شلون أصير شاطرة وبيتي يصير مرتب .. بليييز ساعدوني ياشطوووراات

[دمعة بريئة]

الله يعين شغالتي راحت وأنا مو متعوده
ع الشغل بس بشد حيلي إدعووووووووولي

 

[دموع الصمت]

قبل ماتنامي قولي

سبحان الله 33مرة

والحمدلله33مرة

والله أكبر34مرة

​

 

[حلمى ابقى معاك]

مشكلتك نفس مشكلتى انا كنت فاكرة انى الوحيدة اللى تشتكى وما تقدر تسيطر على شقتها وكنت مكسوفة من نفسى جدا لكن موضوعك جعلنى احس انى لست الوحيدة .سبحان الله انا ليا اختى الاكبر منى شعلة نشاط والله لدرجة انها تكوى ملابسها وملابس اطفالها الداخلية تخيلو وانا ما اكوى حتى العباية التى اخرج فيها والله كل ما نزورها ونزور اخوات زوجى .زوجى دايما يقولى شوفى الزوجات ايش يسو فى بيوتهم انا بقيت مكسوفة جدا ولا اعرف ايش اسوى حتى زوجى نفسه اللى يتهمنى بالكسل والاهمال لا يساعدنى ودائما يرمى كل حاجة على الارض حتى السجاير يطفيها على الارض حتى لو كنت ماسحة الارض ومهما اقول له ينسى هو وابنتى لا يتوصو فى توسيخ البيت ابنتى لسه طفلة الله يخليها لى .لكن زوجى يقولى انا متعود على كده انا اوسخ واهلى ينظفون والحين انا متزوج يبقى انتى تنظفى والله طفشت

 

[حبيبة روحها]

نفس الحالة انا عندي طفلين والا الان حوسة وحالتي حالة وزوجي جنوبي غربي يعني تعب من جد

 

[فرادق]

والله شوفي يبيلك يوم أجازة تنفضين هالحوسه عن بيتك وبدون تذمر وبعدها يبداء التنظيم
قومي من الصبح مع اني مااظنك لانك حامل بس تعزمي وقومي واجمعي الغسيل كله وافصليه عن بعضه
يعني بعض الملابس يبيلها غسل باليد بعضها بالغساله وبعضها بس ييبيلها ماء علشان تروح التجاعيد
شغلي الغساله ومن ثم وهي تشتغل على الملابس اغسلي ملابس اليد وانشريهن بسرعه ومن ثم ملابس المجعده
وخلا الفترة تكونين خلصتي من ملابس اليد دعي الغساله تدور على مافيها وانتي دوري بالبيت روحي اول شي لغرفتك ورتبي السرير وانفضي ماعليه من غبار وغيري المفرش وعلى الغسال على طول وغيري المفرش ومن ثم قومي على ادراج الدولاب واياحبذا لو تستعينين بمنظم الادراج فله من الفوائد العظيمه الجليله اللتي اعجز عن وصفها للترتيب وخلافه رتبي ادراجك وتخلصي من كل مالم تلبسيه وراحت موضته وحطيه بكيس خاص ولاترجعين له وهكذا ورتبي ماتبقى منها في درجك ودرج زوجك وجزمكم اكرمكم الله ورتبيه ومسحيه وعطريه ولاتسمحي للحوسه بالعودة مجددا لانها ترهقك وتحط من انبساطك
خلصتي من مكان الراحه روحي للمطبخ مسحي الفرن وحطي عليه القهوة كان قهوتكم جنوبيه شبي عليا خليها تطبخ وانتي تشتغلين وافتحي ادراج المطبخ وتخلصي من كل ماعون ماله ام الداعي وحطي درج لك ولزوجك كوبين وصحنين وملعقتين وهكذا لى قدكم ويصير هذا درج لكم حتى لاتتراكم المواعين على سطح المجلى ونظفي الباقي ودخليه بالدروج ومسحي المجلي وامسحي المطبخ وتخلصي من كل بيز وفوطه عثى بها الزمن
ثم الى باقي الشقه واماكن التلفزيون وتخلصي من كل مايعيق التمسيح واستعيني بالريشه ذات اللون الاسود لنفظ الغبار
وياحبذا لو تجيبين المجفف الكهربائي للملابس والغساله الاتوماتيك و
ثم اذهبي الى الغساله فالوقت المستغرق في دورانهاقد طال ولاتستحق الملابس كل المدة لانها شبه نظيفه ولكنها لازاله الرائحه واثار العرق وغيره (اولا ملابس البيضاء ذات القماس سهل التنظيف كالثياب ثم سراويل السنه ثم الطواقي ومن ثم الفانيله وباقي الملبس القطنيه وضعي النيل الازرق مع الصابون ليسهل علك ومن ثم باللينور وانشريها وتابعيها ومن ثم اجمعيها واعطيها للزوج المصون عند الكواي وبعدها يالغلا نظفي غسالاتك وضعي صابون لملابسك ومن ثم للفوط والمناشف وللباقي وبعدها قومي بلاستحمام وتغيير ملابسك واللقيام على زينتك واتصلي على زوجك ليحضر معه حلا للقهوة وتمتعي بيوم حافل بالانجازات وبعد الاستراحها ذهبي الى اي مشواروهكذا طبعاً باقي الثلاجه يالغلا خليها بيوم اخر حتى تجهزي ماتحتاجيه للاسبوع لوجبة العشاء وبكذا تكونين خلصتي والحمدلله واحرصي على عدم الحوسه بااي مكان اول بااول وعدم استخدام المواعين الا اللي خصصتيه لك فقط حتى لاتكثر عليك المواعين وبالهنا والعافيه
تقبلين يالغلا ذكرت لك يومياتي عندما كنت طالبه فااحببت ان افيدك
وفقنا الله واياك

