شو احسن السكن مع اهل الزوج و لا روحي ؟ كيف اتعامل معاه ؟

[هند بنت عتبة]

انا احبذ السكن لوحدك لانه تكون للزوجة ممكلتها الخاصة وتروح لأهل زوجها زواراتهم معززة مكرمة بعيد عن مشاكلهم​

 

[مزيونة البنات]

شكرا حبوبة

 

[اتعبني هواك]

حبيبتي اكييييييييييد مايبيلها كلام سواء اهله زينين اولاء لحالك امشي على المثل(خلك بعيد غلاك يزيد) واذا على الشروط خذي راحتك لاتعودينه على شي معين علشان يكون كل شي واضح ووقت الملكه عيشي كل لحظه لانك بتذكرينها وبتكون احلى ايام بعمرك وان شالله تكون حياتك كلها
حلوه .....

 

[أضواء منيرة]

آه وأصرخ بعاالي الصوت لا تسكنين
إذا كنت ما تقدرين تسكنين إلا معهم اشرطي في العقد في حالة عدم راحتك أو وجود مشاكل إنه يسكنك في بيت لحالك
أنا كنت في بيت لوحدي بعدين صار لنا ظرف يعني لازم أسكن معاهم بحجة أنه أصغر إخوانه وأمه لوحدها ,انا بطيبة مني ماعارضت لو معارضة وحده عبالي الناس بيقدرون ويحترمون طلعتي من بيتي ومملكتي الخاصة مع إني لو عارضت ماقدر يغصبني لأن فيه بديل لكن طبخ طبختيه يالرفله كليه حتى زوجي اللي شادة الظهر فيه وقلت مستحيل يظلمني يقول باستهزاء لو إنك شارطة في العقد كان يمديك تتكلمين وربي من دخلت بيتهم والمشاكل تتحذف علي من كل جهة غيرة وحسد وقذف حسبي الله ونعم الوكيل
لكن مابيد الواحد الا يقول فصبر جميل
والصبر نتيجته أحلى من العسل بإذن الله

 

[احن قلب]

شوفي يا حبيبتي على حسب طبيعتچ إذا كنت اجتماعية فسكني معاهم بس يكون مدخلچ مستقل و إذا إنتي تدرسين في الجامعة أنصحچ إذا ناس ما يحبون المشاكل قعدي عندهم ما في طباخ و تاخذين خدامتهم حق التنظيف و تغسل ملابسة و تكوي ملابسچ بخلا لو كنتي في شقة بروحچ كل شي فوق راسچ و مو معقولة خدامة من البداية لأن راح تاخذين راحتچ في اللبس و إذا ربي رزقچ بعيال تقدرين تخلينهم عندهم و أهم شي تكسبين صداقة أم زوجچ
ترى الرجل يحب الحياء في المرأة و ليس الخجلشيلي إيدچ مرة و لا مرتين بعدين خلي الوضع طبيعي و الرجل يحب الدلع بحدود لا تكونين إمعة خلي عندچ شخصية قوية لأنه يحب المرأة القوية بس كل هذي القوة في حدود في المقابل لازم تسمعين كلامة هذي الأشياء تعتمد على ذكاء المرأة بقولچ شي حتى ما تنصدمين من الواقع في بداية الحياة الزوجية تكون في مشاكل هي ملح الحياة لا تنامين و إنت زعلانة حلي المشاكل بروحكم لا تدخلين أي طرف حتى أمچ إلا إذا ظرب أو شتم لا تسكتين وتطوفين لأن في حدود حمره محد يتعداها
نصيحة عرفي شخصية زوجچ و طرق التعامل معاه
أتمنى إني أفتچ
بالنسبة لسكن بيني حق زوجچ إن بس أول سنتين أو ثلاث سنوات وبعدين نتقلين بيت مستقل
**

كلامك عين العقل وعن تجربه

 

[مزيونة البنات]

شكرا حبايبي

موفقات ان شا الله ^^

 

[ربي الطف و ارحم]

طبعا لوحدك تبتعدي عن الحزازيات و المقارنه و المشاكل ، و يكون لج استقلاليتج الخاصة و اهم من كل هذا ترتاحين ..

