شو اسوي مع ام زوجي اللي ما تخاف ربها

[فتاه]

اهل الزوج يجيبون الهمممممممممممممممممم
والله صدقتى يا نور كندا اهل الزوج ما وارهم الا وجع الراس وقيل وقاال
وحتى لو علاقتك رسميه معاهم المشاكل تجيك تجيك
انا ما انزل لهم الا يوم واحد والمشاكل وراي

 

[ام الطيار]

بس زوجي يعرف انه امه غلطانه لكنه يزعل مني وينقلب علي ويصدقها

 

[ام الطيار]

بنات وينكم الله يسعدكم مع ازواجكم وين تفاعلكم معاي انا اختكم في الله ابى مشورتكم في مشكلتي واخواتي اللي ساعدوني الله يفرج همهم ويسعدهم دنيا واخرة

 

[umm yusuf]

اسأل الله ان يبعد عنك شرها ويكفيكيها بما يشاء وكيف يشاء
ربي يسخر لك زوجك والله مالي خبرة بالتعامل مع الرجال اللي من النوع هذا ومالي لك غير دعوة بظهر الغيب
وفقك الله

 

[دمعه بلمعه]

اكثري من حسبي الله ونعم الوكيل والاستغفاروقيام الليل
الله يكون بعونك ويسخرزوجك لك

 

[بنت شبوة]

الله يصلح حالك ويسخر لك زوجك
ويهدي حماتك......
روحي لزوجك وهو رايق وانت بأحسن شكل وأطيب ريحة وأحلى لبس واتكلمي معه بهدوء
وحاولي تفهميه انك تعبانة وعليك ضغوط كثيرة من مشاكل العيال وتبينه يساعدك ويخفف عنك
وقولي له حاول تجلس مع العيال اكثر لأنهم مشتاقين لك كثير يبون يسمعون حكايات ويبون يلعبون معك
ولا تجيبين سيرة امه بالمرة
حبيبتي هذه امه (لا تنسين) لا تتكلمي عنها ابد الا بكل خير وامدحيها دايما قدامه
وربي يسعدك ويفرج عليكي ببيت فيه الخير لكي

 

[المتغيرة للأفضل]

أختي عليك بأي طريقه لكسب ام زوجك في صفك ولاتظهري امامها تعلق زوجك فيك ابكي امامها واشتكي دائما من سوء معاملة زوجك ومثلي امامها بانك ستتركين زوجك واطفالك وستذهبين لبيت اهلك لسوء معاملة زوجك عامليها كصديقه ودائما اطلبي منها النصح لعلها تشفق عليك اطلبي مشورتها في كل شيء عامليها كأنك لاتستطيعي الاستغناء عنها وكأن بيتك سيتدمر لولا وجودها اشعريها بأنها كل شيء في حياتك استشيريها بكل صغيرة وكبيرة اشعريها بدورها في حياتك وحياة زوجك وأولادك اشعريها بأهميتها في الحياة وانك لاتستطيعين الاستغناء عنها وعن تجاربها .وفقك الله أختي

 

[زهور قصري]

الله يكون في عونك حبيبتي .. اذا زوجج من النوع ما يحب المرة اللي تركض وراه .. خلاص طنشيه وطنشي امه واقهريهم وعيشي حياتك واضحكي والعبي مع عيالك ولا كانه شي صار واطبخي من ذاك الدسم واكليه انت وعيالك وكل ليلة سوي دخون وتعطري والبسي واكشخي .. شوفي نقطة ضعف زوجج وتعاليه من ايده اللي تعوره شغلي المكر والدهاء للحريم ... بعدين لا جا يراضيك عادي سوي اللي عليك بس بثقل ..لا تفتحين معاه موضوع المشكلة على طول لااااااا اصبري يومين او اسبوع على رواقة .. انك ما تحبين اي احد يدخل في مشاكلكم ... ولا ترضين اي حد يصارخ عليك امام العيال او اي احد ... يمكن عودتيهم عالهالاسلوب ... وعند امه خليك ساكته ولا تردين عليها وقوليلها مشكورة (الحقران يقطع المصران) وهي مرة كبيرة اكيد بتبالغ وهو هذي امه لازم بيصدقها ويبين لها انه زعلان منك علشان كذا يهجرك لانكم في نفس البيت .ما عليك الا الدعاء لهم ان الله يسخرهم لك.

 

[ام الطيار]

مشكورات اخواتي العزيزات على نصايحكم اتمنى لكم السعادة من كل قلبي

 

[فتاة الخير]

أسال الله العظيم ان يشغل كل ام افسدت بين ولدها وزوجته بنفسها..وأسال الله ان يريها عقابها بالدنيا قبل الاخرة..

 

[زوجةاسير]

لازم تكونين حازمه مع زوجك وامه وطنشي زوجك وخليه يجيء من نفسه

 

[ام الطيار]

مشكورات اخواتي اتمنى لكم السعادة في الدنيا والاخرة

 

[ميوسه]

عزيزتي

توجهي لمكتب بلقيس بابو ظبي

واحجزي موعد


موفقه

 

[غدير الكويت]

الله يكون في عونك حبيبتي .. اذا زوجج من النوع ما يحب المرة اللي تركض وراه .. خلاص طنشيه وطنشي امه واقهريهم وعيشي حياتك واضحكي والعبي مع عيالك ولا كانه شي صار واطبخي من ذاك الدسم واكليه انت وعيالك وكل ليلة سوي دخون وتعطري والبسي واكشخي .. شوفي نقطة ضعف زوجج وتعاليه من ايده اللي تعوره شغلي المكر والدهاء للحريم ... بعدين لا جا يراضيك عادي سوي اللي عليك بس بثقل ..لا تفتحين معاه موضوع المشكلة على طول لااااااا اصبري يومين او اسبوع على رواقة .. انك ما تحبين اي احد يدخل في مشاكلكم ... ولا ترضين اي حد يصارخ عليك امام العيال او اي احد ... يمكن عودتيهم عالهالاسلوب ... وعند امه خليك ساكته ولا تردين عليها وقوليلها مشكورة (الحقران يقطع المصران) وهي مرة كبيرة اكيد بتبالغ وهو هذي امه لازم بيصدقها ويبين لها انه زعلان منك علشان كذا يهجرك لانكم في نفس البيت .ما عليك الا الدعاء لهم ان الله يسخرهم لك.

خوووووش حجي :icon30:​