شو اسوي مع مطلقة زوجي

[طرف الذبوحي]

مرحباا

اشحالك

ما اعرف كيف ابدي بالموضوع بس السالفه اني تزوجت برجل مطلق وعنده بنت وولد صغار

بس مطلقته ماتخليه بحاله بين مسجات واتصالات وتحاول انها ترد لزوجي باي طريقه

مع العلم انه لين الحين مايعطيها وجه ولايرد علي مسجات الا باذني لانه يقول انه يحبني وما يقدر يزعلي وان مطلقته كانت تجربه في حياته ونساها ولا يبي يتذكرها بس انا اغاااااار واايد عليه حتي مرات ازعل لو قال انها طرشت له مسج .


بس انا خايفه انه في يوم يضعف ويحن لهاا

اانا ابا مساعدتكن في هالموضوع كيف اتعامل مع زوجي ومطلقته

والسمووحه منكم طولت عليكم

شو تنصحووني

 

[Sقلبي كبيرS]

الله يعينك ياقلبي ان شاء الله البنات يفيدوك
بس اذ يغير رقمها او سويلها حظر

 

[حلوى المساء]

اذا تبغينها توقف خلي الجوال معاك وكل ما ارسلت له رسالة ردي

عليها باتصال واذا سالتك هل هذا جوال فلان قولي النمرة غلط

اسمحلي المفروض ما تزعلين ان زوجك لما يقول لك على الرسائل

اللي تجيه منها هذا اكبر دليل على محبته لك والافضل تعرفين منه

ولا من غيره

والدور الباقي من دلع وحركات وتخلينه ينساها

الله يسخركم لبعض ولا يفرق بينكم ​

 

[مستشاره2010]

الله يكون في عونك
واحسن حل هوتطنيشها وصدقيني مع الايام بتمل

 

[سوميرني]

خلي زوجك يغير رقمه

 

[غدا نلقى الآحبة]

اختي الغالية المعذرة سأقول رأيي بصراحة ولو زعلك ..

أنا والله أرحمها مطلقة وعندها اولاد صغار ,, الله يعينها ضعي نفسك مكانها ..

قال رسول الله صلى الله عليه وسلم (لا يؤمن أحدكم حتى يحب لأخيه ما يحب لنفسه) متفق عليه.

وقال رسول الله صلى الله عليه وسلم: (من أحب أن يزحزح عن النار ويدخل الجنة فلتدركه منيته وهو يؤمن بالله واليوم الآخر ويأتي إلى الناس الذي يحب أن يؤتى إليه) رواه مسلم.

وروي في مسند أحمد عن يزيد القسري قال قال لي رسول الله: (أتحب الجنة قلت نعم قال فأحب لأخيك ما تحب لنفسك).

قال خالد سعود البليهد في شرح الحديث:
وذلك أنه لما كان المسلم محسنا لإخوانه في الحياة الدنيا مشفقا عليهم حريصا على نفعهم جازاه الله بالإحسان في الآخرة وأدخله دار كرامته.

إنما يقدر على هذه الخصلة ويقوى عليها من رزق سلامة الصدر وكان قلبه خاليا من الغل والغش والحسد فمن كان كذلك سره ما سر أخاه وساءه ما ساء أخاه.

اخيرا انا اقدر غيرتك والله ولكن يؤلمني ان أرى مطلقة ولديها أطفال تعاني وتنجبر ان تذل نفسها لزوجها .. الدنيا دوارة ولو وضعتي يوم ما بمكانها لاقدر الله ماذا ستفعلين ..

 

[نو25]

والله ياغدا نلقى الاحبه اني حتى انا رحمتها وماكنت ناويه ارد والمؤمن القوي خيرا واحب من المؤمن الضعيف لانك قدرتي تردي
بس حنا الحريم مانطيق الضره لو ايش ماكان فلاتلومين الاخت والله يكون بعونها ويعوض الاولى

 

[طرف الذبوحي]

مشكورات خواتي علي ردكن علي الموضوع
اختي حلوي المساا انا اعرف مالي حق ازعل بس وايد اغااار عليه لان مسجاتها مسجات حب وشوق وعتاب مرات لانه مايرد عليها امم


انا مقدره وضعها والله بس كل حرمه عندها احساس وغيره بعد انا من قبل الزواج قلت له يفكر عدل لانه بيترك عياله عند حرمته ويمكن يكون رؤتهم صعبه بعد الزواج بس هو تمسك فيني وقال لو كانت اخر حرمه ما برجع لها

بس زوجي ماقصر في عياله مصروفهم ويزيد المصروف في الاعياد والمناسبات
اما علي الرقم صعب هو يبا رقم للتواصل لو صار شي لعياله يعرفون رقمه

ويسلموو حبيباتي علي ردكن وربي يوفقني ويفقكن في حياتكن

 

[الجده الصغيره]

لايضيق صدرك........ماراح تأثر عليه من تجربه............

 

[أهم شي مستانسه]

الله يكون بعونك خليه يغير رقمه وتتوصلين انت معها ان بغت شي للاولاد وانتبهي تزعلين هو مو ذنبه المشكله من طليقته لاتخليها تاثر على حياتك وموفقه ياااارب

 

[بنت دادي*_^]

ياحبيبتي انتي ردي عليهااا

وادخلي في عينهااااااااااااااااااااااااااااااااااااااااااااااااااا كمان

صح وضعها صعب وانتي كمان وضعك اصعب خلاص ترضى بقدر الله
والله لايكتبها علياااا :)

 

[اثار]

غذا نلقى الاحبة

راااااااااااااائعة انتي اكثر الله من امثااااااااااااااااالك

 

[الأستاذه حكمت]

تحملي لأن مافي حل انها تفك عنه غير انها تتزووووووج...

