شو احسن السكن مع اهل الزوج و لا روحي ؟ كيف اتعامل معاه ؟

[مزيونة البنات]

شحالكم حبوبات

ابا اخذ رايكم بشين الا و قبل العرس يوم الخطيب و الخطيبة يلسون مع بعض مع وجودالمحارم و كل واحد فيهم يقول شروطة , هالشي زين ؟ و لا لاء

يعني الوحده تسمع الريال و هو يقول شروطه و هي تقول شروطه

و ثانيا هو السكن بعد العرس

شو احس ان الوحده تسكن مع اهل ريلها و لا روحها ؟

مع العلم ان اهل الريل ناس اوكيييييي مب مال مشاكل اهم شي عندهم سعاده ولدهم

و اذا الوحده سكنت مع اهل ريلها كيف تتعامل معاهم ؟ يعني اذا كانو نحوس شوي



انا ابا اخذ رايكم بكمن شي ^^ <<<< قلت مالي غير خواتي و حبايبي

احينه يوم الريال يملج على البنت ... كيف الوحده ترمس ؟ كيف تتعامل معاه ؟

و على فكره اذا هي تستحييييي واااايد على طول الخدود حمر

و بعدين يوم يمسك ايدها شو تسوي تخليه و لا عاادي ؟

و شو لازم الوحده تلبس ؟


موفقات ان شا الله ^^

و بث

مشكورين حبايبي

 

[فلفلة]

لوحدك طبعا

 

[فتاة الخير]

السكن من وجهة نظري اسكني لوحدك واشرطي بيت مستقل عشان تبقين في نظرهم محترمه وابتعاد عن الحزازيات والمشاكل..
اما من ناحية مسك اليد وغيرة خليك فتاة محترمه حيويه بحدود طبعا بدون تصنع لان الطبيعه احلى..اهم شي تكوني واثقه من نفسك وغامض لاتصيري كتاب مفتوح .

 

[القاسية الحنونة]

طبعاً السكن في بيت مستقل افضل فيه خصوصية واستقلال ببيتك ومملكتك الخاصة

 

[مزيونة البنات]

^ ^

 

[عطر اللحظات]

اسكني لوحدك

وافرضي شروطك على زوجك من البداايه

علشان الكل يكوون على بينه​

 

[سهم العشق]

الافضل لوحدك يا اختي واذا كنت تسكني في نفس العماره مثلا خذي شقه منفصله عنهم عشان تأخذي راحتك 00 ​

 

[ملكة زوجها]

والله بدوووووووووون تفكير لوحدك حبيبتي وافرضي الشروط اللي تبغينها
وبالنسبه للملكه خليك عطبيعتك والحيا جدا حلو حتى هو بيعجبه

 

[al-jore]

الله يوفقك حبيبتي وييسر امورك انا ساكنه مع اهل زوجي واتمنىىىىىىىىىىىىىى اطلع بيت لحالي لان الي ببيت لحالها لها احترام لانها بعيده وماتختلط فيهم كثير من وجهة نظري الله يعيين

 

[*ملكة الحب*]

اسكني لحالك

 

[توتا 050]

شوفي يا عمري كل الحظه معها اتمتعي فيها كان ميسك يدك احلى شي وبنسبها انك تسكني عنداهلها اذاكان في بيت مستقيل بس بنفس العماره عادي وخلي ام زوجك زي امك وابوه زي ابوكي والله اتعيشي بسعادها دايم وربي يسعدكي طوووووووووووووووووول العمر وتكوني قرة عين الزوجك دعوتكي الي

 

[سهول تهامة]

اذا تبغين تشوفين النجوم في عز الظهر اسكني مع اهله..........

 

[حور المنصوري]

حط يحط صبعه في عينه يالغاليه ....... مهما كانوا طيبين وياج ....حق من حقوقج سكن مستقل

 

[فاطمة أحمد]

شوفي يا حبيبتي على حسب طبيعتچ إذا كنت اجتماعية فسكني معاهم بس يكون مدخلچ مستقل و إذا إنتي تدرسين في الجامعة أنصحچ إذا ناس ما يحبون المشاكل قعدي عندهم ما في طباخ و تاخذين خدامتهم حق التنظيف و تغسل ملابسة و تكوي ملابسچ بخلا لو كنتي في شقة بروحچ كل شي فوق راسچ و مو معقولة خدامة من البداية لأن راح تاخذين راحتچ في اللبس و إذا ربي رزقچ بعيال تقدرين تخلينهم عندهم و أهم شي تكسبين صداقة أم زوجچ
ترى الرجل يحب الحياء في المرأة و ليس الخجلشيلي إيدچ مرة و لا مرتين بعدين خلي الوضع طبيعي و الرجل يحب الدلع بحدود لا تكونين إمعة خلي عندچ شخصية قوية لأنه يحب المرأة القوية بس كل هذي القوة في حدود في المقابل لازم تسمعين كلامة هذي الأشياء تعتمد على ذكاء المرأة بقولچ شي حتى ما تنصدمين من الواقع في بداية الحياة الزوجية تكون في مشاكل هي ملح الحياة لا تنامين و إنت زعلانة حلي المشاكل بروحكم لا تدخلين أي طرف حتى أمچ إلا إذا ظرب أو شتم لا تسكتين وتطوفين لأن في حدود حمره محد يتعداها
نصيحة عرفي شخصية زوجچ و طرق التعامل معاه
أتمنى إني أفتچ
بالنسبة لسكن بيني حق زوجچ إن بس أول سنتين أو ثلاث سنوات وبعدين نتقلين بيت مستقل
**

 

[مزيونة البنات]

^ ^

شكرا حبايبي

 

[بارونة القمر]

طبعاً لوحدك...

 

[نيل المنال]

لحالك ياروحي احسن لك وابعد لك عن المشاكل

 

[@غلا @]

سكني في شقه مستقله بعيده عن اهله احسن لك واحسن لهم عن المشاكل ووجع الراس

 

[مزيونة البنات]

مشكورين

 

[فرتاج الحب]

طبعا السكن لوحدك عمري انا ساكنه مع اهل زوجي بنفس العماره لكن شقه مستقلةومع كدة احس انهم معايا في نفس الشقه لانهم يراقبوني في الطلعة والنزلة ومتى خرجت ومتى جيت واش اشتريت حتى ضيوفي ما اخد راحتي معاهم