سويت كل شيء واللحين ابي الطلاق ...

[stars22]

http://www.niswh.com/vb/showthread.php?t=278965

تعمقي في فهم شخصيه زوجك لتنعمي بالرضا بحياتك معه​

 

[ناتاليا]

اذا انتي تبين الشي قولي عكسه والطلاق مو حل عيشي حياتك يعني اذا انتي تبين شمال قولي له يمين عشان يسوي لك شمال الله يهدي سرك

 

[وجه الخير 2010]

عن ثوبان رضي الله عنه مرفوعا: " أيما امرأة سألت زوجها الطلاق من غير ما بأس فحرام عليها رائحة الجنة
اختي انا لا ارى ان سبب طلبك للطلاق سبب عظيم
اختلاف وجهات النظر لا يفسد للود قضية
بعدين انتي شكلك مالك فترة متزوجة يعني كل اللي يصير عاااااااااادي
احس يبغالكم جلسة تفااااااهم
لا تتسرعي تري مو كل البيوت مبنية ع الحب
اسال الله العلي العظيم ان يالف بين قلوبكم ويهديكم ويسخركم لبعض
​

 

[أم سدين]

لا تعذبين نفسك وتكونيين طيبه ما دام مو مقصره في اي شئ اللي لك اطلبيه وانتي متأكده ان هذا الشئ واجب انك تسوينه زي صله الرحم اللي هم اهلك لازم وكوني جاده وعازمه على القرار .انا كل شئ الا اهلي تطلعلي قرون لو قال لا ما تروحين او ما له داعي تشتعل نار في البيت ذحين خلاص اي شئ لاهلي الحمد لله ما يقدر يقول لا .زي ما يحب لاهله لازم يحب لاهلي.

 

[حبيب قلبي123]

انتي ادرى اذا تقدري تكملي معاه او لا
بس حاولي معاه ونصيحه مافيه لاتطلبي الطلاق
والله يوفقك

 

[noodah]

صباح الخير ..
اخواتي انا حاولت معه بكل الطرق يعني تعاملت معه بالاسلوب في مجلة الشمالي الشرقي والى الان تعاملي كذا بس والله مافيه فايده صحيح انه يمووووووووووووووووت فيني ومايصبر مني وعلى قولته حياتي معاك انتي بس وبدونك مااسوى شيء ولو تركتيني بقعد عشرين سنه احاول فيك وبعد العشرين بقعد اضمد جروحي وانا اتذكرك ......................................................
فيه مرة غلط علي وقال طالعي شكلك مثل الشغالة عشاني كنت مجعده شعري واهلي كانوا عندي وكنت طالعه اخذ الأغراض منه وكنت مبسوطه يعني ماكنت مزعلته ولا شيء ناظرت فيه وسكت لما راحوا اهلي ناديته وتكلمت معه عصصصصصصصصصصصصصصصصب وانتي وانتي وانتي وايوة شكلك مثل الشغاله قلت له خلاص ودني بيت اهلي عصب ودفني عند الباب وطلع لاستراحته رجع لي اخر الليل وانا منهاره واتفقنا يوديني لأهلي واليوم الثاني جاني منزل راسه ويترجا ويحاول واعطيني فرصه ثانية وسامحته بعد نقاش طويل وتوضيح حقائق وماكملت اسبوع الا راجع طبعه الأول ...
يعني مانفع معاه التهديد بالطلاق واني اتركه وانا بوقتها كنت جاده اني اتطلق .....
اشكر اخواتي اللي ردوا علي بس كل اللي قلتوا وكتبتوا سويته لدرجة اني الآن صرت ماابي اسوي شيء يعني طاقتي صفررررررررررر ..
خلاص احس حياتي معه انتهت ...

