صفحات من حياتي .###.الجزء الثالث ###..عسى الله ينفع بها

[رواق الخريف]

الغالية أم مصعب شكراً لمرورك ..
الماااس الغالية :
وين الأيام فاقدتك وفاقدة نبراس الله يجمعنا على الخير دائماً ..
شوق الغالية:
ياهلا ومرحبا ..وينك ياليت نشوفك ..كنت أظن أنا فقط أحب الأستايل القديم ..والذي يشرح الصدر هذا الجديد مايطلع لي كل شوي صور نساء ودعايات غريبة ..يااارب تحفظ لنا مملكة بلقيس كما عهدناه نقية وصافية غالية ..
القمر الغالية:
ربي يسعدك ويحفظك ويفرح قلبك وييسر أمرك وجميع المسلمين آمين ..

 

[اشتاق لك@]

هلا فيك يالغاليه
الله يمسيك بالخير
قبل ساعه رجعنا من المستشفى وكالعاده فحوصات وسحب دم
بنتي من تشوف المختبر تصيح من كثر المأسي الليءصارت لهافيه
والدكاتره الله يهديهم كل مره مطلعين لنافحص جديد
بالنسبه للقاء انا حريصه عليه لاتوصين
بس انتظريني ؟؟
دخلت من الجوال لاب توب حقي مع ابو الشباب
الخط صغير هالمره مني مو من المنتدى

 

[يارب نورقلبي]

مرآحب رواق الحب والخير
ربي يسعد قلبك ويهنيك ويرضى عليك ..ويرفع قدرك يا الغاليه
ولا يحرمنا من وجودك ومحبتك وقلبك الحنون ..
ولا هنت على السؤال والتواصل الدائم ,,

 

[نقيه]

السلام عليكم ورحمة الله وبراكاته
كيف حالكم غالياتي


نصوحه لما عرفتنا عليكم علقتنا فيكم
صرت كل فتره امر عليكم اذا فضيت


رواق الخريف
جزاك ربي خير
متابعين لك

 

[ريح التوت]

الهي أرزقهااااااااااا راحة الباال بقربك...

وامنن عليهااااااااا بعفوك وغفرانك...

وجمعني بهاااااا في جناتك جنات النعيم..

هي ومن أحببتهم فيك...

أللهم أمين





​

 

[رواق الخريف]

هلا فيك يالغاليه
الله يمسيك بالخير
قبل ساعه رجعنا من المستشفى وكالعاده فحوصات وسحب دم
بنتي من تشوف المختبر تصيح من كثر المأسي الليءصارت لهافيه
والدكاتره الله يهديهم كل مره مطلعين لنافحص جديد
بالنسبه للقاء انا حريصه عليه لاتوصين
بس انتظريني ؟؟
دخلت من الجوال لاب توب حقي مع ابو الشباب
الخط صغير هالمره مني مو من المنتدى

شوق الغالية :
ياهلا فيك أنتظر إتصالك ..ياااليت نشوفك ..
الله يحقق لك كل الأمنيات ياااارب ..اللهم دعائي للغالية شوق ولكل غالية يهمني أمرهاااا ..

 

[رواق الخريف]

هل يصير معكن مثل مايصير معي ....

لا يكتمل التواصل مع المنتدى ؟؟؟ياااارب هونها ..

 

[رواق الخريف]

• 
  
  
  
  
  
  ​

​

• 
  
  
  
  
  
  
  
  ​

​

• 
  
  
  ​

• 
  
  ​

​

• 
  
  ​

التقوى أصل عظيم من أصول ديننا وسبب من أهم أسباب
الهداية والاستقامة على الدين ولقد كان الصحابة رضي الله
عنهم يتواصون فيما بينهم بالتقوى وقدوتهم في ذلك رسول الله
صلى الله عليه وسلم الذي كان أتقى الخلق لله وأعلمهم بالله
وأخشاهم لله سبحانه ..

وللتقوى ثمرات يرسلها الله سبحانه على عباده المتقين
كما يرسل المطر المدرار إلى الأرض المجدبةفتنمو وتنبت
من كل زوجٍ بهيج ..

