شوفو خطيب اختي وش سوى ...برد الله وجه عديم المروه!!!

[^_^الشامخه^_^]

لازم اختك تدخل المنتدى وتشوف الحياة علىحقيقتها ولازم يكون فيه تسمع اختك كلامه ويفهمهاوتبطل من التناحة اللي هي فيها معليش لاتزعلين مني لكن تحتاج احد يفتح مداركها الله يستر عليها

 

[ياربي انصرني]

لاحول ولاقوة الا بالله--- الزواج اللي يجي من عادات موروثه وفيها اجبار البنت او الولد على الزواج من نفس القبيله يكون الزواج سلبياته اكثر من ايجابياته

لان الزوج يشعر ان هالمرأه انفرضت عليه او الزوجه تشعر بنفس الشعور

مشكلة اختك تعتقد ان المجاملات اللي بالملكه بتستمر بعد الزواج

وموقفه مع امك بيتكرر اذا اختك ماخذت موقف حازم حتى يحترم امك

واذا هي تغاضت عن الموقف ماراح يحترمها وبيغثها

ولما رفضتوا ان اختك تنزل لبيت جدتك على طول استرخص اختك واهان امك وقال خلي بنتك عندك
لاتستغرب اختك اذا تلفظ عليها بكلمات مشابهه بعد الزواج

الله يهدي اختك المفروض تكون شخصيتها اقوى من كذا وتقدم احترام امك فوق كل شئ

وخطيب اختك مستغل المشاكل اللي بينكم وبين زوجة ابوك ومستضعفكم كونكم ماتريدون زوجة ابوك تعرف عن مشاكلكم000

كل هذه المعطيات تبين ان اختك ستعاني من هذا الزوج المتعنت 00

اسأل الله ان كان هذا الزوج بيسعدها ان يجمع بينهم على مايحبه ويرضى وعلى الخير وان كان بيشقيها الله يصرفه عنها ويبدلها بالزوج الصالح00

 

[جمالي فن]

طيب كم عمر اختك ..؟؟؟؟

ليه ماتميز هي انه مومهتم فيها...

ولوتضغطوا عليها ترا والله من صالحها بعدين
يعني انتي اختها ووافهم منها نصيحه لاتتأخرون
بأخذ القرار الصائب​

 

[coffe & milk]

تدرين ان أختك رفعت ضغطي أكثر من خطيبها.قوليلها لو هو محترم ما كان سوى حركته مع وحده كبيره في السن وفي بيتها وما خذ بنتها وهي أصلا خالته..شكل أختك ضعيفة شخصيه.

 

[الليدي صبا]

هذا لسا ما أخذ اختك وكذا مسوي اجل لو صارت معاه ايش بيسوي بعد؟؟
لازم احد يوقفه عند حده
ويقوله حنا لسا على البر واذ هذي اولها ينعاف تاليها
واحس امك غلطانه لما نادته كذا اعطته اكبر من حجمه الحين صار شايف انكم ماتقدرون تستغنون عنه بدليل هو يطنش امك وهي تركض وراه وتقوله تعال الله يوفقك
زي ذي النوعيه اعتقد يبغالها الشده وتظهرلوله انكم بايعييييييييييييييييييييين ورجال بداله عشره اهم شي الاحترام

والله يهدي سركم

 

[حياتي عطاء]

شوفي الي هذا اوله ينعاف تااليه يعني قلة الحيا طلعها كلها وماحترم احد حتي امك
اذا بعد الزواج اش تتوقعين يسوي اكييد مشاكل اكثر لازم تكشمونه من الاول لاتخلونه
يطاول عليكم هو شكله مستقوي ولا شايف احد ق

​

دامه نصيحتي فركشو الخطبه وفي الاول والاخير استخيرو والله يقدم الي فيه خيير

 

[رازيا]

مع نضوج انثى نفس الكلام

 

[لحن الفراق]