ولا بتتم ع حركاتها وانتي مالك غير الصبر,,,,

 

[باتشي وقهوه]

انا اشوف انك تعطي رقمها خدمت كنتروووول من الجوال
وبكدا مهما ترسل او تتصل ما يقدر يشوف اتصالاتها ولا مسجاتها
وبعدين انا اشووور عليكي انك تسوي له الخدمه بدون ما يدري وهي لما تدق راح يعطيها انه مقفل وكدا ترتاحي

 

[ام فيصل و دانه]

انتي تواصلي معها برسميه ان احتاجت شي للاولاد

وزوجك خليه يغير رقمه هذا الحل الوحييييييييييييييدددددد والا الله يعينك

واستغلي هالوقت دام زوجك مايرفض لك طلب ويداري مشاعرك ومطنشها

انا اقول هالكلام لان اخاف انها تستخدم كيد الحريممممممممممم انتبهي

انا اكره المراه اللي مايحلى في عينها طليقها الا اذا تزوج وينها قبل مايتزوج رافعه خشتها عنه

والحين صار حلو لانه مو لها الاخوات اللي عاذرينها كلامكم مو منطقي ابد

هي ليش ماحافضت على حياتها معه دامها تبيه وهو لو انه يبيها كان ماتزوج غيرها خلو عنكم العاطفه واحكمو بالعقل

انا اعرف وحده طليقها له خمس سنين ماتزوج بعدها لانه يبيها وخايف لاتزوج انها ماترجع له يقول بنتظرها واذا تزوجت بتزوج هذي الناس اللي حياتها صح

مو اتمشكل مع زوجي ويطلقني واقعد عند اهلي بالسنين ما اسال عنه واذا تزوج بديت مشاريع الصلح بصراحه شفت نماذج من هالنوع وما اقول الا حسبي الله ونعم الوكيل على هالناس يتركون راحه البال ويستانسون على المجاكر

 

[ما العمل]

أنا بالنسبة لي عاادي انا مثلك وتتصل عليه وعندها معاه طفل لكن والله اشفق عليها والبارحة انا من اشترى لها بيجامات حق البرد ليها وللطفل بالعكس ما اغار لو انتي واثقة في نفسك ليه الغيرة ومتاكدة انه يحبه ايش يؤثر؟؟؟ والاطفال هاداك ابوهم ولازم تبقى العلاقة وحتى لو احبت ترجع ولا هو اراد يرجعها ما تمانعي ترى الدنيااا فااايتة والاطفال في حضن ابوهم افضل لكن ان كان يكرهها ما تظهري انك تغاااري حتى تثبتي انك افضل منها والغيرة مالها داعي ...

 

[أخترتك A لدروبي]

حبيبتي حاولي ان الجوال دايم يكون في يدك وانتي اللي ردي عليها

والله لو انا اتصل عليها واقولها خلاص هو متزوج هالحين وانتي الله يرزقك بولد الحلال وحطي نفسك مكاني
والله يكون في عونك​

 

[زوجةمتفائلة]

الله يعينك ياطرف الحال من بعضه والله انها نفس معاناتي بس انا زوجي مايقولي عن الرسايل واذا جت منها رساله يمسحها واذا قلت ليش قال مابي اضايقك والمشكله عياله مايقدر يغير رقمه وهي لاصقه بس حسبي الله وهي اذا جاء الراتب تاخذ حقها كامل واذا نقص شي فضحته فالناس بس الله ينتقم منها

 

[مروج الصحراء]

بقول الصراحه ولاتزعلين هذة المره أبيتي أم رضيتي هذه أم عياله طال الزمن ولاقصر تبقى أم عياله وانت أخذتيه ورضيتي فيه وعارفه أنه أبو عيال وهو مريبط فيها والربط العيال رابط قوي مايعيقه أي شي
الدور اللي عليج هو انج تكونين واثقه من حب رجلج لج وتنمين هالحب بأنك دووم تعززين هالحب وتقولين لرجلج "أنا أعرف أنك تعتبرها مثل أختك وماعاد تعني لك شي واناواثقه فيك وفي تصرفاتك والدليل على ذالك
انك فكرت في الارتباط بيه والدليل الأكبر حبك لي

 

[charbate]

الله يكون بعونك...أنا أيضا زوجي مطلق...و عندي مشاركة أحكي فيها عن غيرتي و معاناتي...من تجربتي تعلمت أن هذا الشجار و الحديث عنها كل يوم و الأسئلة و الإتهامات كانت ستؤدي بزواجي إلى الهاوية لولا ستر الله و حلم الرجال علي...و قال لي بصراحة إني طفشته مني و كرهته فيني...
و عمليا أنصحك ما تغضبي لمايتصل بلغة أخرى ما تخليه يفكر قبل ما يصارحك أو ربما يخفي عنك...و عن الأولاد..إبدئي بالتقرب منهم بنفسك و شإعرفي احتياجاتهم...إجعلي نفسك طرف فاعل مو واحد على الهامش يراقب بس...يعني فشلي لها حجتها بالعيال...و شوفي كيف راح يقدرك إذا أحسنت بهم...راح تكسبيه أكثر...و الراجل ما يبي إلا السكينه في البيت...لا تطفشيه