شات ***جمهورية مصر العربية***

[الملاك الوردى 2]

ام نوران ازى البنات

 

[تحيا مصر]

مساء الفل

أنا الحمدلله أحسن
بس اللى تاعبنى هبوووووط جامد
مش اقدر اقعد
اشوفكم بخير
دعواتكم
سلاااااااااااااام

الف سلامه عليكى كلى حلويات واشربى عصير وكمان احسن تقيسى ضغطك
ولو واطى اشربى كوبايه نسكافيه بترفع الضعظ

 

[تحيا مصر]

ام نونو
ربنا يبعتلك تلج لحد عندك من غير ماتتحركى

انتى عارفه المشكله فى ان الجو جاف خالص مفيش مطر خالص

 

[الملاك الوردى 2]

نيفو اذيك وازى البنات

 

[تحيا مصر]

الحمد لله ياشيمو بخير كويسين

 

[الملاك الوردى 2]

شيرى انت ساكته ليه

 

[بنت اسكندرية]

حبيبة
الف سلامة عليكي
يالا هانت وربنا معاكي وتقومي بالسلامة

 

[om-noran]

شيمو

الحمد لله احنا كلنا بخير..بس الاجازة ( اجازة نص السنة ) طالعة على دماغي...وزكزوكة بتتفسح وهاقوم اغيرلها..ههههههه..هي كمان انتهزت فرصة اني قعدت على الكمبيوتر واداتها...يععععع

 

[om-noran]

بنت اسكندرية..
اخبار معدتك وودانك اللي طولت ايه...عرفتي السبب..بس اعتقد ان موضوع الودان ده تهيؤات والله اعلم

 

[sherwetta]

انا جييييييييييييييييييت

اصل انا اتدبسسسست يارجاله

عارفين الموضوع بتاع عضوه فى المطبخ اللى فى العالم؟

اخر واحده كانت الاخت لاتحزنين واختااااااارتتتنى فلذلك وحتمن ولابودن بحاول اعمل اى حاجه عشان اسد بيها

مع ان والله برداااااااااااااااااانه

وحشتونى كلكم ياقمامير والله

وكل اللى تعبان الف الف مليون سلامه عليكم ياااااارب

وخدوا دول
مره واحد محمل فراخ وهوه معدي علي كمين سالوه الظابط محمل ايه قالو فراخ يابيه قالو بتاكلهم ايه رد عليه السواق باكلهم علف ودره ام الظابط لا الفراخ مايكلوش علف و دره دول بيكلو لانشون وبسطرمه وراح عملو مخالفه غالسواق بعد مامشي جه عالكمين التاني فالظابط بيسالو محمل ايه قالو فراخ يا باشا قالو بتاكلهم ايه قالو لانشون و بسطرمه قالو ازاي الفراخ بتاكل دره وعلف مش لانشون وبسطرمه وراح عملو مخا لفه وبعد السواق مامشي وجه عالكمين التالت فالظابط بيسالو محمل ايه يا اسطي قالو فراخ يا باشا قلو بتاكلهم ايه بص يا باشا انا بدي كل فرخه نص جنيه وهيه تاكل اللي علي مزجها


مرة واحد بيسألوه ايه سر الرومانسية اللى انت فيها مع مراتك على طول؟؟ قال لهم اصل احنا محافظين من زمان على عادة رائعة بنروح نتعشى فى مطعم رومانسى مرتين فى الأسبوع انا يوم التلات وهى يوم الخميس

واحدة نايمة جنب جوزها سمعت صوت في الصالة قالت لجوزها قوم شوف يمكن حرامى.. قالها قومي شوفى انتى يمكن حرامية


مرة واحدة بتقول لجوزها: تعالى ودينى المستشفى .. ماما هناك وعندها حالة تسمم ... راح قايلها : لازم عضت لسانها بالغلط


عريس بيقول لعروستة لازم تعرفي ان كلمتي في البيت زي الساعه بصتلو بنظرت غضب...قالها يعني لا بتقدم ولا بتأخر

مرة واحد غبي راح يخطب فوالد العروسة بيقولة احنا عايزين مهر عشرين الف جنية قام الغبي قالة لية دا انا قدامي واحدة على خمس تلاف وحامل

واحد قال لأبوه بابا عاوز أكمل دراستي بره قال وايه المشكلة، قول لأمك تفرشلك في الحوش بس خد بالك لتبرد

مره واحده حامل ابنها الصغير بيسألها:ايه اللي في بطنك ده يا ماما قالتله :ده أخوك يا حبيبي...تاني يوم و هوه في المدرسه المدرس سأله:انت عندك اخوات؟ قاله:كان عندي واحد بس ماما أكلته

مره طالبه مشاغبه المدرس اشتكاها للمدير المدير بعتلها قال لها "عملتى ايه؟" قالت له "ولا حاجه رميت ورده من الشباك" قال "بس كده؟" قالتله "اه" بعد شويه لقى طالبه مدغدغه ومكسره سالها "ايه الى عمل فيكى كده؟" قالت له "انا ورده الى اترميت من الشباك." خخخخخخخخخخخخخخخخخخخخخخ

 

[om-noran]

شيري...

