شات ***جمهورية مصر العربية***

[امرأة لن تنحني]

موقف غريب عجيب حصلي امبارح
.
.
.​

واحدة غلبانة كانت بتجيلي زمان​

يتيمة الأم ووالدها متجوز وكالعادة مراته بتكرهها وبتضايقها وهو لاحول ولاقوة وسايبها عايشة لوحدها في غرفة صغيرة إيجار وكان دايما جيرانها يضايقوها​

كانت بتجيلي ساعة ساعتين تشكيلي همها وظلم أهلها وجيرانها وتمشي​

اتصلت بيا امبارح الساعة 4 الصبح بتعيط وحسيت ان عندها مشكلة​

طلبت مني تيجي تنام عندي الليلة دي​

بنتي كانت عند باباها (زوجي السابق) وزوجي مش موجود​

قلتلها تعالي​

أشفقت عليها وقلت أكيد جيرانها ضايقوها وطردوها واهلها مش قابلنها​

قلت خير وجالي لحد عندي لما أكسب فيها ثواب :clap:​

قمت أحضرلها أكل وقلت أخليها معايا كام يوم ولو أقدر أساعدها بأي حاجة تسعدها وتفك كربها عشان ربنا يفك كربي​

"من كان فى عون اخيه كان الله فى عونه"​

باب العمارة كان مقفول نزلت فتحتلها الباب لقيتها واقفة تكلم واحد في الموبايل وبتتخانق معاه... إبتديت أقلق :sly:​

طلعنا ودخلنا شقتي ​

رفعت نقابها لقيت وشها وإيديها كلهم بقع سودا غريبة :busted_red:​

سبتها تاخد نفسها وإبتديت أسأل​

إيه اللي في جسمك ده؟​

بسبب الزعل​

مين وصلك؟​

أبويا وأخويا​

كنتي بتكلمي مين تحت؟ ​

كنت بتخانق مع أخويا​

طب لما أبوكي وصلك ما أخدكيش عنده ليه؟​

مراته مش طايقاني مانتي عارفة​

طب أخوكي؟​

عنده ضيوف وبيته مليان ومفيش مكان​

طب مارحتيش بيتك ليه؟​

سيبته من رمضان.. دول كتفوني وكانوا عايزين يدوني إبرة​

إبرة إيه؟​

مخدرااااااااااااااااااااات... ماهم بتوع مخدرات :busted_red:​

​

قالتلي ممكن التليفون الأرضي؟​

قلت لها لا عايز يشحن " تليفون لا سلكي "​

طبعا كلمة مخدرات رعبتني وخفت تكلم حد تليفونه متراقب وتجيبلي مصيبة​

وقلت والله مستحيييييييييل أنيمها عندي​

يمكن متورطة في حاجة وجايه تستخبى عندي​

ده غير اللي في جلدها يمكن يكون معدي وتنقل العدوى ليا ولبنتي ​

قعدت أفكر أعمل إيه​

كلمت ماما وعملت إني لقيتها عيانة ولازم أروحلها​

الساعة 5 الصبح​

مستحيل أروح لماما بجد​

قلتلها يلا بينا على ماما وسيبت الموبايل في البيت​

قلت أنزلها وأطلعها برا العمارة وأعمل نفسي إفتكرت الموبايل وأقول إستنيني وأرجع أقفل باب العمارة وهي ربنا معاها بئى :dunno:​

هي اللي إفتكرت الموبايل قبل مانطلع من العمارة :shiny: ​

قلتلها كويس انك فكرتيني هاطلع أجيبه إستنيني​

طبعا طلعت جري ودخلت شقتي وقفلت الباب وشيلت فيشة التليفون وعملت الموبايل سايلنت وقعدت ساكتة ومرعوبة :shutup:​

طلعت وقعدت تخبط جامد عالباب وتعيط وتصرخ وصوتها فظييييييع... إحنا وش الصبح والدنيا ساكتة وصوتها عالي​

إتصلت بيا.. دخلت أبعد غرفة في الشقة وقلتلها إنتي فين؟​

قالتلي على باب شقتك​

قلتلها يبئى إنتي طلعتي على السلم في الوقت اللي نزلت أنا فيه في الأسانسير​

" إحنا كنا فاكرين الأسانسير عطلان لكن بعد ماسيبتها وطلعت لقيته إشتغل فتوقعت إنها مش هاتاخد بالها لانها في نص السلم وهاتطلع على رجلها"​