 

[فيونكة فوشي]

حبيبتي ماقصرو البنات كفو ووفو بس حزيد للطبخ جيبي الخضار من الحلقة وهي فرش وقطعي حقت الايدامات وحطيها بالفريزر ووقت ماتبغي تطبخي تلاقيها جاهزة
او ممكن بالليل وانتي فاضية سوي الايدام اللي تبغية لغداء بكرة ولما يستوي ع الفريزر على طوووووووووول وحمية اليوم الثاني ولا اسهل

 

[راجية الغفران]

جدول احسن شي الجدول سويته ملون وطبعته علشان يفتح نفسي ولزقته على الباب علشان اشوفه وحددت الساعات اللي اكون فاضيه فيها
يعني السبت غسيل الاحد كوي الاثنين ترتيب الدواليب وصدقيني المقسمات مررررريحه مررره الثلاثاء تنظيف دورات المياه وانتي بكرامه ومسح الثلاجه الاربعاء مسح البيت كامل من الغبار الوهكذا وخلي كنس ومسح البيت يوم ورا يوم والمواعين لاتتركينها تتراكم اول بأول غسلي وبترتاحين وسجلي بالجدول الايام والساعات المطلووب فيها الشغل ولو جى وقت التنظيف اللي مسجلته بالجدول لاتتعاجزين قومي وخلصيه وكذا بترتاحين وبيظل بيتك نظيف على طول ولازم تعودين نفسك على الترتيب والسنع لان راح يجيك بأذن الله طفل وراح تزيد الضغوطات خذيها نصيحه ولاتخلين زوجك يشوف عليك حاجه انتي نظيفه ومرتبه وبيتك كذلك وكل شي بذكر الله يخف ويتسهل​

 

[انثى رقيقة]

هذي خويمتي يالشقرا نظيفة والله ماتقدرين عليها
بس ماتبدليني بشوشتس

خلاص بنتقهوى عندك حبيبتي بس غطي الشوشة لاينزل شئ مش تمام في القهوة .

