شيء تمام ..
ولكن حصل أمر يوم السفر !!!!!!!!!!!!!!!!
التتمة غداً إن شاء الله رب العالمين ..
وربي يحفظ الجميع ويحقق لكن المراد ويدفع عنكن كل البلاء
اللهم آمين .