والله انه مايستحي ويقهر
لكن الشرهه على اختك والله قهرتني
لكن خلاص انسي السالفه مدام اختك ببالها كذا والله مايتغير
مايصير لها الا اللي كاتبه ربي

بس هدي انتي​

 

[fajr algla]

الله يريح بالكم احسني ارتحت لما قريت ردودكم
احس ضغطي ارتفع وانا اكل بعضي
امي لما راحت ودها انو الموضوع مايكبر ويوصل للرجال
ابوي مايرحمها لوصار شي خصوصا انو الوضع متوتر هاليومين بين امي وابوي
ابوي يقول انتن دائما تجيبن المشاكل يقصدنا البنات ..
اختي عمرها 22 والله العظيم انها كانت قويه وتبرد القلب بهرجتها وماترضى الغلط على نفسها
بس من يوم ملكة وهي حالها كل يوم اردى من اللي قبله..
اصلا لما صارت المشكله مادقت علينا احنا يا خواتها المتزوجات وقالتلنا واستشارتنا
ولا عندنا خبر انه بيشوفها وهي عارف ردت فعلنا لكن همشتنا وخلتنا على جنب ..
وهو يقول انا معطيها خبر من اسبوعين..وانا ماكلمتها من صارت المشكله احس اني لو اشوفها
ابضربها لين تعرف ان الله حق وتبطل غباء..
وبالنسبه لمشاكلنا مع مرة ابوي قلتاها حطيه فالصوره وبين له انو الموضوع مايهمنا عشان مايصير نقطة ضعف لها
يعني تعطيه فالوجه ولا تعبره لان هالاشكال ماتنعطي وجه
القهر وين انو كان يقولها اتمنى قبل تدخلين بيتي تكلمين امي ..اتمنى(وهو مشاكلهم للسماء مع زوجه ابوه)ويحاول يعوض امه وخواته عن النقص اللي مسببه ابوهم ...
وقالها عن المشاكل اللي بين اهله ..
والله يابنات اني بنام ماني قادره احس راسي بينفجر من كثر التفكير
اقول ياليتني كنت موجوده فبيت اهلي (لاني كنت رايحه لهم بس ضرسي يعورني حسيت اني تعبانه واجلتها ).
.قدر الله وماشاء فعل ...
​

 

[الأمل المفقود]

وربي زوجي مره استحقر امي بموقف والحين بان حبه طلقني بالثلاث لانه مايقدر لاصغير ولاكبير

واحس زوج اختك نفس الطبع لو تفتك منه الحين احسن لها

 

[مدمنة صبر]

والله لو مكان اختك لا ازعل كل شي الا امي والله لو وصلت للطلاق !! الرجال بداله مليوون رجال بس الام من بدالها !!!

 

[حياتي عطاء]

شوفي حبيبتي انا سبق ورديت عيلك بس باطلب منك انك تعزمين اختك عندك في البيت وتتكلمي معها بهدوء
وحاولي تفهمين منها ليش هي خاضعه له لهدرجه وقوليلها ان الخاطب دايما يحب يختبر خطيبته باموور معينه وهويطلبها منها وياكد عليها انها اذا ماسوتها معناتها ماتحبه ومنن ذا الكلام وجيبيلها قصه من راسك انووحده من صاحباتك طلب منها خطيبها طلب مثلا ( علاقه فمويه ) وانها اذا ما لبت طلبه بيتركها وهددها لكنها رفضت وبعدين كلمها انو كان بيختبرها وانها نجحت ولو لبت طلبه كان سوى العلاقه يعدين بيتركها ........ وحولي تفهمين كيف علاقتهم مع بعض واذا تاكدتي ان مافي شي وان شاء الله مافي شي فركشو الخطبه لان شكل اختك
طيبه وعلى نياتها مرره او انها صغيره بالعمر

​

ما ابغاكي تفهميني غلط بص صراحه خضوعهاله مررره اقلقني

 

[DHN 3oOD]