 

[jasmine]

السلام عليكن .......
يا حبيبتي أنا مثلك جنوبية غربية و زوجي جنوبي شرقي و عندي جامعة و طفلة صغيرة .....
و ببداية زواجي كنت أعاني مثلك كتير .الدواليب و الثياب اللي ما تخلص ...
الحين تحسنت شوي ...صرت يوم العطلة قوم من بكير و أعمل الأشياء اللي ما أقدر أساويها خلال الأسبوع ( الكوي ، الغسيل ، مسح الغبار ....)
وخلال الأسبوع اعملي كل شي أول بأول ...ثيابك اللي لبستيهم اليوم لما تبدليهم فورا افرزيهم للدولاب و للغسيل ... علمي زوجك يضب ثيابك إذا قدرت مع إنه إذا مثل زوجي مـــــــافيه أمـــل !!!
نظمي نفسك من الداخل ينعكس ذلك على البيت ....وتجدين نفسك مرتاحة
لاتقولي عندي بيت و زوج و جامعة و و و ...أنت بالواقع ما بتعملي كل شي مع بعضه
لما تكوني بالجامعة فوقتك للجامعة و بس
ولما تكوني بالبيت فوقتك للبيت و بس عدا أيام الانتحان
و لما بيجي زوجك فوقتك له و بس .........و لا تطالبي نفسك فوق استطاعتك ....واسألي الله المعونة ..بالتوفيق لك

 

[ريماس البدو]

الله يعينك صراحه

انا نفسك مرات وكثير بعد بداية عرسي كنت كذا

اروح اجيب خدامة اهلي واخليها تساعدني

وبالنسبه للكوي اشتري كواي بخار تساعد كثير

والدولاب اشتري صناديق عبي فيها باشكال حلوه عبي الملابس الداخليه والبجايم والشغلات فيها

وتعودي عالترتيب انك ماتتركي الشي بمكانه عودي نفسك اول باول تشيل عشان مايتراكم عليكي


الله يعينك حنا متعودين عالخدم وانا بصراحه صارتلي مشاكل بسبب الترتيب والتنظيف لما ماكان عندي خدامه


الله يعز الخدم هههههههههههه

 

[أنفاس الليل]

والله انكم صادقين مشكله اللي يتعود على الخدم ..لما كنت ببيت اهلي كنت مرتاحه لا تنظيف ولا غسيل ولا كوي
لكن بعد الزواج صدق شفت الويل بداية زواجي مع اني كنت موظفه الا اني كنت اشتغل واطبخ وانظف واغسل واكوي
لكن بعد حملي تعبت وتركت الوظيفه وجلست عند اهلي شهر ولما جيت للبيت والقاه انواع الحوسه
جبت خدامه نظفته والحين يبيله تنظيف وترتيب بعد اجواء الغبار والمطر وانا الحين صعبة حركتي وماني رايقه ابد
لا للتنظيف ولا للغسيل اتمنى ان هذا الكسل بس فترة الحمل واذا ولدت ارجع على نشاطي الاول
حتى السرير اتعيجز ارتبه ..زوجي دايم يقول انتي من حملتي وانتي صايره ماتهتمين بالبيت بصراحة انحرجت من كلامه:30:

 

[أم عايشه 2009]

السلام عليكم ورحمت الله وبركاته

الله يساعدج ويكون بعوونج فعلاً ,,, انه حااسه فييج خاصه اني كنت مثلج بالجامعه ومتزوجه وبعديين

حملت وكانت اوضاعي سيئأه واايد نسااتي قويييه والشقه شوي كبيرة وعندي التزاامات دراسه

ونظافه وتعب وزوجي يعني صعب صعب أني اوفق بين الأشياء وكان في وقتها اتدرب فيي مكان

دازينه الجامعه فييه يعني طول اليوم أغلبييه مو موجوده مته ارتاح ؟ ومتى أنظف؟ شي صعب

لكن معلييه ان شاء الله ظروفج اهون نظفيي ع رااحه وانه من قبل قريت لي موضوع عن هالسالفه

واحيين في رد تقريباً مثل الي بااقوله لج بس بعض التغيرات وان شاء الله يعجبج وجربيي كذا طريقه

يعني لاتميين ع منوال وااحد كل مره غيرري عشان ماتمللين

السبت : غسل الثياب + غسل المطبخ ان وجد ...