وللاطلاع على معنى و حقيقةالتقوى حتى نجني ثمراتها
أعددت هذا البحث المبسط نفعنا الله جميعا بمحتواه ..


حقيقتة التقوى
أصل التقوى أن يجعل العبد بينه وبين ما يخافه ويحذره وقاية
تقيه منه ..
فتقوى العبد لربه أن يجعل بينه وبين ما يخشاه من ربه من غضبه
وسخطه وعقابه وقاية تقيه من ذلك .
وذلك بطاعته واجتناب المعاصي وامتثال الأوامره واجتناب النواهي

أي أن أصل التقوى أن يعلم العبد ما يُتق ثم يتقي .
قال تعالى في بيان حقيقةالتقوى :
( يا أيها الذين آمنوا اتقوا الله حق تقاته ولا تموتن إلا وانتم مسلمون )
قال عبد الله بن مسعود رضي عنه في معنى قوله تعالى " حق تقاته " :
( تقواه حق تقاته :
أن يطاع فلا يعصى وأن يذكر فلا ينسى ، وأن يُشكر فلا يُكفَر )
و قال علي بن أبي طالب رضي الله عنه في بيان حقيقةالتقوى :
( هي الخوف من الجليل ، والعمل بالتنزيل ، والقناعة بالقليل
والاستعداد ليوم الرحيل )

و قال طلق بن حبيب في بيان حقيقةالتقوى :

إذا وقعت الفتنة فأطفئوها بالتقوى
قالوا وما التقوى ؟
قال : أن تعمل بطاعة الله على نور من الله ترجو ثواب الله
وأن تترك معصية الله على نور من الله تخاف عقاب الله .

معنى التقوى

سأل أمير المؤمنين ، عمر رضي الله عنه الصحابي الجليل
أُبَي بن كعب رضي الله عنه عن معنى التقوى ومفهومها
فقال :
( يا أمير المؤمنين ، أما سلكت طريقا ذا شوك ؟
قال : بلى
قال : فما صنعت ؟
قال : شمرت واجتهدت أي اجتهدت توقي الشوك والابتعاد عنه
قال أُبَي بن كعب : فذلك التقوى.

إذا فالتقوى :
حساسية في الضمير ، وشفافية في الشعور ، وخشية مستمرة
وحذر دائم ، وتوقٍ لأشواك طريق الحياة الذي تتجاذبه
أشواك الرغائب والشهوات ، وأشواك المخاوف والهواجس
وأشواك الفتن والموبقات

وأشواك الرجاء الكاذب فيمن لا يملك إجابته الرجاء

وأشواك الخوف الكاذب ممن لا يملك نفعا ولا ضرا
​

وعشرات غيرها من الأشواك

منقول جزاك الله خير ياجمانة ..

 

[نبراس الشرق]

مبروووووووووووووك الجزء الثالث من مدونتك ربي جعلها خير وبركه

وفيها المتعه والفائده لنا ولك الاجر والمثوبه وربي يجعل


كل حرف خطته يمينك في موازين حسناتك


اعذريني على التاخير لاني ما كنت اقدر ادخل لمنتدى بلقيس


الظاهر كان فيه اصلاحات ​

 

[اشتاق لك@]

الله يجزاك خير رواق على كل ماكتبتيه هنا
متابعه لك بإذن الله
الغاليه انا متشوقه لشوفتك رحلتنا هذي قصيره جدا
واوعدك راح يكون بينا لقاء بإذن الله وراح اقولك بوقته

 

[فرح الشمالي]

أغشى الله همومك بفرج دآئم
وآجلى لك خزآئن آلرزق
ونفس كربك
وقضى حوآئجك
ورضي عنك وآرضآك

 

[لوريس]

للبداااااااااايه............شروق
وللنهاية............غروب
مقادير هالدنيا........تفرق بدون ذنوب
وتجمع.......خل مع خليل
مشى دروب.....ورا......دروب
ترى العمر........لحظه !
شمعه بسرعه........تذوب
لكن.......الاخوة....... والمعزه
شمسها لايمكن.... تغيب

 

[رواق الخريف]

حبيباتي شكراً لمن زار صفحتي ونثر الجمان فيها ..اللهم أسعد كل واحدة منكن تريد الخير للغير ..وتحب لغيرها ماتحب لنفسها ..

