شات ***جمهورية مصر العربية***

[om mano]

معلش بكتب الموضوع مقطع لانى لما بكتب كلام كتير مبيتبعتش

 

[ورودة حالمة]

الموضوع انى اكتشفت ان جوزى بيخونى

اهدي كده يا قمر وما تستعجليش


وروقي دمك اغلبية الستات في الزمن ده بيواجهو الامر ده

بس غالبا بتبقي نزوة والسلام

المهم تعرفي تديري الامور كويس وبهدووووووووء وعقل


ومنتدانا دا شاهد على حكايات كتير


المهم نوع الخيانة اية واكتشفتي ازاي


وحبة حبة باذن الله حتفرج


وصدقيني انتي الاقوى باذن الله

 

[om mano]

اصلا هو لقيته لابس دبلتين وقالى ان واحدة باكستانية ادتهاله علشان صلحلها اللابتوب بتاعها طبعا كلام مش مقنع قلتله كذا مرة يقلعها مفيش فايدة قلتله طيب علشان متحرجنيش ادام اهلى اخد الموضوع تهريج ومقلعهاش جيت امبارح مسكت ايده وبقلعهاله قالى سيبيها اصل الدبلة التانية -بتاعتى انا يعنى-واسعة وبتقع من صباعى هو لابس ال2فوق بعض قمت قلعته دبلتى وقلتله خلاص خليلك اللى مبتقعش

 

[ورودة حالمة]

كملي كان الله بعووونك

 

[om mano]

10 دقايق اقوم أأكل نونا وراجعالكم

 

[ورودة حالمة]

يا بنات اية رايكم نجتمع ع الماسنجر احسن

دا طبعا بعد اذنك يا ام مانو


اصل الحكاية دي يمكن مينفعش تكون ع العام


ها اية رايكم

 

[هالةالقمر]

لا الموضوع محتاج بنوته
حد يتصلنا بيها يا اخوانا

كملى علشان انا دمى فار
بس على فكره دى حركات معروفه من الممرضات الاجانب اللي هنا

 

[هالةالقمر]

وروده عادى يا بنتى ما المنتدى كله نفس الحكايات
ربنا يصلح لهم الحال ويهديلهم ازواجهم

 

[الملاك الوردى 2]

معلش يادكتورة شيماء مرديتش عليكى بس ربنا عالم باللى انا فيه بس نصيحة مهما حصل متبهدليش اولادك حتى لووافقوا انك تاخديهم الشغل معاكى صدقينى هيتبهدلوا جدااااااااا اسألى مجرب
بس لو انتى شايفة انك بشغلك هتخففى عن جوزك وتقللوا سنين الغربة تعالى على نفسك شوية بس الدوام يكون خفيف مش فترتين والكلام العبيط ده ده انتى كده تبقى بنتحرى والافضل تصلى استخارة وربنا يارب يكرمك باللى فيه الخير ليكى ولاولادك

عندك حق حبيبة قلبى ربنا يقدم اللى فيه الخير

بس طمنينى عليك حبيبتى مالك يارب يكون خير شكلك مضايقه احكى وفضفضى وربنا هيسهلها من عنده انشاءالله

 

[الملاك الوردى 2]

ايه يابنات ايه اللى حصل فينكم بجد انا محتاجاكم اوى عايزة احس ان فى حد جنبى لان مشكلتى متتحكيش لحد غير ليكم مينفعش لا لاب ولا ام ولا اخت ولا صديقة لان صاحباتى مش متجوزين ولا حتى قرايبى اقدر احكيلهم بجد مش عندى غيركم يقدر يشيل شوية من همى

سلامتك من الهموم حبيبتى الف سلامه ربنا يفك كربك يارب ويسعدك قلقتينا قولى مالك

 

[om mano]

لو عايزين نتكلم على المسنجر انا موافقة انا اساسا مكنتش عايزة احكى هنا بس من كتر ماانا خايفة اتصرف تصرف اندم عليه قلت اقولكم تشوروا عليا

 

[الملاك الوردى 2]

مساء الخير

ام مانوو
خير مالك طمنينا عليكى


د/ شيمو
عملتى ايه فى المقابله بتاعه الشغل

اذيك ياقمرايه والولاد عاملين ايه

والله لسه على المغرب كده اكيد هاقولكم انشاءالله

 

[om mano]

عامة انا فتحت الياهو ولو فى حد عايز يكلمنى عليه ابعتوا الايميلات على الخاص

 

[الملاك الوردى 2]

السلاااااااااااااام عليييييييكم

اولا انا مش عارفه اقول لكم ايه والله ونعم الاخوات ربنا مايحرمنى منكم ومن ذوقكم ياااااارب اللهم امين
وانتوا طيبين كلكم يارب وولادكم وحبايبكم كلهم طيبين ياااااااااااااارب