 

[حلااميرة الزوق]

حبيببتى اسبابك للطلاق ليس مقنعة اى نعم ضميرك غير مرتاح ولاكن طنشى ياقلبى الرجل مايقدريستغنى عنك ةنهاين اعملى على التطنيش وتغيرى فى اسلوب تعاملك والله المستعان

 

[غرشوب رعبوب]

يا خواتي افهمو الاخت ترا والله الحاله النفسيه والتحطيم المستمر يقصر العمر !!! ان ماالومها كلنا ننشد الموده والرحمه والراحه النفسيه نقدر نعيش بدون كماليات بدون كلام حلو بدون ورود ولكن مانقدر نعيش تحت ضغط نفسي 24 ساعه !!!!

انا حاسه فيك ولما اقرا كلامك احس دمي يفور واني بنفجر من تصرفاته بس ياعمري مافي شي مستحيل على الله اولا ثم على اللي يبغي يصنع المستحيل !!!

فهمتي يعني اعطي نفسك فرصه اخيره وعطيه فرصه اخيره حاولي للمره الالف ادري حاولتي قبل بس اكيد في حلقه مفقوده ومحاوله اخيره

ارفعي زوجك لمستواك وانزلي انتي له هو حاس بالنقص يعني كل هالميزات فيك اكيد بيغار في رجال مايحبون حريمهم احسن منهم ولما مجرد مايحس بهالشي يقعد يحطم فيها ويهمشها ويحاول يفرض سيطرته الكامله عليها عشان لا تطلع من نطاقه وحدوده ولا تسوي لها كيان مستقل فيها وكل هذا مو كره تاكدي مليون بالميه زوجك يحبك ولكن ترجمته للحب مختلفه حسب شخصيته

تصدقين ذكرتيني بزوجي كان لما يغار علي يصير دفش وممكن يدزني او يسخر من شكلي وكان لما اكشخ وشكلي يكون حلو او اسوي تغيير بتسريحة شعري او مكياجي اول مايشوفني يضحك بوجهي على طول ازعل واروح اغسل وجهي وشعري وهو يقعد يعتذر انه مو قصده وشكلي ماكان يضحك بس هو ردت فعله كذا

بعدين فهمت شخصيته وارتحت صرت اسوي كل شي لي انا عشاني انا اول شي بعدين عشان الفت انتباهه ولو علق مايهمني واقوله انا عاجبني وكل من شافني مدح بشكلي والناس اذواق !! ومتاكده ميه بالميه انه يشوفني روعه وحلوه بس من غيرته علي خايف يمدحني واشوف نفسي عليه فيحطمني !!!

اختي زوجك بحاجه مو للسكوت لما يبدا يحطم فيك لا بحاجه انك تردين عليه او تعطينه نظره وحده عميقه فيه كل معاني اللامبالاه والتطنيش !! يعني انا كذا ورايك مايهمني واذا كثر نقاش واحتد اكثر اسكتي وردي عليه مثل ماتسوين كلمتين ورد غطاهم وخلاص مره ورا مره راح يمل ويبطل هالحركات

ومثل ماقلتلج امدحيه كيلي عليه من هالمدح عشان لا يحس نفسه اقل منك وساعات خلي نفسك غبيه وتسالينه عن شي هو يفهم فيه وقوليله تصدق اول مره اعرف هالشي شكرا لانك علمتني خليه يحس بشوية نشوه وانه مو اقل منك ويفهم مثلك وعليك بالكلام الحلو والمسايس وبعد شاركيه اهتماماته وهواياته او ناقشيه بشي تسوينه وخذي رايه

شوفي انتي مو خسرانه كثر اللي خسرتيه ولو صبرتي على قولتك لاخر ترم دراسي حاولي بهالفترة محاولة اخيره اذا على النكد والتحطيم خلاص تعودتي ومو مطوله وبترتاحين وعطيه تلميح انك خلاص مليتي هالمعامله وتبين تعيشين سعيده معاه وانك تستحقين تعيشين سعيده مو بنكد وانك ترفضين هالحياة وتبينه معاك والا راح تواصلين بدونه خليه يعيد حساباته ويخاف من فقدانك