للاسف لانه حس ان اختج ماحطت قيمه لامها وحركته عيب يسويها واختج غلطانه دخلته البت وامج محد ولا كان لها اهل وهي بتندم بس مو الحين الله يهديها

 

[الشتاء الدافئ]

طولي بالك علي شوي لان رأيي بيكون مخالف لما سبق ..
اولا انا اجد لاختك الصغيره العذر فهي تعيش قصة حب مع خطيبها سواء كان يستاهل او لا ولاتريد تنغيصكم..
وبذلك تهرب معه من مشاكلكم مع زوجة ابوكم ..
من حق البنت تعيش يومين حلوين ..
المفروض مشيتوا الموضوع وقت زيارة خطيب اختك خاصة انكم محاطين بالاعداء الشامتين ..
امك واخواتك في ظني من الناس الطيبه التي تتعامل باندفاع ووضوح مع المشاكل ..
ومادام ابوك قاسي مع امك وزوج اختك غير متحضر كما يبدو وزوجة ابيك تنتظر عليكم الزله
فالاسلم انكم تلموا الموضوع وتقطعون الحديث فيه تماما وتكسبون زوج اختك بطريقه او اخرى ..
اقترحي على اختك او اخوه يعزمونه بعد فتره وقدموا له شتى انواع الضيافه
ولامانع ان تستقبله امك وترحب فيه وتمدحه وبذلك تحرجه ..وسيجعل قدرها فوق رأسه غصب عليه ..
علمي اختك بحب واهتمام كيف تتعامل معه وتعلمه احترام اهلها
واتركي عنك الاسلوب الجاف الذي لن تجني منه شيئا ..
علميها ان تقول له ان امي تمدحك وتوصيني عليك وان اخواتي يحسدوني عليك ومن هالكلام اللي يجيب راس الرجال ..
متى ماحس بالانتماء اليكم اصبح ابنكم وسند لكم وقهرتم به الاعادي ..
الحكمه والتروي والدهاء مطلوبه في التعامل مع الزوج القريب ..
بهذا تختصرون على انفسكم اياما طويله من المشاكل والقيل والقال ..
لاتعتبرين التصرف بحكمه وهدوء اهانه لامك بالعكس قدر امك عالي لايزيده سلام ابن اختها ولاينقصه هجره ..
تعاملوا برقي تحرجون الاخرين ..الله يوفق اختك ويسخره لها ويكفيكم شر من به شر

 

[*حبيبة*زوجها*]

لا حول ولا قوة الا بالله

في الغالب زواجات الاقارب فيها حزازيات

والمشكله الرجال مايفهمون هالامور

واختك اعبرت امك ورغبتها

شكلها تحبه عشان كذا ماهمها غيره

لكن بكره بتفهم كل شي وتذكر حركتها وتندم

لان كل شي الا والام والاهل قدام الزوج

مهما كانوا

 

[طبعي فريد]

الله يعينكم عليه هذا وهوقريب

 

[حبيب قلبي123]

الله يهديه ماعندي شي اقوله بس حبيت ارفع الموضوع

 

[رقة وانوثه]

لن ازيد على البنات ماقصروا صرااااااااااااااااحه


رأيي ان لا تستعجلوا بالزواج

 

[مـلاك الصغيرة]

دائما في هالفترة تصير مشاااااااااااااااكل احسن شي زوجوهم وافتكوا



​

--------------​

 

[القوية]

أتفق مع كلام الشتاء الدافىء........
المفروض ان يكون لأختك شخصيتها القوية وأن تحاول أن تكسبه وبكل الطرق .......يبدو ان من حولك يملكون من الدهاء والمكر الكثير........وانتم طيبون حاولوا أن تكسبوه بالكلام الحلو والمعسول وخصوصا أختك وأمها..........وأظهروا له بانه من العائلة أستشيروه بأموركم ليس بقمته عندكم وأظهروا له مدى حبكم له.........وانشاء الله أمورك تنحل