بسم الله الرحمن الرحيم ..

السلام عليكم ورحمة الله وبركاته ..
الغاليات على قلبي جعل أيامكن سعادة وطاعة اللهم آمين ..

عندي موضوع ودي أخذ رأيكن فيه ...
للوالدة رحمها الله صديقة من زمن بعيد ...وكنت أزورها من وقت لوقت يعني كل شهر تقريباً وأحياناً شهرين ..
ولكن لظروف كثيرة لم أزورها من شهور كثيرة ..
اتصلت علي أختي ربي يسعدها ويوفقها
وقالت:رواق ودنا نزور الخالة ....!!!
قلت لها: اي والله أن ودي أزورها ولكن كل أسبوع أقول لنفسي الاسبوع القادم حتى مضت الشهور ..جزاك الله خير رتبي مع زوجة ولدها موعد ..

رتبتي أخت الموعد وأتفقنا تمرني أختي ونذهب لها ..

الموعد اليوم الأربعاء بعد المغرب ..دخلنا عليها كانت جالسة على الكنبة وفرحت بنا كثيراً ودمعت عينها ..قبلت رأسها وكفها وتعذرت منها
وبعد السؤال عن الصحة والحال والاولاد ..
سألتها عن ولدها الكبير كيفه وعياله يعني سؤال روتيني ..قالت :ماأدري عنه ..من شهرين ماشفته !!!
أنا ماحبيت أستفسر ..ودعيت لها ..
وسألتها عن صحتها ..
وبعد صمت قصير قالت :
صارت لي قصة عجيبة ::
قلت خير وش صار ..
قالت قبل رمضان أتصل ولدي الكبير وقال تعالي عندي ..
وذهبت له وكنت كل ما أذهب أجلس يوم أو يومين فقط مع أنه عمل لي غرفة ودورة مياه وبلكونه ويحاول أن أبقى عنده ولكن
لا أستطيع بسبب زوجته الله يهديها ..
ومثل كل مرة ذهبت على أساس أمكث يومين ثم أعود لأبني الصغير ..لأن زوجته طيبة مرة وحبيبة ..
وكنت جالسة في غرفتي وشعرت بالوحدة لاأحد يجلس معي وعندما صليت العصر خرجت في البلكونه الخاصة بغرفتي
ولأن سمعي ثقيل وشوفي ضعيف وسيري بطيء صفقت بيدي لعل أحد يحن علي ويحضر يسولف معي ..

وماشعرت إلا بزوجة ولدي تأتي مسرعة وتمسكني مع الخلف وتوقفني وتسير بي بخطوات سريعة قلت لها ..وين توديني ؟؟

قالت بصوت عالي لغرفتك ..
ولم أرد عليها ..
وأدخلتني غرفتي وقفلت علي الباب !!
جلست فترة ماني مستوعبة الي حصل وبعد 45دقيقة فتح أبنها الباب ومعه البنت (أحفادي)وسأل وش حصل ؟؟
وأنا صامته لم أرد ..
وإذا بها تأتي وتقول بصوت عالي حتى أسمع حسبي الله عليك الله لايحللك ..وصارت تبكي ..وبنتها ضمتها وتبكي معها ..وأنا على صمتي

ولا أدري ماذا يحصل وكيف أتكلم ..وماهي إلا دقائق وإذا بولدي البطل يحضر من شغله ..وسأل وش حصل ..
وأنا لم أستطع الكلام ولكن قلت اريد الذهاب لبيت فلان..(أبنها الصغير)
ولاأدري كيف وصلت قريبتي وسألت أش حصل؟
قلت لها :أريد توديني لبيت أبني فلان ..
وأخذتني ووصلتني لبيت ولدي الصغير ..
وأبني البطل لم يتكلم كلمة واحدة أو حتى يستفسر عن الحاصل لي ..



وعند دخول رمضان اتصل أبني البطل وبارك لي في الشهر
وقال :ودي تفطرين معنا اليوم !!
قلت ماأقدر ..
قال ليه؟؟
قلت المرة الماضية حُبِست في الغرفة وهذه المرة أخشى تحبسني زوجتك في الحمام !!!!!!!!!
ولم يعلق بأي كلمة وقال مع السلامة ..
ومن تلك المكالمة لم يتصل ولم يحضر لزيارتي ..