لا تتكلمين عن الناس وعن مدحهم لك امامه ولا تتكلمين عن انجازاتك قدامه وترا على فكره شخصية زوجك ماتحب الزوجه المهمشه واللي مالها دور بالحياة ولو صرتي ربت بيت وبسسسسسسس ومالك اي شخصيه راح يمل منك ويتركك !!! زوجك معجب بشخصيتك بس خايف تشوفين نفسك عليه ويفقدك خليه يحس بالامان ترا هو اللحين نفس الام اللي تخاف على عيالها فتقسو عليهم مو كره فيهم ولكن من زود المحبه ما سمعتي عن الام الدبه اللي من كثر ماخافت على عيالها حضنتهم لين اختنقو وماتو !! هل هي تقصد تخنقهم وتموتهم ؟؟ اكيد لا !! ولكن من كثر حرصها وخوفها عليهم حضنتهم لين خنقتهم وماتو !!

زوجك مو سيء ولكنه مو كامل وكلنا لنا عيوب ولكن بالتوكل على الله راح تلقين حل وترتاحين

 

[ام لموووو]

اعرفي نمط زوجك وبترتاحي يعني هل هو شمالي او جنوبي او او -واذا عرفتي صدقيني بيكون زي الخاتم بصبعك

 

[ملكة زوجي وبنتي]

اه اه اه اه يانودا
حسيتك مستلفة زوجي مني وكاعدة تتكلمين عليه نفس الطبع بالضبط
يستعمل معاي التحطيم النفسي
والله اني تعبت وصابرة عشان بنتي
بس والله حرام اعيش عمري كله كذا
قهر وعدم تفاهم يعني انا وياه على النقيض
وهذا انا وياه ماخذين بعض عن حب وكسر الدنيا عشان بس اهلي يوافقون فيه
والحين احس اني صارلي 80 سنه متزوجة
وانا ماصارلي غير 3 سنين و6 اشهر
تعبت ومليت حتى شكلي بان عليه الكبر مع اني صغيرة وهو دايم طافش من البيت
وهذا شي يريحني لان لما يكون في الببت يقعد يحرك بأعصابي
ويسمعنيي كلام انا في غنى عنه
ومره كالها لي انا احبك وانتي تحبني
بس مافي تفااهم بينه
والله كل مرة يغلط يكعد يترجه ويطلب السماح وما يطول يومين وترجع حليمه العادتها القديمه ولا كأن في شي او حكينا شي
اه اه اه ياربي
موعارفة شنو اسوي وكمان حرام يمر عمرنا كذا تعاسة
ياناس تعيــــــــــــــسة مرة
​

 

[noodah]

اهلين فيكم

اختي غرشوب رعبوب مررررررررة شكرا على كلامك وانك فهمتي ان النفسية هي اللي تصنع الحياة يعني لو نفسيتي مرتاحه والله ماهمني اي شيء ثاني وبقدر عليه مع الومن لكن لما تكون النفسية تعبااااااااااااااااااااااااااااااااااااااااااانه ماعاد يكون فيني حيل اواجه اي شيء ثاني ابداااااااا ..
على قولتك انا معطية نفسي فرصة التفكير والمحاولة لحد مايخلص ترمي والله يكتب اللي فيه الخير ..


اختي ملكة زوجي وبنتي ربنا يعينك ويعيني بس قهر مانستاهل حياة مريحة ؟ او بالأحرى طبيعية ؟
واللي يرفع الضغط اني لما احكي لأحد يقول مايسوى عادي تعودي ........... نفسي اقوله تخيل نفسك حجر وفيه احد يدقك بالمطرقة عالخفيف مرتين بس يوميا لمدة 3 سنوات على الأقل <<<< ابصم لك ماراح تبقى حجر ,, راح تصير قطع صغيرة من الحجر او تراااااااااااااااااااااااااااااااااااااااب .....

ربي اليك ملاذي وشكواي فيسر لي الخير اينما كان فكرمك يغنيني عن كرم عبييدك ومرضاتك تغنيني عن مرضاة خليقتك .. فوجهني للحق والصواي ياإلهي ...............................