الأحد : كواي ...

الأثنين : ترتيب الكبت ( الدولاب ) ...

الثلاثاء : تنظيف الحمامات الله يعزج + مسح الثلاجه تنظييفها وتعديل الأكل الي داخلها ...

الأربعاء : مسح البييت من الغبار كله من صاله وحجره ومطبخ وبااب + غسل ثياب يعني اذا غسالتج اوتوماتك بتوفرين وقت قطي ثياب في الغساله وقعدي نظفيي ...

الخميس : أرتاحي تنظيف الأغراض البسيط ...

الجمعه : حاولي تروحين بيت أهلج عشان مااتسوين شي ومااتعفسون ...

ملاحظه مهمه :_

# خمام البيت ( كنسه ) يومياً , أما بالنسبه للمسح الرخام ان وجد يوم وترك ...

## طبعاَ شي غني عن التعريف تعديل حجره النوم يومياً + مع تبخيرها ورش بخاخ ديتول منعش وملطف الجو عن الغبار واايد حلو وصحيي ...

### تنشير الثياب يكون ع عاتق بعلج زوجج خلييه اهو ينشرهم بالصطح لأن ياخذ وقت ...

#### جلي الصحون ع طوول من ماتخلصيين من كوب او صحن او شي ع طول غسليه لتخلين شي يتراكم لأن وصاخه وحراام في حديث مو حااضرني عن الرسول ( صلى الله عليه وسلم ) , لكن بما معناه ان ماتراكم الصحون فيها أكل لأن تسبب رائحه وسخ وحشرات يعني مضر ...

##### بالنسبه للقماامه كل يوم طلعييها من الشقه تخلصيي منها يومياً وشعار الأيمان ( النظافه من الأيمان ), أي الأسلام ورسولنا الكريم حثنا ع ذلك وبما فيه من حسنات لنا وفواائد لكي لاتسبب لنا الراائحه النتنه والحشرات الضاره ...


%%%% شكراً لج أتمنى اني افدتج وأفدت نفسي معاج خخخخ خاصه ان عندي بنوته عمرها سنه و

مطلعه عيينييي واايد انظف مكاان ماالتفت وارد الا اوسخ بكثير يعني نزلت 10 كيلو من الشقه ومن