واضح انها أصلا ماصدقتنيش قعدت تعيط وتصرخ وتقولي ليه تعملي فيا كده حرام عليكي​

ماعرفتش أرد عليها من صراخها وعياطها وقفلت السكة​

بعد كده سمعت صوتها في الشارع بتعيط وبتصرخ​

أنا في الدور 11​

تخيلوا صوتها عالي ازاي​

فضحتني​

شوية ولقيت واحد غريب بيكلمني​

طبعا هيى عطته رقمي​

سالني الست دي مالها؟​

قلتله الست دي مش طبيعية وأنا خايفة منها الله يخليك خليها تمشي ومش تطلعلي تاني أنا لوحدي​

قالي أنا كمان لاحظت إنها مش طبيعية وأنا دلوقتي هاوصلها عند أخوها​

أنا ضميري مأنبني اوي ​

حسيت إني كنت غبية وقاسية معاها وكمان إضطريت أكذب كذا كذبة بس والله كان الموقف مرعب :icon1366:​

هي أصلا يابنات مش طبيعية شوية​

مش عاقلة ومش مجنونة أوي يعني بس غريبة وأنا كنت باشفق عليها​

بس مرض جلدي.. ومخدرات.. لااااااااازم أخاف وأترعب​

لو مش هاخاف على نفسي هاخاف على بنتي​

شوفتوا العيد بتاعي جميل إزاي :shutup:​

 

[كلبوزه هانم]

حبوبتى ..........الصبار ده جميل كل الى استخدمه بيشكر فيه وانا فعلا بجد بفكر اعمل زى الفلبينيه دى

ابقى اساليهالنا على حاجات تانيه بتعملها ولما بتولد بتشرب ايه عشان بطنها تنزل لانهم اواريب بس الغالبيه عندهم خبث فطرى خلى بالك منها
اساليها بتشتريه منين؟؟؟؟؟؟؟؟؟؟؟؟



نونوتى الف سلامه عليك انت وبناتك وجوزك ربنا يشفيكم يبطه ............انا باة من كثر مبشوف الفلبينو دول مخلصين الرجاله المصريين عندنا بتقهر على بنات مصر الى عماله تعنس..........بس ان جيتى للحق فى ناس تستاهل طلباتهم كثير وطماعين ومقرفين وبناتهم بتدفع الثمن ده لو مكنوش زيهم اصللا


ام هاجر ماشاءالله ربنا يعينكم على الثلج بجد ده احنا هنا برد عادى وتعبانين منه

ربنا يسهلكم اموركم يحببتى


امراه لاتنحنى ...........قصتك غريبه اوى يجميل بس انت من الاول غلطانه اتهورتى ودخلتيها البيت .........الايام دى الدنيا تخوف ومش فى امان خدى بالك والراجل لما بيكون مش موجود الرعب بيزيد احمدى ربنا انه عدى على خيررغم انه موقفك معاها كان مش حلو متزعليش منى لانه من الاول مكنتيش ادتيها فرصه مش تدخليها البيت وبعدين تستندلى ههههههههههههههه

اوعى تزعلى منى انا بكلمك زى اختى بالظبط هههههههههههههومين عالم يمكن كنت عملت زيك

 

[um-hajar]

معلش يا ام هاجر..

هاقوم احسن جوزي سخن وتعبان هاشوفلو خافض للحرارة واعملو حاجة يشربها

سلام بوسي هاجر

ربنا معاك و يشفيهم يارب


نسيت اقولك بخصوص ابني لسه النتيجه بعد شهرين يارب يكون له نصيب

 

[امرأة لن تنحني]

مش تدخليها البيت وبعدين تستندلى ههههههههههههههه

أيوا هي تستندلي دي

ما أنا كنت حاسه إني ندلة جدا بس الموقف كان مريب

والله أنا خوفي على بنتي كان أكتر

يعني بصرف النظر عن ظروفها الغامضة والمخيفة دي أنا خفت اللي في جلدها ده يكون معدي وتنام على حاجة تنقل لبنتي العدوى لما تيجي


طب تفتكري كان المفروض أتصرف إزاي بعد ما شفت الحاجات دي؟

كان المفروض أجمد قلبي و أسيبها تنام عندي؟​

 

[um-hajar]