 

[سعادتي في طاعتي]

تبين الصراحه اختي معدددددد فيه رجااال وربي معد فيه كلهم خمممممم

 

[دونات2009]

نصيحه واحده فقط..
لاتقدمين على هالخطوه الا بعد استخاره ,,, استخيري يوميا بعد كل صلاة الى 22-9 وربي بيكتب لك الخير ومابتندمي ومابتخيبي

 

[ღ لحن الحياة ღ]

عزيزتي سنوات زواجك ليست كفاية لتغيير زوجك

مالي أرى بنات هذا الجيل بعيدات كل البعد عن الصبر والتحمل !!!!!!

أصبري أصبري واعلمي انك ستهربين من زوجك لرجل مثله تماما

فالرجال الشرقيين اغلبهم كزوجك فلا تحاولي ان تقنعي نفسك باستحالة عيشك معه

إذا كان يحطمك أو يستفزك طنشيه بكل ثقه وابتسمي فقط ومع الايام لن يجد شيء يستفزك وسينتهي عما هو عليه

أستشارتني أخت في الله وهي تقريبا كمعاناتك ونصحتها بالتطنيش والصبر فقط وعدم التعالي على الزوج

لان الزوج عندما يحس بان زوجته متعاليه عليه بمستواها الثقافي او غير ذلك يحاول ان يكسر تعاليها

والله لم تلبث اشهر الا وقد تغير زوجها 180 درجـة

أختي اخاف ينطبق عليك حديث النبي عليه الصلاة والسلام

( من طلبت الطلاق من زوجها من غير باس لن تجد رائحة الجنـة )

ولم أرى أي سبب قوي ( كالزنا او شرب الخمر او او الضرب ,,, ) هذه الامور التي لا تصبر عليها الزوجة

وغير ذلك باستطااااعتك تغييييره ,,, ولكن إبدأي بنفسك أولا ,, أعرفي شخصية زوجك لكي تعرفي الزوجة التي يتمناها

وكوني هي ,,

بالتوفيق ​

 

[العنقاء]

بصرااااحه انا معاج اهم شي النفسيه والتفاااااهم انا مثلج ومتزوجه من سنتين ونص ومن اول الاشهر وانا افكر بالطلاق لم ارتاح مع زوجي ، وزعلت اكثر من مره ورحت بيت اهلي وحياتي مع زوجي احسها لاتطاق ودايما اردد اني مااقدر اعيش مع زوجي للابد وطلبت منه الطلاق اكثر من مره وارسلت رسايل اخبره اني مب مرتاحه معااه وقررت الطلاق واستخرت وكل يوم اسخير وانا من اكثر من شهرين في بيت اهلي وطلبت ورقتي وهو خلاص سكت ماطلق ولا حاول يصلح وانا اتمنى اطلق منه وكرهت حياتي معاه بس الخيره في مااختاره الله الله يكتب لي ولج الخيره

 

[اللهم ازل همي]

ريحي نفسك حطي اذن من طين واذن من عجين اذا ركزتي على كل كلمة راح تموتين ناقصة عمر لكن
ابسطي نفسك عشان نفسك
خليه يحطم اللين يشبع المهم انك راضية بقضاء الله وقدرة لما ينتقدك في شي ابتسمي وحطيها في بالك وحاولي تغيريها مع الاستمار راح تتعودين
وانتي قاعدة له عل الوحدة قال سوى راح جاء انشغلي عنه باي شي حتى لو بكتاب

 

[ام ديما وبس]

للرفع

 

[هديل001]

كلام عين العقل

 

[هديل001]

مع الاخت يارب ارزقها طفل فكري في كلامها ياقلبي والله عين العقل​

 

[ليلى12]

انا اوؤيد كلام أختي غرشوب رعبوب كاني ماغلطت باسمها

الله يوفقك وعليك بالكثييييييييير من الصبر