بنتي الله يسااعدنيي ويسااعدج ويسهل علييج %%%

~~~~ تقبلي مرورحي ~~~

​

 

[بنوته كيوووووته]

خلاص بنتقهوى عندك حبيبتي بس غطي الشوشة لاينزل شئ مش تمام في القهوة .

ما انصحك :no:
طيعي شوري
بتنزل اشياءات

 

[**نبض القلب**]

بإذن الله انزل اسم كتااااااااب مرة روعة
عن ترتيب البيت
ساعدني كثير بعد الله

 

[انثى رقيقة]

ما انصحك :no:
طيعي شوري
بتنزل اشياءات

:33::33::33:

 

[فديتة الغالي]

هلا
والله انا مو كسولة قبل لا جيب شغالتي بس ارااكم الشغل والثيااااااااب وكل شي ومرة وحدة اسوووية واتعب مرررة
وحملت وتعبت وجاب الي زوجي شغالة ارتحت وحسيت اهملت كثير اولادي الصغار بالصبح مع الخادمة
بس لمن رااحت وجلست انا الي انظف وكل شي

حسيت نفسي مرتاااحة وزظجي كثير مستانس ​

وحدة ومتزوجة وعندي 5 اولاد اثنين بالمدرسة ​

و3 لاتهم اصغار ماراحو لا روضة ولا مدرسة ​

صج عندي شغالة ​

بس راحت من اسبوعين ​

تعرفي شلون نظامي واحس بمتعة في تنظيف ​

اجلس الصبح 5 ونصف البس الاولاد ويروحو المدرسة ​

عاد البقية راقدين ​

اقوم اول شي احط الملابس بالغسااالة ​

وبعدين طوالي انظف الحمامات الله يكرمكم ​

وعلى طول غرفة الاولاد ترتيب وتنظيف ومسح وافتح انوااافد ​

وبعدين الصالة انظفها من والا من مسح عن الغبار وكنس وترتيييييييييييييب ​

بعد ماخلص يبالي ساعتين تقريبا بعدين ارجع للملابس واحطهم باليباسة ​

وبعدين على الساعة 9 يكونو الاولاد جلسووو على طول فطور وبعد مايخلصون اروشهم دام هم يتروشووون انا اقوم بتنظيف غرفتي كاملة وحتى الدولاب ​

كذا خلصت ​

والساعة 11 ابدي طبااااخ ومايجو الاولاد وابو لعيااال من العمل الى كل شي جاهز ومرتب ​

وبعد الغذاااء الساعة 2 انيم اولادي 3 ​

وابدي بتعليم الاثنين لين الساعة 4 ​

كذا خلصت ​

اقوم اريح الي ساااعة ​

واجلس ولمغرب ابدي اسوي العشاء ومازال البيت مرتب والساعة 11 ارقد الاولاد وقوم بكي الملابس وبس ​

طولت عليكم هههههههههههه ​

وسلامتكم ​

والله شي مررريح ​

واحسن من تنظيف الشغالة ​

 

[عزتي فيه]

شرقي جنوووبي يحب القعدة في البيت ويحب كل شي تقليدي ويبيني اكوون مثل امه الشاطرة الي تشتغل مثل نحلة مااااشاء الله لحد الحين ..

ريحتيني في النقطه هاي انو يحب المرأه الشاطره اللي تشتغل مثل النحله ويحب اكل وطبخ البيت حلوووو

والله بس بيتوتي مشكله والله وتقليدي برضوا شئ مررره حلو مع انو انا متجدده بحكم اني شماليه شرقيه

فشماليتي تشتغل كثيير من ناحية التجديد

(( الوحده تنظم وقتها وبيتها وترتب روحها وتجدول وقتها ووالله وترتاح والاكل كل وجبه في وقتها ترتاحين كثييير

والله وبالتوفيق لك يارب ))

 

[احساس حنان]

ههههههه اليوم اكتشفت في ناس كثير مثلي يللا مو مشكلة..
عن نفسي ما اقصر اذا جاني ناس ابيض الوجه بس في الايام العادية صايرة كسوولة مع الحمل شقتي صغيرة ومو قادرة اسيطر عليها في بيت اهلي طبعا متعودة عالخدم بس لازم نتغير يا بنات للافضل >>> حملة لا للكسل نعم للترتيب

 

[ارج ـوان]

حبيبتي عودي نفسك على الترتيب في البداية خلي أحد يرتب معاك البيت كامل عشان تحسين انك مرتاحة وبعدين خلاص نظمي شغلاتك ووقتك زي ماقالولك البنات وسبحي واستغفري وانتي تشتغلين جربي وشوفي النتيجة وسيكون لك الله خيرمعين لأن حتى الأيام هذي مافي شغالات والله يعينك

 

[الجده الصغيره]

هذي مشكلة الجنوبيه..الفوضويه..........زوجك الشرقي يحب الترتييب..لازم تكونين تملين عينه..ويموووووت على طبخ البيت..ويحب ريحة البخور داائما فايحه بالبيت..

رتبي لك جدول..وحددي مهامك...وكل شوي سوي لك شغله وريحي...مثلا دخلتي تتوضين للصلاة..عبي الغساله وحطي الملابس وغسلي الحمام...دخلتي المطبخ لاااتطلعين الا وهو مرتب عشاان مااترجعين له

الكوي عند الكواي عشان يبي له وقفه...وبالترتيب يكون بيتك جنه...​