حبيبتي أنا سويت بحث على النت سريع على كذا موق أجنبي وطلعت بالتالي على فكرة أنا عايشة في أمريكا وأول مرة أسمع عن هذي الخلطة بس الليمون مجربته ولازلت يساعد على طرد الفضلات من الجسم ويعادل الوسط القلوي في المعدة خاصة غذا كان أكلك كله دهون ومواد مصنعة نجي للكمون أنتي عارفة أنه الكمون يساعد على التخلص من الغازات والغازات مرات كثيرة وخصوصا قبل وأثناء الدورة الشهرية وأخوانا من الشام يستخدمونه في الأكلات اللي تحتوي على ألياف وايد مثل العدس والبرغل وأنواع البقوليات والزهرة وكلها تسبب غازات قالمون يساعد على التخلص من الغازات
اللحين اللجمع بين الليمون والكمون بالتأكيد مفيد وأنا اللحين قدامي كاس شاي بارد مكون من الليمون والكمون والشاي الأخضر أنا دايما عندي شاي أخضر بارد في الثلاجة عشا متى ما اشتهيت عصير أو شي بارد مليت لي كاس بقى اللي سويته ضفت عليهم خلطتك
اللي أقدر أقوله اللي تعاني من زيادة الحموضة في المعدة أنصحها بتقليل الليمون أما الكمون فهو ممتاز وأا اضيفه على كل الاكل حتى لو ما شربته كشاي ما لقيت للأمانة أي مضار للكمون من خلال بحثي