خيييييييييير يا حجة....هاتفضلي على كده سيادتك كتير؟؟؟

ماقلنا الملخص باقي الطلبة اشتروه قبلك..روحي المكتبة اللي جنبنا يمكن تلاقي عندهم نسخة فاضلة..ههههه

 

[sherwetta]

واحد بخيل دخل على ولاده وقعد يزعق بصوت عالى علشان مشغلين المروحه على 3 وهما 2 بس ههههههههه

مرة في 3 بخلاء راحو لي تبرع لجمعية خيرية فالاول قال انا حطلع مبلغ و ارميه علي الحيطة و اللي يلزء حتبرع بيه اللي يوقع اخدو انا و التاني قال انا المبلغ اللي احدفو في السما و يلزق حتبرع بيه اللي ينزل حخدو انا و التالت قال انا حرسم خرم و ارمي الفلوس اللي يوقع جوة حتبرع بيه

ظابط مسك واحد مسطول بالليل كان معاه حشيش سأله انت بتشرب حشيش؟ قاله ايوه يا باشا، وبتاجر فيه كمان؟ قاله ايوه ، تاني يوم اتعرض على النيابة سأله وكيل النيابة انت بتشرب حشيش؟ قاله لا يا بيه، طب بتاجر فيه؟ قاله لا يا بيه قاله ليه قلت للظابط كده؟ قاله كنت مسطول يا بيه

مرة واحد بيروح بيتة كل يوم سكران قام من النوم الصبح وقال لمراتة انتى يا ولية كل يوم تسيبى نور الحمام منور، مراته ردت عليه اتنيل انت اللي كل يوم بتخش الثلاجة

اتنين مساطيل ركبوا اتوبيس بدورين اللي فوق سأل اللي تحت انتوا ماشيين بسرعة كام؟ قاله 80 و انتوا؟ قاله لا إحنا السواق لسة ماجاش.

 

[sherwetta]

مره ثعبان قابل ثعبان لقاه بيعيط قالوا انت بتعيط ليه رد اصلي انا نظري ضعيف قالو بسيطه ركب عدسات وبعد يومين وهو معدي لقاه بيعيط تاني قالو انت بتعيط ليه تاني، رد اصلي اكتشفت ان اللي بحبها من عشرين سنه طلعت خرطوم

 

[sherwetta]

كان فى مرة فيل كل يوم يمشى يدوس على النمل فالأستاز فوزى قائد النمل عمللهم اجتماع وقال فيه احنا لازم نموتة ، فاتقسموا مجموعتين مجموعة نطت على جانبة اليمين راح باعدهم ومجموعة نطت على الشمال راح باعدهم وفضل فوزى فى النص فكل النمل من تحت قعد يزعق : موته يا فوزى موتة يا فوزى

مرة واحد ركب دش فوق السطح فعلشان ماحدش يقرب منه من السكان بنى حواليه كوخ وقفله وقال للسكان انا حاطط أسد في الكوخ ده فمحدش يقرب منه أحسنله ، السكان فضلوا خايفين يطلعوا السطح لحد مايوم الشجيع بتاعهم طلع وراح فاتح الكوخ راح نازل جري ووشه أصفر السكان قالولوه ايه شوفته ، قالهم لأ أنا شوفت الطبق اللي بياكل فيه بس

مرة واحد غبي راح حديقة الحيوان فضل واقف امام قفص النسر عدت ساعة والثانية و الثالثة الحديقة هتقفل رحله الحارس وقلة انت و اقف ليه كدة من الصبح ,, الغبي قاله ادفع نص عمرى و اعرف بيختمو بيه الورق ازاى

 

[om-noran]

طيب...

كويس والله يا شيري..غبتي غبتي وجاية بنكت...بس حلوين,,انا قريت اللي في المشاركة الأولى ولسة الباقي..

ايه المطبخ والعالم؟؟ مش عندي فكرة

 

[om-noran]

هههههههههه

حلوييييييييييييييين يا شيري

 

[om-noran]

 

[sherwetta]

اهلا اهلا ام نورانو

اه انا وقعونى من الضحك خصوصا بتاعه ورده اللى وقعت من الشباك والتعبان ابو خرطوم خخخخخ

العالم اللى هو السيكو سيكو يامزه

المهم انتى عامله ايه والبنات اخبارهم ايه؟

 

[om-noran]

 

[sherwetta]

آآآآآآآآآآآآآآآآآآآآآآآآآآآآآآع

آآآآآآآآآآآآآآآآآآآآآآآآآآآآآآع

يالهو بالى يالهو بالى

هههههههههههه

تانى حاجات ومحتاجات من اللى بتتلبس فى الرقبه