اولا انا هعمل تورتايه النهارده لايوده كده وكمان عشان افرح ادهم بالشهاده
مع ان يومها جبناله حاجات ونزل مع بباه اخترها وكده يعنى الحمد لله شجعناه بس برضه هعملها واقوله انها ليه كمان

ثانيا
ام مانو
انا كده قلقت اوى يابنتى لازم تقولى فيه ايه وان شاء الله نحلهالك لان واضح انك مش عارفه تتصرفى ولو اتصرفتى هتبوظى الدنيا
فالافضل تستشيرى الاول عشان نقولك الوضع ايه والحل ايه
وربنا يهديلك الحال ياااااااارب


ثالثا
الدكتور القمر شيمو
بصى ياقمر انا عن تجاربى فى الشغل والمقابلات
انتى بتروحى المقابله عادى حتى لو هى لوظيفه مش مناسباكى وبتتكلمى وتقولى ظروفك كلها اذا اوك هيمشى الموضوع اذا مش اوك خلاص نروح وخيرها فى غيرها
لازم تتكلمى عن الدوام انه مش مناسب ليكى دوامين واسالينى انا عن الدوامين بهدله وتعب ومسخررررره
لازم تتكلمى عن الراتب
تتكلمى عن الاجازات السنويه الاسبوعيه
ثانى حاجه موضوع ان موسوسه من الخدامات والكلام ده عادى اوووووووووى
انا اول مااشتغلت قعدت شهر بعيط وبروح الشغل واتفتر من العياط هناك عشان سايبه ابنى مع الخدامه
واول ماارجع قبل ماافتح باب الشقه اقعد اتصنت على الباب اسمع بتعمل ايه والولد كويس ولالاء
بعد كده خلاص الوضع بيبقى عادى وبيتغير
يعنى طالما فيه شغل كويس ومش هتقدرى تضيعيه
توكلى على الله ودورى على وحده كويسه <<الكويسين كتير اوى على فكره الجنسيه الهنديه احسنهم
واستودعيهم وانتى نازله عند ربنا امانه
وفيه ناس بتودى العيال عند مربيه بره البيت بصراحه قمه البهدله للعيال ياعينى عشان يصحوا بدرى وينزلوا فى البرد مثلا ويروحوا عاوزين يناموا ليه يعنى كل ده
طب ماللى هتيجى البيت اولا هتريحك شويه فى شغل البيت وكمان ولادك فى بيتهم وسرايرهم ومرتاحين
انتى سيبيها على الله وان شاء الله لو فيه خير هيكون

كلبوزى النوزى
وحشانى ياروووح رووووحى
طمنينى عليكى الله يكرمك
وداومى على العلاج بليز وان شاء الله خير ياحبيبتى


كتكوتى بقلوظى
الف سلامه على مريومه ياحبيبتى واتطمنى وطمنينا الله يخليكى

شكرا حبيبة قلبى والله كلامك جميل ويريح هنشوف ربنا يقدم اللى فيه الخير يارب

 

[om mano]

انا عارفة انها نزوة بس ليه انا والله بهتم بنفسى وبيه مشكلتى بس انى مبعرفش ابدع فى الاكل بس كل اللى هو بيحبه بعرف اعمله وبيتى وابنى نضاف وانا كمان الحمدلله والله شكلى مقبول جدااااا وخسيت وجسمى مظبوط الحمدلله وبنت ناس كويسين ومحترمين وكمان مش مبهدلة فى لبسى ومحافظة على بيته وعلى ماله يعنى هو باعت كل فلوسه بأسمى ولااستغليت ده ولاصرفت قرش غير لما قلتله

 

[sherwetta]

الكلام ده ع الماسنجر يابناااااااااااااات

بلاش هنا ياام مانو

تعالوا يلا الكل يفتح الماسنجر حالا

 

[om mano]

انا فتحته اهه تعالوا انتم

 

[om mano]

بس بسرعة لانه قرب يصحى وانا مش عايزاه يحس ان فى حاجة لغاية مااعرف هعمل ايه

 

[sherwetta]

اصل احنا معانا ضيف اكيد هيموت ويعرف بنتكلم على ايه فبلاش احسن

 

[ورودة حالمة]

بناااات احنا نجتمع ع الايميل احسنننننننننن


كنت بكلم شيري وبرده بتقول الماسنجر افضل


يالله بينا افتحو الايميلات


هالة ود شيماء ابعتو ايميلاتكم بسرعة


وسمااا انتي مش ع الماسنجر ليه