كلبوزه

ازيك يا جميل وفعلا كلامك صح في واحد قريبي عندكم و كان خاطب واحده لمده سنتين و كان نازل الشهر اللي فات علشان يتزوج و كانوا بيدوروا له علي قاعه افراح لكن من كتر طلبات اهلها و طمعهم الجوازه اتفشكلت تخيلي الاهل دول بعد خطوبه سنتين طبعا لما يلاقي فلبينيه من غير طلبات حد يقدر يقول له لا
ربنا يهدي الاهالي

 

[um-hajar]

امراه لا تنحني

تخيلي كنت فاكره القصه دي من المملكه يعني منقوله مش بتاعتك لكن فعلا اوعي تامني لحد تاني وربنا يبعد عنك


اولاد الحرام و تعالي نعيد هنا سوي ولا تزعلي

 

[كلبوزه هانم]

أيوا هي تستندلي دي​

ما أنا كنت حاسه إني ندلة جدا بس الموقف كان مريب​

والله أنا خوفي على بنتي كان أكتر​

يعني بصرف النظر عن ظروفها الغامضة والمخيفة دي أنا خفت اللي في جلدها ده يكون معدي وتنام على حاجة تنقل لبنتي العدوى لما تيجي​

طب تفتكري كان المفروض أتصرف إزاي بعد ما شفت الحاجات دي؟​

كان المفروض أجمد قلبي و أسيبها تنام عندي؟​

شوفى ياجمررررررررررر انت

انا اصلا جبانه وبترعب :bye1:مكنتش حدخلها البيت من اصله ههههههههههه

وبعدين دى بتشتغلك وهى الى سيبه بيتها بارادتها

صدقينى بجد محتاره برد و كنت حتصعب على :schmoll: بس من دلوقتى احترسى طالما الموضوع فى مخدرات والذى منه :shiny::shiny:

 

[um-hajar]

ونسيت اقلك يا كلبوزه الفليبينيه بتعيش علي الاد يعني مافيش فشخره ولا مظاهر تضيع كل شئ

و نرجع نقول بناتنا احنا اللي عاملين في نفسنا كده

 

[امرأة لن تنحني]

امراه لا تنحني

تخيلي كنت فاكره القصه دي من المملكه يعني منقوله مش بتاعتك لكن فعلا اوعي تامني لحد تاني وربنا يبعد عنك


اولاد الحرام و تعالي نعيد هنا سوي ولا تزعلي

​

هههههههههه ده كان فيلم رعب​

​

​

لما حكتها لصحبتي قالتلي لو حد تاني حكهالي مش هاصدقه

قدر الله وماشاء فعل



أنا جيالك.. قومي إفتحي الباب يلا :a084:

بس قوليلي طابخة إيه النهاردة؟ :c018:​

 

[كلبوزه هانم]

كلبوزه

ازيك يا جميل وفعلا كلامك صح في واحد قريبي عندكم و كان خاطب واحده لمده سنتين و كان نازل الشهر اللي فات علشان يتزوج و كانوا بيدوروا له علي قاعه افراح لكن من كتر طلبات اهلها و طمعهم الجوازه اتفشكلت تخيلي الاهل دول بعد خطوبه سنتين طبعا لما يلاقي فلبينيه من غير طلبات حد يقدر يقول له لا
ربنا يهدي الاهالي

هجورتى

كروان قلبى انا

تصدقى الطمع عامل عمايلو والله يبنتى

حقولك قصه واحده زميله اختى دكتوره جلديه بنت جمالها معقول بس مش فرصه اوى بنت ناس واهلها مستورين

اتقدم لها محامى زى الورد وكان حيموت عليها ومن عيله غنيه وتتصورى اتفشكلت الخطوبه على الف جنيه رغم انه هم مش محتاجين اوى ..............والعريس التانى ......مهندس كان جارنا شافها عندنا وبردو فى الاتفاق اتفشكلت بسبب المهر عايزين مبالغ كبيره والموضوع مش مستحمل

فضلت ترفض اشى شبكه مش حلوة واشى مهر قليل لما فى الاخر اجوزت وهى 36 واحد فوق الخمسين ومطلق وولاده فى الجامعه وياعالم سبته ولا لسه كله بسبب الطمع والمهور

 

[كلبوزه هانم]

ونسيت اقلك يا كلبوزه الفليبينيه بتعيش علي الاد يعني مافيش فشخره ولا مظاهر تضيع كل شئ