 

[ستيتا]

لوحدك احسن
حتى لو هما ناس مره كويسسييين
ترى لازم مشاكل و تحسسسات و خرابيط
ابعد بعيد حبك يزيييد

و اشترطي من الاول ما فيها شي

 

[*نوار قطر*]

هلا حبيبتي ..

اول شي حلو انهم يقعدون مع بعض عادي يعني وكل وااحد يشوووف شروووط الثاني ويحترمهاااا ويتفقووون من البدااايه << مافيها شي ..

وبخصوص السكن ...
والله اذا هم نااس فيهم خير ومااعندهم مشااكل مافيها شي صراااحه ..وانا من وجهة نظري اذا زوجج بيبنيلج ملحق في بيت ااهله تكوونين شبه منفصله عنهم يعني مب غرفه في البيت ..لا يكون لج قسمج الخاااص جذي اووكي لاكن اذا غرفه في البيت مب حلوو لان حلو انكم تاااخذون راااحتكم وتكون عندكم خصوصيه ..وبجي ياخليج بيت او شقه احسن


والتتعامل مع اهل الزوج مثل تكونين بنتهم تعدين امه جنها امج وابوه جنه ابوج واخوانه وخواته نفس الشي وقعد معااهم دايما وخلج وحده منهم وفيهم ولاتقولين مالي خص فيهم ..وخلج هاابت ريح من يحطون الشي قوومي وعدلي وسوي وشيلي وحطي وخلج من اهل البيت يعني مب جنج ضييفه ,,<< حسي عمرج جمج في بيت هلج ..

ولو كلمج ..
عادي خلج طبيعيه والسواالف بتيي .. بس لاتنقدين هلج ااو اخواانج (( من البدايه حسسيه بالاهتماام والحب بيي من اول مكاالمه << روومنسيه ااخت خخخخخخخخ .. بس خلج على طبيعتج والسوالف بتيي وانتي ماتحيبن (( بس المهم انج تهتمين فيه من البداااايه كزووجج مب تقولين خطيبج وكل مرحله لها شي لااااء حسسيه من البدايه بالاهتمام ..
وبخصوص المستحه الريال له طرييقه يخليج تاخذين رااحتج ..
عادي خليه يمسك يدج ماافيها مشاااكل .. ومع الايااام بيبووووسج بعد هههههههههههه

البس بوجهة نظري لبسي اللي في خااطرج من تنانير وفساتين نااعمه وباطلين وحتى جلابيات حلووه ..بس انا مااحب الوحده تلبس القصييير والكات لاااااااء القصير خلييه بعدين ^!*
ونصيحتي لج
اهم شي اتحطينه في بالج انه حياااتج مع زوجج مالها نهايه ,,
وزوجج هو سندج عقب ماتتزوجين ..هلج صح ومالج غنه عنهم صح بس زووجج غييير ..
والله يوووفقج حبيبتي ..

واسمحيلي على الاطااله والتفلسف الزااايد << ههههههههههه بس حبيت ارد على كل نقطه ^^

 

[في طور التكوين]

اسكني لوحددك افضل حتى لو كان اهل الزوج طيبين

 

[مزيونة البنات]

مشكورة حبوبة

 

[الجده الصغيره]

جربنا السكن معهم...........لاااااابد من المشاكل وتظل البعيده هي الأغلى.........

 

[اشراقه جديده]

للحالك وخليك طبيعيه ودلوعه وقولي شروطك وحياويه
واحلى تحيه للبنات الامارات وقطر وابو ظبي انتي منهم صح لهجتك هيك تدل
موفقه

 

[أم المهندس]

اااااااااااااااااااااه بس وهذي يبغالها كلام طبعا لوحدك

ماأقول غير ليت الأيام ترجع بس​

 

[مزيونة البنات]

بس اذا هو ما يروم يوفر سكن ؟؟؟؟