والله شكلها يحزن صوتها خافت جداً ولاترى بوضوح ولاتسمع إلا إذا قربت منها ..وحركتها بطيئة جداً ..

شعرت بالحزن العميق وقلت حسبي الله عليها الله يوريها عقابها عاجلاً غير آجل ..

قالت :أنا تركتها لله وربي مايضيع عنده شيء ..
وولدي ماودي أحقد عليه ...وصرت أبرد على قلبي وأقول الحمدلله ماهو في المستشفى كان الآن أحزن عليه ..الحمدلله ماهو في السجن ...



بدون شعور قبلت رأسها ويدها وقلت الله يحقق لك ماتتمنين ويسخر لك ولدك الحمار..آآآسفة البطل ويرده الله لك رداً جميلاً ..

زوجة الولد قد صار منها مشاكل كثيرة وقطعت بين زوجها وأقاربه الأواصر ..وكذبت عليهم كذب كثير ..ولكن كان من سنوات طويلة

وتسامحت من والدة زوجها ...

ولكن هذا الموقف غريب منها !!!!

لأنه بدون سبب ...

هل لديكن تفسير ..

أنا نفسي حزينة على المسنة والله إنها تعبت وتحملت كل شيء علشان أبنائها ..والآن يصير لها هذا الأمر ..

 

[لك غلا محد وصله]

حسبي الله عليها وين مااتلقي وجهها
مهما بدر من ام زوجها ومهما صدر منها لايجوز ان تفعل فيها شئ
عورني قلبي ياارواق
على طريقتها واسلوبها في تعاامل
هي وعرفنا انها نااقصة عقل ..وولدها حشااشة جوفها
وينننننننننننننننننننننننننننه
نسى امه نسى من ربته نسى من زوجته في لحظه نسى ماافكر ان هذي امه وهذي زوجه بدالها الف زوجه
الصرااحه الشره على الولد هو اللي اعطى زوجته فرصه
القصص يااروااق كثيره مثل اللي سمعتيه من صديقه والدتك الله يرحمها
وحده من زميلاتي كانت ام زوجها قويه وكاانت تكذب على ولدها بااشيااء مااكانت اسويها زميلتي وكان ولدها يصدق امه ومع هذا كانت بااره فيها وكانت تهديها وكاانت تزورها ولا كاانت تؤااخذها حتى اكبرت في عين زوجها وااعيالها وااصلين وباارين في امهم من برها لام زوجها
ومتفوقين في درااستهم
وسبحاان الله اصيبت العمه بمرض في القلب تطور الى امرااض وفي كل مره تنااديها وتطلب انها تساامحا وزميلتي داائما اتقول لها انتي مثل امي اللي مااقدر ازعل عليها

 

[اشتاق لك@]

لاحول ولاقوة الا بالله
بصراحه قلبي اوجعني على العجوز
وزوجة الولد مدام انهاسببت قطيعه بينه وبين قرايبه
وهذي هي قطعت بين الولد وامه
الخلل فيها هي بالعكس مثل كذا تأسفين على
حالها وبالنهايه هي الخسرانه
وراح تجني مازرعته والدنيا دواره
وشفت هالشيء بواقعي
عجوز من قرايبي كانت تعاني من معاملة زوجة ولدها
مافيه داعي تشتكي لااحد واضح المعامله قدام الناس
توفت قريبتي العجوز وتزوج ولد ولدها وربي ان التاريخ يعيد نفسه
وكل اللي صار للعجوز هذا هو يصير لزوجة الولد من
زوجة ولدها واكثر من اللي صاار لها وهذي هي تشتكي منها
دايم انا وخواتي نتخذ هالعجوز وزوجة ولدها عبره لنا

ياربي الواحد مايبي من احد شي غير الريق الحلو والمعامله الزينه
اي صحيح على قولة الغلا الشرهه على ولدها
امك !! تجي بنت الناس اللي ماعرفتها الا من عدت سنوات
وتغيرك عليها