و نرجع نقول بناتنا احنا اللي عاملين في نفسنا كده

الفلبينيه بيخطبها بدبله فضه كمان وبتفرح وبتتنطط بيها وبتخدمه وتدلعه

فى رجاله لبنانيين كثير عندنا مجوزين منهم وهايصين معاهم

الا بناتنا عايزة العربيه قبل الشقه والشبكه ب10 الاف ووووو لما خلاص العنوسه زادت جدااااااااااا

 

[um-hajar]

هههههههههه ده كان فيلم رعب​

لما حكتها لصحبتي قالتلي لو حد تاني حكهالي مش هاصدقه​

قدر الله وماشاء فعل​

أنا جيالك.. قومي إفتحي الباب يلا :a084:​

بس قوليلي طابخة إيه النهاردة؟ :c018:​

اطمئني حظك حلو النهارده امبارح كنت عامله لهم فته واولادي بيعتبروها عقاب علشان كده النهارده عملت لهم محشي فتعالي و قلبك جامد هههههههههههههههه هتلاقي اكل بس جيبي معاك وانت

جايه حبه فسيخ بس بدوده يعني ملوحه مشكله هههههههههههههههه

 

[امرأة لن تنحني]

اطمئني حظك حلو النهارده امبارح كنت عامله لهم فته واولادي بيعتبروها عقاب علشان كده النهارده عملت لهم محشي فتعالي و قلبك جامد هههههههههههههههه هتلاقي اكل بس جيبي معاك وانت

جايه حبه فسيخ بس بدوده يعني ملوحه مشكله هههههههههههههههه

محشي

ده أنا حماتي بتموووووت فيا :clap:

وأنا عندي فسيخ والله

كنت عاملة عزومة فسيخ لماما وأختي من يومين ووفضل منه كتير

بس عشان عيون أم هاجر لازم يكون فسيخ طاااااااازة بورقته.. قصدي بملحه :shiny:

​

 

[بنت اسكندرية]

مسااااااااااااااااااااااااء الخيرررررررررررررررر

الحمد لله رب العالمين

كنت مفكرة هرجع الاقي عشروميت صفحة ,,,,بسيطة مش كتير

وحشتوني يامضاريب

كلكم طبعا

وكالعادة المعتادة قريت ومفيش دماغ افتكر

بس لفت نظري

كيك اسفنجي وصنفؤفؤ وتلج وفسيخ ومحشي ,,,,

هرد على المهم

يا امرأة يا ندلة ههههههههههههههههههه
انت ايه اللى عملتيه ده ؟؟؟؟
الظاهر الفسيخ لسع مخك خخخخخخخخخ فيه حد يدخل حد بيته دلوقت ,,,, وعاوزاها تنام عندك كمان ,,, انت مش بتقري حوادث ولا بتسمعي ايه اللى بيحصل
حبيبتي الناس دلوقت بتعمل الخير برضو بس من بعيد لبعيد ,,,, لا تدخلي بيت حد ولا حد يدخل بيتك وخصوصا ان لك ظروف خاصة ,,,,انتبهي على نفسك وعلى بنوتك ,,,حتى لو شغالة بتجيلك احترسي منها ,,,بجد الدنيا تخوف دلوقت

وربنا معاكي

يا بنااااااااااااااااااااااااات
كنت في العيد في مكان خيااااااااااااااااااااااااااال بجد

مش هحكي بالتفاصيل لحد ما اظبط الصور

بس بجد ما كنتش انا وزوجي مستمتعين لاننا كنا تعبانين وانا كنت متبهدلة خالص ,,,ربنا يديم علينا الصحة
والله الانسان من غير صحة ولا يسوى ,,,,كل ده من شوية برد ههههههههههههه بس كان شديد بن شداد

بكرة اشوفكم بالتفصيل الملل لان زوجي مضطر يروح الشغل وهكون فاضيالكم

 

[بنت اسكندرية]

مممممممممممممممممممممممم

انتم روحتوا فين ؟؟

 

[امرأة لن تنحني]

آآآآآآآآآه يا جارتي ياحبيبتي

إضطريت أندل أعمل إيه

بس توبة خلاص أتشملل كده تاني وأدخل بيتي حد ماعرفهوش كويس

خير من بعيد لبعيد كده زي ما قلتي



وسلامتك من البرد ياقمررررر

شفاكم الله وعافاكم

 

[mirou]

كل سنة وانتم طيبين يارب وحشتوني والله وسوري لاني مش قادرة اتواصل معاكم

بحبكم كتيييييييييييييييييييييييير

باي

 

[امرأة لن تنحني]

كلمت دلوقتي الراجل اللي كلمني إمبارح

هو قالي إنه هايوصلها لأخوها فقلت أطمن عليها

خفت أكلمها هي غير لما أعرف إيه حكايتها

المهم قالي إنه وصلها لأخوها مش رضى يدخلها وقاله وديها لأبوها

وداها لأبوها مش رضى يدخلها برضه

رجعها لأخوها تاني دخلها على مضض

سبحان الله... فيه أهل كده :tears:

الراجل بيقولي أهلها مش راضيين يدخلوها بيتهم إنتي دخلتيها بيتك إزاي

قلبي واجعني عشانها أوي

بجد الدنيا دي وحشة

إدعولها ربنا يحنن قلب أهلها عليها ويسامحني لو ظلمتها

إنا لله وإنا إليه راجعون ​

 

[كلبوزه هانم]

كلمت دلوقتي الراجل اللي كلمني إمبارح​

هو قالي إنه هايوصلها لأخوها فقلت أطمن عليها​

خفت أكلمها هي غير لما أعرف إيه حكايتها​

المهم قالي إنه وصلها لأخوها مش رضى يدخلها وقاله وديها لأبوها​

وداها لأبوها مش رضى يدخلها برضه​

رجعها لأخوها تاني دخلها على مضض​

سبحان الله... فيه أهل كده :tears:​

الراجل بيقولي أهلها مش راضيين يدخلوها بيتهم إنتي دخلتيها بيتك إزاي ​

قلبي واجعني عشانها أوي ​

بجد الدنيا دي وحشة​

إدعولها ربنا يحنن قلب أهلها عليها ويسامحني لو ظلمتها​

إنا لله وإنا إليه راجعون ​

امراة مش بتنحنى ههههههههه

بصى ياحببتى ..........البنت دى اكيد وراها حاجه :shutup: واهلها مش بيعملوا كده من فراغ يبنتى ليه مفكرتيش كده؟؟؟؟؟؟؟؟؟؟؟؟؟؟

وهم باى لو ظلمنها ربنا حينتقم منهم وفعلا محدش يعرف اسرار البيوت
وبصراحه مش عارفه اقولك ايه لانى محتاره زيك

 

[كلبوزه هانم]

مسااااااااااااااااااااااااء الخيرررررررررررررررر

الحمد لله رب العالمين

كنت مفكرة هرجع الاقي عشروميت صفحة ,,,,بسيطة مش كتير

وحشتوني يامضاريب

كلكم طبعا

وكالعادة المعتادة قريت ومفيش دماغ افتكر

بس لفت نظري

كيك اسفنجي وصنفؤفؤ وتلج وفسيخ ومحشي ,,,,

هرد على المهم

يا امرأة يا ندلة ههههههههههههههههههه
انت ايه اللى عملتيه ده ؟؟؟؟
الظاهر الفسيخ لسع مخك خخخخخخخخخ فيه حد يدخل حد بيته دلوقت ,,,, وعاوزاها تنام عندك كمان ,,, انت مش بتقري حوادث ولا بتسمعي ايه اللى بيحصل
حبيبتي الناس دلوقت بتعمل الخير برضو بس من بعيد لبعيد ,,,, لا تدخلي بيت حد ولا حد يدخل بيتك وخصوصا ان لك ظروف خاصة ,,,,انتبهي على نفسك وعلى بنوتك ,,,حتى لو شغالة بتجيلك احترسي منها ,,,بجد الدنيا تخوف دلوقت

وربنا معاكي

يا بنااااااااااااااااااااااااات
كنت في العيد في مكان خيااااااااااااااااااااااااااال بجد

مش هحكي بالتفاصيل لحد ما اظبط الصور

بس بجد ما كنتش انا وزوجي مستمتعين لاننا كنا تعبانين وانا كنت متبهدلة خالص ,,,ربنا يديم علينا الصحة
والله الانسان من غير صحة ولا يسوى ,,,,كل ده من شوية برد ههههههههههههه بس كان شديد بن شداد

بكرة اشوفكم بالتفصيل الملل لان زوجي مضطر يروح الشغل وهكون فاضيالكم

هالووووووووووو بنوته :icon26::icon26::icon26:

ربنا يتم شفاءكم على خير يارب



ميروووووو

وحشانى يطعمه اخبار الجزائر ايه على حسك