 

[القلب المهموم]

اسعد الله صباااحك يارواق الخير
كيف حالك وكيف عيالك والامورة امل والجمييع
والله قلبي اوجعني على الام العجوز
حراااام المفروض في اخر عمرها تلقى الاهتمام والعنايه والكلمة الحلوة
عشان النفسيه والامراض الله يكون في عونها
والزوجه مهما تمادت فاالزمن كفيل بعذابها
وكما تفعل بام زوجها راااح عيالها يسون مثلها
المشكله الولد الي نتشرهه علييه
الله المستعان على قولتهم خروف لزوجته على حساب من حملت وسهرت وتعبت من اجله امه
وكما تدين تدان
الله واكبر من عقابهم عندالله وراح يلاقونه في الدنيا قبل الاخرة
الله يسخر ولدهااا لها ويرجع عقله وصوابه
ويبر بامه ويواصلها

 

[رواق الخريف]

الغلا الغالية:
شوق الغالية:
السعيدة الطيوبة الغالية:

ربي يسعدكن على المرور والتعليق ..كل البارحة وأنا أفكر في الخالة المسنة وأتخيل مشاعرها وهي محرومة من مواصلة ولدها وأحفادها ..
يعني هذه هي سن رد الجميل لها ..ماتريد شيء تريد أحد يسولف معها ويذكرها بالأيام الجميلة التي مضت لها كانت
قمة في كل شيء الله ينصرها عاجلاً غير آجل ..اللهم سخر لها أبنائها وزوجاتهما وأحفادها

وحسبي الله ونعم الوكيل ..مازلت متأثرة جداً

 

[يارب نورقلبي]

آسعد الله صباحك رواق الغاليه بكل خير

آشتقت لك كثير وآشتقت لمدونتك ربي يسعدك ويحفظك
ويحفظ لك آحبابك وييسر آمورك الى ما يحبه ويرضاه ..

آحزنني جدآ موقف الآم وتخليتها ..
كيف ولدها هذآ وكل ولد يرى آمه بهذآ الموقف ويسكت ..آتعجب كيف
يهنأ بالنوم ومواصلة الحياه وآمه خرجت من عنده حزينه ومتضايقه..
الله يعين آلآم موقف صعب عليها وخصوصا لما يكون من فلذة كبدها
هذآ رد الجميل لها .. آلآن آصبحت في حاجتك فآصبر عليها ..لما تكبر الآم تصبح كالطفل
تريد من يدللها من يلبي حاجاتها .. ومن يجلس معها ويسولف ..كم صبرت علينا عندما كآنا آطفال
لذلك الله عزوجل علم آن آلابناء لن يكونوآ بارين بقدر بر آلآم فآنزل آلآيات وجعلها بعد توحيده
لعظم آجرها ..
والله آنه محروم من الخير والتوفيق ..من حرم رضا الوالدين ..
فباب الجنه مفتوح لك آلآن وآنت تغلقه ..
آغتنم وجودها فاليوم معك .. وغدآ لن تكون معك .. وستندم آشد الندم

فآنا آرى الغلط ليس على الزوجه آنما على ولدها لو كان رجلا وفيه خير
لم يرضى لما حدث من تلك الزوجه ..وهي سيتكفل الله بها عاجلا آم آجل
وسترى وستتذوق مرآرة ما تذوقته تلك آلآم ,,

آسال الله آن يربط على قلب آلآم ويسخر لها آولادها وآحفادها
وحسبي الله على كل ظالم ...



​

 

[يارب نورقلبي]

للأحبة أشواق والشوق للقاء الله أعظم ..
وبينهم وصال ووصال الدعاء أدوم ..
أسعدك الرحمن ورزقك من طيبات الدنيا والآخرة
*فأسأل الله أن يتقبل عملك ..
ويغفر ذنبك ..
ويشملك برحمته ..
وينعم عليك بفضله وكرمه وجوده ..
اللهم آمين .

 

[ضحية زمن]

مدونتك رااائعه اختي الغاليه رواق

اول مره اقرأ لك بصرحه حمستيني ومدري وين الجزء الاول والثاني

الله يوفقك ويفرح قلبك